|
|
|
|
|
|
|
|
|
|
Meurzh 31 a viz
Meurzh, niv.185 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Manifestadegoù
disadorn e Breizh |
|
|
|
Studiet e vo gant ar Vodadenn Vroadel c'hall ar
raktres lezenn diwar-benn an OGK (organoù o genoù kemmet) adalek arc'hoazh.
10000 den a oa deuet da Roazhon, eus Breizh a-bezh ha pelloc'h c'hoazh, evit
lavaret d'ar gannaded chom hep asantiñ e c'hellfe parkeier plant OGK bezañ
gounezet tal-kichen parkeier gant plant reizh. Ar pezh zo bet asantet gant ar
senedourien c'hoazh. Familhoù a oa kalz, met ivez labourerien-douar hag
enklaskerien.
Divizet eo bet gant Antoine Perrin, rener ARH (Agence
Régionale de l'Hospitalisation) Rannvro Breizh, serriñ servijoù
surjianerezh ha gwiliouderezh en Ospital ar Poc'hêr. Implijidi an ospital,
kenwerzherien Kreiz-Breizh, dilennidi ha tud ar vro, o labourat pe war o
leve, a oa bodet holl evit goulenn e virfe ospital Karaez holl e servijoù.
Disklêriet en deus Kristian Troadeg, maer Karaez ha prezidant kuzul-verañ an
ospital, e oa ret derc'hel gant ar stourm. 300 den evit skoazellañ Dihun e Kemper
|
|
|
|
|
|
10000 den a-enep an OGK e Roazhon
War-dro 300 den zo en em gavet e Kemper d'ar
Sadorn 29 a viz Meurzh a-benn skoazellañ Dihun, ar rouedad skolioù katolik
divyezhek. Goude an emgav war blasenn La Tour d'Auvergne hag ar prezegennoù,
en o zouez hini Yannig Baron (skeudenn), o deus ar vanifesterien dibunet e
kreiz-kêr Kemper betek Renerezh departamant an deskadurezh katolik. Ne oa den
evit o degemer eno, met memes tra en deus adembannet Yannig Baron e oa ret
kenderc'hel da stourm evit ma vo posupl kinnig un deskadurezh divyezhek d'ar
re a fell dezho. Lezet en deus ul lizher da Renerezh an deskadurezh katolik. E-touez
ar vanifesterien e oa izili Kuzul Sevenadurel Breizh, Divskouarn, Div Yezh,
Diwan, re Bemdez hag emsaverien bro Gemper. Trugarekaet eo bet ivez ar gerent
a oa deuet eus pell: eus Naoned hag ivez eus Gwitreg.
|
|
|
|
|
|
Un doare iskis da welet
"surentez ar vro" |
|
|
|
M.M.
|
|
|
|
|
|
Un eil gwech eo bet dalc'het Stéphane Lhomme (skeudenn),
degemennour ar rouedad "Sortir du nucléaire" (E-maez diouzh an
nukleel) dindan evezh gant an archerien. E kreiz miz Mae 2006 e oa bet kaset
d'ar post ur wech dija. Soñjal a rae d'an archerien e oa gantañ un teuliad,
"Sekred Difenn" anezhañ, o lavaret ne vefe ket gouest an EPR da
c'houzañv ma vefe skoet ur c'harr-nij warnañ.
|
|
|
|
|
|
Engravadennoù Matisse
e Kemper |
|
|
|
Daoust m'eo brudet evit
bezañ mestr war al livioù, en deus ivez Henri Matisse kavet un implij eus ar
gwenn hag an du a glot gant perzhioù simpl ha glan e arz. An hevelep dodennoù
a vez implijet gantañ en engravañ hag el livañ: an du, ar gwenn hag o
amstouadoù niverus, a ginnig holl ar skeuliad ret evit tresañ un dremm, ur
c’horf noazh, diabarzh ul lec’h, ur podad pesked pe un hanafad
frouezh. Koulskoude e teu a-benn, hep implij liv ebet, da zamantiñ anezhañ.
Furmiñ a ra e engravadennoù evel e dresadennoù, en un taol: pe e teu a-benn eus
an taol kentañ pe eo c'hwitet an oberenn! Meur a weladenn displeget a
vo aozet, en o zouez lod e-pad "nozvezh ar mirdioù" d’ar 17 a
viz Mae, ha stalioù-labour evit ar vugale etre 6 ha 12 vloaz e-pad vakañsoù
Pask. Hoel Louarn Evit gouzout hiroc'h : http://musee-beauxarts.quimper.fr |
|
|
|
|
|
Betek ar 15 Even emañ Mirdi
arzoù-kaer Kemper o kinnig un diskouezadeg dibar gant engravadennoù Henri
Matisse: 63 oberenn krouet gant an arzour e-kerzh 50 vloaz preder.
