|
|
|
|
|
|
|
|
|
|
Lun 22 a viz Gwengolo,
niv.206 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
10000 den o "festimanifestiñ" |
|
|
|
|
|
|
|
|
|
Goude m'he doa Christine Albanel, ministrez ar
Sevenadur, embannet e oa bet lezet a-gostez an danvez-lezenn war an arzourien
amatour, ne oa ket anat gouzout peseurt berzh a vije gant ar "Festimanif
BZH+". Lakaet e oa bet an danvez-lezenn en a-raok evit manifestiñ en
devezh-se. Daoust da se eo deuet niverus-tre ar bagadoù, ouzhpenn 1000 soner
a oa evit reiñ lañs ha startijenn d'ar gerzhadeg, en o fenn Bob Haslé,
prezidant Bodadeg Ar Sonerion. Gant an danvez-lezenn diskaret eo deuet en-dro
war wel ar stourm evit ma vefe Breizh unanet war dachenn ar velestradurezh. Kantadoù
a bannieloù "Naoned e Breizh", "Adunvaniñ diouzhtu" zo
bet tu da lenn. Tu zo bet da welet e fin an dibunadeg, war al leurenn,
kichen-ha-kichen, Jean-Yves an Drian, prezidant Kuzul-rannvro Breizh, Patrick
Mareschal, prezidant Kuzul-departamant al Liger-Atlantel, Jean-Yves Bourriau,
Prezidant Breizh Unvan ha Jean-Louis Jossic, eilmaer Naoned e-karg eus ar
sevenadur. 10000 den zo bet o tibunañ e kêr-benn Breizh, un taol brud a-feson
evit ar pezh a vez goulennet gant an aozerien (Breizh unvan en-dro, galloudoù
ouzhpenn d'ar rannvro, gwirioù evit ar yezh hag ar sevenadur). Dav e vo
bremañ gouzout ober gant an nerzh-se evit seveniñ hetoù pobl Vreizh.
|
|
|
|
|
|
Ul lezenn evit doujañ al loened da lazhañ |
|
|
|
M.M. |
|
|
|
|
|
Bep bloaz e vez lazhet e-tro 360 milion a loened
evit o c'hig, ha 25 milion ouzhpenn evit o c'hroc'hen. Gant un niver ken bras
a loened o vezañ lazhet e seblant diaes diwall ma vefe lazhet an holl gant
doujañs. Evit talañ ouzh ar gudenn ez eus bet kinniget un destenn gant Bodad
Europa, diriaou tremenet. Ar pal a vo bezañ sur ne vez ket re griz o
lazhadeg. Unan eus ar palioù pennañ a vo gwiriañ ma vo bet badaouet mat al
loen a-raok ma vefe lazhet : taolet e vo evezh ouzh efedusted an teknikoù-badaouiñ,
kuit da gaout da adsevel traoù 'zo el lazhtioù. Pep lazhti bras a ranko tuta
unan bennak "e-karg eus doareoù-bevañ al loened". Ret e vo ivez
d'ar re a sav dafar-badaouiñ resisaat penaos eo dav ober gantañ, ha ret e vo
d'an implijidi diskouez un "testeni-barregezh", a vo da nevesaat
bep pemp bloaz. Ur poent a denn ivez ouzh an doare ma vez lazhet loened evit
abegoù yec'hed pa vez kavet kleñvedoù-red (terzhienn ar chatal, grip an evned...).
