|
|
|
|
|
|
|
|
|
|
Lun 27 a viz Ebrel, niv.236 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Feulster e Naoned |
|
|
|
Evit gouzout hiroc'h : http://44breizh.wordpress.com/ (skeudenn gant Indymedia) |
|
|
|
|
|
Galvet o doa bodadoù
liesseurt da vanifestiñ disadorn e Naoned, a-enep ar gwaskerezh sokial er
Stad c'hall. E-touez an dibunadeg 400 den, e oa izili 44=Breizh, ur bodad a
stourm evit adunvaniñ ar vro e-keñver melestradurezh. E-tro 5e e oa bet
torret gwerennoù stalioù gant lod eus perzhidi ar gerzhadeg. Un darn eus ar
vanifesterien, dipitet gant an emzalc'h-se, o deus divizet kuitaat an
dibunadeg. N'eus bet harzet den ebet d'ar mare-se. Un eurvezh war-lerc'h, e
oa bodet un ugent den bennak eus bodad 44=Breizh, gant o familh, war leurenn
un davarn. Kelc'hiet int bet gant poliserien o deus goulennet groñs diganto o
faperioù. Lod o deus nac'het. Adalek ar poent-se eo deuet da vezañ feuls
emzalc'h ar bolised. Diskaret eo bet taolioù an ostaleri, kunujennet an dud
ha skoet gant lod, gant bizhier. Unan eus izili 44=Breizh zo bet kaset
d’an ospital, gloazet e benn, pa oa o klask gwareziñ ur bugel. Daou zen
zo bet harzet gant ar polis ha miret 16 eurvezh. Lezet int bet da vont,
tamallet dezho bezañ bet "disuj" ha galvet da Lez-varn Naoned
a-benn ar 14 a viz Here 2009. Emañ ar bodad 44=Breizh o klask war-lerc'h
testoù o defe gwelet an darvoud, straed Carmes, a-benn sevel klemm.
|
|
|
|
|
|
Sevel rouedadoù an ekologiezh |
|
|
|
Ha just a-walc'h ez eo loc'het an tabut diwar-benn
mennozh ur rouedad ekologel broadel, unan eus kinnigoù Grenelle an Endro.
E-pad 28vet Kendalc’h ar gwarezvaoù naturel ez eus bet embannet o
mennozhioù war an danvez gant dek eus aktored pennañ an danvez. Merzet o deus
an holl e oa dav, a-raok gallout sevel ur rouedad ekologel etre ar gwarezvaoù,
kreskiñ ar c'henlabour etre merourien an tachennoù. M.M. |
|
|
|
|
|
Implijet e vez ar ger "ekologiezh" evit
envel ar stourmerien a zifenn an natur, met ivez ar skiant a studi emdroadur
ar poblañsoù en o metoù bevañ. Hounnezh a zo emdroet kalzik he doare da
soñjal abaoe nebeut. N'eus ket pell zo c'hoazh e veze soñjet e veze difennet
gwelloc'h ar poblañsoù plant pe loened ma chomed hep implijout un dachenn, ha
pa vefe bihan ha digenvez. Bremañ avat e taoler kalz muioc'h a bled ouzh al
liammoù etre an tachennoù. Ar pezh a vez kavet pouezus neuze eo reiñ tro d'ar
spesadoù da c'hallout mont eus ul lec'h d'egile, oc'h aozañ tremenvaoù a
lec'h da lec'h.
|
|
|
|
|
|
Diskouezadegoù gant livadurioù Armel
ar Sec'h |
|
|
|
An eil diskouezadeg e penn all ar vro (met er
c'hreisteiz bepred) e kreizenn Yezhoù ha Sevenadur, e Sant-Ervlan, e-kichen
Naoned. Du-se e chomo an diskouezadeg livadurioù etre ar 15 hag ar 24 a viz
Mae. Kelenn, 3 straed Vañde, 29000 Kemper. Digor bemdez nemet d’ar Sadorn ha d’ar
Sul. Degemer: 9e-12e/13e-17e30 Yezhoù ha Sevenadur, 13 rue du rémouleur, 44800
Sant-Ervlan. Digor etre 2e g.k. ha 7e noz. Evit gouzout hiroc'h: |
|
|
|
|
|
Div ziskouezadeg a vo kinniget e-kerzh ar miz-mañ
gant al livourez Armel ar Sech, e Breizh. Tem an div ziskouezadeg, anvet
"korrig.com" zo... ar gorriganed! Un daou-ugent livadur bennak zo
en dastumad-se. Ingal e vezont kinniget gant barzhonegoù divyezhek.
