|
|
|
|
|
|
|
|
|
|
Lun 30 a viz Du, niv.263 Pellgargit
ar pennadoù e stumm Word Evit resev kemennadenn nevez Bremaik bep Lun, Petra oa keleier Bremaik bloaz zo? Klikit amañ ! Evit
distreiñ d'ar bajenn degemer |
|
|
|
|
|
|
|
|
|
|
|
|
|
|
Bugaled Breizh: Studi nevez goulennet |
|
|
|
|
|
|
|
|
|
Reizhaouerien Lez-engalv
Roazhon o deus embannet digwener tremenet o diviz diwar-benn teuliad peñse ar
chaluder bigouter Bugaled Breizh. Pemp pesketaer a oa marvet d'ar 15 a
viz Genver 2004 er gwallzarvoud. Abaoe meur a vloaz e soñj da dud ar familhoù
e c'hellfe ul lestr-spluj bezañ abeg peñse ar vag en un dornad munutennoù.
Barnerien-enklaskerien Kemper o doa klozet o enklask e 2008 o tisklêriañ e oa
moarvat an displegadenn gwirheñvelañ. Goulennet eo bet neuze gant Lez-engalv
Roazhon ouzh ar prizachour arbennik war al listri-spluj, Dominique Salles,
kas ur studi nevez, a-benn kavout "hag-eñ e vefe bet un darvoud pe
abegoù diuntuek e vefe unan pe meur a splujerez nukeel argadiñ (SNA) e
kaoz". Ar prizachañ a zle bezañ rentet a-benn an 31 a viz Meurzh 2010.
Spi ha nec'h mesk-ha-mesk zo diouzh tu ar familhoù. Aon o doa e vefe embannet
ur c'hemenn-didamall. Diouzh an tu all, en doa Dominique Salles klozet e
rentañ-kont kent o lavarout e oa gwirheñvel-kenañ e vefe un SNA abeg peñse ar
Bugaled Breizh. Diaes gouzout petra a c'hello ar prizachour kavout
evel danvez ouzhpenn.
|
|
|
|
|
|
"Priz
Pinocchio" evit Bollore, Total, hag EDF |
|
|
|
Evit ar pezh a sell ouzh
gwirioù Mab-Den eo Bolloré a zo bet kavet ar spontusañ, evit aozioù-labour
implijidi hentad ar Palmez e Kameroun, a zo "tost ouzh ar sklavelezh".
Evit al lodenn "Endro" eo gant Total ez a ar maout, evit ar raktres
ramzel "Kashagan" er C'hazakhstan. Posupl e vije ober anv ivez eus
an ezteurel eoul-maen diouzh traezh en Alberta, un oberenn eus ar re
saotrusañ. Goude Total e teu Areva, BNP Paribas hag ar Société Générale. Er
rann a denn d’ar "greenwashing", ar pezh a dalvez reiñ
ur skeudenn c'hlas pa n'eo ket glas an doare d'ober, eo EDF eo aet ar priz
ganti. Dispignet he defe 10 milion a euroioù evit he luskad bruderezh "Changer
d'énergie ensemble", padal ne lakfe nemet 8,9 milion en hentennoù
evit an energiezhioù glas. Da lâret eo e tispign muioc'h evit embann ar pezh
a ra eget evit ober. Posupl e vije bet ivez ober
anv eus Obama, en deus embannet ez aio da Gopenhagen, padal ne chomo nemet an
devezh kentañ hag o kinnig palioù dister, a-raok nijal betek Oslo evit
degemer priz Nobel ar Peoc'h padal en deus divizet kas 13000 soudard ouzhpenn
en Afghanistan... M.M. |
|
|
|
|
|
Bep bloaz e vez aozet ar
priz Pinocchio gant Les Amis de la Terre. Dilenn an hini spontusañ war
dachenn an "diorren padus" eo pal an darvoud-se. E-tro 7500 den o
deus dilennet ar strolladoù bras war Internet.
