|
|
|
|
|
|
|
|
|
|
Lun 24 a viz Du, niv.215 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Start ar jeu gant labouradegoù ar vro |
|
|
|
|
|
|
|
|
|
Er sizhun dremenet ez eus bet keleier fall evit
labourerien Breizh. 1750 post-labour a a vo lakaet un termen dezho gant PSA
(Peugeot-Citroën, skeudenn) e labouradeg La Janais, e Roazhon. 8 000 den a labour
evit PSA evit ar poent du-se, hep kontañ implijoù an embregrezhioù a vev
diwar obererezh PSA. Betek 12 500 a oa bet e 2004. Echu eo gant Doux e
Logunec'h ivez. D'ar Yaou 20 a viz Du diouzh an noz, o deus gouvezet an 200
implijad a chome (diwar 451 un nebeud mizioù zo c'hoazh) e vefe serret o
labouradeg er beurevezh war-lerc'h. An tri c'hard eus ar 451 implijad a oa
dirak kloued labouradeg Doux Logunec'h, evit en em gavout asambles ur wech
c'hoazh, digwener. Divizet eo bet gant Tereos serriñ "boest glas"
Béghin-Say Naoned ivez. 172 goprad zo eno. Produet e veze ganto 130 000
tonenn sukr bep bloaz. Ur steuñv sokial a vo kinniget gant ar renerien d'an
implijidi d'ar 15 a viz Kerzu.
|
|
|
|
|
|
Hadoù OGK e maiz Mec'hiko |
|
|
|
M.M. |
|
|
|
|
|
E Bro-Mec'hiko e kaver ouzhpenn 60 spesad maiz
disheñvel. Evit gwareziñ ul liesseurted ken bras ez eus bet divizet e 1998
gant ar gouarnamant difenn da hadañ maiz OGK. Met e 2001 e oa bet graet ur
studiadenn gant enklaskourien eus Berkeley o tiskouez e oa diefedus an
diviz-mañ, dre ma veze kavet memes tra roudoù eus Genoù Kemmet e maiz
Mec'hiko. Reuz a oa savet gant an enklask-se, tabutoù war an hentennoù
implijet evit klask, ha lavaret e oa bet e oa an enklaskerien diouzh tu ar
broduerien greun OGK. E 2005 e oa bet embannet un enklask all, graet gant
Ensavadur Endro Mec'hiko, o tiskouez ne veze kavet gen kemmet ebet er maiz
mec'hikan.
|
|
|
|
|
|
Paroles d'Hiver en Aodoù-an-Arvor |
|
|
|
Evit
gouzout hiroc'h: |
|
|
|
|
|
Etre an
21 a viz Du hag ar 7 a viz Kerzu e vo aozet 19vet festival "Paroles
d'Hiver" en Aodoù-an-Arvor. Gouel "arzoù ar gomz" eo, aozet
gant an ODDC. 44 c’humun eus an departamant a zo war roll an abadennoù,
a ginnigo kontadennoù, istorioù, c'hoariva, lennadennoù, sonerezh, arzoù dre
weled. Abadennoù a-ratozh evit ar vugale a vo kinniget ivez. E-touez an
abadennoù lakaet en a-raok gant an aozerien emañ Genova 01,
pezh-c'hoari produet gant Théâtre National de Belgique, hag a vo c'hoariet
gant Cie K.Cendres, evit ar wech kentañ er C'hwec'hkorn. Cie Attention
Fragile a ginnigo Le tout complet du coeur, oberenn Shakespeare paket
en un abadenn teir eurvezh, dindan un dogenn. Daou emgav gant skrivagnerien
eus Afrika a vo ivez, Ousmane Aledji (Benin) hag Alfred Dogbé (Niger). Roll
klok an abadennoù a c'hellot kavout war lec'hienn ODDC Aodoù-an-Arvor.
|
|
|
|
|
|
Lig Breizh Mell-droad Ouezelek bet krouet |
|
|
|
|
|
|
|
|
|
Dek vloaz
zo ez eus bet kroget gant ar vell-droad ouezelek e Breizh. Er bloaz-mañ eo
aet un tamm mat war-raok al luskad, gant ur rann eus Tournamant Europa aozet
e Breizh, e Roazhon, evit ar wech kentañ, ha krouidigezh daou gleub nevez, e
Gwened hag e Treger. C'hwec'h skipailh breizhat a gemero perzh en
tournamantoù da zont, ouzhpenn an daou bet meneget c'hoazh, e oa Roazhon,
Brest, Naoned ha Liverieg. Etre miz Kerzu 2008 ha miz Mae 2009, e vo aozet
kentañ tournamant Breizh war anv Lig Breizhat ar Vell-droad Ouezelek. Aozet
ez eus bet ivez disadorn gant al Lig ur stummadur d'ar gelennerien sport,
a-benn broudañ anezho da ginnig ar sport-se d'o skolidi, el liseoù hag er
skolajoù. Rak war roll an danvezioù degemeret gant an akademiezh evit ar
vachelouriezh emañ bremañ ar vell-droad ouezelek. Gant al Lig eo bet sinet
karta Ya d'ar brezhoneg, hag ezel eo eus kevrenn "Sportoù ha
C'hoarioù" Skol-Uhel ar Vro. Ul lec'hienn internet nevez zo gant an
aozadur, a zeuio da vezañ teiryezhek, galleg-brezhoneg-saozn
|
|
|
|
|
|
|
The Duchess |
|
|
|
Rouantelezh-Unanet - 2008 Seveniñ : Paul Sibb
Savet
eo bet ar film-mañ diwar ul levr bet skrivet gant Amanda Foreman
diwar-benn buhez Georgina Spencer. Taolennet e vez er film buhez ur
plac’h a renk uhel, rediet da vevañ ha da
c’houzañv un den ha na gar ket anezhi ‘blam ma ne ro
her ebet dezhañ. Hi avat, a zo dedennet gant ar politikerezh,
lakaat an traoù da vont war-raok evit ar merc’hed da
skouer hag a bep seurt traoù all. Luskad brudañ ar film a
bouez war liamm kerentiezh an dudenn-se gant Lady Diana (eus ar familh
Spencer ivez) ha fentus eo neuze klevet “n’eus nemet un den
e Breizh-Veur a chom hep he c’harout, he gwaz an hini eo”.
