|
|
|
|
|
|
|
|
|
|
Lun 28 a viz Genver,
niv.176 Pellgargit ar pennadoù e
stumm Word Evit resev ur gemennadenn bep Lun evit ar Bremaik nevez, kasit ho chomlec'h da: bremaik@free.fr |
|
|
|
|
|
|
|
|
|
|
|
|
|
|
Marv eo an diktatour Suharto |
|
|
|
|
|
|
|
|
|
Marvet eo dec'h Haji Mohamed Suharto, bet e penn
Indonezia 32 vloaz pad, betek 1998. 86 vloaz e oa. Lakaet en devoa an
diktatour ur reizhiad evit un "Urzh nevez" en Indonezia. Adalek
kreiz ar bloavezhioù 60 e krogas gant ur c'houlzad feuls-kenañ evit diskar
strollad komunour Indonezia hag e enebourien dre vras. Etre 500 000 hag
ur milion a dud a vefe bet lazhet. Brudet-tre eo bet e reizhiad evit bezañ
aloubet Timor ar Reter e 1975. Gant e reizhiad feuls e oa deuet a-benn Indonezia
da ziorren war an dachenn ekonomikel. E 1998, daoust dezhañ bezañ bet "dilennet"
en-dro e penn ar vro, en doa ranket kuitaat ar galloud. Ne oa ket an arme ken
evit mont d'e heul, d'ur c‘houlz ma tarzhe emsavadegoù poblek feuls-tre
dre ar vro. Bevañ a rae gwarezet mat e Jakarta abaoe. Pinvidik-mor e oa, hag
e alvokaded o doa gellet lakaat tevel an holl glemmoù a oa bet savet a-enep
da Suharto. Marvet eo neuze an diktatour kozh, a oa en ospital abaoe
pemzektez, hep bezañ bet barnet e seurt ebet.
|
|
|
|
|
|
Dizemglev e Kengor Europa war an
treloskoù diwar blant |
|
|
|
M.M. Gwelet ivez war
Univers-Nature : http://www.univers-nature.com/inf/inf_actualite1.cgi?id=2872 http://www.univers-nature.com/inf/inf_actualite1.cgi?id=2908 |
|
|
|
|
|
E-pad un nebeud amzer eo
bet gwelet an treloskoù savet diwar plant evel un diskoulm evit talañ ouzh
mont da-hesk an eoul-maen ha pignadur ar wrez, met emeur o kregiñ da welet ez
eus efedoù fall ganto ivez, gwashoc'h eget an eoul-maen evit lod.
|
|
|
|
|
|
Sevenadur ar vro : emgavioù e Roazhon |
|
|
|
 "Coüteur deü paies-cultures du pays-sevenadur
ar vro" a zo ur gouel 12 devezh kinniget gant ar c’helc'h keltiek
Eskemm ha kenaozet gant 16 kevredigezh sevenadurel eus Bro-Roazhon. Adalek an
30 a viz Genver ha betek an 10 a viz C’hwevrer e vo degemeret muioc'h
evit 5000 den evit dizoleiñ sevenadurioù Breizh-Uhel. Un endervezh a-bezh a vo aozet evit ar vugale hag evit
ar wech kentañ, un abadenn breizhat ha gwadloupean a vo krouet gant bugale ar
c'helc'h keltiek diwar un danvez hengounel boutin: ar c’hannerezed. Met adkavet e vo ivez diskouezadegoù ("Dañs ha
sonerezh e Bro-Wened" ha "c'hoarioù hengounel Breizh") ha
boued evit ar preder: en ur gejañ asambles tro-dro d’ul levr
"taol-kalon" e brezhoneg, kemer perzh en ur veilhadeg gant Dastum
diwar-benn danvez bet dastumet gant sonerien er bloavezhioù 70 hag istor ar
seniñ violoñs e Breizh-Uhel (kinniget gant ar soner ha etnomuzikour Yves Defrance),
en ur vont da selaou ar brezegenn "Endro ha yezh rannvro", d'en
soñjal war ar sevenadur galloù e kêr pe en abadenn "tavarn ar bobl"
diwar-benn "bezañ un oadour yaouank er gevredigezh a-vremañ." Ar blijadur hag an dudi ne vint ket disoñjet gant
sonadegoù: ar strollad Fiskal Bazar (doare Jamaïkan, Ska ha Rock gant komzoù
e brezhoneg) ha Kate Me. Mod all e vo kinniget ur veilhadeg kontadennoù e
gallaoueg, un abadenn sonerezh ha kontadennoù hengounel Breizh-Izel krouet
gant Roland Becker « Istorioù bihan sonerien vras", ur genstrivadeg
paledoù hag ar film "BZH, des Bretons, des Bretagnes". Peadra a vo da bleustriñ ivez gant
stalioù-labour liesdanvez: broderezh evit ar vugale, un tañva eus ar
brezhoneg pe ar gallaoueg, sonerezh, dañs ha kanaouennoù Breizh. Hoel Louarn Evit kaout ar roll klok: www.sevenadurarvro.org
Abaoe ar bloavezh 2000 e
vez aozet gant ar Gevredigezh Vrezhon e Redon ur genstrivadeg danevelloù
brezhonek. Graet e vo er bloaz-mañ adarre. Ret eo kas ur bajennad skrid war
an tem-mañ: "ar beajoù, ur veaj". Pemp live a vo: skolioù kentañ,
skolajoù, liseoù, oadourien o teskiñ ar yezh, brezhonegerien ampart. Ur
bodad-barn a vo savet, ennañ brezhonegerien eus Naoned, Sant-Brieg, Alaer.
