|
|
|
|
|
|
|
|
|
|
Lun 30 a viz
Even, niv.198 Pellgargit ar pennadoù e
stumm Word Evit resev kemennadenn Bremaik bep Lun, |
|
|
|
|
|
|
|
|
|
|
|
|
|
|
Forom gwirioù mab-den: manifestadeg e Naoned hiziv |
|
|
|
|
|
|
|
|
|
Prezidant Kuzul-rannvro Broioù al Liger, Jacques
Auxiette (PS) en deus kinniget kemer perzh e Forom bedel gwirioù mab-den.
E-touez an temoù a vo kaozeet diwar o fenn emañ an demokratelezh lec'hel...
Hiziv e vo an abadenn, e Naoned, e Palez ar C'hendalc'hioù. Start eo, d'ar
Vretoned, chom diseblant pa c'hoarvez seurt dismegañs. Rama Yade, a vo eno,
en anv ar gouarnamant. Lakaat a ra war wel 44=Breizh ne vez ket doujet gant
Rannvro Broioù al Liger ouzh meur a destenn etrebroadel. Goulenn a ra neuze e
kuitafe ar Rannvro-se aozadur forom gwirioù mab-den. Galvet en deus neuze ar
bodad 44=Breizh da ziskouez e fell d'an dud unvaniñ ar vro en-dro, da 5e30
dirak ar Palez. Meur a aozadur all o deus sinet ar galv: Celtic League, Emgann-MGI,
Galv Karaez, Kevre Breizh gwirioù mab-den, Strollad Breizh, Sant-Ervlan
a-gleiz penn-da-benn, SLB, UDB, Askol (kevredigezh dilennidi Breizh evit an
demokratelezh), Ar Vretoned Yaouank, CBIL, L'Andon dou Galo...
|
|
|
|
|
|
Ha chom a raio skorn er Pol Norzh en
hañv-mañ ? |
|
|
|
Buanoc'h-buanañ e teuz skornegi ar Pol Norzh, ha
dreist-holl buanoc'h eget ma veze raktreset gant ar studiadennoù. Pa veze
kaoz eus testenn Kyoto e fin ar bloavezhioù 90 e soñje d'an dud "e oa
dav ober un dra bennak, e mod all e vefe aet ar skornegi da get a-benn dibenn
ar 21añ kantved"... Bremañ e vez raktreset e vint aet da get penn-da-benn
ac'hann da 2020 pe 2030... M.M. |
|
|
|
|
|
Hervez ur studiadenn eus an National Snow and Ice
Data Center, eus Skol-Veur ar C'holorado, ez eus etre 25% ha 50% a chañsoù e
vefe diskornet penn-da-benn ar Pol-Norzh e-pad an hañv. Abaoe ma vez muzuliet
ment ar gwiskad skorn emañ en e danavañ, da lâret eo ne vo ket ken gwarezet
gant tommderioù an hañv o tont. Warlene dija e oa nebeutoc'h eget 3 milion a
gilometrad karrez gorread skorneg ar Pol Norzh, ar pezh a oa 0.5 milion a
gilometradoù nebeutoc'h eget e 2005, pa oa izel dija. Evit ar poent e chom
nebeutoc'h eget 8 milion a gilometradoù karrez a-raok ma teufe an hañv, memes
tra ha warlene, met gant ur gwiskad skorn kalz tanavoc'h evel hon eus
lavaret.
|
|
|
|
|
|
Un opera evit Ar Gelienenn |
|
|
|
Evit gouzout hiroc'h: Sonerezh ar film zo bet embannet war bladenn
arc'hant gant Varèse Sarabande |
|
|
|
|
|
Brudet mat eo ar sevener filmoù kanadian David
Cronenberg. Scanners, Dead Zone, Dead Ringers, Crash...
Unan eus e filmoù brudetañ zo The Fly (1987), istor ur skiantour a labour
war ur benveg da dreuzkas danvez eus ul lec'h d'egile hep gortoz. Ne ya ket
an traoù evel ma soñje dezhañ pa glask implijout an ardivink warnañ e-unan...