|
|
|
|
|
|
Mill-Góll e Bro-Roazhon, betek an 28 a
viz Gwengolo |
|
|
|
Evit gouzout hiroc'h: http://www.bertaeyn-galeizz.com |
|
|
|
|
|
Gouel ar gallaoueg e Bro-Roazhon eo
"Mill-Góll" (distagañ "mil goul" da lavaret eo
"flaperien"). Lakaat ar brasañ niver a dud ar gwellañ da anavezout
ar gallaoueg ha kinnig titouroù diwar-benn an holl oberiantizoù tro-dro da rannyezh
roman reter Breizh a vo graet. Palioù ar festival zo dispakañ gallaoueg a wel
d'an holl, diskouez peseurt oberoù a vez kaset war-raok evit difenn yezh oil reter
ar vro, ha reiñ tro d'ar c’hallaouegerien da gaozeal. Tem gouel ar bloaz-mañ
zo an treuzkas d'ar rummadoù yaouankañ. A bep seurt abadennoù a zo bet
prientet: beilhadegoù e Sant-Senour hag ar Peniti, gweladennoù liorzhoù
Kornuz, abadenn arvest divyezhek e Liverieg, abadenn displegañ hengounioù
pobl Breizh (troioù-lavar gant al loened koulz e brezhoneg hag e gallaoueg
gant gant Daniel Giraudon), kentelioù tañva d'ar gallaoueg, nozvezh kabaret e
Breal-Moñforzh, hag ur rallye war varc'h-houarn e bro Moñforzh zoken. Un
abadenn veur a vo d'ar Sadorn 27 war blasenn Breujoù Breizh e Roazhon, gant
standoù, kendivizoù, sonadegoù, kontadennoù...
|
|
|
|
|
|
Gwened Olimpek Klub – Un deroù dereat |
|
|
|
Gant pevar zrec’h diwar-goust ar Clermont
Foot Arvern 63 (0-1), ar RK Lens (2-1 mar plij), an E.S. Troyes A.C. (1-0)
hag ar S.K.K. Añje (2-0) o deus graet Gwenediz ur skoulm war deod ar
bismigerien. Ha n’eo ket ar c’holloù e Tours (1-0), en Ajaccio
(4-0) hag e Strasbourg (2-1, a-enep levier didrec’h ar
c’hampionad evelkent!) a ziskedo deskoni vat ur c’hampionad hir
(38 krogad) ha diaes. Evit c’hoazh eo renket da 7vet ar re Wenn ha
Du, 12 poent en o godell. Ur yalc’had a blijfe kalz da
c’hoarierien War-Raok Gwengamp, boas da c’hwitout war benn-kentañ
o c‘houlzad bep bloaz. Gant 3 foent en o muzetenn hepken, e teuio ar baotred
eus Aodoù-an-Arvor e Gwened, d’ar 27 a viz Gwengolo, a-benn pladañ ar GOK
evit ar wech kentañ e stad ar Rabin. Met a-raok ar derbi-se, d’an 23 a zeu e vo
c’hoariet 16vet gourfenn Kib ar C’hevre a-enep ar Valenciennes
FK, skipailh eus ar vegenn. Ur sizhunvezh dreist all evit ar
c’hoarierien lec’hel koulz hag evit o harzerien! Yannig Boulard Evit gouzout hiroc’h www.vocfoot.com/ |
|
|
|
|
|
D’an 9 a viz Mae diwezhañ en doa tapet ar
Gwened Olimpek Klub ar droed da c’hoari en Eil Rummal broadel a
vell-droad. Ur maen-harz istorel evit ar c’hlub breizhat a oa ganet e
1998 hepken. Nag a hent ez eus bet troc’het gantañ! Ha lonket tri live
e-kerzh dek koulzad!
|
|
|
|
|
|
|
Rumba |
|
|
|
Belgia, Frañs – 2007 Senario ha seveniñ : Dominique Abel, Fiona Gordon,
Bruno Romy
Pleustriñ speredegezh ar c’horf eo dañsal a
lavarer a-wechoù. Ma, fent ar c’horf eo a vez pleustret e Rumba.
Un abadenn davedek hag a ro o brasañ frankiz d’ar jestraouiñ ha
d’ar c’hoarioù leurenn eo, tre evel filmoù Tati pe abadennoù
Deschamp-Makaïeff. Ul lip-e-bav eo an oberenn-mañ ma talc’h al levenez
daoust d’an taolioù kriz a gouezh war an tudennoù. Ur gentel da
zerc’hel soñj anezhi p’en em gaver en un enkadenn moarvat.
