|
|
|
|
|
|
|
|
|
|
Lun 15 a viz Kerzu,
niv.218 Pellgargit
ar pennadoù e stumm Word Evit resev
kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Manifestadeg mouget e Moskov |
|
|
|
|
|
|
|
|
|
Dec'h en doa klasket ar
c’henstrollad "Rusia Arall" manifestiñ war plasenn
Trioumfalnaia, e Moskov, a-enep d'ar renad Medvedev-Poutin. Goulennet o
doa an aozerien an aotre digant an ti-kêr da
zibunañ, met nac'het e oa bet dezho, adarre. Ne oa ken nemet
150 den, hervez ar mediaoù bras, e "Kerzhadeg an Dizemglev".
Ur vanifestadeg zo evel un 
|
|
|
|
|
|
Ur
greizenn dredan e Ploufragan ? |
|
|
|
M.M.
http://centrale-ploufragan.org/ http://centrale-ploufragan.org/ |
|
|
|
|
|
Ur raktres a zo evit sevel ur greizenn dredan a
implijfe gaz hag eoul-maen, e Ploufragan. Ur gevredigezh, CURC, a sav
a-enep, gant an arguzennoù da heul : sañset ne
servijfe ar greizenn nemet ma vefe war un dro un orjalenn-dredan 400 kV
o terriñ HAG un implij tredan dreistordinal (48 eurvezh en
holl bep bloaz e-pad ar goañv). Met ma vefe implijet ar
memes kementad a arc'hant hag a vo gouestlet d'ar greizenn evit
profañ klogorennoù a vevez nebeut d'an holl
Vreizhiz e vefe espernet 400MW, pa ne vije produet nemet 120MW gant ar
greizenn. Ouzhpenn se, kentoc'h eget degemer ur greizennig evit
stankañ an toulloù ez eo bet asantet raktres
GDF-Suez, a ginnig sevel ur greizenn a brodufe 20 gwech muioc'h a
dredan eget ar pezh a oa ezhomm evit surentez al
linennoù-tredan. Ha dibabet fall-tre eo al lec'h : dre ma
vije pell ouzh pep mammenn gaz e vije dav kas hennezh, ar pezh a
vevezfe energiezh forzh pegement. Hag ur mennozh droch-kaer eo sevel ur
greizenn oc'h implijout gaz hag eoul-maen pa vez an
danvezioù-mañ o tont da vezañ
rouesoc'h-rouesañ ha keroc'h-kerañ.
|
|
|
|
|
|
Marc'h
al Lorc'h er Maezioù Frank |
|
|
|
Melkonius eo Pêr-Jakez. O
huñvreal emañ en e vugaleaj e Breizh, gant e dad
bet kaset d'ar brezel, gant e vamm he doa desavet anezhañ,
gant e dad-kozh bet divadoù e vuhez-pad. Dont a ra da
soñj dezhañ ivez ne veve ar re baour nemet diwar
o orgouilh d'ar c'houlz-se. Evit gouzout hiroc'h: Evit mirout plasoù,
pgz : 02 23 40 66 00 |
|
|
|
|
|
D'ar Sul 21 a viz Kerzu, e vo bannet er
Maezioù Frank, e Roazhon, film Claude Chabrol bet awenet
gant oberenn Pêr-Jakez Hélias, Marc'h
al Lorc'h. Advouezhiet e brezhoneg e oa bet ar film
nevez zo gant ar gevredigezh Dizale diwar atiz Lionel Buannic
Krouiñ, evit e lec'hienn, Brezhoweb, gant skoazell
Kuzul-rannvro Breizh. Bannet e vo en e stumm brezhonek evit ar wech
kentañ e-kerzh un abadenn digor d'an holl, hag istitlet e
galleg. Rener ar gevredigezh, Samuel Julien, a vo er sal evit eskemm
gant ar sellerien. Gwelloc'h eo mirout ar plasoù en a-raok.
|
|
|
|
|
|
Mell-droad:
derby breton Roazhon-Naoned |
|
|
|
|
|
|
|
|
|
Disadorn e oa bet c'hoariet an 32vet krogad etre
Roazhon ha Naoned. Daoust d'an disoc'h rampo 0-0, e oa birvilh ha
strilh a-hed an abadenn e stad hent an Oriant, adalek ar
munutennoù kentañ. Leun-chouk e oa
bankoù ar stad gant suporterien div gêr-benn
Breizh. Er c'hard eur kentañ eo ar ganaried o deus roet ton
ar c'hrogad: Bagayako, N'Daw, De Freitas, Da Rocha...
Argadoù nerzhus zo bet kaset war-raok ganto. N'eo nemet
goude un hanter eurvezh bennak eo kroget Roazhoniz da dapout muioc'h a
startijenn. Lemoine, Briand, Sow... Ar memes jeu zo bet evito hag a oa
bet evit Naonediz: tagadennoù nerzhus, met a chome diefed.
