|
|
|
|
|
|
|
|
|
|
Lun 8 a viz Kerzu,
niv.217 Pellgargit
ar pennadoù e stumm Word Evit resev
kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Reuz e Bro-C'hres |
|
|
|
|
|
|
|
|
|
Emgannoù feuls zo bet etre
manifesterien ha poliserien disadorn da noz ha disul, e Bro-C'hres. An
abeg a oa marv ur paotr yaouank e-tro 16 vloaz, bet lazhet gant
tennoù ur poliser e karter Exarchia, en Aten,
kêr-benn Gres. O skeiñ maen ha traoù
all war karr daou boliser e oa ar paotr yaouank, asambles gant un
tregont den all. Unan eus an daou boliser en deus tennet gant e
bistolenn war-du an dud yaouank ha lazhet unan anezho. Buan ez eus bet
kelaouet a bep seurt tud, ha manifestadegoù zo bet disul en
Aten (5000 den), hag e Tessalonik (2000) ivez. Stalioù,
kirri ha poubelennoù zo bet devet, ha gloazet c'hwec'h
manifester ha 24 foliser, hervez an ajañsoù
keleier. An degouezh skrijus-se zo c'hoarvezet p'emañ
enebourien a-gleiz gouarnamant a-zehou Costast Caramanlis
oc’h aozañ er mare-mañ
harzoù-labour ha manifestadegoù a-enep d'e
bolitikerezh. Galvet e oa bet pell zo d'un harz-labour meur 24 eurvezh
gant Strollad Komunour Gres a-benn dimerc'her. Abaoe darvoud disadorn o
deus studierien ha kelennerien skolioù-meur Aten ha
Tessalonik harzet gant o oberoù. Ar poliser bet lazhet
gantañ ar c'hrennard hag e genseurt zo bet tamallet ha
toullbac'het, da c'hortoz disoc'h an enklask.
|
|
|
|
|
|
Saotret
eo ar mor gant... an trouz! |
|
|
|
M.M.
|
|
|
|
|
|
Anavezout
a reer kalzik saotradurioù a dizh ar morioù:
danvezioù sintetek, pesketaerezh re fonnus,
stokadennoù ouzh ar bigi, kemmoù an hin, seier
plastik, hag all. Met ar pezh ne ouzer ket eo e vez ivez saotret ar mor
gant an trouz. Ul lodenn vras eus al loened o vevañ eno,
morviled evel ar balumed, an delfined, pe ar morhoc'hed da skouer, a
implij an trouzioù evit kavout o hent ha lec'hiañ
boued pe preizherien. Met bremañ e ra
obererezhioù mab-den kement a drouzioù er mor ma
vez diaes dezho implijout an hentenn-se. Kresk niver ar bigi ha galloud
o c'hefluskerioù, hag implij teknologiezhioù an
arme eo ar poentoù brasañ. Ar sonar gant
frekañsoù izel da skouer, en deus un efed drastus
war al loened: dre ma kollont o hent e vezont kaset da vervel war an
aodoù, pe neuze o devez kudennoù gant ar gwask a
cheñch e-keñver an donder. Ouzhpenn 200 decibel a
c'hell bezañ kaset gant ur sonar! IFAW, ur gevredigezh
etrebroadel, he deus embannet un danevell war an danvez-mañ
ar sizhun dremenet, dre ma 'z eus bet dalc'het an 9vet Prezegenn war ar
Spesadoù Kantreat. Diskouezet he deus al liamm a oa etre
taolioù-esae an arme hag ar c'horfoù loened marv
adkavet war an aodoù da c'houde.
|
|
|
|
|
|
Lidet
ar roue Alan Veur e Kistreberzh |
|
|
|
Evit gouzout hiroc'h: |
|
|
|
|
|
Etre an 10 hag ar 14 a viz Kerzu e vo kinniget
lidoù a bep seurt e koun Alan Veur, bet roue ar Vretoned
etre 890 ha 907. Trec'h e oa bet war ar Vikinged/Normaned en Emgann
Kistreberzh, e 890. Dimerc'her e vo boulc'het al lidoù gant
un abadenn evit ar vugale e mediaoueg Kistreberzh, da 4 g.k., gant
Sylvain Omnes. Prezegennoù a vo kinniget d'ar Gwener 12, e
Sal Alan Veur, gant Philippe Argouarc'h (rener Agence bretagne Presse)
ha Fulup Lanoe, lusker Ti an Istor. D'ar Sadorn 13 e vo tu da selaou
laz-kanañ Boueh Santez-Anna e Chapel Sant-Mikael. Un devezh
leun a vo hini ar Sul 14, gant ur valeadenn displeget war
tachennoù an emgann, e Kistreberzh. Da greisteiz e vo ul lid
dirak maen-koun Alan Veur war plasenn an Ti-kêr. Etre 5e ha
6e30 e vo ur sonadeg bombard, ograou ha laz-kanañ, heuliet
gant "Krouidigezh Alan Veur" en Iliz Sant-Pêr.
|
|
|
|
|
|
Ar
Ganaried trec'h war Lyon |
|
|
|
|
|
|
|
|
|
Disadorn eo deuet a-benn, a-benn ar fin, ar
Ganaried da seveniñ krogad skedusañ o bloavezh.
Evel boaz abaoe ur pennad bremañ, emañ skipailh
an OL e penn uhelañ Kevre 1 mell-droad Frañs.
