|
|
|
|
|
|
|
|
|
|
Lun 29 a viz Gwengolo,
niv.207 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Emglev er C'hendalc'h amerikan |
|
|
|
|
|
|
|
|
|
Asantet e oa bet dec'h er C'hendalc'h amerikan
d'ur steuñv meur evit saveteiñ ar sistem tiez-bank. Abaoe ur sizhunvezh emañ
tud gouarnamant George W. Bush ha tud ar C'hendalc'h o tabutal evit kavout un
emglev. Kavet ez eus bet unan dec'h, ha gouestlet e vo neuze 700 miliard a zollarioù
evit saveteiñ ar bankoù amerikan. Ne oa ket kalz a dud laouen eus kostezenn
republikan John McCain gant ar c'hinnig-se. Evito n'eo ket un dra vat e
klaskfe ar Stad emellout eus ar marc'hadoù prevez. Disklêriet en deus an
danvez-prezidant republikan ne oa ket tu da chom hep ober un dra bennak. A-du
gantañ emañ Barack Obama, danvez-prezidant an Demokrated. Ar 700 miliard a zollarioù
a vo roet tamm-ha-tamm d'ar bankoù evit kas o dleoù diasur d’ar Stad. Peurrest
ar steuñv a lak ar pouez war restaol an arc'hant d'ar Stad. A-dost e sello hi
ouzh ar bankoù adprenet hag ouzh ar profoù graet d'ar renerien veur o kuitaat
o fostoù. E-keit-se e oa ar bank saoz Bradford & Bingley o serriñ. Adprenet
eo bet gant ar bank spagnol Sander. E Belgia, en Izelvroioù hag e Luksembourg
ez eus bet divizet broadelaat an ti bank hag asurañs Fortis, e stad
fall-kenañ e gontoù ivez.
|
|
|
|
|
|
Arnodiñ riz OGK war bugale sinaat ? |
|
|
|
Koulskoude e sav un nebeud goulennoù: studiadennoù
a zo er mare-mañ diwar-benn al liamm etre vitamin A hag ar c'hrignoù-bev, ha
n'eo ket bet diskouezet c'hoazh e oa yac'h beveziñ produoù OGK. Alato, ha pa
vefe un dra vat pe get ar riz-mañ, n'eo ket un digarez evit ober
taolioù-arnod war bugale! Ar gudenn evit talañ ouzh seurt kudennoù a denn
kentoc'h ouzh ar youl bolitikel ha diskoulmoù ekonomikel: un
"diskoulm" skiantel na seblant bezañ nemet un digarez evit aloubiñ
marc'had bras ar riz en Azia. Goude ma vefe bet kelaouet gouarnamant Sina gant
Greenpeace ez eus bet harzet gant an taolioù-arnod. M.M. |
|
|
|
|
|
E dibenn miz Even 2008 ez eus bet dizoloet gant
Greenpeace e oa bet roet e aotre gant Aozadur Broadel ar Yec'hed (NIH) er
Stadoù-Unanet, evit ma vefe arnodet ur spesad riz Kemmet e c'henoù savet gant
Syngenta, war 24 bugel sinaat etre 6 hag 8 vloaz, e-pad an hañv 2008.
"Riz alaouret" a vez graet eus ar riz-mañ, abalamour d'e liv:
kemmet eo bet e c’henoù evit ma vefe kavet beta-karoten ennañ (a c'hell
dont da vezañ vitamin A ma vez ezhomm gant ar c'horf). Abalamour d'un diouer
a vitamin A e vez kudennoù yec'hed gant kalz tud er broioù paour, kudennoù
gant an daoulagad da skouer.
|
|
|
|
|
|
Gouel Digor, adalek an 3 a viz Here e
bro Gwengamp |
|
|
|
Evit gouzout hiroc'h: Digor, pgz : 02 96 44 27 88. Postel :
kreizenn.gwengamp@free.fr |
|
|
|
|
|
Boulc'het e vo gant ur mizvezh gouel tro-dro da
sevenadur Breizh e bro Gwengamp en dibenn-sizhun a zeu. Un diskouezadeg a vo
kinniget e Mediaoueg Gwengamp diwar-benn emdroadur ar yezh, "Eus an Indo-europeg
d’ar brezhoneg arnevez: Pemzek kantved a istor". D'ar Sul 5 e
kinnigo Strollad ar Vro Bagan Ar Roue Ubu e Gras-Gwengamp. D'an 11 a
viz Here e vo un nozvezh kan ha sonerezh gant Lors Jouin, Jean-Michel Veillon
ha Soig Siberil. Stajoù dañs ha sonerezh mod Iwerzhon a vo ivez, un
diskouezadeg skeudennoù graet e kampoù repuidi palestinat gant ur
vrezhonegerez, un devezh hip-hop ha rap brezhonek, filmoù faltazi a vo bannet
e Kallag ivez, ur pezh-c'hoari all a vo kinngiet gant Strollad Kallag, Mazheaz
ar c'higer...
