|
|
|
|
|
|
|
|
|
|
Lun 20 a viz Du,
niv.123 Pellgargit ar pennadoù e stumm Word Petra oa keleier Bremaik
warlene? Klikit amañ! |
|
|
|
|
|
|
|
|
|
|
|
|
|
|
|
Ouzhpenn
5000 den e 8vet fest-noz Yaouank |
|
|
|
|
|
|
|
|
|
Berzh bras en deus graet adarre gouel Yaouank,
aozet evit an 8vet gwech gant Skeudenn Bro Roazhon, kevread ar
c'hevredigezhioù sevenadurel breizhek eus Bro Roazhon.
Disadorn e oa deuet neuze ouzhpenn 500 den da zañsal, da
selaou, de gejañ hag ober anaoudegezh, evit ar wech
kentañ evit lod, gant sonerezh ha sevenadur Breizh.
Liesseurt e oa roll an arzourien, gant Nolwenn Korbell evit
boulc'hañ an nozvezh, Kendirvi, Bagad Cap Caval, Plantec,
Hicks (sk. a-zehou), karavanennig ar Baragouineurs pe krouidigezh Herve
Le Lu (sk. a-gleiz), paeron abadenn ar bloaz-mañ... Ouzhpenn
ar gouel, eo Yaouank ivez un diagrez evit izili kevredigez
|
|
|
|
|
|
An
dilennadegoù hag an endro |
|
|
|
M.M. |
|
|
|
|
|
Ur
c'hementad bras a baper a vo bevezet e-pad an dilennadegoù o
tont : 42 milion a c'holoioù-lizher devezh ar vouezhiadeg,
ha 270 milion evit kas ar folennoù-emginnig da diez an dud !
Embannet ez eus bet gant modiernva an diabarzh e vefe implijet paper a
eil implij evito. War an dachenn-mañ ez eus bet doujet ouzh
ar pezh a oa bet goulennet gant Greenpeace, Festival an Avel, hag
Alliance pour la planète.
|
|
|
|
|
|
C’hoarzhin
gant istor ur repuad deus Afrika |
|
|
|
Sed
aze istor miliadoù a dud divroet a gemer hent hir ar goulenn
repuidi politikel. Pie Tshibanda, skrivagner ha psikologour anveet deus
Kongo, en deus kuitaet e vro e 1995 en abeg d’ar brezel
gouennel, hag erruet en ur gêriadennig e Belgia. Buan e teu
da vezañ emskiantek deus diheñvelded ar sevenadur
nevez. Kompren a ra, adalek m’en deus tremenet
harzoù Belgia, ne vo ket mui an den speredel priziet a oa
a-raok. Bremañ eo un "estren". Pie Tshibanda a gont e istor
gant kalz denelezh ha fent : ar sellerien, du pe gwenn, o do
tro da c’hoarzhin n’ur welet o skeudenn e melezour
an arzour. Hoel
Louarn "Un fou noir au pays des blancs ",
C’hoariva ar Champ du Roy, d’ar Yaou 23 a viz Du da
8e30, etre 5 ha 12 euro, evit an holl adalek 10 vloaz. Evit gouzout hiroc’h war
an abadenn-mañ hag ar gouel Paroles d’Hiver (40
kêr en Aodoù-an-Arvor gant arzourien deus pep
lec’h er bed) : www.oddc22.com. |
|
|
|
|
|
Ar gontadenn "Un fou noir au pays des blancs" a
vo kinniget gant ar gompagnunezh "La Charge du Rhinocéros" e
C’hoariva ar Champ du Roy e Gwengamp diriaou, e-doug ar gouel
Paroles d’Hiver.