An eil prantad c'hoari en deus gwashaet ar saviad-se zoken. Ken tenn e
oa an eskemmoù etre c'hoarierien an daou skipailh, ken ma oa
berroc'h-berrañ ar mareoù lec'h ma veze kaset ar
vell war-raok da vat: c'hwitellet e veze bep div vunutenn gant an
tredeog, lusk ar c'hoari a oa drailhet da vat. En dibenn eo bet santet
Roazhoniz o klask tuoù da dapout ur pal bennak, gant Fanni
pe Mangane, met blev. Chom a ra Stad Roazhon didrec'het, ha kenderc'hel
a ra FC Naoned da c'hounit fiziañs ennañ e-unan.
Met n'eus ket bet bernioù poentoù dastumet!
|
|
|
|
|
|
|
Secret
Défense |
|
|
|
Frañs
- 2007 Seveniñ : Philippe
Haïm
Iskisat
tra: ur film gall diwar-benn ar sponterezh hag ar stourm a-enep da-se.
Meno ar film a zo diskouez pegen heñvel eo buhez ar
sponterien ha buhez ar re a stourm outo. A-benn ar fin e vez implijet
Diane ha Pierre evel armoù en ur framm kalz
brasoc’h ha na zouj ket outo evel hinienn. Dedennus eo ar
film evit-se ha nerzhus-tre (marteze re) ar c’hamera hag ar
frammañ. N’eus ket amzer da goll, hag
a-wechoù e vefe brav chom un tammig pelloc’h war
santadoù an tudennoù. G.L. Kement ha gouzout hiroc’h : |
|
|
|
|
|
|
|
Diane
a zo o paouez c’hwitout war he mestroniezh arabek.
D’ar mare-se eo merzet ar plac’h yaouank gant an
DGSE ha degemeret en ur stummadur evit difenn ar
c’hwec’hkorn eus ar sponterien. Pierre a zo o chom
e Lille, gwerzhañ a ra dramm evit sikour e vamm da
baeañ feurm he ranndi. Met tapet eo gant ar fliked ha
toullbac’het. Stroñset da vat ar paotr e vo
degemeret gant ur strollad Arabiz a zo liammet gant ur rouedad
sponterien.
|
|
|
|
|
|
Talking
Heads – Remain in Light |
|
|
|
Pa
voe Talking Heads o labourat war ar bladenn e oa tost echu ar strollad:
ma kenlabour da vat David Byrne gant Brian Eno (produour), e laosk
a-gostez izili all ar strollad. Single
nemetañ ar bladenn, Once in a Lifetime,
a voe brudet a-drugarez d’ar video bet ijinet evit e
skeudenniñ, ha dav eo anzav eo diaes chom diseblant pa
glever Byrne o c’houlenn "where is my beautiful
wife ?". Met leun a bennoberennoù all eo ar
bladenn: digoradur a-feson gant Born Under Punches,
Seen and Not Seen, Crosseyed and
Painless hag he lusk dibosupl da zisoñjal, pe
c’hoazh Listening Wind (sed aze ur
ganaouenn a vo implijet da skouer gant ar re troet war sonerezh ar
bed). Echuiñ a ra ar bladenn gant The Overload,
evel ma vefe ar strollad o kuitaat ul leurenn, un dra bennak evel-se.
Graet o labour ganto. Tost
tregont vloaz goude ma vefe deuet er-maez e chom Remain in
Light ken dic’hortoz ha ken araokour ha ma vefe
deuet er-maez div sizhun zo. R.M. Embannet gant Warner bros/WEA Muioc’h a Dalking
Heads : Video "Once in a Lifetime" war
YouTube : http://www.youtube.com/watch?v=EYbUCvz1LYE Ur wech ar miz e
kinniger ur bladenn a-bouez en istor ar sonerezh amplaet. |
|
|
|
|
|
Sed aze ur bladenn damheñvel ouzh re
The Velvet Underground : marteze n’eus ket bet ur
bern evit he frenañ pa zeuas er-maez e 1980 (ya, daoust
d’ar pezh a c’haller krediñ
n’eo ket bet enrollet e 2005), met ul levezon vras he deus
bet war ul lodenn vras eus ar sonerezh a voe krouet goude: funk, art
rock, new wave, sonerezh ar bed, pep tra a gaver amañ.
|
|
|
|
|
|
Kig-bevin
krazet gant karotez |
|
|
|
Troc’hit ar
c’hig a-dammoù bras. Degasit d'ar berv 1 litrad
dour gant ar soubilh kig-leue dizouret. Lakait a-gostez. Dibluskit ha
troc'hit a-ruilhennoù ar c’harotez. Tommit an eoul en ur gokellenn.
Ouzhpennit an tammoù kig da veleniñ ha diskargit
ar banne bier. Degasit d'ar berv ha lezit da yostañ. Ouzhpennit an tammoù
karotez, ar perisilh hag ar jenevra. Dourennit gant ar soubilh
kig-leue, pebrit hag holennit ha lezit da gudaouiñ 3 eurvezh
war dan bihan. Servijit tomm. Mari Lubrano Lennit
Bremañ
miz Kerzu!
Embannet gant Skol an Emsav (4,5
euro an tamm) E gwerzh er stalioù
levrioù a ginnig danvez Breizh, pe dre goumanant. Evit gouzout hiroc'h: www.breman.org |
|
|
|
|
|
