|
|
|
|
|
|
|
|
|
|
Lun 2 a viz Ebrel, niv.139 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
4000 den en Oriant evit Diwan |
|
|
|
"Justis evit ar brezhoneg, Justis
evit Diwan" e oa ar galv evit bodañ karourien ar yezh en
Oriant disadorn... Emgav a oa bet lakaet ur sizhun a-raok er
penn-kentañ... ha cheñchet al lec'h emgav un
nebeud deizioù a-raok... Cheñchet hent an
dibunadeg ivez, gant ar c'hrogad mell-droad etre an Oriant ha Marsilha
o sparlañ kreiz-kêr. Dre chañs e oa
deuet an heol da gemer perzh! Goude gerioù fromus ar
ganerez Nolwenn Korbell e oa bet kaset an dibunadeg war-raok gant
startijenn liseidi ha skolajidi an hentad kelenn dre soubidigezh.
Dilennidi a oa ivez. Deuet eo an aozerien a-benn, daoust
da bep tra, da vodañ etre Evit gouzout hiroc'h: www.diwanbreizh.org
Eizhvet Skol-veur Yaouankiz Breizh,
aozet gant Kuzul Sevenadurel Breizh a vo aozet e Karaez, e Ti Degemer
Kerampuilh, etre ar 5 hag an Gant Skol-veur Yaouankiz Breizh e
fell d'ar C'huzul kinnig un emgav d’ar yaouankizoù
etre Evit gouzout hiroc'h : www.skol-veur.info aurelie@skol-veur.info
pe mari@skol-veur.info Pgz :
02 99 87 17 65 pe
02 99 63 18 83. |
|
|
|
|
|
|
|
|
|
Ne oa ket bet aes aozañ ar
vanifestadeg-mañ a-dra-sur!
|
|
|
|
|
|
Ar
produioù OGK 3: Hadennoù
OGK |
|
|
|
Da gentañ, hervez ar
brevedoù eo perc'henn an embregerezhioù bras war
an holl greun bet savet ganto, ha war "bugale" ar greun-se. Ha
talvezout a ra e vo Monsanto perc'henn war hon koadeier, a-benn nebeut
? Posupl eo. Da eil e vez erlec'hiet
genoù liesseurt-kenañ gant un doare gen hepken.
An dra-se a zo grevus-kenañ, peogwir eo a-bouez bras mirout
ul liesseurted vras en dafar genetikel. Pa vez ur c'hleñved,
ur gwallzarvoud, pe loened o tagañ ar plant, da skouer, ma
vezont holl heñvel dirak ar memes kudenn, e varvont holl.
Padal, ma vez spesadoù disheñvel, e varv unan
diouto, pa teu ar re all a-benn da zreistvevañ. M.M. |
|
|
|
|
|
Ar
gwechoù paseet hon eus gwelet kudennoù savet evit
al labourerien-douar pa 'n em led greun OGK en o fark. Gwelomp
bremañ ar pezh a c'hoarvez pa 'n em led ar greun-se e lec'h
all
|
|
|
|
|
|
Evit
c’hoarzhin e Naoned |
|
|
|
Dimerc’her, da skouer, e
vo "National du rire" gant Anne Roumanoff hag ar C’hebekad
Laurent Paquin : un genstrivadeg evit gounit priz
pouezusañ ar fent evit an arzourien a grog gant ar vicher.
