|
|
|
|
|
|
|
|
|
|
Lun 1 a viz Kerzu, niv.216 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Restos du coeur: boulc'het ar c'houlzad nevez |
|
|
|
Evit gouzout hiroc'h: |
|
|
|
|
|
Hiziv e vo kroget ar
c'houlzad goañv nevez gant ar rouedad "Les Restos du coeur" er
C'hwec'hkorn. Ar 24vet eo hini 2008-2009. Kinnig a ra ar c’hreizennoù-se
predoù d'ar re baour, d’an dud dido, d’an dud dilabour tost-echu
o digolloù, koulz ha d’al labourerien baour. Warlene e oa bet roet 91
milion a bredoù gant 51500 den a-youl vat ar "Restos du coeur".
E-tro 700000 den zo bet degemeret ganto. Pa oa bet savet ar Restos du coeur
gant Coluche, e oa bet roet 8,5 milion a bredoù e-kerzh ar c'houlzad kentañ
er goañv 1985-86. Gant an enkadenn ekonomikel en he gwashañ (evit ar poent) eo
nec'het-tre aozerien ar c'houlzad. Hervez an departamantoù, ez eus etre 5% ha
30% a dud ouzhpenn enskrivet er "Restos du coeur" eme an aozerien,
en o zouez muioc'h-mui a dud kozh ha tud diwar ar maez, ar pezh na veze ket
gwelet kement-se betek-henn.
|
|
|
|
|
|
Kenwerzh ar c'hoadeier |
|
|
|
Burutellet e vez kement-se
gant kevredigezhioù ekologourien. Da skouer, evit Les Amis de la Terre, ez
eus kalzik poentoù fall gant se: tizhet e vefe an aozadur gant distabilded ar
marc'hadoù arc'hantel, keit ha ma paefent e c'hellfe ar broioù pinvidik
kenderc'hel da zigoadañ, hag e teufe ar c'hoadeier da vezañ gwelet evel ur
vammenn arc'hant gant ar broioù paour, gant an holl gudennoù a savfe da heul.
Hervez ar gevredigezh e vefe gwelloc'h sevel un tailh war an treuzdougen,
tailh hag a vefe restaolet d'an tachennoù bihan evit gwareziñ ar c'hoadoù ha
liesseurted ar boudoù-bev. M.M.
|
|
|
|
|
|
Emañ ar gouarnamantoù o
prientiñ emglevioù Kopenhagen, a gendalc'ho reoù Kyoto diwar-benn ar gazoù un
efed-gor ganto. Emvodoù a vo e Poznan, e Polonia, e miz Kerzu evit-se. Unan
eus poentoù pennañ Kendalc'h Kopenhagen a vo kaozeal diwar-benn ar c'hoadeier
: er memes mod hag an eztaoladennoù CO2 e vefe savet un aozadur evit gallout lakaat
un dalvoudegezh arc'hantel war gwarez ar c'hoadeier, gant tailhoù da baeañ
evit ar broioù na rafent ket a-walc'h, ha "tiriadoù koadek" hag a
c’hallfe bezañ adprenet gant ur vro digant unan all.
|
|
|
|
|
|
Gwiskamantoù ar mojennoù |
|
|
|
Evit
gouzout hiroc'h: |
|
|
|
|
|
Etre an 2 a viz Kerzu 2008 hag an 3 a viz Genver
2009 e vo kinniget e Mediaoueg Kastell-Briant un dastumad gwiskamantoù bet
treset ha sevenet gant Sylvie Palou. Un gomedianez hag arzourez eus
Roc'h-an-Argoed eo hi, sot gant ar Grennamzer hag an danvez dilhad. "Tudennoù
marzhus, kontadennoù ha boudiged Nedeleg" eo anv an dastumad 40
gwiskamant a vo kinniget e Mediaoueg Kastell-Briant. Eno ez eus bet staliet
c'hwec'h "leurenn" un tem gant pep hini anezho. Tudennoù mojenn an
Daol-grenn koulz ha mojennoù klasel all (Gwenn-Erc'h, Luduennig...) a vo tu
da welet. Tu a vo da gaozeal gant an arzourez war ar plas, d'ar Yaou 4,
Sadorn 13, Yaou 18 ha Sadorn 27
|
|
|
|
|
|
Un nozvezh vrav evit Stad Roazhon |
|
|
|
|
|
|
|
|
|
Devezh dec'h e Kevre 1 Mell-droad Frañs a oa
heuliet a-dost. Lyon zo bepred er c'hentañ plas, uhel a-us d'ar re all.
Dindanañ, e oa, a-raok dec'h, Niça ha Marsilha. Ne oa ket Niça evit c'hoari
dec'h ha Marsilha zo bet trec'het gant Tolosa. War ar roll e teue war-lerc'h...
Roazhon ha Pariz Saint-Germain. Memes niver a boentoù ganto. Dec'h p'eo bet
graet an taol-kregiñ, e oa pep hini o c'houlenn gantañ e-unan: piv, etre
Roazhon ha Pariz a c'hounezo an eil plas goude Lyon? Daoust d'ar gwask a oa,
pe abalamour dezhañ, n'eus bet nemet ur pal bet merket. E-pad ur pennadig mat
a amzer n'o deus ket c'hoarierien Raozhon seblantet bezañ gwall dagus. Tud
Pariz er c'hontrol a oa muioc'h a startijenn enno. Klasket en deus Mikaël Pagis
cheñch penn d'ar vazh d'ar 25vet min., met c'hwitet, paouezet e oa bet ar
vell gant Mikaël Landreau, e-barzh palioù ar PSG. Goude un hanter-eurvezh
c'hoari, en deus ranket Stad Roazhon lezel Stéphane M'Bia da vont, gloazet.