Evit poent ne oa ket bet nec'het Lyon gant ar skipailhoù
bihan, ha dre ziv wech hepken int bet trec'het, gant
skipailhoù bras (PSG ha Roazhon). Ne oa ket an trec'h ur pal
anat evit Naonediz (16vet), daoust dezho bezañ gounezet
fiziañs enno o-unan en-dro goude ar c'hrogad gant an
Havr-Nevez (2-0). Boulc'het e oa bet krogad disadorn er Beaujoire en
doare kustum, gant tud Lyon war evezh, met sur diouto. Lakaet ur pal
ganto un tamm a-raok an ehan gant Frédérique
Piquionne (43'). Met ar pezh na oa ket evel kustum a oa
dibaboù ar gourdoner Elie Baup. Digustum evel anv an
Naonedad a lako an div vell 'barzh palioù Lyon: Ivan
Klasnic. Erruet war an dachenn da 59' e verkas e bal kentañ
da 60'! Ha d'an 88 min. e sevenas an ten-digoll a roas tro d'ar
Ganaried da c'hounit. Sed aze Naonediz tapet lañs ganto, ha
prest da daliñ ouzh Roazhoniz er sizhun a zeu!
|
|
|
|
|
|
|
Le
Transporteur III |
|
|
|
Frañs
– 2008 Seveniñ
: Olivier Megaton
Komprenet
ho peus, un tamm mat truezus eo live senario ar film-mañ.
Ral a wech em eus bet tro da arvestiñ un abadenn ken treut
he steuñvenn. Arabat klask kavout talvoudegezh ebet e red an
istor e gwirionez: an tudennoù a sav goulennoù a
vez plantet ur boled en o zal (ar pezh zo mennozh fentusañ
ar film en ur mod: sklaer ar jeu evel-se). Met petra reoc‘h,
n’eus ket tu da c’hortoz gwelloc’h digant
un senarioour pemp bloaz o c’hoari gant e girri bihan, Luc
Besson e anv. Ar re a fell dezho gwelet un abadenn gant
emgannoù e-leizh, redadegoù kirri a-hed an amzer
hag ur goantenn bennak evit kinklañ en ur c’horn a
c’hello mont di disoursi. Ar re a fell dezho gwelet un
abadenn na vefe ket toull penn-da-benn a ranko dibab ur film gant
nebeutoc’h a destosteron ennañ avat. Meriadeg Vallerie Kement ha gouzout hiroc’h : |
|
|
|
|
|
|
|
Tra m’emañ Frank
|
|
|
|
|
|
2008,
ur bloavezh leun a sonerezh |
|
|
|
 Setu:
gant fin ar bloaz o tostaat e krog ar gazetennerien da ginnig deomp pladennoù
gwellañ 2008 (hervezo). Hor best of deomp-ni a ginnigimp
ivez, da c’hortoz e c’haller bepred teurel ur sell
ouzh ar pezh en deus plijet d’ar re all. Evit ar re
n’o deus ket prenet profoù Nedeleg
c’hoazh e c’hallfent ivez kaout un nebeud
mennozhioù.Hervez
kazetennerien ar gelaouenn vreizhveuriat Uncut ez
eo bet pladenn Fleet Foxes hini wellañ ar bloaz. En eil renk
emañ war listenn Q, ur gelaouenn
vreizhveuriat all. Gant kazetennerien Q just
a-walc’h eo bet lakaet Only by the Night
(Kings of Leon, ur pennad a zo bet amañ)
da bladenn wellañ ar bloaz. Plaset mat ivez The
Raconteurs (9vet plas gant Q, 6vet plas
gant Uncut) ha Glasvegas (ur
pennad diwar o fenn a
vo amañ a-benn fin ar bloaz). Plijet eo bet ivez ar
gazetennerien gant pladenn ziwezhañ Metallica
(25vet hag 50vet). Ma, posupl eo, n’omp ket gouest da
lavarout: n’eo ket ar pezh a selaouomp. Er
rolloù best of 2008 e kaver ivez meur a bladenn bet savet ur
pennad diwar o fenn amañ: REM (Accelerate)
(skeudenn), Goldfrapp
(Seventh Tree), Portishead
(Third) pe c’hoazh MGMT
(Oracular Spectacular). Iskis
memestra ne vefe ket bet dibabet pladennoù
trouzusañ ar bloaz (Fuck Buttons, meneget
gant Uncut nemetken, hag er plas 44 pe c’hoazh A
Place to Bury Strangers) hag o defe disoñjet ivez Late
of the Pier ha Foals. R.M. Muioc’h a
rolloù best of : |
|
|
|
|
|
|
|
|
|
|
|
Kig-bevin krazet gant karotez |
|
|
|
Troc’hit ar
c’hig a-dammoù bras. Degasit d'ar berv 1 litrad
dour gant ar soubilh kig-leue dizouret. Lakait a-gostez. Dibluskit ha
troc'hit a-ruilhennoù ar c’harotez. Tommit an eoul en ur gokellenn.
Ouzhpennit an tammoù kig da veleniñ ha diskargit
ar banne bier. Degasit d'ar berv ha lezit da yostañ. Ouzhpennit an tammoù
karotez, ar perisilh hag ar jenevra. Dourennit gant ar soubilh
kig-leue, pebrit hag holennit ha lezit da gudaouiñ 3 eurvezh
war dan bihan. Servijit tomm. Mari Lubrano Lennit Bremañ miz Kerzu!
Embannet gant Skol an Emsav (4,5
euro an tamm) E gwerzh er stalioù
levrioù a ginnig danvez Breizh, pe dre goumanant. Evit gouzout hiroc'h: www.breman.org |
|
|
|
|
|
