|
|
|
|
|
|
|
|
|
|
Lun 21 a viz Ebrel,
niv.188 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Aimé Césaire ha Germaine Tillion aet da Anaon |
|
|
|
Germaine Tillion a oa bet
ganet hi e 1907 e Allègre, en Auvergne. Aet eo da Anaon disadorn, tost 101
bloaz e oa. Etnologourez, mont a ra en Aljeria, en Aurès, e 1934 a-benn
studiañ pobl ar Chaouia hag ar Verbered. Distreiñ a ra e Frañs e 1940. Kemer
a ra perzh adalek ar mare-se en Harzerezh. Dre faot ur flatrer, ez eo kaset
Germaine Tillion en toull-bac'h e Fresnes, ha kondaonet d'ar marv ha kaset da
Ravensbrück e 1943. Dieubet e vo a-raok. Distreiñ a ra goude ar brezel da
Aljeria. Eno e tiwano ar brezel buan goude-se ha stourm a raio hi a-benn
kaout ar Peoc'h. Skrivañ a raio ivez kalz evit testeniañ eus ar pezh he deus
bevet: L'Algérie en 1957, L'Afrique bascule vers l'avenir, Ravensbrück... Un diskouezadeg zo bet savet nevez zo e koun
labour Germaine Tillion, "Ethnologue et résistante", hag a c'heller
mont da welet er Maezioù Frank e Roazhon, betek ar 4 a viz Mae. |
|
|
|
|
|
Diriaou eo aet da Anaon ar
barzh ha politikour martinikat Aimé Césaire. 94 vloaz e oa. Ganet e oa bet e
1913 e Pointe-Basse, war enezenn Martinik. Goude studioù e Frañs, e tistro
d'e vro evit kelenn. Ober a raio anaoudegezh gant Léopold Sédar Sanghor d'ar
mare-se, ha mignoned e chomint da c'houde. Kregiñ a ra da embann skridoù, er
gelaouenn L'étudiant noir, hag etre 1936 ha 1938 e savo Cahier d'un
retour au pays natal. Bepred en deus pedet an dud du ha gwenn da brederiañ
war perzhioù feukus an trevadenniñ, koulz evit ar re drevadennet hag evit an
drevadennerien. Gant e skridoù o deus kalz a dud eus Martinik hag eus Afrika
kavet nerzh evit kaout doujañs evito o-unan da gentañ. Aet e oa ivez war hent
ar politikerezh. Maer Fort-de-France eo bet e-pad pell, ha mont a rae
politikourien Frañs d'e welet ingal. Nac'het en doa Aimé C
|
|
|
|
|
|
Ul lezenn evit ar chaseourien ? |
|
|
|
Tri foent souezhus a vefe kavet al lezenn
nevez-mañ: da gentañ, evit talañ ouzh digresk an niver a chaseourien e vefe
kinniget izelaat priz an aotre chaseal evit ar re a zo dindan 18 vloaz. Da
eil, ar re o deus douaroù a vefe rediet da sevel un tres evit tennoù ar
chaseourien, da lâret eo n'hallfent ket mui mirout ma vefe hemolc'het war o
zachenn. Da drede e vefe roet muioc'h a arc'hant da Ofis Broadel ar Chase hag
al Loened Gouez o lakaat un tailh ouzhpenn war ar sigaretennoù. N'eo ket gwiriet c'hoazh al lavaroù diwar-benn ar
raktres nevez-mañ, dont a ra ar c'heloù eus ar Gevredigezh evit Gwarez al
Loened Gouez. M.M. |
|
|
|
|
|
Gwelet hon eus pegen bras e oa an dislavar etre
diskleriadennoù ar gouarnamant diwar-benn an endro hag ar pezh a veze graet
gantañ. Goude ul lezenn diwar-benn an OGK a harzo ouzh ar re n'o deus ket
c'hoant da vezañ kontammet gant an OGK (labour-douar bio, labeloù, ...) da
vezañ sur ne vint ket kontammet e vo kinniget, a-benn nebeut, ul lezenn
diwar-benn ar chase.