|
|
|
|
|
|
Breizh – Armor lux: ket ar
bloaz mañ ! |
|
|
|
Mell-droad
war gador-ruilh :
Titouroù: Etre 10 eur ha 7 eur d’ar Sadorn 5
a viz Ebrel. Etre 10 eur ha kreisteiz d’ar Sul 6. Jiminaz Lanroze,
straed Saint Vincent de Paul, Karter Lambezelleg e Brest. Kenan an Habask |
|
|
|
|
|
N’emañ ket skipailh
marc’h-houarn Breizh – Armor-lux e touez an 20 skipailh
dalc’het da genstrivañ en Tro Bro-C’hall. Ne vo neuze skipailh
breizhat ebet o loc’hañ gant an dro e Brest d’ar 5 a viz Gouere.
|
|
|
|
|
|
|
The Darjeeling Limited (A bord du Darjeeling Limited) |
|
|
|
Stadoù-Unanet Amerika - 2007 Seveniñ : Wes Anderson
Setu amañ ur film nevez diwar-benn darempredoù
etre tud kar, breudeur ur familh. Hag ur film diwar-benn Bro-Indez ivez. Ha
dreist-holl diwar-benn an disparti a c’hall diwanañ goude kañv. Gant an
tri breur (Owen Wilson, Adrien Brody ha Jason Schwartzman) disheñvel-tre, met
pep hini distabilaet, hag eil-tudennoù a-feson e kinnig Wes Anderson deomp ur
film dedennus, leun a livioù hag a fent. Gant divizoù dispar hag un toulladig
taolioù-lagad ouzhpenn. Ur film brav, a ro c’hoant da veajiñ. Ur film
da vezañ sellet gant ho preudeur ha c’hoarezed! G.L. Kement ha gouzout muioc’h : www.darjeelinglimited-lefilm.com Marc'h al lorc'h (Claude Chabrol) E brezhoneg fenoz war ar Gwiad !
Deuet eo a-benn Dizale ha Krouiñ, stal Lionel
Buannic, da gaout ar gwir digant Canal+ da skignañ, digoust, Marc'h al lorc'h
war internet, etre an 31 a viz Meurzh hag an 13 a viz Ebrel. Da c'houde e
troio ar film e salioù sinema zo eus ar vro. Adalek fenoz da 8e30 e c'hellot sellet ouzh ar
film war lec'hienn Brezhoweb.com,
e-ser an abadenn Web Noz. Ur c'hendiviz diwar-benn film Claude Chabrol,
oberenn Pêr-Jakez Hélias hag al labour eilmouezhiañ a vo kinniget da heul,
war-eeun eus Pouldreuzig. Evit gouzout hiroc'h: www.brezhoweb.com |
|
|
|
|
|
|
|
Ar vreudeur Whitman Francis, Peter ha Jack a zo chomet
hep komz an eil gant egile abaoe marv o zad Jimmy. Koulskoude e tiviz Francis
pediñ e zaou vreur d’ober ur veaj speredel e bro Indez e-pad ur miz.
Evel-just e c’hoarvezo ganto ur bern traoù iskis ha dic’hortoz o
do pouez ha levezon war o darempredoù.
Kinniget e vo war al
lec'hienn Brezhoweb.com film Claude Chabrol, savet diwar levr hollvrudet
Pêr-Jakez Helias, Marc'h al lorc'h. E 1980 e oa bet sevenet ar film,
ha klouar e oa bet an degemer d'ar c'houlz-se. Claude Chabrol e-unan ne oa
ket laouen penn-da-benn gant an disoc'h. Ur blaz disheñvel a vo gant ar film
bremañ a dra sur : e brezhoneg e vo tu d'e glevet! Skoazellet eo bet an
eilmouezhiañ, en deus koustet 50 000 euro, gant Kuzul-rannvro Breizh. 25
komedian o deus roet o mouezhioù, ha kempennet ar c'homzoù ar muiañ ar
gwellañ evit ma vefe liv ar Vro-Vigoudenn ganto.