|
|
|
|
|
|
Gouel Rouzig
evit lidañ ar 100vet niverenn d'an 13 a viz Kerzu |
|
|
|
Un diskouezadeg vras a vo
aozet a-benn lakaat war-wel holl niverennoù Rouzig bet embannet. Treserien a
sino o levrioù: Anne Salaun, Christophe Babonneau, Gwenole Le Dors, Gwen
Delalande, Helen Nehr. E bed ar
c'helaouennoù brezhonek evit ar vugale eo bet Rouzig unan eus ar re o
deus padet ar pellañ. Gant un eil koulzad brudañ "Nabar" emañ Keit
Vimp Bev ouzhpenn. Tu zo bepred da c'hourc'hemenn an nanarzh konter (ha
brezhoneger!). Evit gouzout hiroc'h :
http://keit-vimp-bev.info/
"Ene Breizh" zo
titl an nozvezh barzhoniezh a vo kinniget fenoz, e Naoned. Mignoned Vasse hag
Ajañs Sevenadur Breizh o deus pedet ar barzh Yann-Bêr Piriou. Skrivet en deus
er bloavezhioù 70 an dastumadenn "Défense de cracher par terre et de
parler breton". Gantañ e vo lennet barzhonegoù an dastumadenn-mañ, hag
ivez gant skolidi skolaj Rutigliano ha skolaj Diwan al Liger-Atlantel. Un
droidigezh e galleg a vo kinniget ivez. An darvoud brezhonek-mañ a vo aozet e
sal Vasse, 18 straed Colbert da 8e30 noz. Frank e vo ar mont e-barzh. Erbediñ
a reer mirout plasoù d’ar 02.51.84.16.07 pe d’ar
chomlec’h-mañ: acbml@free.fr Ajañs Sevenadurel Breizhek Liger-Atlantel Morvan Lebesque,
Pgz : 02 51 84 16 07. Postel : acbml@free.fr
|
|
|
|
|
|
Lidet e vo gant skipailh
Keit Vimp Bev kantved niverenn ha miliadoù a bajennoù ar gelaouenn Rouzig.
Pedet eo kement brezhoneger bihan zo da zont betek Kastell-Nevez-ar-Faou, e
sal ar Sterenn, d'an 13 a viz Kerzu. Buhez hag entan a vo war al leurenn gant
Jakez ar Borgn ha Mona Jaouen, hag ivez gant Los Furlukinos, 13 furlukin
yaouank bet asambles e lise Diwan. E-kerzh ar gouel e c'hoariint o fezh, “E
pelec'h emañ Soazig?” evit ar 36vet gwech! Estreget war al leurenn
e vo plijadur. Profoù a vo graet d'ar vugale deuet betek eno. Ur poster hag ul
levr bannoù-treset a vo roet da gement bugel a vo deuet. Hep kontañ ar pezh a
vo gounezet ganto en tombola (digoust!): kasedigoù, pladennoù, ha betek o
fouez a levrioù zoken!
"Ene Breizh", barzhoniezh
e Naoned fenoz
|
|
|
|
|
|
Kevezadenn
a-rampo 0-0 etre Bro-Skos ha Bro-Saoz |
|
|
|
Gwisket gant knickerbockers
gwenn, krezioù glas-du ha loeroù gwenn ha glas, an holl c'hoarierien skosat a
zileurie kleub nemetañ ar Queen's Park FC. Evel-just, ar Saozon a zouge
o gwisk gwenn hengounel, kaeraet war-bouez kasketennoù. Da ampartiz teknikel
Skosiz e respontas startijenn gendalc'hus ar skipailh saoz. Petra bennak m'en
defe Robert Leckie, niverenn 7 skipailh Bro-Skos, kaset ar vell war laez ar
seizenn a rae evit barrenn, e-pad an ehanoù-c'hoari, ne voe pal ebet, na gant
an treid na gant an daouarn. En desped d'ar skor gwerc'h, e voe
dedennus-kenañ ar c'hoariadenn ken ma tiskouezas kadoniezhoù an daou skipailh
bezañ gwall bell an eil diouzh egile, Skosiz oc'h ober gant un 2-2-6 hag ar
Saozon gant un 1-1-8. Ha c'hwitellet e voe dibenn ar c'hrogad gant an tredeog
Willy Keay hep den gloazet ebet, dre chañs dre ma ne oa eilc'hoarier ebet. Kement-se a c'hoarvezas 137
vloaz zo, d'an 30 a viz Du 1872, da-geñver kentañ krogad ofisiel mell-droad
en istor ar sport-mañ. D'ur mare ma vije bet ur vezh plantañ unan e-barzh
gant an dorn. Met gwir eo ne veze ket anv eus Kib ar Bed c'hoazh... Yannig Boulard |
|
|
|
|
|
E-barzh ar West of Scotland
Cricket Ground, e Partaig, er c'hornôg da c'hGlasc'ho, e voe degemeret ar
c'hrogad etrebroadel oc'h enebiñ skipailh mell-droad Bro-Skos ouzh hini
Bro-Saoz. D'an 30 a viz Du, kement ha lidañ deiziad gouel Andrev, e teuas 4000
den da arvestiñ ouzh an 22 c'hoarier, war un dachenn gleb-teil hag aloubet
gant al latar, ken ma voe ret daleañ an taol-kas e-pad un ugent munutenn
bennak.
