|
|
|
|
|
|
|
|
|
|
Lun 7 a viz Genver,
niv.173 Pellgargit ar pennadoù e
stumm Word Evit resev ur gemennadenn
bep Lun evit ar Bremaik nevez, kasit ho chomlec'h da: bremaik@free.fr Bloavezh mat deoc'h holl ! Petra
oa keleier Bremaik warlene? Klikit amañ! |
|
|
|
|
|
|
|
|
|
|
|
|
|
|
|
Klask war-lerc'h pevar martolod |
|
|
|
|
|
|
|
|
|
Er beure-mañ e oa bet kaset ur galv argoll da 4e50
gant ur chaluter, La p'tite Julie. Aet eo d'ar strad ar vag a 24
metrad, a oa da 30 milmor eus Enez-Werc'h pa oa bet kaset ar galv argoll gant
ar besketourien. Enrollet e Sant-Brieg, seizh den a oa war vourzh La
p'tite Julie p'eo aet d'ar strad, tri Fortugalad en o zouez. Daou
ganod-saveteiñ a oa bet kavet war vor gant ar servijoù sikour war vor.
Ouzhpenn ar sikourioù war vor, e oa bet goulennet digant teir bag kenwerzh
mont war ar plas da gavout ar besketaerien, koulz hag an Argonaute, ur
vatimant eus an arme-vor, ur viñsaskell Superfrelon hag un nijerez Falcon 50
zo bet o klask evit kavout ar vartoloded. Unan diouto zo bet saveteet, er
beure-mañ. Korfoù un eil hag un trede zo bet adkavet ivez. Chom a ra c'hoazh
neuze pevar martolod all da adkavout. Ar martolod adkavet bev zo bet kaset da
ospital Brest eme servijoù Prefeti-mor Brest. Start-tre eo klask war-lerc'h
ar vartoloded, feuls an houlenn-vor, gant gwagennoù 6 metrad hag an avel o
c'hwezhañ da 20 skoulm.
|
|
|
|
|
|
Prosez Kokopelli |
|
|
|
M.M.
|
|
|
|
|
|
Ur skouer dedennus eo prosez
Kokopelli eus mont en-dro ar justis e Bro-C'hall pa vez kaoz eus an endro,
hag eus an doare ma vez sikouret an embregerezhioù bras kentoc'h eget ar re a
stourm evit saveteiñ an endro. Eus petra 'zo kaoz er prosez-mañ?
|
|
|
|
|
|
Emgav evit micherioù
an arzoù e Naoned |
|
|
|
Ar BIS* a zo bet krouet evit an arzourien o-unan
hag an dud a labour evito (karget eus o zroiadoù...) met ivez ar c'hoarivaoù
ha lec'hioù skignañ
abadennoù, ar strollegezhioù lec'hel, ar c’hompagnunezhioù dañs ha
c'hoariva, ar broduktourien, ar studierien hag ar stummerien ha tout ar re o
deus ur raktres sevenadurel bennak. Evit bouetañ ar preder e vo kinniget divizoù. Da skouer
"Deskadurezh an arzoù: sevel ur gwir bolitikerezh", ur forom evit kendivizout diwar-benn ar
sevenadur evel "Leurennoù-pladennoù: war-zu ur c'hempouez nevez ?" Met dreist-holl 20 stal-labour evit deskiñ pe
beurzeskiñ "penaos
merañ un
embregerezh abadennoù" en ur sellet a-dost ouzh emdroadur gwirioù an
ganerien, ar stajoù Afdas (kinniget e 2008), nevezentioù sokial an
astalerien, statud ha gwirioù al leurennerien. Kelaouet e vo ivez ar berzhidi
war mont en-dro ar raktresoù sevenadurel, evel perak cheñch anv
ur c'hoariva, penaos filmañ an abadennoù pe sevel ur
steuñv evit ar
vugaligoù dindan 3 bloaz, perak krediñ aozañ
abadennoù "sonerezh ar bed" ha kinnig gouelioù ekologel. Da heul an darvoud e vo aozet abadennoù (dañs,
c'hoariva, sonadegoù) war leurennoù bro Naoned, gant ur priz ispisial a 9
euro evit an dud a-vicher, ar peurrest o vezañ digor ha
digoust. Hoel Louarn Evit gouzout hiroc'h pe lakaat e anv: www.bis2008.com *Biennales internationales du spectacle Taol Kurun, 14vet !