|
|
|
|
|
|
Fuck Buttons – Street Horrrsing |
|
|
|
Met petra zo kaoz amañ
a-benn ar fin? Ur bladenn shoegaze/newgaze eo, krouet war ar prim pe dost: ur
film a oa bet savet gant Fuck Buttons, ha goude-se ez eus bet fellet dezho
ijinañ ar sonerezh az afe asambles gantañ. Ur wech tremenet neuze notennoù
skiltr o fiano tredan doare Bontempi e tiwan ur son a vesk My Bloody Valentine
ha Ride evit an tu shoegaze, ha lakaomp Boards of Canada evit ar
sonioù elektronek sioul ha don war un dro (an ton anvet OK, Let’s
Talk About Magic hag ivez Race You To My Bedroom). Ha m’ho
peus re a aon goude bezañ lennet ar pennad, krogit gant Bright Tomorrow,
ton aesañ ar bladenn. Ma soñj deoc’h, er c’hontrol, e
c’hallfe pljout deoc’h, dizoloit o videoioù enrollet war al
leurenn war YouTube pe MySpace. R.M. Embannet gant ATP / La
Musardine Muioc’h a
ditouroù : http://www.myspace.com/fuckbuttons Emgav gant Mikeal Treger e Kemper
H.L. D'ar Yaou 3 a viz Ebrel da
6e30 e Ti ar Vro e Kemper Evit gouzout
hiroc'h : www.tiarvro.org |
|
|
|
|
|
Pet den a zo ezhomm evit
ober trouz? Daou, eme baotred Fuck Buttons. Ya, daou a zo pell
trawalc’h. O tont eus Bristol emaint, met anat eo ez eo gwelloc’h
kaout disfiz, peogwir n’int ket levezonet gant ar sonerezh heverk
(trip-hop) eus ar gêr-se: goude an nebeud eilennoù sioul a zigor o fladenn e
splujer buan
Bep miz, betek an ha
|
|
|
|
|
|
Tanavenn c'harlized gant karotez |
|
|
|
Fardit ur c’hourbouilhoñs gant ar banne gwin
gwenn, ar boked louzoù, ar c’harotez troc’het a-ruilhennoù, ar
penn-ognon skejennet, an ivin kignen hag ar chalotez drailhet, pebr hag
holen. Lezit 30 mn da vitoniñ. Ouzhpennit an tanavennoù garlized, ha lezit da
c‘houvirviñ 5 mn. Tennit an tanavennoù diwar dan. Aozit ar
c’harotez hag an tanavennoù en ur plad tomm. Yostit ar
c’hourbouilhoñs, ouzhpennit an amann hag ar perisilh. Pallennit ha
servijit diouzhtu. Mari Lubrano Mil dremm war TV Breizh
Sed amañ petra a vo tu da welet e-barzh abadenn ar
Sadorn 5 a viz Ebrel : -Saver moc'h eo Fernand, pep sizhun e koll 4000
euro pa gas e chatal d'ar sal-lazhañ moc'h. -Nec'het eo ar saverien moc'h pa chom izel priz ar
c'hilo kig moc'h ha pa ya war greskiñ priz ar boued chatal. -Yoga e Brezhoneg pep lun en em gav en-dro un
toulladig tud a-fas da vManu evit un abadenn yoga kaset en-dro e brezhoneg. -Difraostañ giz gwechall. Gant e varc'h e ra
Jean-Jacques Tro Breizh ar chanterioù
evit dic'harzhañ, ha dougen sammoù
lec'h ma ne c'hell ket tremen ar mekanikoù. Da vezañ gwelet ivez war internet: http://www.tv-breizh.fr/tvbreizh/video/mil-dremm/ Lennit Bremañ miz Meurzh!
Kerzhadeg
en India, Stad an traoù e Pakistan, ur gannadez kurd e Breizh, Prosez
Kokopelli, 15 vloaz Produet e Breizh, Mikeal Treger hag e levr Espèce d'Homme!, Ken tuch', skipailh rederien war varc'h-houarn Bretagne-Armor
Lux... Anv zo eus an holl draoù se ha ltraoù all c'hoazh e-barzh niverenn
Bremañ miz Meurzh 2008. An
teuliad peder fajennad zo gouestlet en niverenn-mañ da oberoù zo eus Kuzul
Sevenadurel Breizh a vo e 2008. Boulc'het eo bet gant ar gengevredigezh
labour skrivañ un danvez Karta Sevenadurel nevez evit Breizh, an hini gentañ
bet sinet e 1977 ha lakaet e pleustr 30 vloaz zo. Etre fin miz Meurzh ha miz
Mezheven e vo kinniget Skol-veur ar Yaouankiz gant KSB ivez, hag e miz
Gwengolo 2008 e vo roet un emgav d'an holl Vretoned e Naoned, evit festimanif
BZH+! Bep miz e
kinnig ar gelaouenn Bremañ, abaoe 1980, pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
8 tanavenn c'harlized – 8 karotezenn –
1 werennad gwin gwenn – 1 penn-ognon – 3 fenn-chalotez – 1
ivin kignen – 1 boked louzoù – 50 g amann – pebr hag holen
– perisilh
Hag anavezout a rit an abadenn "Mil
dremm" a vez kinniget bep sizhun war TV Breizh? War an tele e tremen
abred-tre d'ar Sadorn neuze, e-tro 7 eur. Met n'eo ket ur gwall afer a-benn
ar fin, peogwir e c'hell an holl re o deus un urzhiataer gant Internet mont
da sellet ouzh an abadenn pa fell dezho, war lec'hienn ar chadenn. Un abadenn
gelaouiñ doare "magazin" eo "Mil dremm". Danvezioù
liesseurt a vez diskouezet bep taol, lusket gant pennadoù-kaoz gant brezhonegerien
a bep seurt eus ar vro.