|
|
|
|
|
|
|
|
|
|
Lun 23 a viz Even,
niv.197 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Kenderc'hel a ra ar stourm
Karaeziz ha Breizhiz evit mirout ospitalioù ar vro |
|
|
|
Digwener e oa aet ivez Karaeziz, Brestiz,
Konk-Kerneviz, Gwengampiz, Dinaniz, Redoniz, Montrouleziz, ha Bretoned eus
meur a lec'h all ivez da vanifestiñ dirak an Agence Régionale
d'Hospitalisation e Roazhon, nepell diouzh an ti-gar. Aet e oant ivez betek
Prefeti ar Rannvro. Servijoù zo eus ospital Karaez zo serret en ofisiel
c'hoazh, ha servijoù meur a lec'h all zo en arvar. Dre zegadoù a garradoù e
oa archerien ha CRS-ed o c’hortoz an 800 manifester bennak dirak an ti-gar.
Plaen e oa bet an traoù en deiz-se e Roazhon, met er beurevezh dija e oa bet
jeu e Kemper. Emgav zo bet roet fenoz da 6e war parkva ospital
Karaez a-enep da zoareoù feulz ar Stad. |
|
|
|
|
|
Aet eo emzalc'h an archerien war daeraat disadorn
e Kemper. Abaoe meur a sizhunvezh e ya ingal Karaeziz da vanifestiñ da gêr-benn
Kerne, dirak ar Prefeti. E-tro 600 den (hervez ar polis) a oa deuet da vanifestiñ
disadorn beure adarre. Implijidi an ospital, familhoù ar vro, ha skoazellerien
eus a bep lec'h a oa, asambles gant un 50 dilennad bennak, kalz a vaered en o
zouez. Ehanet eo bet an emgav etre an dilennidi hag ar Prefed, war an abeg,
hervezañ, "ne oa ket tu ken da gaozeal". P'en deus maer Karaez,
Kristian Troadeg roet da c'houzout kement-se d'ar vanifesterien, hag embannet
neuze e kendalc'hfe ar stourm evit mirout holl servijoù ospital Karaez, o
deus an archerien skoet aezhennoù-daeraouiñ war ar strollad dibunerien. Bugale
yaouank a oa en engroez ha spontet eo bet ar familhoù a oa aze. Klasket en
doa un den tapout ur c’hreunadenn en-dro ha gloazet eo bet e zaouarn. Kaset
eo bet da ospital Kemper.
|
|
|
|
|
|
Kig balum gwerzhet dre guzh e Japan |
|
|
|
Roet eo bet ar c'hartoñsad-mañ d'an archerien, evit
diskouez ar c'henwerzh diaotre. Un enselladenn a zo bet kaset da benn, ha
setu an disoc'h : rebech ebet da skipailh ar vag, hini ar gouarnamant, pe ar
skiantourien, hag an daou stourmer en toull-bac'h! "Ensellet" eo
bet burev Greenpeace gant 40 archer, kemeret urzhiataerioù,
paperioù, ha pellgomzerioù ganto. M.M. Evit kaout muioc'h a ditouroù, ha gwelet ar sinadeg
evit dieubiñ an daou stourmer: www.greenpeace.org/greenpeace-revele-un-trafic-de |
|
|
|
|
|
E-kreiz miz Mae ez eus bet diskouezet gant
stourmerien eus Greenpeace e vez gwerzhet kig balum gant tud zo e Japan, hag
e kemerfe perzh ar gouarnamant e kement-se. Un destenn a zo bet savet e 1986
hag a lak ar c'henwerzh kig-balum diaotre, met ur programm chaseal balumed a
zo gant bro Japan, evit abegoù "skiantel". Ar pezh eo deuet a-benn
stourmerien Greenpeace da ziskouez eo ne oa ket skiantel tamm ebet abegoù ar
chase: evit diskouez kement-mañ int deuet a-benn da laerezh ur c'hartoñs
ennañ 23,5 kg a gig-balum, e-touez ar pezh a veze diskarget diouzh ur vag. Ma
vefe bet ur programm skiantel e vefe bet ar c'hig-se e-touez paperioù ar
skiantourien.
