|
|
|
|
|
|
|
|
|
|
Lun 18 a viz Kerzu,
niv.172 Pellgargit ar pennadoù e
stumm Word Evit resev kemennadenn Bremaik
bep Lun, Petra
oa keleier Bremaik warlene? Klikit amañ! |
|
|
|
|
|
|
|
|
|
|
|
|
|
|
|
Nedeleg
laouen d'an holl ! |
|
|
|
Distreiñ a
raio Bremaik a-benn ar 7 a viz Genver 2008... |
|
|
|
|
|
|
|
|
|
|
|
Ur mor a lastez ! |
|
|
|
M.M. Titouroù ouzhpenn :
M.M. |
|
|
|
|
|
Pa vez taolet lastez er mor
e vezont lakaet da veajiñ gant redoù an dour, hag a-benn ar fin en em gavont
holl er memes lec'h. E biz meurvor Habask ez eus unan eus al lec'hioù-mañ,
hag unan all a zo er c'hornôg. Pa vezont lakaet o daou asambles eo 3,5 milion
a gilometradoù karrez a reont, kement hag un drederenn eus tiriad Europa!
E-tro 3,3 milion a dammoù plastik dre gilometrad karrez a vez kavet el
lec'hioù-mañ. Plastik eo a vez kavet peurliesañ el lec'hioù-mañ, hag ur
gudenn eo peogwir e lak kalz amzer da vezañ distrujet, hag e ra tammoù bihan
a vez lonket gant al loened. E-tro 267 spesad loened o defe kudennoù gant ar
plastik a gaver eno. Ken bras eo ar c'hementad lastez-mañ ma soñj d'ar
skiantourien ha d’ar re a zo e-penn ar Stadoù ne servijfe da netra
dastum al lastez-mañ, dre ma vez kalz re outo hag e koustfe ker-ruz. Klask a
reont kentoc'h broudañ an dud d'ober evit ma ne vefe ket kaset lastez
ouzhpenn eno.
|
|
|
|
|
|
"Fest-noz Vras
Kalanna" e Kemper |
|
|
|
Hoel
Louarn Pladad lipous (eog gouez,
ton mogedet, avu druz graet er gêr, kig-moc'h eus an ti-feurm, tartar
bezhin): 30 euro Fest-noz adalek 9e noz
betek ar goulou-deiz: 10 euro (5 euro evit ar skolajidi, digoust evit ar vugale) Mouchig-Dall
Nedeleg dimerc'her!
|
|
|
|
|
|
Bep bloaz e kinniger deoc'h
festoù-noz a-zoare evit lidañ Kalanna, e Kaodan da skouer pe c'hoazh e
Sant-Tegoneg. Met ar bloaz-mañ e vo unan divoutin er Pavilhoñs e Kemper
peogwir e vo un deus an 30 darvoud aozet e Breizh e-kerzh ar bloavezh-skol
evit 30 vloaz ar skolioù Diwan. Ha peadra a vo da lidañ ar bloaz nevez gant
arzourien eus ar re varrekañ evel ar strolladoù n'eus ket ezhomm da ginnig
ken David Pasquet Group, Guichen Quartet ha Deus'Ta a roio startijenn d'an
dañserien betek ma tarzho an deiz! E-touez ar c'houbladoù kanerien ha
sonerien e vo Louise Ebrel hag Ifig Flatres, peadra da gorolliñ dizehan an
noz-pad! Ne vo ket disoñjet hengoun boued mat an 31 a viz Kerzu gant ar
gevredigezh Evel-just peogwir e vo servijet war al lec'h ur pred lipous ennañ
tri fladad : Argoad, Arvor ha Fourmaj. Evit ar re o defe poan da guitaat al
leur-dañs e-pad pell e vo ivez boued war ar prim gant krampouezh sal ha dous,
hag ul lodenn eus ar sal a vo gouestlet d'an dud a vo deuet o fanerad boued
ganto.