Evit en em enskrivañ er stajoù: 02 98 71 74 94 pe taol.kurun@freesbee.fr Evit gouzout hiroc'h: |
|
|
|
|
|
Emgav tud a-vicher ar sevenadur a vo aozet e Naoned
d'ar 16 ha d'ar 17 a viz Genver gant ar gazetenn La Scène. Peadra evit an
holl a gemer perzh, mod-pe-vod, er sonerezh, er c'hoariva, er sirk pe en
arzoù a bep seurt da geja
16 kumun, 32 abadenn, 2 fest-noz, 2 fest-deiz, ur CD hag ul levrig gant kanaouennoù
enrollet er vro (an eilvet), un eil levr haiku (skrivet gant Fañch Langoet,
ha gant ur golo disheñvel evit pep levrig, mar plij), ur grouidigezh gant
Anne Auffret, Kanerion Pleuigner ha bagad an Alre e-barzh an iliz Itron Varia
Kemperle...
|
|
|
|
|
|
Mell-droad: Brestiz o vresken a-enep Monaco |
|
|
|
|
|
|
|
|
|
War-nes seveniñ un taol-kaer e oa c'hoarierien
Stad Brest dec'h da noz. A-enep skipailh Monaco e oant o c'hoari war o
zachenn. Ha prest e oant da vont betek-penn! Ugent munut a-boan goude an
taol-kas, e oa paket ur poent gant paotred Brest, gant Socrier, en doa
resevet ar vell en un doare direbech gant De Carvalho (skeudenn). Tagus,
nerzhus ha resis, ne oa ket kalz a dra da rebech da Vrestiz dec'h. Un nebeud
munutennoù a-raok an ehan en defe gellet Brest tapout un eil poent gant un
eil tenn gant Socrier, aet da skeiñ a-enep peul palioù Ruffier, siwazh.
Boulc'het eo bet an eil prantad gant degemer c'hoarier Monaco, Jérémy Menez,
war an dachenn. E startijenn hag e zoare c'hoari dic'hortoz en deus lakaet
birvilh er c'hrogad. Tagusoc'h eo deuet da vezañ paotred Monaco, ha skarzhet
eo bet gward-pal Brest, ur c'hartoñs ruz paket gantañ goude bezañ falc'het
Menez. Ne oa ken nemet dek c'hoarier Brestat e fin ar c'hrogad ha diaes eo
bet dezho derc'hel d'an tamm amzer astenn. Astennet eo bet ar c'hrogad eus
peder munutenn ha sebezus eo bet distro paotred Monaco: ur pal gant Bakar
(91vet), un eil (100vet)... hag un trede (110vet)! Daoust d'ar Vrestiz Ayité
ha De Carvalho bezañ stourmet tenn evit klask kreskiñ niver a boentoù o
skipailh eo bet disouezhet-mik paotred Kevre 2 Penn-ar-Bed, goude bezañ
tremenet ur c'hrogad a-bezh gant ar spi bezañ trec'h war skipailh Kevre 1
Monaco.
|
|
|
|
|
|
|
It's a free world |
|
|
|
Seveniñ: Ken Loach Goude bezañ bet skarzhet eus he labour e tiviz
Angie, 33 bloaz, sevel hec’h embregrezh tuta devezhourien. Gant sikour
he mignonez Rose e ro labour da embroidi en dienez, hep merzout emañ
tamm-ha-tamm o tont da vezañ dres evel he renerien gent. G.L. |
|
|
|
|
|
|
|
|
|
|
|
|
|
Islaja – Ulual Yvy |
|
|
|
Anat eo ez eo diaes
lavarout ur bern traoù diwar-benn sonerezh Islaja: ne gomprener seurt ebet eus
ar pezh a lavar ha koulskoude ez eo dibosupl chom hep bamañ pa selaouer he
zonioù. Freak folk pe c‘hoazh Finnish underground. An
trouzioù dic’hortoz, an efedoù war ar vouezh (Varjokuvastin), an
aergelc’h dre vras a laka da soñjal ez eo tostoc’h he labour ouzh
hini ul livour evit hini ur soner. Eus Kutsukaa Sydäntä, kanaouenn
gentañ ar bladenn diazezet war son ar piano, betek Pete P pe
c’hoazh Pysähtyneet Planeetat, e kinnig Islaja un taol-arnod eus
ar re vravañ. Ar re a vefe plijet gant he sonerezh a c’hallo selaou he
div bladenn gentañ (Meritie ha Palaa Aurinkoon), pe ar
strolladoù all a gemer perzh enno: Avarus,
Kemialliset Ystävät, ha Hertta Lussu Ässä. War lec’hienn ar
strollad e c’haller gwelout video Pete P. R.M. Embannet gant Fonal
|
|
|
|
|
|
Eüruzamant eo bet meneget pladenn
ziwezhañ Islaja gant Kim Gordon, p’he deus lakaet anezhi e-touez ar 5
pladenn wellañ bet embannet e 2007, a-hend-all e vefemp tremenet hebiou.