|
|
|
|
|
|
|
The Twilight Saga : New Moon (Twilight chapitre 2 – Tentation) |
|
|
|
Stadoù-Unanet Amerika - 2009 Seveniñ : Chris Weitz
E miz Genver hon doa bet
tro d'ober anaoudegezh gant Bella hag Edward, harozed romantoù Stephenie
Meyer, er sinema. Ar film kentañ (sevenet gant Catherine Hardwicke), kentoc'h
plijus, a oa splann ennañ an doare tenn m'eo an darempredoù etre krennarded.
En eil film avat, n'eo ket tapet kenkoulz ar santadoù-mañ. Pounner eo ar
c'homzoù ha dipitus c'hoari an aktored. Heñvel-tre eo ouzh red al levr ha
koulskoude, e seblant hir spontus ar film. Goullo eo, evel m'eo tudenn Bella,
a-benn ar fin. Ma vefe fentus c'hoazh, met n'eo ket, war bouez al lodennig en
Italia marteze... G.L. |
|
|
|
|
|
|
|
Dilezet gant Edward, ar
suner-gwad a gar, emañ Bella tost d'an diwaskadenn. Merzout a ra e c'hall
klevout Edward pa vez en arvar. Kregiñ a raio neuze d'ober sotonioù a bep
seurt gant sikour he mignon indian, Jacob. Hemañ a zo e karantez ganti ivez
met dilezel a raio anezhi ivez abalamour d'e sekred.
|
|
|
|
|
|
Alan Silvestri distroet eus an amzer dazont, war 2 CD |
|
|
|
Evit gouzout hiroc'h: www.intrada.com |
|
|
|
|
|
Dimeurzh
tremenet e oa bet diskoachet gant an embanner sonerezh Intrada e bladenn
nevez. Plediñ a ra tud Intrada gant sonerezh filmoù, ur marc'had bihan hag
ispisial a-walc'h. Abaoe meur a vloaz en deus boulc'het an embanner ul labour
sonerezh filmoù na oant ket bet embannet evit poent, pe adembann anezho en ur
stumm klokoc'h. Alien (1979) gant Jerry Goldsmith ha Monsignor
(1982) gant John Williams, e 2007, pe Scorpio (1973) gant Jerry
Fielding, e 2008 da skouer. Taol-kaer diwezhañ Intrada zo bet embannadur
sonerezh Back To The Future (1985), skrivet gant Alan Silvestri evit
film brudet-kenañ Robert Zemeckis. Berzh-spontus en doa graet ar film gant
Michael J.Fox o veajiñ en amzer gant un DeLorean. Roet en doa lañs ar film da
bep hini eus e aozerien. Un albom gant kanaouennoù (re Huey Lewis
dreist-holl) hag un nebeud munutennoù eus sonerezh Alan Silvestri a oa tu da
gavout evit poent. Abaoe 24 bloaz e oa amatourien seurt sonerezh o kaout spi
e teufe un deiz bennak ur bladenn o kinnig un tamm muioc'h eus labour ar
sonaozour. Tost eur c'hard-kantved war-lerc'h eo deuet da wir: ouzhpenn ar
sonerezh a glever er film, eo deuet a-benn tud Intrada da gavout e dielloù
Universal enrolladenn ur stumm all eus ar sonerezh. Savet e oa bet evit doare
kentañ ar film, zo bet adframmet meur a wech (aktor pennañ ar film zo bet
cheñchet ha ton an istor ivez). Ur sell klok-tre war ul labour
nebeut-anavezet alies. 3000 skouerenn gentañ ar bladenn zo bet peurwerzhet,
hag un eil troiad 3000 skouerenn a vo tennet gant an embanner neuze.
