|
|
|
|
|
|
|
|
|
|
Lun 28 a viz Ebrel,
niv.189 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Gouel bras 30 vloaz Diwan! |
|
|
|
Peadra a
vo kinniget war tachenn Leurenn Glenmor Karaez evit reiñ tro d'an holl da
lenn, da redek, da c'hoari, da zañsal, da ganañ, da dridal dirak filmoù,
skeudennoù Loeiz Bloñs, ha me ’oar-me. Saloñs an embannerien vrezhonek,
Gourfenn ar Skrabell, fin ar Redadeg (chom a ra 20km da brenañ!), mell-droad
giz Iwerzhon, c'hoari hengounel ar vro... Start e vo ober an dibab! Kinniget
e vo ivez ur romant nevez savet gant skolidi Diwan, un dastumad skridoù 30
linenn, savet gant 30 den diwar-benn ar skolioù brezhonek... Skipailh aozañ
Diwan 30 zo deuet a-benn ivez da vodañ 80 soner ha kaner evit lidañ an
deiz-ha-bloaz, en o zouez ar C'habil brudet Idir. Gellout a reer prenañ ur
pass e 15 euro evit mont-ha-dont etre ar Sadorn hag ar Sul. Digoust e vo an
tri devezh gouel evit ar vugale dindan 15 vloaz. Un dachenn-gampiñ a vo ivez. Evit gouzout hiroc'h : http://diwan30.free.fr |
|
|
|
|
|
Pedet eo
an holl da lidañ 30 vloaz skolioù Diwan. 30 vloaz a startijenn, a
ziaesterioù, a genlabour, a stourm, a levenez hag a blijadur dreist-holl.
D'an 2, 
|
|
|
|
|
|
Tabut tro-dro da skritelloù bruderezh
en Aodoù-an-Arvor |
|
|
|
M.M. |
|
|
|
|
|
N'eo ket nevez an danvez, met n'eo ket echu an
afer. E penn-kentañ miz Ebrel ez eus savet cheu tro-dro da skritelloù a oa
bet savet gant ur sindikad evit adaozañ al lastez, er Chatelêts, e-kichen
Sant-Brieg. Ar re-se a vroude an dud da veveziñ en un doare doujus ouzh an
endro, da skouer o chom hep ober gant danvezioù goloet gant kalzik pakadoù
hag a rae kalz a lastez.
|
|
|
|
|
|
"Nozvezh ar mirdioù" e
brezhoneg |
|
|
|
E Breizh e vo "Gweladennoù prim" e mirdi an Arzoù-kaer e Naoned gant prezegennerien o tisplegañ un dibab oberennoù e-touez re an
dastumad ha re an diskouezadeg verrbad "Livouriezh Rutault o kinnig
livouriezh Gorin". Bep dek munutenn e vo displeget meur a oberenn e
rannoù disheñvel ar mirdi. Aozet e vo c'hoazh gweladennoù saloñs al livourien
Italian kentidik gant gouloù ur c'hleuzeur-dorn. Sonerezh a vo tro da glevet
ivez gant ar "Saloñs
sonerezh elektroakoustik", ur staliadur son e-barzh unan eus ar salioù gouestlet d'an
dastumadoù kempred, ha gant skolajidi eus Naoned, Reudied ha Sant-Ervlan e vo
kaset un emgann Slam dirak taolennoù ar sal 1900. E mirdi Kastell Duged
Breizh e vo tu da selaou lennadennoù testennoù barzhoniezh leurennet en ur mod souezhus gant ar
gompagnunezh "Ar Soñj feal." E Roazhon e vo Mirdi Breizh ar
Maezioù Frank o kinnig "Brezhoneg war wel",
ur pezh-c'hoari gant ar strollad “Barzhanoff”. Hag evit mont da heul diskouezadeg verrbad ar skritellour B.
Collet e vo arzourien yaouank o sevel skritelloù dirak ar weladennerien war dodenn
nozvezh ar mirdioù. Ha tro-dro d'ar gallaoueg, en Ekomirdi bro
Moñforzh, e vo tro da selaou ar violoñs mod hengounel Breizh uhel ha
kontadennoù gant Marie
Chiff'Mine. Hoel Louarn Evit kaout roll an
holl abadennoù: http://nuitdesmusees.culture.fr |
|
|
|
|
|
Pevare
|
|
|
|
|
|
Distro ar Ganaried er C'hevre
1 ! |
|
|
|
Bloaz zo e oa diskennet an FC Naoned er C'hevre 1.