Korrig.com zo e bal kas ar seller betek ur bed a huñvre hag a liv. Lec'h ma
c’hall pep tra c'hoarvezout, bihan ma z’eo an tudennoù, deuet
diwar kalon ha fent hor pobl. E Kemper e vo un diskouezadeg etre an 8 a viz
Mae hag an 23 a viz Even, e kreizenn Kelenn Diwan, e karter Penharzh. Lid
digeriñ an diskouezadeg a vo a-benn ar Yaou 7 a viz Mae.
|
|
|
|
|
|
Mell-droad:
dipit Gwenediz |
|
|
|
|
|
|
|
|
|
Huñvreoù kaer a oa gant Gwenediz disadorn. Met
buan o deus gwelet ne vefent sevenet gwech ebet war dachenn c'hoari Gourfenn
Kib ar C'hevre, mestroniet 100% gant skipailh Bourdel. A-boan ur c'hard eur
goude kentañ c'hwitelladenn an tredeog, e oa tost echu ar c'hrogad. Tri fal
bet plantet gant Bourdel (Wendel, Planus ha Goufran). Ne oa ket laouen tamm
ebet gourdoner paotred Gwened: prientet hag adwelet e oa bet ur strategiezh
ganto, ha n'eo ket bet heuliet e seurt ebet e-pad hanterenn gentañ ar
c'hrogad! Kollet e seblante bezañ ar c'hoarierien e gwenn-ha-du war an dachenn,
ha mont ha dont a rae Bourdeliz etrezo gant kalz a aezamant. N'eo ket a-enep Gwenediz,
met ganto e c'hoarie ar Jirondined. D'an 39vet munutenn e oa echu da
vat an traoù gant ur pal lakaet gant... Yoann Gourcuff. Evit an eil lodenn o
deus Gwenediz klasket ober o seizh gwellañ evit chom hep tapout palioù
ouzhpenn. Ur wech tremenet ar barrad dipit ha mezh, e seblante ar
suporterien, koulz hag ar c'hoarierien, bezañ o klask gwelet tu mat an
degouezh. Evit ar c'hentañ bloavezh e rann ar c'hleuboù a-vicher, eo deuet a-benn
Gwened da vont betek ur Gourfenn. "Skrivet hon eus ur bajenn
istor" eme ar gward-palioù Christophe Revel da Le Télégramme,
"klozet hon eus al levr en un doare mantrus siwazh. Met chom a ra
brav al levr daoust de bep tra."
|
|
|
|
|
|
|
Gake
no ue no Ponyo (Ponyo sur la falaise) |
|
|
|
Japan - 2007. Seveniñ : Hayao Miyazaki
Brav eston eo film nevez
Miyazaki. Livioù kaer, ur bed etre gwirvoud ha faltazi. Ur film mat eo evit
ar re vihanañ, met ivez evit ar re vras. Kalz a fent a zo, ur santad plijus
a-hed an abadenn. Dudius eo gwelet ez eo kaset an istor gant an daou vugel ha
n’eo ket an dud deuet a vestroni pep tra. Kaoz a zo ivez eus an
darempred etre mamm/tad ha bugel. Un doare dous ha brav neuze da gontañ
en-dro istor morganezig Andersen, hag ivez, un abeg da ziskouez eo mab-den
penn-kaoz distruj ar bed, an natur, ar mor. G.L. |
|
|
|
|
|
|
|
Pemp bloaz eo Sosuke, ha
plijout a ra kalz dezhañ mont da c’hoari war vord ar mor, e traoñ an
tevenn e-lec’h m’emañ o chom. Eno e kav ur peskig dezhañ penn ur
plac’hig. Ponyo a raio outi. Mignoned vras e teuont da vezañ. Tad Ponyo
avat, hag a zo bet den a-raok, a glask mirout ouzh e verc’h da vont da
vevañ e-touez an dud. Met kreñv eo youl ar verc’hig-pesk, c’hoant
he deus bezañ den ivez...