Evit al lod ac'hanoc'h a zo
etre 11 ha 18 vloaz hag a blij dezhi pe dezhañ skrivañ e kinnig 19vet gouel
etrebroadel levrioù ha filmoù Etonnants Voyageurs peadra da chom hep enoeiñ
e-pad ho vakañsoù gant ar 6vet kenstrivadeg danevelloù "Ar c'halonoù
glan". 
Keleier brav evit gouelioù
an hañv e Breizh zo deuet gant an Tad Nedeleg ar bloaz-mañ: a-benn ar fin,
goude un emvod leun a startijenn, ez eus bet divizet gant izili
burev ar gevredigezh e vo kendalc'het gant gouel Kan ar Vartoloded
e Pempoull e 2009. "Lestrañ war-du an Amerik" a vo kinniget
neuze d’ar 7, 8 ha 9 a viz Eost 2009. 
Taol Kurun 2008 !
Nozvezh Hip Hop
Staj kloun: diskoachit ar c'hloun a zo
ennoc'h!
|
|
|
|
|
|
Bis repetita evit Rusia ! |
|
|
|
Rusia a oa bet e Breizh evit en em dommañ un tamm.
An dro gentañ o doa d’ober e Sant-Brieg
eus an 2 d’ar 4 a viz Kerzu. Tremenet e oa aes ar skipailh
oc’h en em zizober eus skipailhoù Aostralia, Makedonia ha Brazil. En
eil tro e veze digudenn o c’hrogadoù a-enep skipailhoù Kroatia,
Bro-C’hall hag Angola. Ne gollent nemet a-enep d’ur
skipailh...hini Norvegia! Tomm e oa bet ar c’hrogad ha ne oa bet nemet
ur pal evit dispartiañ an daou skipailh (22-21). Met tremen a rae memes tra
Rusia e kard-gourfenn... ha gant poan e teue ar Rusianezed a-benn ouzh
Hungaria (36-35!). En hanter-gourfenn ne oa ket diaes dezho tamm ebet tremen
dreist da skipailh Roumania (30-20), skuishaet gant o zrec’h war ar
C’hallaoued. Ne chome nemet ur c’hrogad evit dont a benn da
zerc’hel o c’hurunennoù bet tapet e 2001... ouzh an Norvegianezed
hag hini 2005. A-benn ar fin, goude bezañ bet lakaet diaes gant skipailh
Norvegia e penn kentañ ar c’hrogad e tihune Rusia. Merc’hed
Evgueny Trefilov a drec’he 16 da 12 en hanter amzer ha derc’hel a
raent da vont evit trec’hiñ a-benn ar fin 29-24. Vad en deus graet
dezho douar Breizh! Eus o zu ec’h echue ar Gallezed d’ar
5vet plas. A-drugarez da Valérie Nicolas, o mirerez palioù a Vro-Leon
ec’h echue Bro-C’hall, ar vro aozer, d’ur plas dereat. Kenan an Habask Sk. gant Lila Le Fur
(Krogad Rusia-Brazil, Sant-Brieg, 4 a viz Kerzu) |
|
|
|
|
|
Goude bezañ bet trec’h e 2005 da-geñver Kampionad
ar Bed ar vell-dorn eo deuet a-benn Merc’hed Rusia da adpakañ o
c’hurunenn e Pariz dec’h! Trec’het o deus war skipailh
Norvegia, kampion Europa, 29 da 24 goude bezañ kollet ganto en eil tro.
|
|
|
|
|
|
|
I'm not there |
|
|
|
Stadoù-Unanet Amerika - 2007 Seveniñ : Todd Haynes C’hwec’h aergelc’h ha
c’hwec’h den a sav amañ poltred an arzour-kaner amerikan Bob
Dylan.
Kavet e vo un tammig start ar film gant tud zo, ur
gwir boelladenn filmañ eo. Barzh, aktour, star, protest singer, arzour awenet
gant reoù all, preacher, un den diaes e zarempredoù gant ar merc’hed...