|
|
|
|
|
|
Mell-droad: fall ar jeu evit ar
Ganaried |
|
|
|
|
|
|
|
|
|
Dec'h e oa bet echuet 7vet devezh Kevre 1
mell-droad Frañs. Ha n'eo ket bet ur sizhunvezh gwall blijus evit skipailh
Naoned. Lakaet diaes gant Caen 3-0, aet eo suporterien Naonediz e fulor, ha
lod o deus kuitaet stad Caen a-raok fin ar c'hrogad. Gwashoc'h, livet ez eus
frazennoù war kreizenn c’hourdoniñ La Jonelière. Tenn eo an aergelc'h
er mare-mañ. Ar gourdoner Elie Baup (skeudenn), o heuliañ Naoned evit an
trede abadenn, en deus embannet e oa kalz-kalz a labour d'ober c'hoazh. Evit
ar c'hoarier Ricardo Faty, ez eo nec'hus stad an traoù zoken, peogwir e soñj
dezhañ emañ
|
|
|
|
|
|
|
La belle personne |
|
|
|
Frañs – 2007 Senario ha seveniñ : Christophe Honoré
Un azasadenn digabestr eus La Princesse de
Clève gant an Itron de la Fayette en deus graet Christophe Honoré.
N’ouzon ket perak e seurt degouezhioù e klever atav e oa brudet evel un
azasadenn dibosupl d’ober, e-giz pa vije dalc’het gant ur seurt
kuzul ar re fur roll klok al levrioù re fonnus evit ma vefe savet filmoù
diwarno. Miret en deus Honoré lodenn an istor orin a zedenne anezhañ hag a
dalvez a viskoazh ha da viken: karantez ha kened. Hag e gwirionez, ha pa vefe
modern an ton, eo deuet ar sevenour a-benn da wriañ un abadenn cheuc’h
ha kizidik-tre en-dro da dudenn Léa Seydoux a zo koant evel un drama. Meriadeg Vallerie |
|
|
|
|
|
|
|
Devezh kentañ Junie
|
|
|
|
|
|
Kings of Leon – Only by the Night |
|
|
|
R.M. Embannet gant RCA/Sony BMG Muioc’h a gKings of Leon : |
|
|
|
|
|
Goude pemp bloaz sed aze pevare albom Kings of
Leon, ur strollad ennañ tri breur hag o c’henderv. Ar rock, un istor
familh neuze? Pouezus eo gouzout ivez e teu ar strollad eus Su ar
Stadoù-Unanet, rak kemmet eo kanaouennoù Kings of Leon abaoe o fladenn
gentañ. Ma chom ken merket mouezh ar c’haner (hag arabat disoñjal e oa
pastor tad an tri breur) e hañval bezañ etrebroadeloc’h o
c’hanaouennoù, evel ur meskaj peurvat etre ur seurt sonerezh country
leun a dredan (levezon Neil Young) ha sonerezh rock indie. Ar skouer wellañ?
Ar single kentañ, Sex on Fire e ditl, diazezet war ur mont-dont
gitaroù ijinus, nerzhus hag efedus da vat war un dro. Ken nerzhus all eo Crawl
pe ton kentañ ar bladenn, Closer e ditl. Un tammig siouloc’h eo
an traoù e-kreiz ar bladenn, gant tonioù evel Use Somebody, Manhattan
pe Revelry. War vravaat ez a songwriting ar strollad war Notion,
un ton ken mat ha re wellañ Cold War Kids, pe seurt strolladoù. Ken sioul all
an traoù war I Want You. Echuiñ a ra ar bladenn gant Cold Desert,
un ton damheñvel, a-fet aergelc’h, ouzh re Calexico, hep an trompilh.
|
|
|
|
|
|
Saladenn abrikez-kokombrez gant
parmesan |
|
|
|
120 g
parmesan – 6 abrikezenn – 2 gonkombrezenn vihan – 50 g
saladenn (roquette) – 3 loaiad eoul olivez – 1 loaiad gwinêgr
balzamek - 1 boked serfilh – 1 boked bazilik – holen
– greunennoù pebr du ha louet Troc’hit
ar parmesan a-skolpennoù moan. Gwalc’hit an 2 gonkombrezenn ha miñsit
anezho. Digorit an abrikez ha tennit an askorn. Dizeilit ar serfilh hag ar
bazilik. Fardit ur
c’hwinegrenn gant ar gwinêgr balzamek, ar pebr du ha louet mesket ha
brevet, holen hag eoul. Meskit ar
saladenn, ar c’hokombrez, ar serfilh hag ar bazilik. Lakait an hanter
eus ar c’hwinegrenn ha meskit. Aozit an
tammoù abrikez war ar saladenn ha lakait peurrest ar c’hwinegrenn.
Disammit tammoù parmesan ha servijit. Mari Lubrano
Brezel
Osetia ar Su, reuz priz al laezh, raktres skol-veur niverel Breizh, enoret krouerien
Bodadeg ar Sonerion Robert Marie ha Polig Monjarret, boulc'het filmañ eil
rummad Leurenn BZH... Anv zo eus an holl draoù-se ha traoù all c'hoazh
e-barzh niverenn Bremañ Gwengolo 2008. An
teuliad peder fajennad zo gouestlet en niverenn-mañ da zilennadegoù prezidant
Stadoù-Unanet Amerika. A-benn ar 4 a viz Du e vo gouezet piv e vo. A bep
seurt traoù a c'hello levezoniñ an disoc'h... Peder fajennad ispisial a gaver
ivez, gouestlet d'an deskadurezh uhel e brezhoneg, savet gant Lukian Kergoat.
An heuliad a vo embannet e-barzh niv. miz Here Bremañ. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