Islaja, neuze? Ur plac’h eus Finland (daoust ma son asambles gant un
den all pa vez war al leurenn, ez eo raktres un den nemetken, Merja Kokkonen
hec’h anv) gant ur vouezh vurzhudus ha kevrinus war un dro (alies e vez
keñveriet gant Björk pe Nico), ha sonioù iskis, evel ur bourmenadenn e koadoù
stank broioù norzh Europa, pa valeer en erc’h don ha glan.
|
|
|
|
|
|
Dibenn-sizhun shopping evit soldoù ar
goañv... e Jerzenez! |
|
|
|
Evit gouzout hiroc'h: 0 825 135 135 Breizhiz o paotreta pe merc'heta war
internet
Peseurt perzhioù a fell d'ar Vretoned ha
Bretonezed e vefe gant o (danvez-)dousig? Kavout a reer, rampo-rampo an
hegarated (11%), ar fent (11%), hag ar sederoni (11%) da gentañ-penn. Da
c'houde e kav brav ar Vretoned ha Bretonezed kavout tud brokus ha kizidik
(10%). Peseurt doare gwiskañ a blij ar muiañ da Vretoned ha Bretonezed
dizimez Match.com? 34% anezho a gav gwelloc'h bezañ gant unan bennak gwisket
en un doare simpl ha distenn. Evit a-sell ouzh ar vuhez familh eo prest 46%
eus matcherien ha matcherezed Breizh da gaout bugale gant o c'haredig... Ma
n'eo ket tout, aet eo Match.com betek lakaat pajenn degemer al lec'hienn e
brezhoneg penn-da-benn zoken! Evit gouzout hiroc'h (ha kavout un danvez-pried
marteze): Lennit Bremañ miz Genver 2008 !
Gouel an douaroniezh e Saint-Dié-des-Vosges, Karta
Divskouarn, amzer da zont Kanol Naoned-Brest, Kib ar bed hand-ball ar
merc'hed, teknik filmañ ar "performance capture" implijet evit
Beowulf, un emgav gant ar skrivagnerez vrezhonek Mich Beyer... Kaoz zo
diwar-benn se ha leun a draoù all c'hoazh e-barzh kentañ niverenn Bremañ
2008. Un teuliad peder fajennad zo bet gouestlet en
niverenn-mañ da Vro-Euskadi. Istor ha stad ar vro hiziv, penaos emañ kont
gant an euskareg... ur bras-sell a vez kinniget da lennerien Bremañ evit
anavezout gwelloc'h ur vro a vez kaoz diouti alies er metoù brezhonek. Bep miz e kinnig ar gelaouenn Bremañ, abaoe
1980, pennadoù brezhonek a bep seurt, diwar-benn Breizh hag ar bed, kinniget
brav, e doare ur magazin. Embannet gant Skol an Emsav (4,5 euro an tamm) E gwerzh er stalioù levrioù a ginnig danvez
Breizh, pe dre goumanant. Evit gouzout hiroc'h: www.breman.org Deiziataer 2008 !
E gwerzh 12 euro (mizoù-post profet) dre lizher
gant Skol an Emsav, 25 straed Pierre Martin, 35000 Roazhon. Pgz : 02 99 38 75
83. sae.bzh@wanadoo.fr |
|
|
|
|
|
Kinnig a ra Condor Ferries mont da Jerzenez evit
profitañ eus soldoù an goañv du-se. Ouzhpenn ar stalioù "duty free"
war bigi an embregerezh, e ra stalioù cheuc'h an inizi angl-ha-norman etre
50% ha 70% distaol a-wechoù war o froduoù. Ma chom ganeoc'h un toullad
gwenneien goude gouelioù Nedeleg ha Kalanna, e c'hell aze bezañ un abeg evit
un dibenn-sizhun "shopping" dic'hortoz, da 70 munut eus Sant-Maloù
hepken. Un distaol dreist-ordinal a vez kinniget gant
Arabat
c'hoarzhin. Sirius-tre eo an afer-mañ. Aet eo al lec'hienn
Match.com, graet evit ma yafe paotred ha merc'hed e darempred an eil
gant ar re all dre Internet, da studiañ perzhioù he izili
breton! 86000 anezho a vefe (sifroù jedet war ar
rannvro sur a-walc'h). 64% anezho zo ouzhpenn 30 vloaz, 48% zo
ouzhpenn 35 bloaz ha 16% zo en tu-hont da 50 vloaz. 350 "matcher(ez)"
breton zo ouzhpenn 70 vloaz. Ar paotr-yaouank-kozh ennañ zo...
91 vloaz! Internet, koulz hag ar garantez, n'int ket un afer
rummadoù-oad war a seblant.
Niverenn Bremañ miz Genver 2008 (niv.315)
zo deuet er-maez!
Deuet eo er-maez deiziataer