|
|
|
|
|
|
|
|
|
|
Lun 6 a viz Here,
niv.208 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Boulc'het prosez an "Angolagate" |
|
|
|
|
|
|
|
|
|
Hiziv eo kentañ devezh prosez 42 den, brudet-tre
evit lod, a vez tamallet dezho bezañ kemeret perzh e gwerzhioù e-maez lezenn armoù
da Angola, etre ar bloavezhioù 1993 ha 2000. E-touez an damallidi emañ Jean-Christophe
Mitterrand, mab henañ prezidant kozh Frañs, Jacques Attali, bet kuzulier evit
François Mitterrand, Charles Pasqua (skeudenn), bet Ministr an Diabarzh, e genlabourer
Jean-Charles Marchiani, hag ar skrivagner Paul-Loup Sulitzer. Hervez an
enklask, boulc'het e 2000, e vefe aet ar Gall Pierre Falcone hag an Israelad
Arcadi Gaydamak da werzhañ evit 790 milion a zollarioù a armoù da brezidant
Angola, Eduardo dos Santos. D’ar c'houlz-se e oa ar vro e-kreiz ur
brezel diabarzh. Kizidik-kenañ eo an afer-se dre m'eo Angola ur vro leun a betrol
hag ul lec'h-kreñv evit Total, unan eus embregerezhioù pinvidikañ Frañs. Ingal
en deus Eduardo dos Santos goulennet gant ar prezidant Jacques Chirac e vefe
klozet an enklask. Er bloaz-mañ o deus ar prezidant Nicolas Sarkozy hag e
vinistr Herve Morin, diskouezet e oant a-du gant prezidant Angola. 60 alvokad
an damallidi a implijo hep mar komzoù ar re-mañ evit klask nullañ ar prosez.
|
|
|
|
|
|
Ar bobl o stourm a-enep da...
"garr-tan ar bobl" ! |
|
|
|
M.M. |
|
|
|
|
|
En India ez eus ur raktres sevel ur c'harr-tan a
gousto nebeutoc'h eget 1740€. Ar pal a zo reiñ tro da dud "ar
bobl" da brenañ unan. Setu perak e oa bet lesanvet "karr-tan ar
bobl", Tata Nano e anv gwirion (peogwir e oa da vezañ savet gant ar
strollad Tata a ra kalz berzh war ar marc'had indezat). Met evit sevel al
labouradeg bras-tre a-benn sevel ar c'harr-tan ez eus bet ranket dilojañ
labourerien-douar diouzh al lec'h ma oant o vevañ hag o c'hounit o buhez.
|
|
|
|
|
|
Gouel Digor, adalek an 3 a viz Here e
bro Gwengamp |
|
|
|
Evit
gouzout hiroc'h: Digor,
pgz : 02 96 44 27 88. Postel : kreizenn.gwengamp@free.fr |
|
|
|
|
|
Boulc'het
e vo gant ur mizvezh gouel tro-dro da sevenadur Breizh e bro Gwengamp en
dibenn-sizhun a zeu. Un diskouezadeg a vo kinniget e Mediaoueg Gwengamp
diwar-benn emdroadur ar yezh, "Eus an Indo-europeg d’ar brezhoneg
arnevez: Pemzek kantved a istor". D'ar Sul 5 e kinnigo Strollad ar Vro
Bagan Ar Roue Ubu e Gras-Gwengamp. D'an 11 a viz Here e vo un nozvezh
kan ha sonerezh gant Lors Jouin, Jean-Michel Veillon ha Soig Siberil. Stajoù
dañs ha sonerezh mod Iwerzhon a vo ivez, un diskouezadeg skeudennoù graet e
kampoù repuidi palestinat gant ur vrezhonegerez, un devezh hip-hop ha rap brezhonek,
filmoù faltazi a vo bannet e Kallag ivez, ur pezh-c'hoari all a vo kinngiet
gant Strollad Kallag, Mazheaz ar c'higer... Leun mat e vo
mizvezh Gouel Digor!
|
|
|
|
|
|
Mell-droad: taol-kaer Stad Roazhon ha Mickaël Pagis |
|
|
|
|
|
|
|
|
|
Dec'h da noz en doa c'hoariet skipailh Roazhon a-enep
da leader Kevre 1 mell-droad Frañs, an Olympic Lyonnais (3-0). Brav e oa bet
ar jeu evit Roazhoniz da hanter ar bartienn e gwirionez. Deuet a-benn da blantañ
ur vell e palioù tud Lyon, hep na vefe bet tapet poent ebet gant ar re-se
a-raok. Startijenn a oa gant paotred Roazhon e Stad hent an Oriant, fin ha tagus.