Awenet e oa bet David Cronenberg gant romant George Langelaan ha film 1958
Kurt Neumann, memes titl gantañ. Ouzhpenn ur romant ha filmoù eo bremañ, un
opera eo deuet da vezañ. Gourc'hemennet e oa bet digant sonaozour ar film,
Howard Shore (skeudenn), sevel ar c'hoarigan-se gant al Los Angeles Opera. Kanadian
ivez, Howard Shore en deus savet 11 sonskrid evit David Cronenberg. Ingal en
doa embannet bezañ savet e sonerezh evit ar film e-giz un opera. "Bepred
em eus soñjet e oa danvez ar film The Fly un tem opera klasel. Un istor meur
a garantez hag a varv eo, ur garantez a ya dreist da zismantr ar c'horf ha
betek an aberzh diwezhañ. Treuzkas an oberenn-se war leurenn un opera zo un
huñvre am eus a-bell zo" eme ar sonaozour. "Ar c'hoarigan
hag ar sinema zo heñvel e-keñver meur a dra. Fellout a ra d'an daou kas
ac'hanoc'h da lec'h all. Stummoù glan zo ganto. Dont a rit da vezañ ur beajour
a zisoñj eus peseurt bed
|
|
|
|
|
|
Euro 2008: aet ar maout gant Spagnoled! |
|
|
|
|
|
|
|
|
|
44 bloaz a oa ne oa ket bet skipailh mell-droad
Spagn kampion Europa. Aet eo ar maout gant ar Spagnoled dec'h da noz a-enep
d'an Alamaned. 50000 den a oa e Stad Vienna o c'hortoz disoc'h Gourfenn
kampionad an Euro, en deus graet kalz a verzh en Europa a-bezh. N'eus bet ken
nemet ur pal koulskoude, plantet e-barzh kaoued Jens Lehmann gant Fernando Torres
d'ar vunutenn 33. N'eus ket bet nemetañ e-barzh skipailh Spagn o tiskouez e
ampartiz. An araoger David Silva, 22 vloaz, pe David Villa, 4 pal lakaet
gantañ e-kerzh an Euro (ar gwellañ niver a balioù merket er c'hampionad), pe
ar gward Casillas, paouezet gantañ daou denn-er-pal er c'hard-gourfenn a-enep
skipailh Italia. Haroz an nozvezh zo bet ivez gourdoner ar Spagnoled, Luis
Aragones, 69 bloaz. Deuet a-benn eñ da ginnig ur skipailhad c'hoarierien yaouank
ha nerzhus, hep koll skiant-prenet an nebeud re goshoc'h. En em c'houlenn a
ra c'hoazh ar C'hallaoued peseurt burzhud eo deuet a-benn hemañ d'ober hag a
zo bet c'hwitet da vat gant Raymond Domenech!
|
|
|
|
|
|
|
Made of Honor (Le Témoin Amoureux) |
|
|
|
Stadoù-Unanet, Breizh-Veur – 2008 Seveniñ : Paul Weiland
Petra nevez e bed burzhudus ar c’homediennoù
romantel? Nebeut a draoù 'm eus aon. Tost ur remake eus My Best Friend's
Wedding (P.J. Hogan, 1997) eo, gant levezon When Harry Met Sally (Rob
Reiner, 1989), klask a ra ivez mont war dachenn Four Weddings and a Funeral
(Mike Newell, 1994) en e eil hanterenn. Gant kement a zaveennoù e vefe ret
d’ar film-se kaout traoù ouzhpenn da zegas, neketa? Treut ar
geusteurenn e gwirionez. Mankout a ra hoal dezhañ ouzhpenn. N’eo ket
displijus an abadenn, fentusik a-wechoù zoken, met splann eo ne chomo ket en
eñvorennoù. Meriadeg Vallerie Kement ha gouzout muioc’h : |
|
|
|
|
|
|
|
Ur merc’hetaer daonet eo bet Tom
|
|
|
|
|
|
Les Thugs e Tremargad |
|
|
|
R.M. Muioc’h a drouz: www.lesthugs.fr/ www.myspace.com/lesthugs |
|
|
|
|
|
Un deiz bennak e vimp gouest da ziskouez
d’hor bugale vihan un nebeud traoù a dalvoudegezh: un t-shirt skrivet
warnañ "allez les filles", ur bladenn vinil, tiked abadenn Les
Thugs e Tremargad, bet disadorn.
|
|
|
|
|
|
Trebeziad frouezh gant soubilh koko |
|
|
|
Danvez evit 6 den: ½ aval-ananaz - 6 sivienn - 1 vangezenn
- 2 loaid vras kraoñ–koko risklet - 1 begad poultr cardamone - 2 loaiad
vras siros grenadine - 3 loaiad vras rom gwenn Evit ar soubilh: 150 g dienn fresk – 3 boul
dienn skornet koko
Fardit ar soubilh gant ar banne siros grenadine,
ar c’h/cardamone hag ar banne rom.
Aozit pep trebeziad en ur plad kleuz ha diskargit ar soubilh warno.
Laoskit 30 mn ha dizourit. Poultrennit pep trebeziad gant ar poultr koko,
lakait anezho war ur plad ha lakait war ar c'hrilh. 5 mn a beb tu. Fardit ar
soubilh koko gant an dienn fresk hag an dienn skornet mesket asambles. Servijit
ar trebeziadoù gant ar soubilh. Mari Lubrano Lennit Bremañ miz Even!
An
teuliad peder fajennad zo gouestlet en niverenn-mañ da 30vet deiz-ha-bloaz
skolioù Diwan ha berzh ar Redadeg. Pozioù kanaouennoù bet savet evit an
degouezh, pennadoù-kaoz, skeudennoù hag ur sell war al levrioù embannet evit
lidañ an deiz-ha-bloaz... Teir fajennad ispisial a gaver ivez, gouestlet da
zarvoudoù 1968, savet gant Lukian Kergoat. Heuliad ar pennad a vo tu da lenn
e niverenn Gouere-Eost Bremañ. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