|
|
|
|
|
|
1añ a viz Kerzu : devezh stourm
etrebroadel a-enep ar Sida |
|
|
|
Evit gouzout hiroc'h: www.sidaction.org
Goude ur
bloavezh ehan en deus embannet Pol Brezhoneg Skol an Emsav un deiziataer
hollvrezhonek adarre evit 2010. Adkavet
e vo ar stumm klasel a blije d’an dud. 17cm uhelder ha
9cm ledander, gant ar skrid a-led. Dindan ur golo plastik du ha gwenn e
vo kavet an deiziataer, pevar liv penn-da-benn, hag en e gichen ur c’harnedig
all hag a c’hallo bezañ miret a vloaz da vloaz, ennañ roll kumunioù
Breizh. Ur benveg talvoudus evit
ober gant ar brezhoneg bemdez! Kas ur chekenn 12€
da: Skol an Emsav, 25 straed
Pierre Martin, 35000 Roazhon. Evit gouzout hiroc'h: 02 99
38 75 83 pe sae.bzh@wanadoo.fr Lennit Bremañ
Kerzu 2009!
An teuliad zo gouestlet er
miz-mañ da Ziwan. 150000€ e rank ar skolioù kavout ouzhpenn a-benn
klozañ budjed ar bloavezh 2009-2010. Ur sammad hag a roio tro d'ar skolioù
brezhonek dre soubidigezh da emarc'hantañ kresk ar rouedad, gant lec'hiadoù
nevez. Kendalc'het e vo er miz-mañ
gant div bajennad ispisial, bet soñjet a-ratozh evit ar re zo o teskiñ
brezhoneg: "Lennomp!". M’ho pez plijadurig o lenn Bremaik,
plijadur ho po o lenn Bremañ, sur! Evit broudañ he lennerien
da goumanantiñ e kinnig Bremañ un distaol dreist-ordinal betek ar 1añ
a viz C'hwevrer 2010: 45€ evit ar c'houmanant-bloaz e-lec'h 50€!
Ur follenn-goumanantiñ a c'heller kavout war lec'hienn www.breman.org Bep miz, abaoe 1980, e
kinnig ar gelaouenn Bremañ pennadoù brezhonek a bep seurt, diwar-benn
Breizh hag ar bed, kinniget brav, e doare ur magazin. Embannet gant Skol an Emsav (4,5€ an tamm) E gwerzh er stalioù-levrioù a ginnig danvez
Breizh, pe dre goumanant. Evit gouzout hiroc'h : www.breman.org |
|
|
|
|
|
Emañ ar gevredigezh
Sidaction o vont da ginnig, evit ar 15vet bloaz da heul, ur rummad degouezhioù
er C'hwec'hkorn evit devezh ar stourm a-enep ar sida er Bed, d'ar 1añ a viz
Kerzu. Un tamm e pep lec'h, diwar youl studierien, liseidi, kevredigezhioù a
bep seurt, e vo aozet abadennoù, standoù... En Oriant da skouer, e vo tu da
vont da welet un abadenn anvet "Le théâtre Forum", dimeurzh da noz
da 7e30. E sal Courbet an ti Agora, 83 straed Amiral Courbet, en Oriant e vo.
Ur pezh-c'hoari lec'h ma kemero perzh komedianed "a-youl vat",
amatourien holl, deuet diwar metoù an embregerezhioù hag al labour dre vras,
ar sida ganto pe get. Kinniget e vo ganto degouezhioù sokial a lak diaes pe a
c'hell diskar tud el labour, war ar pemdez, ha liammet gant ar c'hleñved.
Deiziataer 2010, brezhoneg-tout!
Emgavioù etrerannvroel ar
yezhoù hag ar sevenadur, statud ar Post, ognon roz Rosko, identelezh Frañs,
studiañ brezhoneg dre ar SUED... Kaoz zo eus an holl draoù-se hag eus traoù
all c'hoazh e-barzh niverenn Bremañ miz Kerzu 2009.