|
|
|
|
|
|
|
|
|
|
Lun 21 a viz Du,
niv. 76 Pellgargit ar pennadoù e stumm Word Petra oa keleier Bremaik
warlene? Klikit amañ! |
|
|
|
|
|
|
|
|
|
|
|
|
|
|
|
E
koun peñseidi an Hilda |
|
|
|
Don
e oa bet merket speredoù tud ar vro gant peñse an
Hilda. Aet e oa Naig Rozmor da sevel ur
pezh-c'hoari, gant skoazell Strollad ar Vro Bagan e koun an Johniged
marvet kant vloaz zo pa oant o tistreiñ da Vreizh (Johniged
an Hilda, embannet gant Brud Nevez e 2002). |
|
|
|
|
|
Lidoù a oa bet aozet disadorn e
Dinarzh, Rosko ha Sant-Maloù e koun peñseidi an Hilda,
aet d'ar strad kant vloaz zo. Drailhet e oa bet kouc'h ar vag gant
reier e-kerzh an nozvezh etre an 18 hag an 
|
|
|
|
|
|
Nebeutoc’h
a broduioù kimiek pistrius a-benn
nebeut en Europa ? |
|
|
|
Abaoe
fin 2004 e vez lavaret gant kevredigezhioù bevezerien (ar
BEUC), asambles gant aozadurioù a zifenn an endro e-giz ar
WWF pe Greenpeace, ez eus gwir bistri eus ur bern produioù
kimiek a vez kavet war ar marc’had.
Dic’hwezherioù, c’hoarielloù,
produioù naetaat, soavon dourek, plastik, dilhad, gwernis
ivinoù a vez aotret gant al lezenn hep na vefe gouezet kalz
tra diwar o fenn : un nebeud molekulennoù hepken a zo bet
amprouet (hag ar re lakaet war ar marc’had a-raok 1981
n’int ket bet tamm ebet), da lâret 400 amprouet
diwar 30 000 aotreet ! Ha prouet ez eus bet gant
kreizennoù enklask dizalc’h e oa
dañjerus ur bern produioù gwerzhet :
degas a reont ar c’hrign-bev, lakaat a reont ar vugale da
vezañ gaonac’h pa vint tud deuet... Hag ouzhpenn
se n’eo ket d’ar broduerien da brouiñ eo
yac’h ha dizañjer ar pezh a broduont, met
d’ar Stad. Se zo kaoz ez eus bet klasket gant ar
c’hevredigezhioù strishaat ha kreñvaat
al lezennoù a-benn suraat ar pezh a vez lakaet war ar
marc’had gant ar greanterezh kimiek : kinniget ez
eus bet ur raktres-lezenn nevez da live Europa diriaou tremenet, e anv
REACH. Petra
eo penn-ahel al lezenn nevez-se ? Lakaat sklaer eo
d’ar broduerien bremañ eo da brouiñ eo
dizañjer o froduioù, a-benn bezañ
aotreet o gwerzh, pezh a zo eilpennañ penn-da-benn ar pezh a
veze graet betek-henn. Evel-just e kousto gwenneien prouiñ
kement-se. Hag abalamour da se e oa bet klasket disteraat ar raktres
lezenn a-hed ar bloaz gant ar greanterezh kimiek, hag en o zouez ar
greanterezh eus Alamagn, an hini galloudusañ en Europa
a-bezh. Daoust da bep tra eo bet asantet ar raktres gant Parlamant
Europa diriaou tremenet. Ret e vo da Guzul ar Vinistred kadarnaat
anezhañ a-raok fin 2005. A-benn
goût hiroc’h : http://www.lemonde.fr
(un teul zo da gaout oc’h ober un
“enklask” war al lec’hienn gant ar ger
REACH) |
|
|
|
|
|
|
|
|
|
|
|
Gouel
ar Vugale e Goven |
|
|
|
5
euro evit an dud vras, 2 euro evit ar vugale |
|
|
|
|
|
Er bloaz-mañ e vo aozet Gouel ar
Vugale e Goven, e-kichen Roazhon, d'ar Sul
|
|
|
|
|
|
4-1
etre Roazhon ha Tolosa |
|
|
|
Roazhon
zo bremañ 8vet e renkad ar C'hevre 1, gant 23 foent. Krogad
ar 16vet devezh evito a vo a-enep Sochaux, d'ar Gwener |
|
|
|
|
|
Mont a ra kalz gwelloc'h gant skipailh re
ruz-ha-du Roazhon. Kiet o doa c'hoarierien an embreger Laszlo
Bölöni e penn-kentañ ar
bloavezh-mañ er C'hevre 1. Disammet e oant dec'h da noz
goude ur c'hrogad 90 munutenn, m'o deus Roazhoniz diskouezet e oant
mistri war c'hoarierien Stad Tolosa. Hogen gellet o defe ar Vretoned
bezañ aketusoc'h. Lakaet eo bet ar pal roazhonat
kentañ gant Gourcuff a-raok fin an hantereurvezh
kentañ. Merket eo bet ar re all gant Ouaddou, Frei ha
Monterrubio. Embreger Stad Roazhon en deus diskleriet o dije gellet e
c'hoarierien mirout ouzh an Tolosad Congré da
verkañ ur pal, eizh munutenn a-raok fin ar c'hrogad.