Ret eo kas ar skridoù a-benn ar Sadorn Bernard Bonraisin, délégué
de l'Association Bretonne pour le Pays de Redon, Bahurel, BP 30239, 35602
Redon Cedex. Evit gouzout hiroc'h: http://association.bretonne.free.fr |
|
|
|
|
|
Kenstrivadeg
danevelloù
|
|
|
|
|
|
Trec'het Jo-Wilfried Tsonga gant
Novak Djokovic |
|
|
|
|
|
|
|
|
|
Ur gourfenn dic'hortoz e rann ar baotred zo bet e
Melbourne dec'h evit Open tennis Aostralia a dra sur. Nebeud a dud o dije
gellet ijinañ en a-raok piv a vije bet perzhidi al lodenn ziwezhañ. Ar wech
kentañ eo abaoe tri bloaz, ne vefe na Roger Federer, na Rafael Nadal o kemer
perzh en ur gourfenn. Ar gall Jo-Wilfried Tsonga (skeudenn) hag ar Serb Novak Djokovic a
oa neuze tal-ouzh-tal dec'h, evit tapout ur Grand Chelem. Teir eurvezh emgann
zo bet, evit pevar set : 4-6, 6-4, 6-3, 7-6 (7/2). Diouzh tu ar
C'hallaoued e oa sebezet an holl gant barregezh paotr ar Mañs, Jo-Wilfried
Tsonga. En hanter-gourfenn en deus trec'het Rafael Nadal en un doare ken
plaen hag eeun, ken e oa start da grediñ. Disklêriet en deus Jim Courrier
diwar-benn ar gall e-kerzh an tournamant, "A star is born".
Sur, ha daoust da Jo-Wilfried Tsonga bezañ kollet er gourfenn e vo heuliet
a-dost-tre en amzer da zont. Diouzh tu ar Serbed, e oa bet prientet mat e
gampionad gant Novak Djokovic, 3de c'hoarier ar bed a 20 vloaz. Eizh priz zo
bet tapet gantañ c'hoazh, en o zouez daou Masters Series, hag unan eus ar
Grand Chelem. Efedus-kenañ e c'hoari, en deus embannet ingal e youl dont da
vezañ kentañ c'hoarier ar bed.