|
|
|
|
|
|
Masters
tennis Shanghai gant
Roger Federer |
|
|
|
|
|
|
|
|
|
Gant
ar Suis Roger Federer eo bet gounezet tournamant "Masters" tennis
Shanghai dec'h. Un eurvezh-hanter hepken en deus bet ezhomm da gaout
evit bezañ trec'h war an Amerikan James Blake (6-0, 6-3,
6-4). An 29vet krogad gounezet gant ar Suis a 25 vloaz e oa. N'en deus
ket an Amerikan gellet ober kalz tra, ar volotenn hag an dachenn a oa
renet penn-da-benn gant Federer. Er bloaz-mañ n'eus bet
nemet daou zen evit dont a-benn da baouez Federer : ar Spagnol Rafael
Nadal hag ar Skosad Andy Murray. Dastumet en deus en deus an tennisman
Suis 92 krogad gounezet ha daouzek priz, tri Chelem Bras en o zouez.
War dachenn an arc'hant ivez e ya mat-tre an traoù evit ar
c'hoarier yaouank, rak setu eñ ar c'hentañ
tennisman o c'hounid ouzhpenn 8 milion dollar en ur bloavezh...
|
|
|
|
|
|
Flags
of Our Fathers (Mémoires de nos pères) |
|
|
|
Stadoù-Unanet
- 2006 Seveniñ
: Clint Eastwood
Goude
marv e dad John “Doc” Bradley,
e sav James Bradley
ul levr diwar-benn paotred Iwo Jima. Ennañ
e kont emgann ar soudarded amerikan ha japanat war enezenn Iwo Jima. Ur
skeudenn vrudet spontus a voe tapet du-hont, 6 paotr o sevel banniel ar
Stadoù-Unanet war menez Suribachi. Tri diouto a chomo bev
hag a vo implijet gant an arme (en deus ezhomm arc’hant bras)
evit brudañ ar brezel ha reiñ spi en-dro
d’ar bobl. Met re bounner eo ar samm lakaet warno, poan o
deus d’en em santout harozed p’eo marvet o mignoned
war enezenn Iwo Jima... Distro
eo Clint Eastwood gant ur film kaer. N’eo ket hepken ur film
brezel (zoken m’eo mat-tre an tammoù war an
enezenn, doare Saving Private Ryan un tamm, produet
eo ar film gant ur Spielberg bennak) met ivez ur film preder war ar
brezel ha war ar gevredigezh. An dudenn fromusañ a zo an
Indian Ira Hayes, a vo klañv ha gwall stroñset
gant e “labour” nevez. Brav-tre ar
skeudennoù, gouzañvus ar flashoù hag
an dud o huchal pa welont an “harozed”... N’eus
mann da rebech d’ar film, neuze n’eus nemet gortoz Letters
from Iwo Jima d’ober - memes istor gwelet ar
wech-mañ eus tu Japaniz - hag a vo er sinema ar bloaz a-zeu. G.L. Kement
ha gouzout hiroc’h : http://wwws.warnerbros.fr/flagsofourfathers/ |
|
|
|
|
|
|
|
|
|
|
|
Les
Rockeurs ont du cœur - Naoned - Olympic - 15 a viz Kerzu |
|
|
|
Abaoe
2004 o deus bet c‘hoant an aozerien distreiñ da
ziazezoù ar gouel sonerezh-se, hag abaoe ar bloavezh-se ez eo diazezet programm an nozvezh war al
levr anvet "La fabuleuse histoire du rock nantais". Setu ma vo tu
deoc’h klevout sonerien bet brudet e kêr Naoned
abaoe tost 30 vloaz. En o zouez : sonerien EV, Les
Piétons, Les Jambons, Le Cri du cru pe c’hoazh
Dominique A (skeudenn). Penaos mont e-barzh ? Evel boaz,
deoc’h da gas ur c’hoari a dalvoudegezh 10 euro da
nebeutañ, ha setu ! R.M. Muioc’h a
ditouroù : www.lesrockeurs.com
