|
|
|
|
|
|
|
|
|
|
Lun 21 a viz Kerzu, niv.266 Pellgargit ar pennadoù e stumm Word Evit resev kemennadenn nevez Bremaik bep Lun, Petra oa keleier Bremaik bloaz zo? Klikit amañ ! Evit
distreiñ d'ar bajenn degemer Nedeleg laouen da lennerien Bremaik! Distreiñ a raio Bremaik d'al Lun 4 a viz Genver
|
|
|
|
|
|
|
|
|
|
|
|
|
|
|
Erc'h e pep lec'h |
|
|
|
|
|
|
|
|
|
E fin ar sizhun dremenet e
oa bet goloet Breizh gant an erc'h. Un degouezh ral a-walc'h eo, daoust ma ne
oa ket memes kementad erc'h e pep lec'h. Pa oa un nebeud milimetradoù e
lec'hioù zo, e oa betek 5 pe 6 cm e Bro-Leon pe e kostez Loudieg da skouer. Digwener
e oa chomet kalz a girri-boutin hag a vusoù er c'harrdioù. Start eo bet evit
kalz a Vretoned mont betek al lec'h labour pe ar skol. Ne oa nemet ar metro o
ruilhañ e Roazhon da skouer. Diaesterioù bras zo bet war an hentoù-tizh evit
ar c'hirri-samm ivez, hag ar gourhent etre Roazhon ha Caen zo bet serret
e-pad pellik a-walc'h. E Kreiz-Breizh digwener da skouer, o deus lakaet
kirri-samm zo 7 eurvezh evit ober 40 kilometrad hent. Chomet e oa dañjerus an
hentoù hag ar riblennoù e-kerzh an dibenn-sizhun dre ma oa aet an erc'h da skorn.
Dousaet eo an amzer a-benn ar fin ha plaenaet an traoù da vat dec'h.
|
|
|
|
|
|
C'hwitadenn
Kopenhagen |
|
|
|
M.M. |
|
|
|
|
|
Goude kement a spi a oa bet
lakaet e-barzh kendalc'h Kopenhagen e c'heller lâret eo ur c'hwitadenn.
Dipitet eo an ekologourien. Kement a vezh o deus bet pennoù bras ar Stadoù
bras, dre ma n'int ket deuet a-benn da gaout un diskoulm gant ar broioù
bihan, ma n'o deus ket kredet zoken ober ur skeudenn holl asambles evel ma oa
raktreset. Aet eo kuit pep hini diouzh e du. Nac'het eo bet degemer an aozadurioù
hag ar c'hevredigezhioù: pa oant sañset kaout aotreoù evit 22000 den er penn
kentañ eo digresket an niver-mañ betek 15000, 7000, hag, evit echuiñ, 90 pa
oa pennoù ar Stadoù war al lec’h! A-benn ar fin n'eus ket bet kemeret
un diviz holl asambles, un destennig-emglev a zo bet sinet gant un nebeud
broioù, o venegiñ palioù dister da dizhout. Pa vefe ezhomm eus 100 miliard a
zollaroù bep bloaz evit ma c'hellfe ar broioù paour emdreiñ war-zu an doujañs
ouzh an endro, ez eus bet divizet reiñ 30 miliard dezho, un drederenn bep
bloaz e-pad tri bloaz. Ha, dreist-holl, ne vez ket graet anv eus ar pal
rannañ dre zaou ar c'hementadoù CO2 eztaolet a-benn 2050. Pegen dipitus!
|
|
|
|
|
|
"Sizhun Bloavezh Mat" e
Sant-Ervlan |
|
|
|
Evit gouzout hiroc'h: 02 40 85 27 22 pe yezhou44@yahoo.fr |
|
|
|
|
|
Ar Greizenn Yezhoù ha
Sevenadur, staliet e Sant-Ervlan e-kichen Naoned, a ginnigo abadennoù
liesseurt etre an 9 hag an 23 a viz Genver 2010. Diskouezadeg labour al
livour Yann Quéméneur, kinniget en un dastumad anvet "Triskell". Ul
lid a vo d'ar Sadorn 9 da 5e g.k. Asambles gant an diskouezadeg a bado betek
ar Sadorn 23 a viz Genver, e vo kinniget filmoù diwar-benn dañs Breizh gant
Kendalc'h ha War 'l Leur. D'ar Merc'her 13 e vo ur brezegenn gant Gildas
Salaun, a labour e Mirdi-departamant Dobrée, diwar-benn "Moneiz Duged
Breizh": ouzhpenn 3000 pezh moneiz istorel zo e dastumad ar Mirdi. D'ar
Yaou 14 e vo tu da selaou ur gontadenn vrezhonek gant Yann-Bêr Quirion. Ur
veilhadeg kanañ ha kontañ a vo d'ar Gwener 15 da noz, gant Dastum 44. Glad
hengounel liesseurt Bro-Naoned diwar-benn "lidoù Kalanna" a vo
lakaet en a-raok. D'ar Sadorn 16 e vo roet tro d'an neb a gar da heuliañ ur
staj war ar brezhoneg gant ar gevredigzeh "Kentelioù an Noz"!