|
|
|
|
|
|
|
Se jie (Lust, Caution) |
|
|
|
Sina,
Stadoù-Unanet, Taiwan – 2007 Senario
ha seveniñ : Ang Lee Difennet
d’ar re yaouank dindan 12 vloaz Leon
aour e Mostra Venezia
Goude berzh ur film evel Brokeback Mountain (2004) e c’hortozer gant mall oberenn nevez e sevener. N’eo ket sur e vo kement a drouz tro-dro da Lust, Caution pa n’eo ket ken divoutin e zanvez. Gant ur steuñvenn a denn da hini Black Book (Paul Verhoeven, 2006) e teu a-benn Ang Lee da seveniñ ur gwir oberenn koulskoude. Dalc’het e vezer da vat gant hentad Wang Jiazhi hag, a-drugarez da gur c’hoari an daou aktor pennañ, ez a ar film dreist d’an darvoudoù istorel hep treiñ d’un abadenn gwelata. Diwar un danevell skrivet gant ur vaouez (Eileen Chang) eo savet Lust, Caution hag e c’heller en em c’houlenn ma n’emañ ket c’hoant revel ar merc’hed e kalonenn an istor. Meriadeg Vallerie Kement ha gouzout muioc’h: http://www.lustcaution-lefilm.com/ |
|
|
|
|
|
|
|
E-kreiz trubuilhoù
an Eil Brezel Bed ez eus ur strollad studierien idealour o klask o doare da
stourm ouzh an drevadennerien japanat pa n’emaint ket int war an
talbenn. Divizout a reont tostaat dre guzh d’an Ao. Lee
|
|
|
|
|
|
Un Devezh foll evit Shubert e Naoned |
|
|
|
Evit ar wech kentañ en istor ar gouel e vo pedet 3
sonaozour, an daou Japanad Dai Fujikura ha Toshio Hosokawa, hag ar Gall Bruno Mantovani, da skrivañ un oberenn diwar
ur pezh resis gant Schubert pe gant spered ar muzisian. Peadra a vo ivez d'ober
anaoudegezh gantañ a-drugarez da filmoù ha prezegennoù diwar-benn e vuhez hag
e oberenn. Sed amañ un tañva: En 18vet kantved eo Vienna kêr-benn ar sonerezh hag
eno ez eus deuet war wel sonaozourien meur:
Haydn, Mozart, Beethoven, Schubert... Kalz anezho o deus tremenet ur
prantad mat eus o buhez du-se met n'eus nemet Franz Shubert zo ganet hag aet
da anaon er gêr-mañ hag an hini diwezhañ e oa oc'h ober gant an doare
sonerezh klasel mod Vienna. Daoust m’eo bet da heul Haydn ha Mozart,
hag e oa Beethoven ur skouer evitañ, e
oa arzour an nevezenti: skrivet en devoe dija 13 ton pevarbenveg hag 8
kensonadeg a-raok na vefe krouet 9vet kensonadeg Beethoven, e 1824. Oc'h ober
fae ouzh ar redioù en doa graet gant doareoù disheñvel eus ar re all hag e oa
deuet da vezañ ken barrek hag ar re a oa mistri evitañ (Goethe, Schiller,
Heine) betek kaout ur strollad tud sonerezhkarourien o devoa roet an anv
"Schubertadennoù" d'o emvodoù. Marvet e oa e 1828 d'an oad a 31
bloaz, ur bloavezh goude Beethoven, o leuskel war e lerc'h ur mil oberenn
bennak. Moarvat eo unan eus ar sonaozourien en deus bet ar
muiañ a levezon: kenderc'hel a ra e oberennoù da awenañ an sonaozourien hiziv
an deiz. H.L. Evit gouzout hiroc'h: www.follejournee.fr
|
|
|
|
|
|
Er bloaz-mañ e vo pedet Franz
Schubert evit 14vet gouel ar sonerezh klasel e Naoned, eus an 30 a viz Genver
d'an 3 a viz Chwevrer. Kinniget e vo abadennoù berr ha marc'had-mat,
oberennoù meur pe dianav, war 11
Chromatics – IV
Etre an 2 hag ar 16 a viz C’hwevrer, evit
lañsañ an darvoud bloaziek nevez-mañ, e vo ar
|
|
|
|
|
|
Steredouriezh |
|
|
|
Labour: Gouzout
a rit selaou ho spered hag ho spered a soñj dezhañ bezañ dibar. Karantez: Ezhomm
ho peus da selaou ha da ziskouez ho santimantoù. Yec'hed: Nerzh a
vo ganeoc'h ma kouskit 10 eurvezh bemdez. Al Leon - etre an 23 a viz
Gouere hag an 23 a viz Eost Labour: Ezhomm
ho peus da gaout ul labour hag a roio ur ster d'ho puhez. Karantez: C'hoant
ho peus da gavout broioù nevez e-barzh ennoc'h. Klask a rit ar frankiz. Yec'hed: Ret eo
debriñ 5 seurt frouezh ha legumaj bemdez evit digresk ar c'holesterol e
Breizh Ar Werc'hez - etre ar 24 a
viz Eost hag an 23 a viz Gwengolo Labour: Imoret
mat e vefet. Kalz startijenn a vo ganeoc'h. Pep tra a vo brav deoc'h. Chañs
ho po evit al loto. Karantez: Ret eo lâret
ar wirionez d'ho mignoned. Lakait gouloù e kornioù du ho puhez hag ar bed a
vo disammet. Yec'hed: Ret eo
deoc'h beajiñ evit ho spered. F.C. ha A.S.
Deuet eo
er-maez deiziataer
sae.bzh@wanadoo.fr |
|
|
|
|
|
Ar C'hrank - etre an 22 a
viz Even hag an 22 a viz Gouere