|
|
|
|
|
|
Joyeux
Noël |
|
|
|
Senario ha seveniñ : Christian Carion En
hañv 1914 e oa bet digoret ar brezel gant strivoù
propaganda pep bro. Setu kaset d’ar fozioù-difenn
miliadoù a baotred eus pep broad evit ma lazhfent ar re
koachet e penn all an no man’s land. Daoust ma
soñj da bep kostezenn e vo gounezet ar brezel ganti dizale e
krog ar c’hrogadoù da badout. Da noz Nedeleg e
unvano kanaouennoù peoc’h ar Skosiz, an Alamaned
hag ar C’hallaoued en un tu bennak eus an talbenn. Darvoudoù
gwir hepken a ya d’ober danvez an istor-mañ.
Denelour-kenañ eo Joyeux Noël a ro peadra da
vagañ fiziañs en anien mab-den gant gwir abeg
neuze. Gwelet a reer pegen toull eo an arguzennoù a vez roet
gant ar pennoù-bras da gas an dud vunut da
vrezeliñ. Perzh eukumenek ar relijion zo dedennus
a-walc’h da skouer. Kerse eo ne vefe ket
gwirheñveloc’h c’hoari Guillaume Canet
gant e dudenn ofiser memes tra. |
|
|
|
|
|
|
|
|
|
|
|
Ne
vo ket kig-ha-farz evit Samantha Ar
c'hentañ romant ospital |
|
|
|
Ar
skrivagner ? John Graydd, ur C’hembread brezhoneger ampart,
dianav a-grenn dre amañ. E romant friko kig-ha-farz a zo eus
ar saourusañ. A-benn pegoulz ur pred-ospital all ? 225
pajenn - Embannet gant TRES (10 euro an tamm) |
|
|
|
|
|
Samantha, Steven, Izabel, Iwan, Sabrina... Nann,
n'emaoc'h ket e klub-aod an Ardeven na war leurenn ar Star Ak' mod
Breizh. E-kreiz un istor dre-wall-biv ne lâran ket.
Beajiñ a reer dre Vreizh hag Iwerzhon. Evañ a
reer bier pe te. Komz a reer brezhoneg a bep korn a Vreizh, hini Gwened
alies. Ar baotred a glask o hent, nec'het, en entremar. Ar merc'hed zo
oberiantoc'h, kaletoc'h, fraeshoc'h o fersonelezh. Kit da sikour
Pêr Beskont, enklasker dre zegouezh, m'ho peus c'hoant lenn
romant heverkañ ha plijusañ 2005. N'ho po ket
keuz hag ho kwalc'h a c'hoarzh hag a souezh ho po.
|
|
|
|
|
|
Steredouriezh Ar
grug (23/10 – 22/11) |
|
|
|
E
2006 e vo ur spered kreskiñ degaset gant Yaou. Berzh a
reoc’h e bed al labour ha poent e vo goulenn uhelaat ho
kopr… Ur mare mat e vo ivez evit cheñch tachenn
labour mard oc’h erru skuizh gant ho labour. Evit
a sell ouzh an aferioù kalon, e tlefe bezañ
darempredoù mat gant ho amourouz-ez. Evit lod
ac’hanoc’h e c’hellfe un amourouz kozh
distreiñ en ho puhez zoken… Hoc’h-unan
emaoc’h ? Chañsoù ho pefe
d’ober anaoudegezh – a-drugarez Venus –
gant un den dereat e miz Genver pe C’hwevrer. Ar bloavezh a
zeu a zo tres laouen warnañ kentoc’h. |
|
|
|
|
|
Ur sapre startijenn a zo ganeoc’h, tud
a zo bet ganet er mare-mañ eus ar bloaz. Un den a
ober oc’h da vat, hag a zo gwelloc’h
gantañ/ganti bezañ lakaet war wel. Evit a sell
ouzh ar garantez, emaoc’h pell diouzh kliched ar
merc’hetaer/baotretaerez. Techet oc’h da
voumounañ ar re a zo kar deoc’h… Ha pa
vefec’h prest da lazhañ anezho ma ne vezont ket
feal ! Un den entanet-kenañ zo
ac’hanoc’h. Gouest oc’h da zifenn ho
aferioù, ho prud hag ho eürusted. Gouest ivez da
empennañ a bep seurt doareoù evit dont a-benn
anezhi…