Anat e oa pa oa fin an eil hanterenn o tostaat: gwech ebet n'eo deuet a-benn
c'hoarierien Lyon da ren ar jeu. Strellet e oa tud ar skipailh e penn ar
C'hevre 1, ur c'hartoñs ruz bet roet da Anthony Réveillère, goude bezañ
taklet Jimmy Briand, bet eus ar re efedusañ. Hemañ ha re all c'hoazh, evel
Thomert ha Mangane, o deus diskouezet o barregezh da vat dec'h. Met ur
c'hoarier all zo bet skedusoc'h c'hoazh: Mickaël Pagis. Hemañ eo zo deuet
a-benn da skeiñ ar vell e foñs palioù Lyon... Souezhet eo bet ar c'hoarier o
kaout kement a amzer evit prientiñ mat e denn zoken, p'en deus roet un trede
poent da Roazhoniz. Guy Lacombe, gourdoner ar re ruz-ha-du, zo aet betek
cheñch Mickaël Pagis gant Sylvain Wiltord, bet o c'hoari evit Lyon, e fin ar
c'hrogad... Diskouezet en deus evel-se e oa bet e skipailh mestr an dachenn
an nozvezh-pad. Sur o do soñj suporterien Stad Roazhon eus ar c'hrogad-se.
|
|
|
|
|
|
|
Appaloosa |
|
|
|
Stadoù-Unanet Amerika - 2007 Seveniñ : Ed Harris
Eil film Ed Harris eo Appaloosa (goude ur biopic
diwar-benn al liver Jackson Pollock e 2000). Ur western a seblant
klasel da gentañ hag a zouj da godoù ar rumm-se, met donoc’h eo un
tamm. Dre skeudennoù brav eston (al lec’hioù dreist-holl), un tizh
gorrek hag un tammig fent (du) e vez lakaet war-wel mignoniezh an div dudenn bennañ
hag an diforc’hioù etreze ivez. Plijus eo sellet ouzh Ed Harris ha
Viggo Mortensen a seblant kaout kalz plijadur o labourat asambles. Un tammig
dipitusoc’h eo tudenn Jeremy Irons, hag en ur stumm e vezer dipitet ne
vefe ket c’hoazh gwelloc’h an disoc’h gant ar skipailh-se. G.L. Court Métrange - Roazhon (TNB) 23-25
a viz Here 2008
Ar bloaz-mañ e vo a bep seurt tud eus bed ar
c’hleweled pe studierien er juri (6 a dud), hag ar prezidant a zo
Alexandre Astier (krouer Kaamelott). An abadennoù en TNB (1 straed Sant-Heler) a grogo
d’an 23 a viz Here, met un toulladig traoù all a vo a-raok: un diskouezadeg,
an "Drive-in fantastique" war dachenn skol-veur Roazhon 2 hag un
abadenn ispisial gant filmoù studierien gant sikour kevredigezh Warlock hag
ar sine-club Cinémaniacs e skol-veur Roazhon 1 da skouer. Ouzhpenn da se e vo enoret 400 vloaz kêr Gebek
gant ur rummad filmoù breizhat ha kebekat. Ur sapre sizhunvezh a vo e Roazhon neuze, peadra
da spontañ ha da huñvreal! G.L. A-benn gouzout hiroc’h, al lec’hienn
klok-tre gant ar programm resis, prizioù h.a: http://www.courtmetrange.com/index2.html |
|
|
|
|
|
|
|
E kêriadennig Appaloosa (Mec’hiko-Nevez,
SUA) eo bet lazhet ar marshal gant strollad Bragg
5 bloaz zo e oa bet kroget gant festival Court
Métrange e Roazhon. Ur festival a ginnig neuze, filmoù-berr war dodenn ar
faltazi dreist-holl.