Estreget-se zo er film evel-just. Aktored a-feson, dilhad ha
lec’hioù kaer, sonerezh plijus, ur rekipe saourus
a-walc’h evit ur film klasel-tre e framm. G.L. Kement ha gouzout muioc’h : |
|
|
|
|
|
|
|
Breizh-Veur e dibenn an 18vet kantved. Dimezet eo
bet Georgina da dug an Devonshire. Ha setu eviti ur vuhez e-lec’h ma
c’hall kemer perzh er politikerezh ha lakaat war wel an dilhad krouet
ganti, met ivez un darempred start gant he gwaz dre ma c’han
merc’hed hepken en o familh. Tamm-ha-tamm e tispenn ar c’houblad,
pep hini o vont eus e du ha rediet eo Georgina da c’houzañv “eil
gwreg” he gwaz hep gellout hi kaout un darempred sklaer gant Charles
Grey, unan eus pennoù ar Whig party.
|
|
|
|
|
|
A Place to Bury Strangers – A
Place to Bury Strangers |
|
|
|
A Place to Bury Strangers,
daoust d’e anv, n’eo ket ur strollad metal gant sonerien gwisket
evel koriganed drouk, met ur strollad shoegaze eus New York, ha sañset eo
tost dic’houzañvus war al leurenn, hervez The New York Times. Forzh piv a c’hall
selaou ar bladenn-mañ, met gwelloc’h memestra kaout ur re stouvoù
divskouarn (e ken kaz), mogerioù tev (evit bezañ sur ne vint ket frailhet) ha
bezañ o chom war ar maez don, (droch e vefe lakaat ranndioù hoc’h
amezeien da gouezhañ en o foull). Ne c’haller ket keñveriañ A Place to
Bury Strangers gant kalz strolladoù all, lakaomp memestra The Velvet
Undergroud (skol sonerezh New York, rock ha desket war un dro), The Jesus and
Mary Chain (ar gwiskadoù trouz) ha Spiritualized (an aergelc’h
psikedelek ha diyac’h). Aesoc’h eo keñveriañ
A Place to Bury Strangers gant trouzioù: ur c’harr-nij Konkord o
tibradañ, lava ur menez-tan bennak o teuziñ, un tsunami, seurt traoù. Ne
ginniger ket titloù ar
c’hanaouennoù, da bep hini d’ober e soñj, o c’houzout ez eo
ur sapre taol-arnod selaou seurt pladennoù. Mod-all ez eus tri den er strollad,
ar pezh a ziskouez n’eo ket dav bezañ niverus evit ober trouz. R.M. Embannet gant Rocket Girl Muioc’h a A Place to
Bury Strangers : |
|
|
|
|
|
Setu, mat eo, kavet eo. Petra?
a c’houlenn Yann Lenner (ha Selaouer). Pladenn drouzusañ ar bloaz.
|
|
|
|
|
|
Kig-bevin krazet gant karotez |
|
|
|
Troc’hit ar c’hig a-dammoù bras.
Degasit d'ar berv 1 litrad dour gant ar soubilh kig-leue dizouret. Lakait a-gostez.
Dibluskit ha troc'hit a-ruilhennoù ar c’harotez. Tommit an eoul en ur gokellenn. Ouzhpennit an
tammoù kig da veleniñ ha diskargit ar banne bier. Degasit d'ar berv ha lezit
da yostañ. Ouzhpennit an tammoù karotez, ar perisilh hag ar
jenevra. Dourennit gant ar soubilh kig-leue, pebrit hag holennit ha lezit da
gudaouiñ 3 eurvezh war dan bihan. Servijit tomm. Mari Lubrano Lennit Bremañ miz Du!
Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
1,2 kg kig bevin (gite) – 1 kg karotez
– 5 cl bier brun – 4 loaiad vras eoul arachidez – 1 loaid
vras soubilh kig-leue dizouret – 1 loaiad vras greun jenevra –
pebr hag holen - perisilh