Digalonekaet e oa ar suporterien o welet e oa deuet a-benn ar skipailh da
chom 44 bloaz diouzh renk er C'hevre 1 hag o koll. Kalz a cheñchamantoù zo
bet abaoe gant ar c'hleub bet gwerzhet gant strollad Dassault d'ar prezidant
nevez, Waldemar Kita. Hemañ en deus bet c'hoant reiñ ur skeudenn nevez d'ar
c'leub gant ur skoed hag ur gwiskamant nevez, bruderezh war internet, war
busoù ar gêr-benn... Fellout a ra dezhañ war a seblant, adframmañ an
dispignoù. Nebeutoc'h a c'hoarierien a-vicher (tremen eus 37 da 28), met dont
a-benn da duta tri pe bevar c'hoarier skiant-prenet ganto, evit kreskiñ ar
strollad Pierre-de Freitas-Faty-Maréval-da Rocha o deus kaset ar Ganaried
war-raok e-kerzh ar bloavezh-mañ. |
|
|
|
|
|
Deuet eo a-benn FC Naoned, digwener, da gaout ar
gwir da bignat eus ar C'hevre 2 d'ar C'hevre 1, a-drugarez d'ar c'hrogad
a-enep Montpellier, rampo 1-1. Trawalc'h a boentoù o deus ar Ganaried evit
chom hep bezañ trubuilhet gant ar skipailh a zeu war o lerc'h er renkad,
Troyes. Naoned hag an Havr zo sur da vont er C'hevre 1 evit ar bloaz a zeu.
An trede plas a chomo da dapout. Troyes, Grenoble ha Clermont zo war ar renk.
Brest ha Gwengamp a zlefe chom er C'hevre 2.
|
|
|
|
|
|
|
Black Sheep |
|
|
|
Zeland-Nevez
– 2007 Senario
ha seveniñ : Jonathan King Priz
ar publik ha priz ar juri e Festival ar filmoù moliac’h e Gerardmer Berzet
d’ar re dindan 12 vloaz
Awen zo bet gant Jonathan King evit e film kentañ:
sevel un abadenn rummad B gant deñved gwadsec’hedik e plas zombied,
nemet gant ar “pitch”-se e santer e tlefe bezañ farsus. Hag ez
eo. Ne c’heller nemet soñjal e deroù red-micher Peter Jackson, ur
sevener all eus Zeland-Nevez en doa kroget gant filmoù spont dic’hortoz
eñ ivez: Bad Taste e 1988 ha Braindead e 1992 a-raok dont da
vezañ mil anavezet gant teiroberenn Aotrou ar gwalennoù ha King-Kong
e 2005. Da welet bremañ petra raio King en dazont. Meriadeg Vallerie Kement ha gouzout muioc’h: www.blacksheep-themovie.com |
|
|
|
|
|
|
|
Aon rak an deñved
en deus Henry Oldfield
|
|
|
|
|
|
Portishead - Third |
|
|
|
Mat-tre. Met neuze e chom
ur goulenn, AR goulenn: 10 vloaz goude o div bladenn gentañ, da betra servij
Portishead? Anavezet eo o doare, betek re: ur meskaj sonerezh soul hag
elektro, levezon Morricone, trouzioù pladennoù vinil o treiñ, ha mouezh ar
ganerez war-benn, evel ma vefe-hi o leñvañ, seurt traoù. Goude un digoradur
dereat a-walc’h anvet Silence e tistro ar strollad d’ar
sonerezh a ginnige deomp er c’hantved tremenet: Hunter,
souezhadenn ebet, evel an teir c’hanaouenn ziwezhañ. The Rip a
zo heñvel ouzh ar pezh a reas ar ganerez hec’h-unan un nebeud bloavezhioù
zo (Beth Gibbons & Rustin Man). We Carry On a zo dereat ivez, met
santet e vez n’eo ket boas Portishead d’ober
sonerezh-arnodiñ… Petra a chom er fin, neuze?