|
|
|
|
|
|
Gouel ar fotoioù mor kinniget e Gwened |
|
|
|
Gant Philippe Plisson e vo tro da ober ur bourmenadenn
adalek al Laeta gwelet eus an uhel betek al Liger-Atlantel, hag e brezhoneg
mar plij. Gant "Aqua Mater" e vo gwelet un dibab eus oberennoù
Sebastião Salgado abaoe 1973
diwar-benn buhez, labour ha poanioù pobloù ar bed. Dizoloet e vo
labour Olivier Jobard war an enbroañ en Europa gant luc'hskeudennoù ur veaj
evit treuziñ strizh-mor Jibraltar war ur vagig ha kreizenn Sangate. Barregezh
ar re yaouank a vo lakaet war wel ivez gant daou luc'hskeudenner o deus bet ur
World Press: ar "Mor du" gant Vanessa Winship ha Paul Nicklen bet e
penn-ahel an Norzh evit degas skeudennoù an arzhed a zo war-nes mont da get. Ha bep noz da 10 eur e vo
skignet "Keleier ar mor 2007-2008" war ar voger-difenn: ar Bangladesh distrujet gant ur gorventenn pe
ur vatimant aet d'ar strad en Antarktik hag holl darvoudoù bras all an 18 miz
diwezhañ. Hoel Louarn Bemdez
e Gwened etre 9e ha 7e, digoust. Evit gouzout hiroc'h : www.photodemer.fr |
|
|
|
|
|
Betek an 18 a viz Mae e vo kinniget 15 diskouezadeg
evit pevare "Gouel etrebroadel al luc'hskeudennoù mor" e
|
|
|
|
|
|
Gwened Olimpek Klub en Eil Rummad
broadel a vell-droad: graet ha great eo ! |
|
|
|
Goude ar c’hrogad a-rampo 0-0 bet
kerc’het e Romorantin disadorn hag a-drugarez disoc’hoù souezhus
e gevezerien bennañ, d.l.e. Tours FK – Nimes Olimpek
1-1 KS Louhans-Cuiseaux 71 – Stad Laval FK 1-0 FK Sète – Villemomble Sportoù 0-0 e pign ar Gwened Olimpek Klub (skeudenn) en Eil Rummad
broadel a vell-droad pevar devezh a-raok klozadur ar c’hampionad a
National!
Sed amañ dindan ar renkadur a-vremañ goude 34
c’hrogad : 1
Gwened Olimpek Klub 65 poent 2
Tours FK
60 poent 3
Stad Laval FK 54 foent --------------------------------------------------- 4
Nimes Olimpek 54 foent 5
FK Sète
52 boent O vezañ ma ne bigno er rummad a-us nemet an tri
c’hentañ hag e vo c’hoariet c’hoazh ur c’hrogad etre
ar Stad Laval FK hag an Nimes Olimpek, ne c’hall ket bezañ adtapet ar
GOK gant an daou glub-se abalamour d’un diforc’h a unnek poent. Ne c’hallfe ket c’hoarvezout
gwelloc’h diskoulm evit lidañ dekvet deiz-ha-bloaz ar c’hlub
gwenedat, bet ganet e 1998 diwar an emglev bet savet etre an FK ha Véloce
Gwened. A-raok kejañ gant Brest ha Gwengamp er bloaz a zeu
eo ret d’ar gourdoner S. ar Mignan ha d’e c’hoarierien mont
betek penn an avantur en ur zont da vezañ Kampion Frañs a National. A dra sur e vo leun-chouk stad La Rabine da-geñver
degemer an FK Martigues, renket da ziwezhañ, d’ar 26 a viz Ebrel. Mall
a vo war ar suporterien wenedat da ziskouez pegen lorc’hus ha laouen
int hag e chomo pell ar c’houlzad istorel-mañ en o eñvorioù. Fentus eo pa soñjer e c’hallfe bezañ
degemeret e Gwened er mizioù a zeu ar… Paris Sant-Jermen marteze. Yannig Boulard |
|
|
|
|
|
|
|
|
|
|
|
|
Sans arme, ni haine, ni violence |
|
|
|
Frañs
– 2007 Senario
ha seveniñ : Jean-Paul Rouve
“Blink-blink” e
oa Spaggiari, diouzh an troiennoù a vremañ. Aze emañ prezeg Jean-Paul Rouve:
diskouez temz-spered un den krignet gant ar c’hoant bezañ anavezet tra
ma oa ret-groñs dezhañ chom kuzh. Kinnig a ra ar steuñvenn-se un
aergelc’h dudius, ha dalc’het e vez d’ar bromesa-se, met ur
souezhadenn vat-tre eo ar film kentañ-se war ar stumm ivez. Kerse eo e trofe
da voutinoc’h un tamm dibenn an abadenn avat. Meriadeg Vallerie |
|
|
|
|
|
|
|
Ur mennozh en deus
bet Albert Spaggiari
|
|
|
|
|
|
Sonic Youth – Daydream Nation |
|
|
|
Sioul e krog an traoù, pa
glever notennoù kentañ Teenage Riot (ur manifesto, koulz lavaret).