Setu ar pezh a c’haller gwelet eus Bob Dylan er film. Pep aktor en deus
e stumm da c’hoari, met Cate Blanchett a zo bamus e rol Jude Quinn,
Dylan "provok" 1966. Ur film brav ha speredek hag a roio c’hoant
da bep hini da selaou en-dro kanaouennoù an arzour-meur. G.L. Kement ha gouzout
hiroc’h: www.myspace.com/imnotherelefilm Filmoù da welet er sinema da vare
Nedeleg...
E keñver DVDoù da brofañ pe da feurmiñ ez eus
dibab ivez! Eil rummad Prison Break, Director’s
cut Blade Runner, adembannadur Jin-Roh, film bevaat japanat
a-feson, Deathproof Quentin Tarantino, Shrek 3... Ha sur
a-walc’h filmoù all a vo difoaret gant ar stalioù ! Plijadur deoc’h dirak o skrammoù ! G.L. |
|
|
|
|
|
|
|
Setu amañ ur "biopic" un tammig
dic’hortoz. Taolennoù a bep seurt evit diskouez personelezhioù
disheñvel an den. Cheñch a ra ar skeudenn a-benn sevel un doare milendall
leun a livioù, a sonioù a bep seurt. A-benn ar fin e teu tudenn Bob Dylan da
vezañ luzietoc’h c’hoazh met dedennus-tre evel-just!
Gant ar vugale e vo tu da vont da welet His
Dark Materials: The Golden Compass (A la croisée des mondes: La boussole
d’or) gant Nicole Kidman, Eva Green ha Daniel Craig mar plij, film
bevaat Tous à l’Ouest: une aventure de Lucky Luke, Le Renard
et l’enfant krouet gant skipailh La Marche de l’empereur, film
Dreamworks Bee-movie, ar western gant bugale hepken Big City pe
c’hoazh Alvin and the Chimpmunks...
Evit ar re vras e vo kentoc’h I’m
not there biopic dibar Todd Haynes diwar-benn Bob Dylan, Cowboy
gant Benoît Poelvoorde, La graine et le mulet gant sevener L’esquive,
Abdellatif Kechiche, I am Legend, ur film savet a ziwar levr
skiant-faltazi Richard Matheson gant Will Smith, Ma vie n’est pas
une comédie romantique gant Gilles Lelouche ha Marie Gillain, film
kentañ Ben Affleck, Gone baby gone gant e vreur Casey o c’hoari,
pe c’hoazh ar film savet diwar ur c’hoari video Hitman...
...Pe filmoù da sellet er gêr !
|
|
|
|
|
|
Best of 2007 |
|
|
|
Menegomp memes tra Klaxons (Myths of the
Near Future), ur pennad diwar o fenn a zo bet amañ. Dreist o abadenn en
Transmusicales er bloaz tremenet, dreist o fladenn ivez. Tra nevez ebet ganto:
meskaj rock-elektro levezonet gant ar bloavezhioù 1980, graet propik.
Derc’hel a raint evit o eil pladenn? Gwelet ‘vo. War ar roll ivez Burial
hag e bladenn Untrue, bet burutellet amañ er sizhun dremenet. Brav-eston
eo, ken efedus hag ar wech kentañ ho pefe klevet Massive Attack pe Tricky.
Emañ an amzer yen o tont: chañsoù zo hor befe kalz plijadur o selaou sonerezh
elektro ken tomm e-kreiz ar goañv. Pa gomzer eus sonerezh
elektro ez eo diaes chom hep menegiñ Justice, ur seurt Daft Punk nevez
eus Bro-C’hall. Ma n’emañ ket a-du an holl evit a sell ouzh o
efedusted war al leurenn (gwelet soñjoù an dud goude o abadenn en Astropolis
e Brest e miz Eost), e anzav an holl e c’haller lakaat o fladenn gentañ
e-touez re wellañ ar bloaz tremenet. Menegomp ivez Digitalism, daouad
alaman en deus lakaet an holl da zañsal gant o fladenn Idealism. Eus Alamagn
bepred: Apparat hag e albom Walls, ur skouer beurvat eus ar
pezh a zo anvet Intelligent Dance Music. Evit ar re a blij dezho ar
sonerezh lo-fi hag eil derez ez eus peadra da vourrañ ivez gant Stereo
Total, un daouad eus Berlin en deus savet ur bladenn mat-tre anvet Paris-Berlin. Trugarez ivez da Amy
Winehouse (Back to Black eo titl he fladenn), an diva soul nevez.