|
|
|
|
|
|
Al livour Mathieu Dorval da gannad
Breizh |
|
|
|
Hoel Louarn Evit dizoleiñ an arzourien-se: www.lands.end.free.fr |
|
|
|
|
|
Al livour eus an Oriant Mathieu Dorval, a vez
graet "livour ar glaz" anezhañ, zo bet pedet gant Rannvro Breizh da
ginnig un diskouezadeg e Komite ar Rannvroioù e Brusel. Tu a vo da vont da
weladenniñ "Land's End" adalek dimeurzh ha betek an 10 a viz
Gouere. Evit-se en deus dibabet kenlabourat gant skrivagnerez ar mor Chloé
Batissou evit lakaat war wel Iwerzhon, Galiza, Kerne-veur ha Breizh. An daou
arzour zo bet o kantren war begoù an douaroù hag inizi mor Breizh evit dastum
o livioù ha testenioù an annezidi. Peadra a vo da zizoleiñ o oberennoù gant
livadurioù, dourlivadurioù, tresadennoù ha skridoù e spagnoleg, galleg ha
yezhoù minorelaet eus Europa.
|
|
|
|
|
|
Tro Suis: aet ar maout gant an Tchek Roman Kreuziger |
|
|
|
|
|
|
|
|
|
Lodenn ziwezhañ 72vet Tro Suis war varc'h-houarn
zo bet redet dec'h. An navvet lodenn e oa, oc'h echuiñ e Bern. Gant ar Suis
Fabian Cancellara (CSC), a-orin eus Bern, eo bet gounezet al lodenn-se. Ar
c'hentañ tro eo da Roman Kreuziger (Liquigas), marc'hhouarner tchek yaouank a
22 vloaz, gounit ur redadeg dre lodennoù evel Tro Suis. Er renkamant meur
emañ eñ 49" dirak an Alaman Andreas Klöden (Astana). Ar rochedig melen a
oa bet gwisket gant Kreuziger e fin an eizhvet lodenn, disadorn, en ode
Klausen. Ur redadeg a-benn d'an eur e oa, gant ur grec'henn 25 km !
|
|
|
|
|
|
|
The Happening (Phénomènes) |
|
|
|
Stadoù-Unanet Amerika, Indez - 2008 Seveniñ : M. Night Shyamalan
Setu film nevez an aotrou Shyamalan. Un tammig
iskis e vez e filmoù bepred, ha kavet e vezont dipitusoc’h-dipitusañ
gant an darn vrasañ eus an dud. Disheñvel mat eo The Happening eus ar
reoù all koulskoude, dre ma n’eus “twist” ebet. Adalek ar
penn kentañ pe dost e vez komprenet petra zo kaoz d’an darvoudoù
divoutin ha skrijus-se. An elfenn bouezus eo an aon dre m’eo euzhus
tonkad an dud taget gant ar c’hleñved kuzh-se. N’eo ket displijus an tudennoù ha prederiet
e vezer gant teorienn ar film, a c’hallfer lakaat e-barzh ur rummad
nevez skiant-faltazi-ekologel. N’eo ket ur bennoberenn ar film, sioù en
deus moarvat met n’eus ket peadra da dortal: efedus eo ar prantad
spont-mañ. G.L. Kement ha gouzout hiroc’h: http://www.phenomenes-lefilm.com/ |
|
|
|
|
|
|
|
Ur beurevezh evel kustum e Central Park, pa
c’hoarvez un dra iskis. Tud oc’h en em zistruj, hep abeg, ha
tamm-ha-tamm an takad taget gant ar "c’hleñved" o kreskiñ. E
Philadelphia emañ Elliot
|
|
|
|
|
|
La Route du Rock 14, 15 ha 16 a viz Eost e Sant-Maloù |
|
|
|
D’ar Yaou 14 e vo kinniget deomp selaou The
Breeders (strollad sonerezh gitar boud Pixies), Tindersticks
(strollad pop a-feson eus ar Rouantelezh-Unanet) ha The Do, an daouad
a glever muioc’h-mui kaoz anezhañ. Stegnoc’h an traoù gant Foals,
ur strollad breizhveurat nevez a aoz tonioù post-punk eus ar re wellañ ha
gant Fuck Buttons (ur pennad zo bet diwar o fenn amañ), ur strollad
saoz ivez, ha trouzus-tre. Da zizoloiñ war al leurenn, stouvoù-divskouarn
evit an holl memes tra. Disheñvel an traoù d’ar Gwener 15 gant Sigur
Rós, ur strollad post-rock hag ambient eus Island, brudet evit an tonioù
hir ha hir savet gantañ. Hag ivez The Notwist, strollad indie alaman, Why?, ur strollad
hip hop sioul (Stadoù-Unanet) ha Micah
P. Hinson, ur soner amerikan. E-touez ar re a sono d’ar Sadorn 16 menegomp
an daouad breizhveurat Ting Tings, Poni Hoax (strollad pop
gall) ha Midnight Juggernauts, ur strollad sonerezh elektro eus
Aostralia. 30 euro an nozvezh, 65 euro an teir nozvezh. R.M. Muioc’h a rock ha programm klok: |
|
|
|
|
|
Diaes dibab, hañ? E-pad ar memes dibenn-sizhun e
c’hallo an dud mont da Vrest evit Astropolis pe da Sant-Maloù evit an
18vet Route du Rock.