D’an deraouidi da brouiñ int dellezek da gaout
"Goncourt ar fent". Un abadenn a vo ivez gant Roger Carel, mouezh
Asterix, Winnie L’Ourson pe c’hoazh Benny Hill. Hiziv ha warc’hoazh e
kendalc’ho gant un heuliad "20 munutenn evit
kendrec’hiñ": o-unan pe daou-ha-daou e vo
arzourien yaouank o kinnig o sketchoù dirak ar strollad-barn
a zo anezhañ arvesterien evit ar
genstrivadeg-mañ. E fin ar gouel e vo roet ur priz
d’an hini en do gounezet met, dreist-holl, tro en do da
c’hoari er Sentier des Halle, ur c’hoariva e Pariz,
e-pad ur sizhunvezh en diskar-amzer. Ha digoust eo an nozvezh
diwezhañ, pa c’hell lod eus an
nozvezhioù all bezañ ker a-walc’h! E-mesk tud all e vo tro ivez da
welet Frank Dubosc, Stéphane Rousseau, Omar ha Fred,
Christophe Alévèque, Chevallier ha
Laspalès, Jean-Luc Lemoine, Nicolas Canteloup, Laurent
Ruquier pe c’hoazh Jamel Debbouze a oa bet o kinnig e abadenn
e Gouel An Erer Kozh an hañv paseet. Hoel Louarn Evit gouzout hiroc’h: www.justepourrire-nantes.fr
ur priz krouidigezh evit an dañs "Faltaziañ" zo ur "priz
ar grouidigezh" savet gant ar gengevredigezh Kendalc’h ha
gouel Landerne Kann al Loar evit enoriñ un abadenn
dañs awenet gant sevenadur Breizh. Ar pal zo degas ur sell
nevez war an doareoù da ezteurel sevenadur ar vro hag an
dañs en un doare disheñvel. Un tu da "lakaat da
gejañ sevenadurioù Breizh dre glad ar sonerezh
hag an dañs, reiñ lañs d’ar
grouidigezh en dañs hengounel, reiñ
c’hoant d’an doareoù dañs all
da glask o awen e danvez hor bro, da vezañ dedennet ganti,
hag ar c’hontrol. Eskemm doareoù pep hini da
zaremprediñ an abadennoù". Dieub penn-da-benn e vo ar
strolladoù a gemero perzh evit choaz ar sonerezh, an dilhad
pe c’hoazh ar c’hinkladurioù. Digor eo da forzh peseurt
strollad dañs, ezel eus ur gengevredigezh pe get, hag a bep
seurt doare. N’eus nemet ur redi : bezañ
awenet gant sevenadur
Breizh gant doujañs ha nevezenti. D’ar Ret eo en em enskrivañ
a-raok ar H.L. Evit enskrivañ pe evit
gouzout hiroc’h : Kengevredigezh Kendalc’h,
12 straed National, BP 20, 56250 Elven. Pgz: 02 97 53 31 35. |
|
|
|
|
|
Abaoe an 
"Faltaziañ":
|
|
|
|
|
|
Mell-droad: laouen
ar Pennoù-Merluz, tristik ar Ganaried |
|
|
|
Diouzh tu ar
Pennoù-Merluz e oa disheñvel an traoù.
Ur c'hrogad a-enep Marsilha a oa disadorn e stad ar Voustoer. Deuet eo
brav gant Oriantiz (2-1), ar wech kentañ e oa dezho
bezañ trec'h war skipailh an OM eno. Tapet ez eus bet
fiziañs enno en-dro gant paotred Christian Gourcuff goude
krogad disadorn. Goude c'hwec'h devezhiad hep trec'h ebet ganto e oa
poent diskouez e oa ur skipailh a dalvoudegezh. Pignat a ra an Oriant
d'an 12vet plas. Ne chom ken nemet eizh devezhiad ha, ma kendalc'h an
traoù evel-se, ne vo kudenn ebet evit gwelet ar
Pennoù-Merluz er C'hevre 1 adarre er bloaz a zeu. Dimerc'her e c'hoario skipailh
Roazhon a-enep Lyon. |
|
|
|
|
|
Badaouet e seblante Naonediz bezañ
dec'h goude disoc'hoù krogadoù an dibenn-sizhun.