Stegnoc’h da vat goude-se, gant Silver Rocket, Eliminator Jr
pe Eric’s Trip. Un ton nemetken a zo sioul a-walc’h, The
Sprawl. Evit a sell ouzh an tonioù 100% trouzus ez eus peadra ivez, gant Total
Trash ha Trilogy (14 munutenn). Sed aze ur perzh ouzhpenn a ra
talvoudegezh an oberenn: punk, free jazz, trouz ha taolioù-arnod, rock
New-York… dont a ra a-benn ar strollad da veskañ holl e levezonioù. Fellet ez eus d’ar
strollad embann ar bladenn en-dro er bloaz tremenet: ouzhpennet ez eus bet un
demo, peder c’hanaouenn savet
gant strolladoù all ha sonet en-dro gant Sonic Youth hag un abadenn
"live" gant holl donioù ar bladenn, enrollet e New York hag en
Amsterdam. Seniñ a ray Sonic e Sant-Nazer
(e-pad "Les Escales") a-benn an 9 a viz Eost. Un nebeud mizioù a
chom deoc’h neuze evit dont a-benn da vont e-barzh unan eus oberennoù
pennañ istor ar rock. R.M. Embannet gant Geffen Muioc’h a
drouz : |
|
|
|
|
|
Ur wech an amzer, leuskel
a-gostez ar strolladoù nevez, ha splujañ en-dro er pezh a blije deomp pa oamp
yaouank. Ha just a-walc’h: 20 vloaz zo e teue er-maez Daydream Nation,
gwelet peurliesañ evel pennoberenn Sonic Youth, met ivez evel trede lodenn an
drilogiezh enni Evol (1986) ha Sister (1987). D’ar mare-se e oa ivez
Reagan e penn ar Stadoù-Unanet…
|
|
|
|
|
|
Rollad asperjez gant morzhed-hoc'h
kriz |
|
|
|
Dibluskit ha gwalc’hit an asperjez. Poazhit
anezho 5 mn en ur brimgaoter, dizourit (diwallit nompaz troc’hañ ar
begoù) Aozit ar soubilh bechamel; ouzhpennit ar vioù
poazh-kalet hag ar c’hraksivolez drailhet. War pep skejenn
morzhed-hoc'h kriz, diskargit ul lomm bechamel ha 3 asperzejenn. Rollit ha
lakait e-barzh ur plad da greienañ. Goloit gant peurrest ar soubilh. Strewit
ar gruyère. Ouzhpennit tammoù amann, ha lakait da greienañ er forn tomm 10
mn. Bechamel : 30 g amann – 30 g bleud
– ½ litrad laezh – muskadez – pebr hag holen Lakait an amann da deuziñ war dan bihan, diskargit
ar bleud ha troit betek ma vo spoumek an aozad. Diskargit ar banne laezh tamm-ha-tamm
(diwallit nompaz ober pouloud). Lezit da devaat war dan bihan. Pebrit hag
holennit. Mari Lubrano Lennit Bremañ!
An
teuliad peder fajennad zo gouestlet en niverenn-mañ da zisoc'hoù dilennadegoù
kêr ha kanton 2008 e Breizh. Disoc'hoù ar c'hêrioù brasañ ha re aroueziusañ
ar vro a vo kavet, koulz hag un dielfennadur gant Romain Pasquier, enklasker
er CNRS ha kelenner e IEP Roazhon. Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet gant Skol an Emsav (4,5
euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
24 asperjezenn – 8 skejenn morzhed-hoc'h
kriz – Bechamel – 4 vi poazh-kalet -