|
|
|
|
|
|
|
|
|
|
22 a viz Du 2004,
niv. 33 Pellgargit ar pennadoù e stumm Word Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Votadeg
evit prezidant Ukraina |
|
|
|
Daou
Viktor a zo war ar renk evit bezañ prezidant Ukraina. Viktor
Ianoukovitch, bet kentañ ministr ar gouarnamant a-raok an
dilennadeg, zo skoazellet gant Stad Rusia. Viktor Iouchtchenko, bet e
penn gouarnamant Ukraina ivez, ha kinniget evel ur politikour kentoc'h
troet war-zu Unvaniezh Europa. P'o deus kroget an disoc'hoù
kentañ da vezañ roet gant ar Bodad
Mouezhiañ, e oa bet kroget gant re reter ar vro, rusianeger.
Hervez ar Bodad Mouezhiañ e vefe bet 96 % eus an
dud enskrivet o votiñ e kêrioù zo eus
ar c'hornad-se. Disklêriet
en deus Viktot Iouchtchenko en doa disfiz ouzh an aozadur ofisiel a
gont ar mouezhioù. Ret eo lavaret ivez en deus divizet ar
Bodad chom a-sav gant kontañ ar mouezhioù evit ar
poent. Adkregiñ a raio da 2 eur goude kreisteiz (eur
Ukraina). Diwar
an disoc'hoù kentañ ez afe 48,65 % eus
ar mouezhioù gant Viktor Ianoukovitch, ha 47,72 %
eus ar mouezhioù gant Viktor Iouchtchenko. |
|
|
|
|
|
|
|
|
|
|
|
Plogoñv
adarre ? |
|
|
|
E-kerzh
an amzer tomm-gor en hañv 2003, ne oa ket
trawalc’h a zour er stêrioù ken a-benn
yenaat ar c’hreizennoù nukleel. Soñjet
ez eus bet eo aesoc’h staliañ ar
c’hreizennoù war an aod diwar neuze hag implijout
dour ar mor. An dra-se a vefe un abeg a-benn sevel ur greizenn nevez e
Flamanville (e Bro-Normandi war aod ar C’hustentin). Ma teu
da wir ar programm nevez a roio lañs da
greizennoù a implij an teknologiezh EPR e vo klasket
lec’hioù war an aod. Ha pelec’h ez eus
kalz a aodoù ha n’eus kreizenn nukleel
ebet ? Gallout
a reer gortoz e vefe kinniget raktresoù e Breizh er
mizioù a zeu eta. Ret e vo bezañ war evezh met tu
zo da gregiñ da sevel ho mouezh ha diskouez da EDF
n’emaoc’h ket a-du. Goulenn a ra ar rouedad
“Sortir du Nucléaire” gant an dud
paeañ an tredan da EDF gant meur a chekenn bep taol a-benn
ma vo ret dezhe ober war-dro ar chekennoù unan-hag-unan ha
neuze kollet amzer hag arc’hant gante. Kement
ha gouzout hiroc’h : www.sortirdunucleaire.org |
|
|
|
|
|
|
|
|
|
|
|
Arzourien
arouezour a Bolonia |
|
|
|
Betek
an 8 a viz Genver, ez eus un diskouezadeg e mirdi Arzou-kaer Roazhon o
kinnig arzourien arouezour ("symbolistes", tro-dro
ar bloavezh 1900) a Bolonia. Ma 'z eo brudet hag anavezet ar grafism
polonat (Tomazewski...), an arzoù-kaer n'int ket kement. En
diskouezadeg ez eus livadennoù, tresadennoù,
skritelloù ha kizelladurioù a ziskouez un arz
pinvidik, kreñv ha kizidik. Kalzik a liv bolitikel a zo gant
an oberennoù : ur sell buruteller war kevredigezh
ar mare-se, war ar vourc'hizien ha war idantelezh Polonia. Met, da
gentañ eo an arouezouriezh un arz gant blaz an natur, blaz
mojennerezh broioù an Norz, o lakaat war-wel ur bed
faltazius. Un arz a zo levezonet ivez gant an Eztaolouriezh (expressionisme),
"Le cri" gant Munch, ha gant ar Romantelezh, da lavaret eo liv an 19vet
kantved. Un diskouezadeg a zigor war arz, sevenadur hag istor Polonia
hag a gas c'hoant da vont donoc'h. |
|
|
|
|
|
|
|
|
|
|
|
Mell-dorn |
|
|
|
Skipailh
Bro-C’hall en deus echuet da drede er "World Cup", tournamant
e-maez kenstrivadeg gant an 8 skipailh gwellañ eus ar bed, e
Sveden. Hervez an arbennigourien, an trede plas gounezet zo
kentoc’h kalonekaus evit an dazont dre ma oa ar skipailh un
tamm da adsevel goude ar C’hoarioù Olimpek
diwezhañ. Ar gourfenn zo bet c’hoariet etre
Norvegia ha Sveden hag an trec’h zo aet gant an hini
diwezhañ gant 27 poent a-enep 23. Ar gevezadeg a zeu,