|
|
|
|
|
|
Programm an Olympic betek dibenn ar
bloaz |
|
|
|
E-kreiz miz Du (Sadorn 15 ha Sul 16) e vo degemeret
Festival Les Inrockuptibles: pop hag elektro-rock e vo an traoù dre vras gant
Foals (kaoz a zo bet diwar o fenn amañ n’eus ket pell zo), Ting
Tings, Glasvegas, Friendly Fires pe Black Kids. Ma
fell deoc’h kaout muioc’h a elektro-pop a-zoare, gortozit betek
ar 27 a viz Du, ha kit da selaou Stereolab. Met a-raok e vo kinniget abadennoù ken dedennus
all: I’m From Barcelona ha Revolver a-benn ar 27 a viz
Here, evit un nozvezh pop da vat. Ma
n’ho peus ket bet trawalc’h e vo ken pop all an traoù a-benn an 8
a viz Du, pa zeuio Vampire Weekend, ur strollad nevez eus New York.
Elektro-clash hag elektro-trash zoken e rankfe an traoù bezañ a-benn ar 4 a
viz Du, pa zeuio CSS (skeudenn) da seniñ. Emichañs e vo kenkoulz o
sonadeg ha pa oant deuet da Roazhon, daou vloaz zo. Ma n’ho peus ket aon rak an trouz, kit da
selaou Fuck Buttons a-benn an 30 a viz Here. Stouvoù divskouarn a
c’hallfe bezañ degemeret mat. Ar rock kreñv a blij deoc’h? Kudenn ebet, ul
lodenn eus ar programm a zo graet a-ratozh-kaer evidoc’h: The
Bellrays vo e Naoned a-benn ar 6 a viz Du, hag Against Me! a zeuio
a-benn ar 1añ a viz Kerzu. R.M. Muioc’h a Olympic : |
|
|
|
|
|
E-giz bep bloaz e kinnig skipailh an Olympic (sal
sonadegoù e Naoned, karter Chantenay) peadra evit ar re a blij ar sonerezh
amplaet dezho.
|
|
|
|
|
|
Tagliatelle gant bazilik |
|
|
|
400 g tagliatelle 3 liv
– 250 g mozarella – 3 pimant dous (1 glas, 1 orañjez, 1 ruz)
– 100 g olivez glas ha du - 1 ivinenn gignen - 1 suraval –bazilik
– 3 loaiad vihan louzoù Provañs – 6 loaiad vras eoul olivez
– pebr hag holen
Dibluskit ar pimantoù dous
gant un diblusker, displusit, ha troc’hit a lavnennoù. Lakait anezho da
fritañ war dan etre, gant 3 loaid eoul, 2 mn dizoloet ha 8 mn goloet.,
holennit hag ouzhpennit an ivinenn gignen drailhet. Meskit an toazennoù gant ar
pimantoù dous, an olivez, chug ar suraval gant un tamm ruskoù suraval. Lakaat
a-gostez er yenerez. Da goulz ar pred, ouzhpennit ar mozarella,
troc’het a dammoù hag ar bazilik miñset. Mari Lubrano Lennit Bremañ Here!
An teuliad peder fajennad zo gouestlet d'ar radio
en niverenn-mañ. Radio Bro Gwened ha Radio Kreiz Breizh a lid er bloaz-mañ o
25 bloaz ha gant France Bleu Breizh Izel e vo sinet Karta "Ya d'ar
brezhoneg"... Peder fajennad ispisial a gaver ivez, gouestlet d'an
deskadurezh uhel e brezhoneg, savet gant Lukian Kergoat. Heuliad ar pennad
bet embannet e-barzh niv. miz Gwengolo Bremañ eo. Bep miz e kinnig ar gelaouenn Bremañ, abaoe
1980, pennadoù brezhonek a bep seurt, diwar-benn Breizh hag ar bed, kinniget
brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Lakait an toazennoù da boazhañ
(evel skrivet war ar pakad); dizourit, ouzhpennit 2 loaiad eoul.
Festimanif