|
|
|
|
|
|
|
|
|
|
Lun 2 a viz Gouere, niv.152 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Un danvez-diferad nec'hus e-keñver ar c'helenn
divyezhek |
|
|
|
Nec'het-kenañ eo UGB
peogwir e c'hellfe neuze kement-mañ diskar an hentad
divyezhek en eil derez da vat, pa ouezer ouzhpenn eo diaes-tre da
lakaat e plas c'hoazh. Rak er skolaj e kinniger d'ar vugale
kentelioù istor-douaroniezh pe matematikoù er
yezhoù "rannvro"-se ha penaos ober ma n'int ket gouest da
heuliañ ur gaozeadenn war ar pemdez ? Evit
prezidant UGB emañ ar ministr Xavier Darcos war-var dispenn
ul labour bet kaset war-raok abaoe 30 vloaz e Breizh ha deskadurezh
ouzhpenn 11000 bugel er vro. Evit gouzout hiroc'h:
http://www.ugbrezhoneg.com/ |
|
|
|
|
|
|
|
|
|
Embannet
e oa bet er sizhun dremenet ur gemennadenn nec'hus gant Unvaniezh ar
Gelennerien Brezhoneg. Ministr an Deskadurezh, Xavier Darcos, a vefe
war-nes embann un diferad diwar-benn ar palioù da dizhout
e-keñver kelenn ar yezhoù "rannvro" e fin ar
c'hentañ derez. Hervez prezidant UGB, Gwenole Larvol, e vefe
ar palioù-se war live A2 Framm boutin Europa war ar
yezhoù, da lavaret eo, ul live yezh "etre pe
krakvevañ". Live ar skolidi war ar yezhoù evel ar
brezhoneg, euskareg, katalaneg, h.a. e fin ar c'hentañ derez
a vefe neuze evit kaout "eskemmoù berr-tre, ha dre vras, ne
vint ket gouest da gompren trawalc'h a draoù evit mont
war-raok gant ur gaozeadenn."
|
|
|
|
|
|
Tiez
doujus ouzh an endro ha plijus da vevañ: skouer
karter Vauban e Fribourg |
|
|
|
M.M. Un nebeud chomlec'hioù
evit dizoleiñ ar c'harter a-dostoc'h : |
|
|
|
|
|
Alies, pa soñjer e tiez doujus evit an
endro, e ijiner un ti koad pe plouz war ar maez, e-unan-penn e-kreiz ur
park. Koulskoude eo posupl sevel tiez doujus ouzh an endro e
kêr ivez. E Fribourg , en Alamagn, ez eus ur c'harter a-bezh
gant tiez ekologel. Ur skouer : kemer a reont energiezh digant an heol,
hag a-benn ar fin e vez produet muioc'h a energiezh gant ar c'harter
eget na vez bevezet gantañ. Ar pezh a zo dedennusoc'h
c'hoazh a zo, pa soñjer en endro war skeul ur c'harter
a-bezh, e c'heller ober dibaboù e-keñver aozadur
an tiriad.
|
|
|
|
|
|
Montroulez
Gwechall |
|
|
|
En ur rummad
pennadoù-skrid brezhonek ha gallek, bet moullet er Morlaix
Mag a-hed ar bloaz 2006, o deus kontet Patrick Favreau, Glaoda Millour
ha Kristian ar Mener un istor eus a Vontroulez diazezet war studi anv
ar ruioù hag ar plasennoù. Gant an diskouezadeg "Histoires de
Morlaix: Istorioù Montroulez", a ya
d’hec’h ober gobarioù Yvon Tallec,
labourioù skolioù ar re vihan Gambetta, Jean
Jaurès, Emile Cloarec hag Itron-Varia Blouyann, dastumad
skeudennoù Mirdi Montroulez, hag ivez
kartennoù-post kozh hag engravadurioù war vein al
Levrdi "Les Amours Jaunes", e vez kinniget ur bourmenadenn dre
Vontroulez gwechall. Setu pedet bremañ pep
gweladenner da gantren, en ur vont ha dont etre an testoù hag ar skeudennoù, e
brezhoneg pe e galleg, evit adkavout an holl
lec’hioù-se a gont, pep hini anezho, un istor
deomp dre o anv. Mediaoueg "Les Ailes du Temps" e
Montroulez. Etre ar 15 a viz Even hag an 12 a
viz Gwengolo 2007 Evit gouzout hiroc'h: www.ville.morlaix.fr |
|
|
|
|
|
P’en
devoa c’hoantaet Kuzul-rannvro Breizh degas war-wel
pinvidigezh ar vro hag he yezh, en devoa goulennet maer Montroulez,
Michel Le Goff, digant ar guzulierien-kêr Mari-Jo Bras ha
Jean-Claude Le Bars bodañ tud da labourat war
anvioù-lec’h Montroulez.