Ar skipailhoù all a oa ganto e penn izelañ
taolenn ar C'hevre 1 o deus gounezet holl un nebeud poentoù
ha setu bremañ skipailh Naoned da ziwezhañ er
renkad, kollet gant ar Ganaried ar c'hrogad a-enep Sedan (0-1). Pa
soñjer ouzhpenn eo bet tapet ar poent gant Sedaniz en un
doare dic'hortoz... Aet eo ar vell er pal goude un tenn gant ar Sedanad
Ducourtioux... etre daouarn Fabien Barthez. Dek munutenn war-lerc'h e
kuitaas ar gward naonedat an dachenn a-daol-trumm. Start e vo ar
c'hrogadoù da zont evit ar Ganaried.
|
|
|
|
|
|
Ensemble,
c'est tout |
|
|
|
Frañs – 2006 Senario ha seveniñ :
Claude Berri Diwar oberenn Anna Gavalda
Un istor mignoniezh a gont Ensemble,
c'est tout da gentañ penn enta. Gant e zoare da
ziskouez frailhoù, skuizhder pe diaester an
tudennoù, labour Berri a ro da soñjal kalzik en
oberenn Truffaut. Tudenn Philibert hag a ra un tamm mat eus dibarded ar
film eo e du-gwan war un dro: n’eo ket gwall
wirheñvel e-keñver Franck ha Camille. Herrek eo
red an istor, moarvat n’eo ket didalvez lenn al levr memes
tra. Meriadeg Vallerie Evit gouzout
muioc’h : www.ensemblecesttout-lefilm.com |
|
|
|
|
|
|
|
|
|
|
|
30
vloaz zo… ar sonerezh punk |
|
|
|
E 1977 e kouezhas ar gorventenn bunk
war ar Rouantelezh Unanet ha war Europa a-bezh da-heul.
Pennreolennoù an doare sonerezh-se a zo anavezet:
n’eo ket dav bezañ gwall varrek evit a sell ouzh
seniñ pe kanañ, kaout c’hoant ober un
dra bennak hag hen ober: sed aze ar pezh a gont. Tregont vloaz goude e ranker anzav
n’eo ket deuet a-benn ar bunked da dizhout o fal :
bez ez eus bepred tud a vourr o selaou Pink Floyd pe Genesis. E-giz-se
emañ an traoù, neketa ? Koulskoude ez eo pouezus, e 2007,
selaou pladennoù punk, dreist-holl pa weler an niver a
strolladoù a vremañ a embann bezañ bet
levezonet gant ar sonerezh-se. E-touez an oberennoù a
gont menegomp pladenn nemeti The Sex Pistols (Never Mind the Bollocks),
London Calling gant The Clash, met ivez Buzzcocks (Another Music in a
Different Kitchen) ha Pink Flag, pladenn gentañ Wire. Setu
evit a sell ouzh Bro-Saoz. Ma’z oc’h
kentoc’h dedennet gant ar Stadoù Unanet, selaouit
The Ramones, Patti Smith (Horses), Television (Marquee Moon) pe
c’hoazh Talking Heads (’77). Ouzhpenn ez eo
dedennus keñveriañ an daou zoare: arzel ha
"speredek" er Stadoù Unanet, eeun ha "destroy" er
Rouantelezh Unanet. R.M. http://fr.wikipedia.org/wiki/Punk |
|
|
|
|
|
Ma!
Tud zo a lavaro ez eo bet krouet ar sonerezh punk e 1976, gant pladenn
gentañ The Ramones. Re all a embanno ez eo bet ijinet ar
sonerezh punk er Stadoù Unanet e dibenn ar
bloavezhioù 60 gant strolladoù evel The Velvet
Underground pe The Stooges. Ne vern.
|
|
|
|
|
|
Kiwi
farset |
|
|
|
Tennit beg ar c’hiwi ha
goulloit pep frouezhenn. Troc’hit bouedenn pep frouezhenn
a-dammoù. Bruzunit ar c’hig krank,
troc’hit ar chevr a-dammoù bihan. Gwaskit an
hanter sitroñsenn. Meskit mat an holl aozennoù
asambles. Ouzhpennit ar maionez gant paprika. Gwarnisit ar
c’hiwi goullonderet gant an aozad. Lakit er yenerez a-raok
servijout. Mari Lubrano |
|
|
|
|
|
4
c’hiwienn – 1/2 benn sitroñs –