|
|
|
|
|
|
|
|
|
|
Lun 20 a viz Ebrel, niv.235 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Echu gant stad dreistordinal Tchetchenia hervez Rusia |
|
|
|
|
|
|
|
|
|
Diriaou tremenet en deus divizet prezidant Rusia,
Dmitri Medvedev, echuiñ gant ar stad dreistordinal a oa hini Tchetchenia
hervez Rusia abaoe 1999. D'ar c'houlz-se e oa bet kaset 30000 soudard rusian da
Dchetchenia, a-benn terriñ al luskad dizalc'hour eno, boulc'het e 1992.
Brezel Tchetchenia zo kroget e 1994, ha gant ar stad ispisial a oa hini ar
republik-se, e oa start-tre da gelaouennerien pe izili aozadurioù skoazell
gwelet penaos e tremene an traoù du-se. E-tro 40000 a dud a zo bet lazhet, ha
keloù ebet digant 5000 den all. Diviz Dmitri Medvedev a glot gant c'hoantoù
Ramzan Kadyrov, e penn melestradurezh Grozny, mignon d'ar Rusianed. E penn
bagadoù milisianed emañ Kadyrov, deuet a-benn da dapout ar garg a brezidant goude-se
bezañ skarzhet holl e gevezerien. Evitañ e oa poent nullañ al lezennoù
ispisial rak evitañ eo stabilaet an traoù ha tavet kalz ar rebeled
dizalc'hour. Bodad broadel enepsponterezh Rusia en deus disklêriet e oa pal
an diviz "reizhañ" an traoù e Tchetchenia, a-benn adsevel ha
diorren ar frammoù ekonomikel ha sokial. 20000 soudard rusian o deus kuitaet
Tchetchenia e fin ar sizhunvezh tremenet neuze.
|
|
|
|
|
|
Saotrus eo ivez an treloskoù
"glas" |
|
|
|
M.M. |
|
|
|
|
|
"Treloskoù glas" eo an anv a roer d'an
dourennoù savet diwar blant hag a vez kinniget evit erlec'hiañ ouzh an
eoul-maen e kefluskerioù ar c'hirri-tan. Un nebeud bloavezhioù zo e veze
gwelet un diskoulm dreist enno, met falloc'h-fallañ e vez o skeudenn. Da
gentañ abalamour d'ar c'hevezerezh a vez etre an tiriad evit gounit boued hag
an hini evit produiñ treloskoù. Ur studiadenn zo o paouez bezañ embannet hag a
gaso pelloc'h an traoù: ken saotrus all, ma n'eo ket muioc'h, eget an
eoul-maen e vefe an treloskoù "glas" a-benn ar fin. Hervez
hounnezh, bet savet gant an embregerezh Scott Wilson Group, abaoe ma vez
lakaet 10% a dreloskoù "glas" er c'hefluskerioù e vefe bet eztaolet
1,3 milion a donennoù Gazoù un Efed Gor ganto bep bloaz, da lâret eo kement
hag a vez bevezet gant 500000 karr-tan ouzhpenn. Evit kavout an disoc’h-se
ez eus bet kemeret e kont ar saotradur o tont eus implij an tiriadoù a-benn
desevel soja pe kolza: talvezout a ra e ranker dismantrañ koadeier pe
taouarc'hegi, ha neuze e vez dieubet kalzik a CO2.
|
|
|
|
|
|
Okitania degemeret e Treger |
|
|
|
E-kerzh an dibenn-sizhun a zeu e vo aozet lodenn
vrasañ en eskemmoù Breizh-Okitania: Gwener 1añ a viz Mae, e Tredraezh-Lokemo:
pourmenadenn gant sonerezh. E Lannuon, nozvezh kabaret er Pixie, gant BOC (Breizh
Occitània Connexion)... Sadorn 2 a viz Mae, er C'houerc'had: marc'had gant
sonerezh Breizh hag Okitania, kermes gant c'hoarioù hengounel eus an div vro,
stajoù dañs Okitania...Pred eus Aveyron, fest-noz/balèti gant La Talvera,
Skirienn, ar Vreudeur Cornic, Oh Boy... Sul 3 a viz Mae, er C'houerc'had, 6vet Gouel ar
Moc’h bihan. Evit gouzout hiroc'h: 02.96.38.93.07 |
|
|
|
|
|
Abaoe daou vloaz e vez eskemmoù frouezhus etre
Tregeriz hag Okitaned (re Tarn hag Aveyron dreist-holl). Eskemmoù war dachenn
ar sonerezh, ar boued, ar goueliañ zo bet etre tud an daou gorn-bro, ha
diwanet diwar-se raktresoù e bep seurt. Tregeriz zo o doa graet ur veaj betek
Gaillac ha St-Laurent d'Olt e fin miz Kerzu 2008. En taol-mañ eo an Okitaned
o deus graet an hent. Emgavioù zo bet aozet hervez tachenn ober an dud:
arzourien, sonerien, artizaned, keginerien, dañserien, konterien,
luc'hskeudennerien... Abaoe an 10 ha betek ar 26 a viz Ebrel emañ da skouer
an arzourien Anne Nourian, eus Tolosa, o kinnig hec’h oberennoù e 24
Saloñs Arzoù Kawan. Aozet eo bet an emgavioù-mañ gant KerJava, Cie Papier
Théâtre, Ti ar Vro Treger-Goueloù, Dastum Bro-Dreger, ar Pixie, les Amis des
Arts de Cavan, Cordae/La Talvera, PKK.