|
|
|
|
|
|
Kampionad
Europa klezeiata e Gent |
|
|
|
|
|
|
|
|
|
Hiziv
e krog Kampionad Europa klezeiata, e Gent (Gand), Belgia. Pouezus-tre
eo ar C'hampionad-mañ evit skipailhoù Europa: ar
poentoù dastumet aze a gonto div wech evit gellet mont da
glezeiata e C'hoarioù Olumpek Beijin 2008. Ha
kontañ a raio teir gwech ar poentoù dastumet er
C'hampionad ar bed da zont... Evit skipailh ar C'hwec'hkorn eo plaset
mat ar sabrennerezed, kaset war-raok gant Anne-Lise Touya. Deuet int
a-benn da vont e hanter-gourfen en holl gampionadoù a gont
evit ar C'hoarioù Olumpek. Diouzh tu ar baotred e vo
startoc'h ar jeu evit ar re a bled gant ar c'hlezeier-c'hoari
(fleuret). Brice Guyart zo bet div wech kampion olumpek, met, abaoe ur
pennad ez eo bet tremenet er renkamant bedel
|
|
|
|
|
|
|
The
Hoax (Faussaire) |
|
|
|
Seveniñ : Lasse
Hallström E 1971 emañ ar skrivagner
Clifford Hirving o klask lakaat e romant nevez da vezañ
embannet. Siwazh ne zeu ket a-benn. Met un toullad mizioù
war-lerc’h e kinnig d’e embanner
"gwellañ levr ar c’hantved": al levr ofisiel
nemetañ o kontañ buhez Howard Hughes. Ur gudenn a
zo koulskoude: aotre ebet, emgav ebet. Ne oar Hirving e gwirionez mann
ebet hiroc’h eget n’eus forzh piv diwar-benn an den
hollvrudet. Kregiñ a ra neuze un dro gaer spontus
a-walc’h evit touellañ an holl ha
gwerzhañ e levr. Sevenet en un doare klasel-tre,
n’eo ket se perzh dedennusañ ar film.
Kendrec’het e vezer muioc’h gant c’hoari
Richard Gere (Clifford Hirving) hag e geneil Alfred Molina. Un tammig hirik eo, gorrek
a-walc’h al lusk, met fent a zo hag un aergelc’h
plijus. Dedennusoc’h eo ar film pa
anavezer F for Fake (Vérité
et mensonges 1971) gant Orson Welles a ginnig ur
preder diwar-benn ar c’hrouiñ ha touellourezh (pe
get) oberennoù savet diwar gaou evel hini Hirving. G.L. Kement ha gouzout hiroc’h:
www.faussaire-lefilm.com |
|
|
|
|
|
|
|
|
|
|
|
|
|
Festival
Massey Fergusound #3 D’an
13 aviz Gouere e Tregourez |
|
|
|
Ha tu vo deoc’h klevout
kalz arzourien eus ar vro: Mon Automatique
(elektro-rock eus Brest), Bastet (kraut-folk eus
Kemper, ur strollad a glever muioc’h-mui kaoz
anezhañ), hag ivez Never Meet Your Heroes
(rock shoegaze eus Brest), met ivez sonerezh folk: Alexandre
Kinn, trip hop gant Sheer K (eus Brest
ivez) ha sonerezh ar bed gant Anawenn. Djed a vo
ivez (DJ Wybee, DJ Weeze ha DJ
Taz). En holl div leurenn zisheñvel,
standoù liesseurt ha boued. 9 euro e kousto deoc’h ma
feurmit en a-raok, 10 euro war al lec’h. Ar
strolladoù kinniget a c’haller klevout en ur
heuliañ al liamm amañ dindan: www.myspace.com/masseyfergusound R.M. |
|
|
|
|
|
Aet skuizh gant ar gouelioù sonerezh
bras-divent? C’hoant selaou sonerezh hep bezañ
beuzet en ur morad a dud? Mat, kit neuze betek Tregourez a-benn an 13 a
viz Gouere. Eno e vo tu deoc’h kemer perzh e Festival Massey
Fergusound. Digor-kalon hag abadenn azalek 7 eur noz, an
abadennoù "bras" o kregiñ azalek 8 eur.
|
|
|
|
|
|
Boued-polikan
gant sukrin |
|
|
|
Evit 6 den
1.Grit 12 skejenn gant an avu lard.
Lakait ar bara-minvig da grazañ. Troc’hit gant un
didammer 12 kelc’h e-barzh ar bara. Goloit gant an
tammoù sukrin hag an avu lard. Klinkit gant
bouedennoù kraoñ glas. 2.Lakait asambles un tamm sukrinenn hag ur brunenn
sec’h, punit gant ar skejennoù spilhenn
houad ; strollit gant ur spegig koad. 3.Troc’hit ar feta e stumm
ur c’hub. Lakait war pep tamm un delienn binochez ha
tammoù sukrin. Aozit pep tamm boued polikan war un
asied, poultrennit gant pebr mesket hag holen eus Bro-Gwenrann. Servijit diouzhtu. Mari Lubrano |
|
|
|
|
|