|
|
|
|
|
|
Hand-ball
ar merc'hed: Rusia trec'h 25-22 |
|
|
|
|
|
|
|
|
|
E Nankin, e Sina, e oa bet
klozet dec'h Kampionad Hand-ball ar bed. Gant ar Rusianezed eo aet ar maout
dec'h er gourfenn, c'hoariet ouzh ar Gallezed. Ar re c'hlas o deus graet o
seizh gwellañ, ha tost renet war ar jeu e-kerzh an daouzek munutenn gentañ
(5-6). Goude-se o deus ar Rusianezed diskouezet splann e oant barrekoc'h:
e-keñver lusk, nerzh ha strategiezh. Ne oa ket digalonekaet c'hoarierezed
Olivier Krumbholz daoust da se. Klasket o deus derc'hel penn ar muiañ ar
gwellañ. D'ar 37vet munutenn e oant deuet a-benn da lakaat ur poent a
ziforc'h etrezo hag ar Rusinaezed zoken. Elena Dmitrieva, askellerez efedus
(8 pal), he deus sikouret Rusia da arat tachenn ar Gallezed betek an trec'h,
25-22. Setu paket an aour gant handballerezed Rusia evit an trede gwech
diouzh renk, goude kampionadoù 2005 ha 2007.
|
|
|
|
|
|
|
Avatar |
|
|
|
Stadoù-Unanet Amerika - 2009 Seveniñ : James Cameron
Setu neuze film nevez James
Cameron war ar skrammoù. Ur gwir film kantreal, faltazi ha skiant-faltazi eo,
klasel e senario, met kendrec'hus. Ar skeudennoù a zo brav-eston hag ar
santad 3D efedus hep bezañ pounner. Santet e vez levezon filmoù Hayao
Miyazaki (Laputa, Mononoke Hime) kement ha perzhioù boutin
filmoù ha labourioù James Cameron (an haroz namet, evel Logan haroz Dark
Angel, pe c'hoazh an tudennoù merc'hed kreñv, evel Sarah Connor e Terminator).
Ur film fromus, fent ennañ, bamus a-fed teknik. N'eus ket kalz a rebechoù d'ober
dezhañ neuze. Un taol-kaer ouzhpenn evit an aotrou Cameron! G.L. Evit
gouzout hiroc'h diwar-benn ar sevener hag an doare da grouiñ ar film, lennit
niverenn Bremañ miz Genver 2010 ! Ar Wagenn, kinniget e brezhoneg war
Brezhoweb
"En Alamagn en deiz
a-vremañ. Ur sizhunvezh en deus Rainer Wenger, kelenner, evit sikour e
liseidi da gompren petra c’hall un diktatouriezh bezañ. Lakaet int
neuze da vevañ an traoù, tamm-ha-tamm, ha betek penn, betek an drast..." Evit sellet ouzh ar film : |
|
|
|
|
|
|
|
Jake Sully a zo ur soudard
amerikan nammet, kollet un tamm blaz ar vuhez gantañ. Mont a ra da gemer plas
e vreur gevell er raktres "Avatar", war ar blanedenn Pandora. War
houmañ eo chomet puilh ha stank ar plant, al loened hag an energiezhioù
naturel. Tennañ splet diwarno a fell da Vab-den ober neuze. Meuriad an Na'Vi
a vev war Pandora avat, hag a glask stourm ouzh korvoerezh o douar. Kaset e
vez Jake neuze e-diabarzh un "avatar" (ur c'horf hanter den, hanter
Na'Vi a c'hall un den mestroniañ adalek ur mekanik a-ratozh), a-benn dastum
titouroù diwar-benn ar meuriad. Ar pal: o lakaat da sentiñ hep o lazhañ. Startoc'h
e vo e labour pa gejo gant Neytiri, koantenn ha merc'h rener an Na'Vi.
Tu zo da vont da sellet e
lec'hienn Brezhoweb ouzh ur film gant Dennis Gansel, savet e 2008, Die
Welle. Advouezhiet eo bet e brezhoneg gant skipailh ar gevredigezh
Dizale, ha setu ar film troet da: Ar Wagenn, neuze. Savet eo bet ar
film diwar ar romant The Wave gant Tod Strasser, embannet er Stadoù-Unanet
er bloavezhioù 60. Kaoz a zo eus an traouigoù hag a c'hell kas d'an
diktatouriezh, ma ne vez ket taolet pled outo. Sed amañ penaos e tremen
penn-kentañ an istor :
|
|
|
|
|
|
Sonerezh
2010, lodenn 1: sonerezh elektronek |
|
|
|
9 bloaz zo e oa deuet
er-maez Since I Left You, pladenn gentañ The Avalanches.