|
|
|
|
|
|
Mell-droad:
disoc'hoù an dibenn-sizhun |
|
|
|
Disoc’hoù ar Rummad
2 : Bastia –Brest
0-2 ; Dijon – Gwened 3-0 ; Gwengamp – AC Ajaccio 0-0 Na
zisoñjit ket tri emgav ispisial ar sizhun-mañ: an daou gentañ deuzouto, e
"Ruz-ha-Du", a vo tu deoc’h gwelet dimeurzh (Grenoble
–Roazhon) pe dimerc’her (Tolosa – Gwengamp) da 8e45 noz, da
geñver hanter-diskoulmoù kib Frañs ; hag an trede, hirc’hortozet
gant suporterien Vreizh, a enebo Gwened ha Bourdel e Stad Frañs, disadorn da
9e noz, evit gourfenn kib ar C’hevre. F.O. |
|
|
|
|
|
Disheñvel-mik eo bet an
dibenn-sizhun tremenet evit kluboù mell-droad Breizh: an FC Naoned (Bagayoko war ar skeudenn) a zo aet
ar maout gantañ (2-0 a-enep an OGC Nice) en ur ziskouez e oa kat da sevel ur
c’hoari-skipailh kreñv hag efedus. Sur eo ez a gwelloc’h an traoù
gant paotred Elie Baup, tennet er-maez eus lost ar c’hampionad.
Skipailh Roazhon a zo bet trec’het (3-1) e Monako: daoust d’un
tredeog iskis e zivizoù ha d’un difennour skarzhet o deus
c’hoariet mat Roazhoniz koulskoude. Met santet e vez e teu tamm-ha-tamm
ar skuizhder gant c’hoarierien o doa leusket nerzh war an dachenn e-pad
mizioù kentañ ar mare. Paotred an Oriant a zo bet trec’het ivez e-kerzh
ur bartienn start er Voustoer (1-2) a-enep Marseille, skipailh mennet mat
evit derc’hel gant e renk er c’hampionad.
|
|
|
|
|
|
|
Monsters
vs. Aliens (Monstres contre Aliens) |
|
|
|
Stadoù-Unanet
– 2009 Seveniñ
: Rob Letterman, Conrad Vernon Film-bevaat
skignet en ur stumm teirmentek e lec’hioù zo (Gaumont Roazhon, Pathé
Naoned ha lec’hioù all moarvat, gwiriit en a-raok) Adalek
6 vloaz
Un dudi eo klask an daveennoù da filmoù spont ar
bloavezhioù 50 a ya d’ober danvez an abadenn-mañ: ar plac’h
hanter-kant troad, euzhvil al lenn du, Godzilla, h.a. Ya, fent a zo e Monsters
vs. Aliens ha pa vefe kerse un tamm ar bommoù
“bramm-bramm-kakac’h” bet lakaet lec’h ha lec’h
all. An abadenn deirmentek he-unan n’eo ket kenkoulz hag hini Bolt
deuet er-maez daou viz zo: traoù a-dreuz zo gant ar skeudennoù gwech an
amzer, ar pezh a zo chalus pa c’heller paeañ betek 12€ evit
sellet ouzh ur film a seurt-se. Estreget ar fent hag ar gur deknik, ma vank
deoc’h bezañ boemet gant un istor barzhel e vo gwelloc’h
deoc’h mont da welet Ponyo, film-bevaat diwezhañ Miyazaki, memes
tra. Meriadeg Vallerie Kement ha gouzout
hiroc’h : |
|
|
|
|
|
|
|
Gant
ur pezh meteoritenn kouezhet eus an neñv eo skoet Susan Murphy da zeiz he
eured. Ha setu hi da vrasaat spontus dirak an aoter. N’eo ket pell
servijoù kuzh ar Gouarnamant a-raok skrapañ ar ramzez nevez ha kas anezhi
d’un toull-bac’h ma chomo gant euzhviled all betek fin he buhez.