Un ton mat, Machine Gun e ditl, levezonet gant ar sonerezh elektro
diazez hag ar sonerezh industriezh. Perak eo mat? Peogwir eo disheñvel
penn-da-benn diouzh ar pezh a rae ar strollad 10 vloaz zo… Pa oa deuet
er-maez Mezzanine gant Massive Attack, ur bladenn kalz gwelloc’h, hag a
ziskoueze splann e oa echu ar sonerezh trip-hop. R.M. Embannet gant Island Muioc’h a
ditouroù : http://www.myspace.com/PORTISHEADALBUM3 D’an 23 a viz Ebrel-se…
D’un 23 a viz Ebrel e oa bet ganet William
Shakespeare, Vladimir Nabokov, Halldor Laxness, Maurice Druon, Manuel Mejia
Vallejo ha Andreï Kourkov, skrivagnerien holl-vrudet. Souezhusat tra, e oa
aet da anaon William Shakespeare, e 1616, d’an 23 a viz Ebrel adarre,
evel Miguel de Cervantes ha Garcilaso de la Vega! Marvet e oa William
Wordsworth, Jules Barbey d’Aurevilly, André Theuriet ha Josep Pla
d’un 23 a viz Ebrel ivez. Setu perak e tivizas Prezegenn hollek an UNESCO* e
teuje an deiziad-se da vezañ Devezh Bedel al Levrioù ha Gwir an Oberourien e
1996. “Pa n’eo ket digor hent bed an embannerezh d’ur
yezh, lakaet eo-hi - gant ar re a ra ganti - er-maez eus un darn vras eus buhez-spered
hag oberiantiz armerzhel ar gevredigezh" en doa kemennet Koïchiro
Matsuura, he Rener Pennañ. Evidomp Bretoned e klot an 23 a viz Ebrel 1885
gant ganedigezh Charles Tremel, gwelloc’h anavezet dindan e anv-pluenn
Jarl Priel (diwar anv ar gumun, e-kichen Landreger, e-lec’h ma’z
oa bet ganet). Un dro gaer eo evit dizoleiñ buhez dispar ar skrivagner
tregeriat: martolod, kelenner war ar galleg e Bro-Rusia gant e wreg, kaset
evel jubennour davet ar soudarded rusiat e Bro-C’hall (da c’houde
e Bro-Aljeria) e-pad ar Brezel Bras, implijad an eil burev gall e Polonia,
jubennour en-dro evit Ministrerezh ar Brezel ha sekretour Charles Dullin
(diazezer C’hoariva L’Atelier). D’ar c’houlz-se e oa
darempredet al lec’h-mañ gant Marcel Achard, Louis Jouvet, Armand Salacrou
ha Michel Simon: "Iskis" hoc’h eus lâret? E-touez danevelloù,
levrioù, pennadoù ha pezhioù-c’hoari bet skrivet gantañ eo ret ober
anaoudegezh gant un den dreistordinal a-dreuz e dri levr brudetañ Va
zammig buhez, Va buhez e Rusia hag Amañ hag ahont. Moaien ez eus d’ober gwelloc’h
c’hoazh: mont da weladenniñ Bro-Briel, tamalodet etre ar stêrioù Gindi
ha Yeodi hag Aod al Lann. Du-hont e vo komprenet mat perak e voe Jarl Priel
ken tomm ouzh e vro c’henidik... Yannig Boulard *Bloavezh etrebroadel ar yezhoù eo bet embannet bezañ
ar bloaz 2008 gant Bodadeg hollek ar Broadoù Unanet.
Amsterdam a zeuy war-lerc’h Bogota evel Kêr-benn vedel al levrioù. |
|
|
|
|
|
Hiziv e teu er-maez, goude
bezañ gortozet 10 vloaz, trede pladenn Portishead. Evel-just (?) e
c’haller pellgargañ anezhi diaotre pell zo. Evit ar re a gav
gwelloc’h doujañ ouzh ar reolennoù e c’haller klevout an albom
a-bezh war last.fm abaoe ur sizhun zo. 
Peder eurvezh warn-ugent ez eus en un devezh-pad
evel ma oar pep hini. Ha kalz muioc’h a zarvoudoù, dister pe bouezus, a
c’hall c’hoarvezout enno. N’eo ket disheñvel an 23 a viz
Ebrel diwar-benn an danvez-se.
|
|
|
|
|
|
Kuri pinochez gant bananez |
|
|
|
1 kg pinochez – 3 bananezenn – 50 g
rezin sec’h melen – 50 g amann – 1 loaiad vras poultr kuri
– 1 loaiad vras chug suraval – pebr hag holen Gwalc’hit ar
pinochez. Dibluskit ha troc’hit ar bananez a-ruilhennoù tev. Strimpit
gant ar banne chug suraval evit nompaz duiñ an tammoù. Lakait da deuziñ an
amann en ur baelon, Asfritit e-barzh ar ruilhennoù bananez war dan bras,
troit anezho. Tennit diwar dan ha lakait e plas ar pinochez hag ar rezin. Goloit
ha lakait da c'hweziñ 10 mn war dan bihan. Ouzhpennit an tammoù bananez, pebrit, holennit ha
poultrennit gant kuri. Lezit 5 mn c’hoazh war dan etre. Servijit
e-barzh bolennoù. Mari Lubrano Lennit Bremañ!
An
teuliad peder fajennad zo gouestlet en niverenn-mañ da zisoc'hoù dilennadegoù
kêr ha kanton 2008 e Breizh. Disoc'hoù ar c'hêrioù brasañ ha re aroueziusañ
ar vro a vo kavet, koulz hag un dielfennadur gant Romain Pasquier, enklasker
er CNRS ha kelenner e IEP Roazhon. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet gant Skol an Emsav (4,5
euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Danvez evit 6 den