Emichañs e raio kement a verzh Rumba ha film kentañ ar skipailh, L’Iceberg
(2006) bet roet meuleudi dezhañ gant ar filmbarnourien koulz ha gant ar
filmgarourien. Meriadeg Vallerie |
|
|
|
|
|
|
|
Skolaerien eo Fiona
|
|
|
|
|
|
Foals – Antidotes |
|
|
|
Puilh eo ar strolladoù levezonet gant ar sonerezh
post-punk abaoe un nebeud bloavezhioù. E-touez ar re zedennusañ emañ Foals,
ha chañsoù bras a zo e lakafemp o albom war listenn pladennoù gwellañ ar
bloaz. Brav-eston ivez golo ar bladenn. R.M. Embannet gant Transgressive Records / Warner Muioc’h a Foals : |
|
|
|
|
|
Un dra vat eo kaout pladenn gentañ Foals. Soñjit 'ta:
11 kanaouenn zo enni, ha koulskoude e kreder ez eus 33 anezho e gwirionez,
rak cheñch-dicheñch int, a-fet lusk, kan ha binvioù implijet. Foals neuze pe
5 den yaouank eus Oxford, ur gêr anavezet dreist-holl evit ar skol-veur a zo
enni. Yaouank ne dalvez ket n’int ket desket: amzer o deus bet da
selaou sonerezh post-punk, da dapout skiant-prenet ha da lakaat palioù uhel.
Fellout a ra dezho e sonfe o gitaroù "evel ar glav o kouezhañ".
Dont a reont a-benn da sevel tonioù a-feson evel The French Open (pe
un digoradur eus ar c’hentañ), Cassius (Bloc Party ha Franz Ferdinand
a rank bezañ gwarizius), ouzhpennañ a
|
|
|
|
|
|
Saladenn abrikez-kokombrez gant parmesan |
|
|
|
120 g parmesan – 6 abrikezenn – 2 gonkombrezenn
vihan – 50 g saladenn (roquette) – 3 loaiad eoul olivez – 1
loaiad gwinêgr balzamek - 1 boked
serfilh – 1 boked bazilik – holen – greunennoù pebr du ha
louet Troc’hit ar parmesan a-skolpennoù moan.
Gwalc’hit an 2 gonkombrezenn ha miñsit anezho. Digorit an abrikez ha
tennit an askorn. Dizeilit ar serfilh hag ar bazilik. Fardit ur c’hwinegrenn gant ar gwinêgr balzamek,
ar pebr du ha louet mesket ha brevet, holen hag eoul. Meskit ar saladenn, ar c’hokombrez, ar
serfilh hag ar bazilik. Lakait an hanter eus ar c’hwinegrenn ha meskit. Aozit an tammoù abrikez war ar saladenn ha lakait
peurrest ar c’hwinegrenn. Disammit tammoù parmesan ha servijit. Mari Lubrano
Brezel
Osetia ar Su, reuz priz al laezh, raktres skol-veur niverel Breizh, enoret
krouerien Bodadeg ar Sonerion Robert Marie ha Polig Monjarret, boulc'het
filmañ eil rummad Leurenn BZH... Anv zo eus an holl draoù-se ha traoù all
c'hoazh e-barzh niverenn Bremañ Gwengolo 2008. An
teuliad peder fajennad zo gouestlet en niverenn-mañ da zilennadegoù prezidant
Stadoù-Unanet Amerika. A-benn ar 4 a viz Du e vo gouezet piv e vo. A bep
seurt traoù a c'hello levezoniñ an disoc'h... Peder fajennad ispisial a gaver
ivez, gouestlet d'an deskadurezh uhel e brezhoneg, savet gant Lukian Kergoat.
An heuliad a vo embannet e-barzh niv. miz Here Bremañ. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Danvez evit 4 den : 