Bep
sizhun e kinnig al levrdi Dialogues e Brest, divizoù a-bep
seurt gant skrivagnerien liesdoare. Digwener
da 6e noz ho po tro da gendivizout gant Nedim Gürsel, ganet e
Turkia e 1951, rener-enklasker er CNRS ha kelenner e Skol-Veur La
Sorbonne. E
skridoù zo bet awenet gant e harluadennoù hag e
lieswriziennoù en dezerzh, er stepenn, e Istanbul,
hag e Pariz. Ur gêr a zo evitañ hini an droug, an
harlu, hag an digenvez, met dreist-holl e lec’h ma skriv, e
Turkeg, peogwir ec’h embann sklaer "n’eus nemet ur
vammvro zo dellezek da vezañ difennet ha karet : ar
yezh vamm." Ar
skrivagner zo kroget abred-tre gant kontadennoù embannet e
kazetennoù lennegel. Goude e vachelouriezh e
Lycée Gall Galatazaray, e Istanbul, en deus
kendalc’het gant e studioù e kêrbenn
Frañs. E levr kentañ "Un hañvez hir e
Istanbul", a gont maread ar mougadur e Turkia etre 1971 ha 1974, hag en
deus bet ur priz lennegel meur eno. Embannet en deus
dastumadoù istorioù berr,
barnskridoù-preder, ur romant "Ar vaouez gentañ",
istor un devezh e buhez ul lisead yaouank deus Istanbul, hag e 1990 en
deus bet priz ar gontadenn wellañ digant Radio
Frañs Etrevroadel. E levrioù zo bet troet e
degadoù a yezhoù disheñvel. An
emgav-mañ zo kenaozet gant ar gevredigezhYezhoù
ar Bosfor ha liammet gant "Gouel Yezhoù ar bed " a
lakao goulou, e miz Even 2007, war yezhoù ha
sevenadurioù Turkia. H.L. Emgavioù
all gant skrivagnerien e ti Dialogues, e Brest (da 6e noz): Lun
20. Nathalie Couilloud ha Bernard Cadoret evit o levr "Voiles de
Bretagne" Meurzh
21. Louis Elegoet ha Marthe Le Clech evit o levr "La vie des paysans du
Léon" Yaou
23. Jean Bulot evit e levr "Capitaine Tempête :
Souvenirs d’un capitaine de remorqueur de haute mer et de
sauvetage" Lun
27. Chantal Desbordes evit he levr "Une femme amiral" Meurzh
28. Yves Coativy evit e levr "Paul Du Chatellier :
collectionneur finistérien (1833-1911)" Yaou
30. Olivier Delcroix evit e levr "Génération
Tintin" Evit
gouzout hiroc’h : www.librairiedialogues.fr |
|
|
|
|
|
C’hoant
ho peus tremen un nozvezh plijus ha sikour bugale ne resevont netra da
Nedeleg war un dro ? Emgav en Olympic e Naoned neuze, a-benn
ar 15 a viz Kerzu. Eh ya ! 18 vloaz goude he
c’hrouidigezh, e kendalc’h c’hoazh an
abadenn Les Rockeurs ont du cœur.
Kejadenn
gant Nedim Gürsel, skrivagner Turk
|
|
|
|
|
|
Kig-yar
indez gant sistr ha rezin |
|
|
|
Goude-se,
lakait ar c’hig war ur plad gant ar rezin hag ar
c’hraoñ. Koazhit ar soubilh un tammig ha servijit gant avaloù bet melenet er baelon, da skouer. Katell
Leon
Danvez
evit 4 den : 1 litrad meskl – 80 g pinochez – 1
penn-ognon tev – 20 cl dienn fresk – 30 cl laezh
– 30 cl gwin gwenn – 1 boked louzoù
–ur meudad sukr – pebr hag holen Naetait
ar meskl. Dibluskit ha diskolpit ar penn-ognon. Lakait ar meskl gant ar
banne gwin gwenn, ar penn-ognon, ar boked louzoù, ar pebr.
