|
|
|
|
|
|
|
|
|
|
Lun 4 a viz Mae, niv.237 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Grip Mec'hiko war sioulaat |
|
|
|
|
|
|
|
|
|
E fin ar sizhun dremenet e oa pignet evezh Aozadur
ar Yec'hed er Bed betek al live 5 (diwar 6) evit afer ar grip A (H1N1), bet
lesanvet grip Mec'hiko pe grip ar moc'h. Abaoe ar 24 a viz Ebrel eo aet war
zigresk an niver a dud tizhet gant ar c'hleñved nevez. Kenderc'hel a ra tud
da vezañ klañv, met n‘en em led ket ar grip ken buan hag a-raok. En
holl e vefe bet 898 den klañv e 18 Stad disheñvel. E Mec'hiko hag er
Stadoù-Unanet emañ ar brasañ niver anezho. Du-hont
|
|
|
|
|
|
Norvegia: berzet an eoul-maen a-benn
2015? |
|
|
|
|
|
|
|
|
|
Kristin Halvorsen (sk.), ministrez an arc'hant e
Norvegia, a zo plijet gant ar mennozh berziñ gwerzh ar c'hirri-tan nevez a ra
gant eoul-maen, adalek 2015. Un doare da vroudañ ar broduerien girri da vont
war-du otoioù na saotront ken kement, gant treloskoù nevez. Kinnig Strollad
sokialour kleiz Norvegia a vefe bet awenet gant diaesterioù industriezh ar
c'hirri-tan da-heul enkadenn an ekonomiezh hag ar redi stourm a-enep tommadur
an hin. An enklaskoù e-keñver teknologiezh a vefe neuze da gas war-raok groñs
evit cheñch penn d'ar vazh war an div dachenn. A-benn tapout lañs, he deus
kinniget Kristin Halvorsen, e-kerzh ul lid kinnig kirri-tredan en Oslo,
berziñ d'ar broduerien girri gwerzhañ otoioù a ra gant treloskoù fosil, a-benn
2015, war bouez ar re a ra gant div energiezh. Disklêriet en deus Jens
Stoltenberg, kentañ ministr ar vro, bezañ a-enep ar raktres-se. Ne vo ket
degemeret ar c'hinnig-se moarvat, met evit Kristin Halvorsen eo pouezus ober
seurt kinnigoù evit magañ ar preder da vihanañ.
|
|
|
|
|
|
Diskouezadegoù gant livadurioù Armel
ar Sec'h |
|
|
|
An eil
diskouezadeg e penn all ar vro (met er c'hreisteiz bepred) e kreizenn Yezhoù
ha Sevenadur, e Sant-Ervlan, e-kichen Naoned. Du-se e chomo an diskouezadeg
livadurioù etre ar 15 hag ar 24 a viz Mae. Kelenn,
3 straed Vañde, 29000 Kemper. Digor
bemdez nemet d’ar Sadorn ha d’ar Sul. Degemer: 9e-12e/13e-17e30 Yezhoù
ha Sevenadur, 13 rue du rémouleur, 44800 Sant-Ervlan. Digor
etre 2e g.k. ha 7e noz. Evit
gouzout hiroc'h: |
|
|
|
|
|
Div
ziskouezadeg a vo kinniget e-kerzh ar miz-mañ gant al livourez Armel ar Sech,
e Breizh. Tem an div ziskouezadeg, anvet "korrig.com" zo... ar
gorriganed! Un daou-ugent livadur bennak zo en dastumad-se. Ingal e vezont
kinniget gant barzhonegoù divyezhek. Korrig.com zo e bal kas ar seller betek
ur bed a huñvre hag a liv. Lec'h ma c’hall pep tra c'hoarvezout, bihan
ma z’eo an tudennoù, deuet diwar kalon ha fent hor pobl. E Kemper e vo
un diskouezadeg etre an 8 a viz Mae hag an 23 a viz Even, e kreizenn Kelenn
Diwan, e karter Penharzh. Lid digeriñ an diskouezadeg a vo a-benn ar Yaou 7 a
viz Mae.
|
|
|
|
|
|
Kib
Frañs a vo kib Breizh, a-benn disadorn |
|
|
|
|
|
|
|
|
|
Gourfenn Kib mell-droad Frañs a vo aozet a-benn
disadorn, e Stad Frañs. Evel ma ouzit ez aio ar maout gant Bretoned: pe re Wengamp
(Rummad 2), pe re Roazhon (Rummad 1). Peurwerzhet eo bet tikidi an emgav en
div gêr-mañ en un nebeud eurvezhioù hepken e-kerzh ar sizhun dremenet. Spi zo
da gaout e vo dedennus ar c'hrogad daoust d'ar c'hoarierien bezañ
"amezeien" hag e vo kennerzhet ar suporterien en un doare laouen.
Un digarez eo bepred evit Kuzul-rannvro Breizh da vrudañ ar vro: 20000 gwenn-ha-du
bihan a vo profet da arvesterien ar Gourfenn ha 40000 follenn-vrudañ gant ar
Rannvro evit kinnig abadennoù Gouel Erwan 2009 er bed a-bezh. Goulennet en
deus ivez Jean-Yves an Drian an aotre digant an FFF (
|
|
|
|
|
|
|
In the
Electric Mist |
|
|
|
Stadoù-Unanet,
Frañs – 2008 Seveniñ
: Bertrand Tavernier Diwar
oberenn James Lee Burke
Tramor eo aet Tavernier da dreiñ ur film met
n’eo ket nevez e vefe dedennet gant ar Stadoù-Unanet. Ar pezh a ra
talvoudegezh ar film eo e aergelc’h kentoc’h eget e steuñvenn
evel-just: un aergelc’h pounner, tasmantoù e pep lec’h, h.a.