|
|
|
|
|
|
Röyksopp – Junior |
|
|
|
Ur seurt meskaj etre an div
bladenn gentañ eo Junior (e fin ar bloaz e teuio er-maez Senior):
pellaet ar strollad diouzh an dancefloor, tostaet ouzh ar pezh en doa savet
en e bladenn gentañ. Ur wech ouzhpenn en deus an daouad eus Norvegia pedet a
bep seurt tud da ganañ: Lykke Li (Miss It So Much), Robyn (The Girl
and the Robot) ha Karin Dreijer Andersson (This Must Be It ha Tricky
Tricky). Chañsoù zo ivez e teufe ur
ganaouenn evel Röyksopp Forever da vezañ un ton brudet hag arouezius eus
ar strollad, ken efedus ma'z eo (ar meskaj binvioù kerdin ha sonerezh
elektronek a zo efedus-kenañ). Un albom skañv ha pop da
vat eo, evel ma klever war Happy Up Here (ton kentañ ar bladenn, hag a
grog gant c'hoarzhadegoù), The Girl and the Robot ha This Must Be
It. Ur bladenn beurvat evit kregiñ gant an nevezamzer neuze. R.M. Embannet gant Virgin/EMI Muioc'h a Röyksopp : |
|
|
|
|
|
Dek vloaz goude krouidigezh
ar strollad ec'h embann Röyksopp e drede albom. An holl o deus soñj eus Melody
AM: tost holl donioù o fladenn gentañ a oa bet implijet da sonerezh
bruderezh, ha meulet e oa bet ar bladenn gant ar vurutellerien. Ne oa ket bet
entanet an holl gant o eil pladenn, The Understanding he zitl,
war zigarez e vije bet re "aes" pe efedus.
|
|
|
|
|
|
"Odyssée Celtique" 2009 e Bro
Breselien ...ha war ar web! |
|
|
|
Penaos e tremen an traoù? Ur pemzek skipailh
studierien eus Skolioù-meur ha Skolioù uhel eus Frañs o deus pep a raktres
evit difenn an endro. Ar studierien a vo war ar plas, e koad Breselien, etre
ar 6 hag an 9 a viz Mae, noz ha deiz, o redek, o krapat, o roeñviñ... A-benn
gounit e rank pep skipailh diskoulmañ divinadelloù. Evit respont dezho e
c'hellint resev titouroù digant o suporterien, a-drugarez da Internet! Penaos
skoazellañ anezho? N'hoc’h eus ken dibab ar skipailh a fell deoc’h
harpañ war lec'hienn l'Odyssée Celtique. Digoust eo an enskrivadur. Gant
skeudennoù ha kartennoù adwiriet ingal, e c'hallot heuliañ o hent, klask
respont d‘an divinadelloù eus ho tu ha kas titouroù d'an danvez
marc'heien zo o klask o hent e Breselien... Betek ar "Graal" a roio
tro da resev ur yalc'had a-benn seveniñ ar raktres ekologel a vo gant ar re
drec'h! Evit gouzout hiroc'h: http://blog.odyssee-celtique.com Lennit Bremañ miz Ebrel
An teuliad peder fajennad zo gouestlet er miz-mañ
d'ar c'helenn brezhoneg d'an dud deuet. Sifroù un diverrañ eus bilañs ar
c'helenn evit ar bloavezh 2008 gant Ofis ar Brezhoneg a gaver. Sevel a reer
ar poent war al labour kaset war-raok gant kreizenn Skol An Emsav gant ar
stummerez Anne Broussot. Alioù ur strollad deskarded a gemer perzh e
kentelioù noz zo bet dastumet ivez. Gallout a reer lenn ur pennad-kaoz gant
lusker ar gevredigezh Divskouarn, he deus kinniget asambles gant Stumdi, ur
staj war ar brezhoneg a-ratozh evit ar re a bled gant ar vugaligoù en o
micher. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Ur raktres liesseurt eo hini L'Odyssée Celtique.
Meskañ a ra mojennoù ha teknologiezhioù, glad ha skolioù uhel, endro ha dudi,
oberoù skipailh ha furchadegoù hiniennel... Tem abadenn ar bloaz-mañ zo
adkavout linenn-stur marc'heien an Daol-Grenn, evit gwareziñ hon Douar.