Goloit ha poazhit war dan bras betek ma vo digor ar meskl war(dro 10
mn). Deverit ha tennit krogenn ar meskl. Lakait a-gostez wan dan
gorrek, gant ur bannig eus ar chug silet. Goloit. Diskargit
peurrest ar chug en ur gastelodenn. Ouzhpennit ar banne laezh, 20 cl
dour, an dienn, hag ur meudad sukr. Meskit ha leskit da
boazhañ 15 mn. Lakait ur meudad holen. Dilostit,
gwalc’hit ha diskolpit ar pinochez. Ledvirvit 3 mn e-barzh ar
soubenn. Ouzhpennit ar meskl hag ar chug. Servijiit tom. Doare
kinnig aliet : A-benn kaout ur banne soubenn
goavenoc’h, tanavit 2 melen-vi gant ur banne dienne fresk (10
cl). Meskit gant ur vazer. Arabat eo leuskel da virviñ. Mari
Lubrano
( Ar
pep pouezusañ evit ar re zo bet ganet dindan sin ar Skorpion
a vo adkavout fiziañs ha gwellwelusted. Perzhioù
o deus manket dezho abaoe bloavezhioù. Gallout a raio ar
meskaj planedennoù zo en ho sin (Loar du, Ouran, Yaou ha
Ploudon) degas trubuilhoù – ha danvez tarzh
– en ho puhez kalon !
Deoc’h-c’hwi e vo da c’hoari neuze.
C’hwi e vo mestr-ez ar jeu. Diouzhoc’h ez aio ho
tarempredoù war-raok pe get. Ma vezit evezhiek ha fur e
teuoc’h a-benn da seveniñ ho
c’hoantoù. Ma vezit emgar ho po keuz. Netra
logikoc’h ! Diwallit memestra ma vevit gant unan
all. Ne vo ket pardonet kalz a dra deoc’h. Alies
e c’hoarvez deoc’h ober van da chom hep merzout tra
ebet. Dreist-holl pa vez jeu en ho koublad. E fin ar bloaz aze e vo
disheñvel an traoù. Klask a reoc’h
kompren da vat petra a zo kaoz ez eus kudennoù
etrezoc’h. Komz a reoc’h eus se didro. Diaes pe
boanius e c’hello bezañ. Met talvoudus e vo
deoc’h an onestiz-se. Stabiloc’h e vo ho koublad
goude se. Ma vezit hoc’h-unan e kavo deoc’h
n’eo ket ken dreist-se ! Bezit frealzet, rak ar
wezh-mañ ho po tro da gejañ gant un den a
cheñcho ho puhez en un doare plijus-tre. Evit a sell ouzh al labour emañ Yaou, mestr ar chañs, ganeoc’h. Dindan e ren e vioc’h furoc’h. Palioù tizhapl a vo lakaet ganeoc’h. Al Loar du a vroudo ac’hanoc’h da beurlipat ho labour. Katell
Leon Ar
Skorpion: ar Grug.
An deiziataer 2007 zo deuet er-maez ! Kavet e vo er stalioù levrioù breizhek hag e Skol an Emsav, e Roazhon, evel-just. Un doare nevez zo gant deiziataer 2007. Bihanoc'h eo evit mont gwelloc'h er chakodoù hag er seier-dorn. An Deiziataer hollvrezhonek zo ur benveg bepred talvoudus : leun a chomlec'hioù (ouzhpenn 200) hag a ditouroù vo kavet diwar-benn Breizh hag ar brezhoneg, un daolenn kemmadurioù, kodoù-post kumunioù Breizh... 13 euro an tamm. Skol
an Emsav, 25 straed Pierre Martin, 35000 Roazhon: |
|
|
|
|
|
Danvez evit 4 den : 1
c’hig-yar indez (ket re vihan), 50 g amann, 25 g
kraoñ diblusket, 1 werennad sistr, 1 werennad dour , 1
diñsad bouilhoñs kig-yer, ur werennad likor
kalvados, 50 g dienn fresk, 50 g rezin Smyrna glec’hiet,
holen ha pebr 
Soubenn
wenn gant meskl