Bruno Cheyrou en deus kemeret e blas, hag eñ an hini eo a roio e liv d'ar
c'hrogad. D'ar 45vet min., e tennas Cheyrou gant ar vell da 30 metrad eus
palioù Landreau... Ha setu aet ar poent gant paotred Roazhon. Birvilh zo bet
betek penn diwezhañ ar c'hrogad. Bepred ken tagus e oa c'hoarierien ar PSG
evit klask adtapout ar poent-se. Met e-tal dezho e oa Roazhoniz gant un
difenn aozet mat-tre, en o zouez Nicolas Douchez, adtapet ar vell gantañ
dirak palioù Roazhon pa oa e-unan-penn e-tal da Guillaume Hoarau (81vet min.).
|
|
|
|
|
|
|
J'irai dormir à Hollywood |
|
|
|
Frañs
– 2007 Senario
ha seveniñ : Antoine de Maximy
Ur c’harned beaj filmet eo an abadenn-mañ.
Gant daou viz ruchoù e tle bezañ danvez a-walc’h da sevel ur film
disheñvel-mik met roet e vez ar plas a enor d’an dud a-raok pep tra. Dre
santadoù a bep seurt e tremener asambles gant ar sevener. Keuz a
c’heller kaout ne vefe ket soutiloc’h a-wechoù an dibaboù frammañ
(dreistislinennet betek re eo a-frapadoù) met ne c’heller ket rebech
d’ar sevener derc’hel d’e bal ha kredet en deus kemer
riskloù (bihan?) d’en ober. Deoc’h da welet bremañ ma seveno
Antoine e glaoustre met un dra zo sur: ha pa ne zeufe ket a-benn da gousket e
ti ur star en do kousket memes tra e kambr ar stered, ar pezh a c’hell
bezañ talvoudusoc’h a-benn ar fin. Meriadeg Vallerie |
|
|
|
|
|
|
|
Lammat a ra Antoine de Maximy eus ur
c’harr-nij a-us da aodoù reter ar Stadoù-Unanet. War-bouez e
sac’h beaj n’eus gantañ nemet e vinvioù filmañ ha tamm skipailh
ebet evit e heuliañ. Treuziñ ar vro eus New-York da Hollywood eo e raktres. Daou
viz en deus evit ober anaoudegezh gant ar gwir Stadunaniz ha dont a-benn
d’e glaoustre: kousket e ti ur star.
|
|
|
|
|
|
The Jesus and Mary Chain – |
|
|
|
Kenkoulz lavaret ne vo ket
tu da brofañ hemañ d’ho mamm-gozh. Gwelloc’h mirout anezhañ evit
tud yaouank. The Jesus and Mary Chain, ur seurt mojenn e bed ar sonerezh amplaet:
savet gant daou vreur boas d’en em gannañ war al leurenn, pe da guitaat
anezhi e-kreiz o abadennoù. A-fet sonerezh: gwiskadoù gitar stank, luskoù
elektronek. Setu krouet an doare shoegaze ganto. Peder fladenn a zo bet
ezhomm memes tra a-benn reiñ un tanva eus bloavezhioù kentañ (eus Psychocandy
da vMunki) ar strollad: en holl neuze 81 ganaouenn, tuioù B ar pladennoù
single, kanaouenn doare "demo" (Coast to Coast, Dirty
Water, Kill Surf City) , peadra da zizoleiñ ar strollad
en-dro pe d’e zizoloeiñ evit ar wech kentañ. Ma’z eo re start
kregiñ gant ar pladennoù kentañ e vo aesoc’h deoc’h kregiñ gant
ar pevare hini, tonioù enrollet hep re a dredan a glever warni. Ouzhpenn ar 4 fladenn e
kaver ivez ul levr er c’houfrig, ennañ skeudennoù puilh ha peadra da
lenn. R.M. Embannet gant Rhino Records Muioc’h a Jesus and
Mary Chain : |
|
|
|
|
|
Gant Nedeleg o tostaat eo
poent teurel ur sell ouzh ar c’houfrigoù a vo brav da lakaat dindan ar
wezenn-sapr a-benn fin ar miz.
|
|
|
|
|
|
Kig-bevin krazet gant karotez |
|
|
|
Troc’hit
ar c’hig a-dammoù bras. Degasit d'ar berv 1 litrad dour gant ar soubilh
kig-leue dizouret. Lakait a-gostez. Dibluskit ha troc'hit a-ruilhennoù ar
c’harotez. Tommit an
eoul en ur gokellenn. Ouzhpennit an tammoù kig da veleniñ ha diskargit ar
banne bier. Degasit d'ar berv ha lezit da yostañ. Ouzhpennit
an tammoù karotez, ar perisilh hag ar jenevra. Dourennit gant ar soubilh
kig-leue, pebrit hag holennit ha lezit da gudaouiñ 3 eurvezh war dan bihan.
Servijit tomm. Mari Lubrano Lennit Bremañ
miz Kerzu!
Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Brezel padus Kongo, heuliad ar rummad pennadoù
diwar-benn Sina, emgav rannvroioù ar Bed e Sant-Maloù diwar-benn kemm an hin,
stourm tud Plourae a-enep ur raktres toull-lastez... Anv zo eus an holl
draoù-se ha traoù all c'hoazh e-barzh niverenn Bremañ Kerzu 2008.