Met traoù all deuet eus an egor zo o tostaat ouzh ar voul-zouar.
|
|
|
|
|
|
42vet Gouel Rock 'n' Solex e Roazhon 6-10 a viz Mae |
|
|
|
Azalek an deiz war-lerc'h e
vo graet plas d'ar sonerezh amplaet. D'ar Yaou 7 neuze e sono The Psychologist and his Medicine Band. Ur
strollad 100% rock eo ha ganto eo bet gounezet taol-lañs Rock 'n' Solex. Ur
meskaj sonerezh elektro ha sonerezh kreiz Europa a vo kinniget goude-se gant DJ Shantel. Da-heul e teuio ur strollad
breizhveurat brudet-bras e-touez selaouerien sonerezh elektro-jazz-hip-hop: The
Herbaliser an hini eo. Gant Caravane Palace e vo un tañva d'ar sonerezh
jazz termajied mesket gant sonioù elektronek hag ec'h echuo an nozvezh gant
an daouad breizhveurat South Central, hag a
vez keñveriet alies gant Justice. Kalzik hip-hop, ska ha reggae
a voe en deiz war-lerc'h: Toots and the Maytals,
Improvisators Dub ha Naive Beat Beaters. Bez’ e vo ivez Success eus Manchester, ha Les Doigts de l'Homme. Kalz hip-hop ivez d'ar
Sadorn: Lyre le Temps, La Caution, Beardy
Man vs JFC, Beat Torrent hag ur
strollad brudet e Breizh abalamour d' e sonadegoù leun a startijenn: Asian Dub Foundation. R.M. Fest-noz 7 euro, Yaou 7 :
18 euro. Gwener 8 : 19 euro. Sadorn 9 : 20 euro. Pass 3 devezh : 47 euro. Muioc'h a Rock 'n' Solex : |
|
|
|
|
|
A-benn ar Merc'her 6 a viz
Mae e krogo Rock 'n' Solex gant ur fest-noz. Seniñ a raio Plantec, Kadja
trio, Digresk ha Yawaki.
|
|
|
|
|
|
Minicake gant yaourt |
|
|
|
50 g bleud – 1 sac’hadig goell - 1 ½
loaiad vras Maizena – 55 g sukr
– ¼ loaiad vihan bikarbonat soda – 1 loaiad vihan greun roz-moc'h
– 1 melen-vi – 70 g yaourt – ½ loaiad vihan rusk suraval
– 1loaiad vihan chug suraval – 10 g amann evit ar siros : 1 suraval – 55 g sukr
– 60 ml a zour
Lakait ul loaiad meskaj e-barzh moulloù-gwestell
paper. Lakait er forn 10 mn. Diskargit diouzhtu warno ar siros tomm. Siros : tennit ar rusk suraval, ha
troc’hit a-lavnennigoù. Kemerit
2 loaiad vihan eus ar chug suraval ha porit en ur gastolodenn. Ouzhpennit ar
chug suraval, ar sukr hag ar banne dour. Lakait da virviñ 5 mn, hep meskañ
betek ma vo fetis a-walc’h ar siros. M.L. Lennit Bremañ miz Ebrel
An teuliad peder fajennad zo gouestlet er miz-mañ
d'ar c'helenn brezhoneg d'an dud deuet. Sifroù un diverrañ eus bilañs ar
c'helenn evit ar bloavezh 2008 gant Ofis ar Brezhoneg a gaver. Sevel a reer
ar poent war al labour kaset war-raok gant kreizenn Skol An Emsav gant ar
stummerez Anne Broussot. Alioù ur strollad deskarded a gemer perzh e
kentelioù noz zo bet dastumet ivez. Gallout a reer lenn ur pennad-kaoz gant
lusker ar gevredigezh Divskouarn, he deus kinniget asambles gant Stumdi, ur
staj war ar brezhoneg a-ratozh evit ar re a bled gant ar vugaligoù en o
micher. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Raktommit ar forn (forn etre). Tamouezit ar bleud
gant ar bikarbonat soda. Ouzhpennit ar greun roz-moc'h, ar melen-vi, ar
yaourt, ar rusk hag ar chug suraval hag an amann.