|
|
|
|
|
|
Soubenn sukrin gant laezh koko |
|
|
|
Daouhanterit ar sukrin ; tennit ar greun,
didailhit ar bluskenn gant ul loa-voull. Diskargit en ur plad-saladenn. Rasklit ar bluskenn suraval glas ha meskit en ur volenn gant al laezh koko hag ar c’h/cassonade. Gwaskit an hanter eus ar suraval ha diskargit war ar bilhoù sukrin. Strimpit gant al laezh koko ha lakait er yenerez 30 mn a-raok servijout. Mari Lubrano Ar planedennoù : Gwareger
Arabat klask re bell: marteze emañ al levenez e
korn ar ru! Ur steredenn skedus ha melen (pe mouk) zo a-us d'ho penn. N'ho
peus ket klevet he c'hwezh vat? Selaouit mat he c'hanaouenn e-pad an
nozvezhioù etre an 2 hag ar 6 a viz Gouere. Labour Na rit ket bil, ne gavoc'h ket labour etre miz
Even 2008 ha miz Gwengolo 2025: dieub e viot evel ul labous en noazh. Al
labour n'eo ket opiom ar bobl ken. Implijit hoc'h amzer ha startijenn evit ober traoù
evidoc'h, da skouer: sevel ur gumuniezh emren gant ho mignoned e Kreiz
Breizh, beajiñ, reiñ ho puhez d'an arz pe d'ar stourm, ober bugale... Chomit e-maez kevredigezh ar beveziñ, tennit splet
eus ar vuhez. Hiroc'h e vo ho plev! Arc'hant Na zispignit ket ho arc'hant, evel-se ho po
muioc'h! Kavout a reoc'h arc'hant e-barzh artichaod Kastell-Paol: ret e vo
deoc'h gortoz daouzek taol hanternoz Abati Landevenneg da noz an 32 a viz
Gouere. Familh Arabat bezañ soursius ouzh an hengoun: dibab ho
mignoned a c'hellit ober, pas ho familh! Yec'hed Ret eo deoc'h lonkañ evit disoñjal ho mennozhioù
fall. Mat e vefe deoc'h neuial en noazh e Bae an Anaon gant ur bluenn er
revr, evel ul labous mor. Evit ar re a zo o chom war ar maez, mat e vefe
deoc'h mont da Garnag evit en em frotañ ouzh ur peulvan d'an noz etre ar 45
hag ar 46 a viz Gouere. F.D., A.D. & J.C. Stajidi Stummadur 6 miz
2008 Skol an Emsav Lennit Bremañ miz Even!
An
teuliad peder fajennad zo gouestlet en niverenn-mañ da 30vet deiz-ha-bloaz
skolioù Diwan ha berzh ar Redadeg. Pozioù kanaouennoù bet savet evit an
degouezh, pennadoù-kaoz, skeudennoù hag ur sell war al levrioù embannet evit
lidañ an deiz-ha-bloaz... Teir fajennad ispisial a gaver ivez, gouestlet da
zarvoudoù 1968, savet gant Lukian Kergoat. Heuliad ar pennad a vo tu da lenn
e niverenn Gouere-Eost Bremañ. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
2 sukrinenn – 1 suraval glas – 25 cl
laezh koko – 1 loaiad vras cassonade