A-drugarez dezhi e c’haller soñjal emaomp distro d’ar bloavezhioù
1960, pa’z embanne ar Motown pladennoù soul eus ar re wellañ. Diaes
chom diseblant dirak he startijenn (pa ne vez ket re vezv evit kanañ) hag he
zonioù dispar evel ‘Rehab’ da skouer. Evomp ur banne asambles
ganti!
Burial – Untrue
(embannet gant Hyperdub) Justice – Cross (embannet gant Because) Digitalism – Idealism
(embannet gant Virgin) Apparat – Walls
(embannet gant Shitkatapult) Stereo Total –
Paris-Berlin (embannet gant Kill Rock Stars) Amy Winehouse - Back to
Black (embannet gant Universal) Meneg ispisial d’ar
re o deus komprenet emañ bed ar sonerezh o cheñch: Radiohead – In
Rainbows (embannet war-eeun gant ar strollad) Einstürzende Neubauten
– Alles wieder offen (embannet gant Potomak) Ha meneg ispisial ivez
d’ar re a zo deuet a-benn (ken ral eo) da lakaat ar sevenadur rock da
vezañ danvez filmoù sinema mat: Control, sevenet gant Anton
Corbijn, diwar-benn Joy Division hag ar c’haner Ian Curtis This Is England, sevenet gant Shane Meadows, diwar-benn ar sevenadur skinhead e penn-kentañ ar bloavezhioù 1980
R.M.
|
|
|
|
|
|
2007, bloavezh a-feson evit
a sell ouzh ar sonerezh rock-pop-elektro? Ket kement-se, ha da vare fin ar
bloaz, pa glasker sevel best of an 12 miz tremenet, e verzer n’eus ket
bet kalz pennoberennoù embannet abaoe miz Genver tremenet.
Klaxons – Myths of
the Near Future (embannet gant Umvd)
David Bowie – Best Of
-10 pladenn
Hag amañ e vefemp, o
kaozeal diwar-benn ar sonerezh punk pe arnodiñ, ma ne vefe ket bet eus ar
Velvet er bloavezhioù 1960? Look peurvat, tonioù trouzus ha pop war un dro,
emzalc’h atahinus, paeroniet gant Andy Warhol, ul levezon don hag anat
war ar sonerezh punk, post-punk, shoegaze hag all hag ur sapre skipailh
memestra: Lou Reed, Nico (evit ar bladenn gentañ), Mo Tucker hag he
zaboulinoù-poubelennoù, John Cale ar c’hembread soner violoñs ha
Sterling Morrison, an eil gitarour. 
Met petra a c’hell
treiñ e penn ur vaouez war he zalaroù? Eñvorenn he buhez kent, mareoù plijus,
re all start da c’houzañv, he buhez koublad, he darempred gant al
lennegezh hag ar sonerezh, hag he c’hazh muiañ-karet. Hag ar re all,
tro-dro dezhi, o koshaat ivez.
|
|
|
|
|
|
Gouel Nedeleg
(da c’hortoz an tad Nedeleg) |
|
|
|
Korn ar vugale
Aozit ur c’horn er saloñs (e-kichen ar
wezenn gant un daolig izel da skouer, evit kinnig un digor-kalon d’ar
vugale. Lezit ar vugale d’ober war-dro: staliañ ar gwerennoù, ar gwispid
emzic'hizet, ar souezhadenn Nedeleg "mod gwastell eured",
tresadennoù… Souezhadenn Nedeleg mod "gwastell eured" |
|
|
|
|
|
Gwispid emzic'hizet