kefridiel hounnezh, a vo e Tunizia e penn-kentañ miz
C’hwevrer. Bageal Jean
ar C’hamm zo atav kentañ, goude 2 sizhun war vor
gant 23, miltir lañs war Vincent Riou hag 45,4 war an trede,
Sebastian Josse. Mell-droad 15vet
devezh R1 St-Etienne
(15vet) 1-0 Roazhon (14vet) Naoned
(11vet) 0–1 Bourdel (7vet) 17vet
devezh R2 Gwengamp
(16vet) – Ar Mañs (9vet) An
Oriant (18vet) – An Havr-Nevez (19vet) Troyes
(5vet) – Brest (4vet) 16vet
devezh R1 Marsilha
(7vet) – Naoned (14vet) Roazhon
(15vet) – Istres (20vet) |
|
|
|
|
|
|
|
|
|
|
|
Narco |
|
|
|
Frañs
- 2004 Senario
ha seveniñ : Tristan Aurouet ha Gilles Lellouche (War
ar skrammoù d’ar 1añ a viz Kerzu) "Narkoleptik"
eo Gustave Klopp (Guillaume Canet) a-vihanik, da lavaret eo eo techet
ar paotr da vont don ha trumm en e gousk n’eus forzh pegoulz
ha n’eus forzh pelec’h e vefe. An
namm-mañ a zegas kudennoù divent d’e
vuhez personel ha sokial. Met tu a vefe dezhañ
tennañ splet eus e hunvreoù levezonet gant
filmoù feuls e vugaleaj ha sevel ganto
bannoù-treset leun a startijenn… Gant
ar farsigoù-farsoù (gags) e-leizh a zo er
film-mañ e vez klevet mat eo bet kensavet gant ur skipailh
mignoned o c’hoarzhin kenetreze. Guillaume Canet eo anv unan
eus an tri mignon-se, eno emañ an dalc’h. Rak
arc’hant forzh pegement a oa bet roet d’ar
sevenerien, harpet war an anv-se, splann eo. Peadra a oa ganto enta da
filmañ n’eus forzh peseurt mennozh a zeue dezho.
Ha pa vefe brav ar skeudennoù hag an efedoù
ispisial, klevet e vez diouzhtu e chom moan-kenañ al
liammoù etre an elfennoù farsus. M’o
dije bet kalz nebeutoc’h a arc’hant,ar vignoned-se
o dije prederiet un tammig pelloc’h war o senario, ha
chañsoù bras a zo o dije savet ur film a-feson
neuze. Kement
ha gouzout hiroc'h : http://www.narco-lefilm.com/ |
|
|
|
|
|
|
|
|
|
|
|
Breizh,
Keltia ha BT... 6vet lodenn |
|
|
|
E
miz Meurzh 2004 e oa deuet er-maez, e ti Paquet "Glenscone", eil
levrenn Le chant des terres a gas ac'hanomp da
Uheldirioù Skos da vare emsavadeg 1715. An hini
gentañ a oa "Sheriffmuir", diwar lec'h an emvod a roas
lañs d'an emsavadeg. Gordon Mackenzie eo an haroz, distroet
eus Bro-C'hall evit kemer perzh er stourm. Karantez,
trubarderezh : kavout a reer Simon Fraser o
skoazellañ ar Saozon - gwir eo - pa vo
eñ eus tu Skos e-pad emsavadeg 1745 a echuo gant emgann
Culloden, dibennet eo bet evit kement-se. Klasel eo an
tresañ (TieKo). Brav al livioù. Savet mat an
istor (Wallace). Un dra souezhus : anvet eo breur Gordon
"Erwan" ; diaes da grediñ met plijus da lenn... |
|
|
|
|
|
|
|
|
|
|
|
Kinklañ :
"Un ti e Naoned – Ti Soaz" |
|
|
|
Er
stal-se e vez kinniget ur mor a draoù disheñvel
evit kinklañ an ti hag al liorzh. Diouzh stil an 18vet
kantved e vez fardet ar pezhioù, adkempennet ha
cheñchet e vezont diouzh o implij kentañ
a-wezhioù. Re vihan a zo : kleuzeuroù,
pezhioù arrebeuri bihan – kadorioù,
taolioù –, podoù-bleuñv. Re
vrasoc’h : armili, gweleoù,
kadorioù-brec’h. Arbenniget eo ar grouerien war ar
reiñ liv kozh d’an traoù, dre implijout
produioù ha dre o skiant-prenet evel-just. En o stal-labour
e fardont hag e adkempennont pezhioù choazet ganto, met
kinnig a reont ivez reiñ un eil buhez d’an
traoù a fell d’an dud kemm. Diouzh awen ar
berc’henned e vez graet al labour. Ur mod da gaout
pezhioù n’eus hini ebet all hag a vefe
heñvel e lec’h all. Kement
ha gouzout hiroc’h : www.une-maison-a-nantes.com. Une
Maison à Nantes – la maison de Soazig 3
plasenn ar Monnaie 44000 Naoned (Pgz : 06 17 15 01 27) 10
straed James Joule 44400 Reudied (Pgz : 06 64 85 85 59) |
|
|
|
|
|