Lezirek, gorrek an dud? Dibosupl eo gouzout, met er bloaz a zeu (deiziad
resis ebet) e teuio er-maez eil pladenn ar strollad. War dachenn ar sonerezh
elektronek bepred emeur o c'hortoz eil pladenn vras Breizhveuriz Hot Chip,
One Life Stand he zitl, raktreset a-benn an 9 a viz C'hwevrer. Er memes devezh e teuio
er-maez Heligoland, pladenn nevez Massive Attack. Paotred
Bristol o deus pedet a bep seurt tud da gemer perzh er raktres: Hope
Sandoval, Damon Albarn (skeudenn) pe Martina Topley-Bird.
Damon Albarn, just a-walc'h, en deus staget en-dro gant Gorillaz: Lou
Reed ha Mos Def a zo e-touez an dud pedet da ganañ pe da seniñ war
Plastic Beach, raktreset a-raok miz Meurzh. Hervez Albarn ez eo ar bladenn
ar muiañ pop en deus biskoazh savet. Ha trede albom LCD
Soundsystem a zeuio er-maez a-benn miz Meurzh ivez. Hervez izili ar
strollad e vo ur bladenn rock ha gorrek... R.M. |
|
|
|
|
|
N'eo ket echu c'hoazh 2009
ha koulskoude e klever kaoz amañ hag ahont eus ar pezh a zeuio er-maez e
2010. A-fet sonerezh e c'hallfe bezañ ur bloavezh dedennus-tre. Taolomp ur
sell neuze war ar pezh a vo kinniget deomp er mizioù da zont. Un doare da
brientiñ gouelioù sonerezh bras an hañv eo ivez: an arzourien a fello dezho
kinnig o zonioù nevez war al leurenn.
|
|
|
|
|
|
|
Istor bras Breizh-Vihan er radio |
|
|
|
Evit gouzout hiroc'h: www.bleubreizhizel.com
Goude ur bloavezh ehan en deus
adembannet Pol Brezhoneg Skol an Emsav un deiziataer hollvrezhonek adarre
evit 2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
Dindan ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a c’hallo
bezañ miret a vloaz da vloaz, ennañ roll kumunioù Breizh. Ur benveg talvoudus evit
ober gant ar brezhoneg bemdez! Kas ur chekenn 12€
da: Skol an Emsav, 25 straed
Pierre Martin, 35000 Roazhon. Evit gouzout
hiroc'h: 02 99 38 75 83 pe sae.bzh@wanadoo.fr Lennit Bremañ Kerzu 2009!
An teuliad zo
gouestlet er miz-mañ da Ziwan. 150000€ e rank ar skolioù kavout
ouzhpenn a-benn klozañ budjed ar bloavezh 2009-2010. Ur sammad hag a roio tro
d'ar skolioù brezhonek dre soubidigezh da emarc'hantañ kresk ar rouedad, gant
lec'hiadoù nevez. Kendalc'het e vo
er miz-mañ gant div bajennad ispisial, bet soñjet a-ratozh evit ar re zo o
teskiñ brezhoneg: "Lennomp!". M’ho pez plijadurig o lenn Bremaik,
plijadur ho po o lenn Bremañ, sur! Evit broudañ he
lennerien da goumanantiñ e kinnig Bremañ un distaol dreistordinal
betek ar 1añ a viz C'hwevrer 2010: 45€ evit ar c'houmanant-bloaz
e-lec'h 50€! Ur follenn-goumanantiñ a c'heller kavout war
lec'hienn www.breman.org Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet gant Skol an Emsav (4,5€ an tamm) E gwerzh er stalioù-levrioù a ginnig danvez
Breizh, pe dre goumanant. Evit
gouzout hiroc'h : www.breman.org |
|
|
|
|
|
|
|
Hiziv e vo roet da glevet
war gwagennoù France Bleu Breizh Izel lodenn gentañ ur rummad abadennoù radio
diwar-benn istor Breizh, Istor vras (sic) Breizh Vihan. 50 rann
6 munutenn zo bet savet gant Aziliz Bourgès hag Etienne Strubel. 10 lodenn
eus istor Breizh, etre ar 6vet hag ar 17vet kantved a vo adwelet gant fent:
ar fedoù kenkoulz hag ar mojennoù... Sell "an dud vunut" a vo kavet
alies war an darvoudoù. 13 komedian (darn anezho war ar skeudenn) a ro o
mouezhioù da 137 tudenn en holl! Produet eo bet ar rummad gant Atelier de
Création grand Ouest de Radio France, staliet e Naoned, ha renet gant Marie
Guérin ha Gérard Coudert, gant barregezhioù Pol-Yvon Virot ha Frédérick
Baguet evit an teknik. Tu vo da selaou istor bras Breizh-Vihan bemdez da 2e10
g.k. ha da 7e30 noz e-kerzh ar sizhun, e-kreiz Culture Breizh hag An
Abadenn, ha d'ar Sul da 5e g.k. en abadenn Hentoù Treuz. Adalek
miz Meurzh 2010 e vo tu da glevet en-dro ar rummad war gwagennoù ar pevar
skingomz kevredigezhel a ra gant ar brezhoneg da vat, Radio Kerne, Arvorig
FM, Radio Kreiz Breizh ha Radio Bro-Gwened.