Awenet eo Tavernier evit magañ an dra-se ha skoazellet eo en e labour gant ur
skeudenn a-feson hag un Tommy Lee Jones ken awenet all. Meriadeg Vallerie Kement ha gouzout
hiroc’h: |
|
|
|
|
|
|
|
E
latar gludennek Louisiana ez eus ur muntrer hag a laosk war e lerc’h
korfoù-marv merc’hed yaouank mac’hagnet gant doareoù barbar. Dave
Robicheaux
|
|
|
|
|
|
The Golden Filter |
|
|
|
Ne ouezer koulz lavarout
tost netra diwar o fenn: tri den (ur paotr, div blac'h) eus New York,
sonerezh elektronek a vez graet ganto, damheñvel ouzh ar pezh a ra Fan Death,
lakaomp. Sur a-walc'h o deus kaset o yaouankiz o selaou New Order, Depeche
Mode ha marteze ivez... Giorgio Moroder. N'int bet degemeret gant ti-embann
ebet betek-henn, en ur mod n'eo ket grevus-tre: hag un dazont a zo d'an
tiez-embann pladennoù? O bezañs o deus gouezet
mestroniañ 100 dre 100: Myspace, Facebook, Twitter. Dre Internet int deuet
a-benn da vezañ brudet gant un ton nemetken, efedus hag eeun evel ma n'eo ket
posupl, hag anvet Solid Gold (neb a gar a c'hallo kontañ pet gwech e
vez lavaret ar ger gold e-pad ar ganaouenn). Hag ouzhpenn a roont anezhañ hag
un nebeud remiksoù anezhañ. Abaoe n'hon eus ket kavet
kalz muioc'h a ditouroù diwar o fenn, emaint o treiñ er mare-mañ gant an
daouad aostralian The Presets, ha kenderc'hel a reont da adveskañ tonioù
savet gant strolladoù all (Empire of the Sun, Little Boots). An holl re o deus klevet
The Golden Filter a soñj dezho e vo unan eus strolladoù elektronek pouezusañ
ar bloavezhioù da zont. Deoc'h d'ober ho soñj dre al liammoù kinniget amañ
dindan: Muioc'h a C'holden Filter: http://www.thegoldenfilter.com/ http://www.myspace.com/thegoldenfilter http://thegoldenfilter.tumblr.com/ Pellgargañ Solid Gold
digoust (hag aotreet): http://www.nme.com/blog/index.php?blog Pellgargañ o remiks eus
Empire of the Sun: http://www.nme.com/blog/empire_of_the_sun Solid Gold sonet war al
leurenn: R.M. |
|
|
|
|
|
Petra nevez? Netra nevez,
war-bouez The Golden Filter.
|
|
|
|
|
|
"Odyssée Celtique" 2009 e
Bro Breselien ...ha war Internet! |
|
|
|
Penaos e
tremen an traoù? Ur pemzek skipailh studierien eus Skolioù-meur ha Skolioù
uhel eus Frañs o deus pep a raktres evit difenn an endro. Ar studierien a vo
war ar plas, e koad Breselien, etre ar 6 hag an 9 a viz Mae, noz ha deiz, o
redek, o krapat, o roeñviñ... A-benn gounit e rank pep skipailh diskoulmañ
divinadelloù. Evit respont dezho e c'hellint resev titouroù digant o
suporterien, a-drugarez da Internet! Penaos skoazellañ anezho? N'hoc’h
eus ken dibab ar skipailh a fell deoc’h harpañ war lec'hienn l'Odyssée
Celtique. Digoust eo an enskrivadur. Gant skeudennoù ha kartennoù adwiriet
ingal, e c'hallot heuliañ o hent, klask respont d‘an divinadelloù eus
ho tu ha kas titouroù d'an danvez marc'heien zo o klask o hent e Breselien...
Betek ar "Graal" a roio tro da resev ur yalc'had a-benn seveniñ ar
raktres ekologel a vo gant ar re drec'h! Evit
gouzout hiroc'h: http://blog.odyssee-celtique.com Lennit Bremañ miz Mae
Kaoz zo eus an holl
draoù-se hag eus traoù all c'hoazh e-barzh niverenn Bremañ Mae 2009. An teuliad peder fajennad zo gouestlet er miz-mañ d'an
aozadurioù kevredigezhel a bled gant sevenadur ha yezh Breizh war hent an
ofisielaat. Ur C'huzul Sevenadurel nevez a vo krouet gant Rannvro breizh, ha
cheñch a raio statud Ofis ar Brezhoneg: un Diazezadur foran a genlabour
sevenadurel e vo bremañ. Ur pennad-kaoz hir a vo kavet gant prezidant Kuzul
Sevenadurel Breizh hiziv. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Efedoù enkadenn an
ekonomiezh en Island hag en Izelvroioù, ar raktres astenn Internet .bzh,
studiadenn Fañch Broudic ha TMO-Régions diwar-benn stad ar yezh, livadur Gauguin,
Gweledigezh ar sarmon, e Kemper, Tro Bro Leon 2009...