|
|
|
|
|
|
|
|
|
|
Lun 25 a viz Here, niv.305 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Redadeg 2010: |
|
|
|
|
|
|
|
|
|
Disadorn tremenet en doa
skipailh ar Redadeg (izili kevredigezh Ar Redadeg - A di da di) roet da
c'houzout disoc'h abadenn ar bloaz-mañ, bet aozet e-kreiz miz Mae. 1200 km
etre Roazhon ha Pondi a oa bet redet, e-pad 6 devezh ha 5 nozvezh, gant tud
c'hoant ganto harpañ ar brezhoneg ha diskouez eo bev bepred daoust da bep tra,
o reiñ ar vazh-eilañ an eil d'egile a-hed an hent, arouez treuzkas ar yezh.
Laouen bras eo an aozerien ha trugarekaat a reont a-greiz kalon an holl re o
deus kemeret perzh en degouezh, tud a-youl vat, prenerien kilometradoù,
rederien, arzourien hag all. Ur chekenn 49.100€ zo aet gant Diwan ha 6
chekenn all zo bet sinet evit skoazellañ 6 raktres bet rakdibabet (ar wech
kentañ e oa). Radio, embann levrioù da selaou, anavezout an natur, c'hoariva,
stajoù evit ar grennarded ha gouren, sed amañ danvez ar raktresoù bet sikouret
(gant sammadoù etre 5.300€ ha 10.000€), ouzhpenn ar brezhoneg
anat deoc'h! Un trede Redadeg a vo neuze a-benn 2012. Al labour a vo
boulc'het adalek bremañ gant an aozerien, evit dont a-benn da wellaat ar
mont-en-dro. Klasket e vo kas hirder an hent betek 1500km evit redek ur
sizhunvezh a-bezh.
|
|
|
|
|
|
BNP, an
arc'hant, hag an tredan nukleel |
|
|
|
M.M. Evit gouzout hiroc'h: http://ouvavotreargent.com |
|
|
|
|
|
Emañ Greenpeace o sevel ul
luskad kelaouiñ nevez evit broudañ an dud d'en em ditouriñ war an implijoù a
vez graet eus o arc'hant, hag evit broudañ an tiez-bank (BNP dreist-holl), da
reiñ titouroù resis war an implijoù-se. Gant ar BNP an hini eo e vez
arc'hantaouet ar muiañ a raktresoù tro-dro d'an tredan nukleel, da skouer,
hini Ankara e Brazil. Ar raktres-se a oa bet dilezet e 1986 goude
gwallzarvoud meur Tchernobyl, ha bremañ e vije adkroget da sevel ar greizenn
gant ar pezhioù a zo chomet war al lec'h e-pad 24 bloaz, savet gant reolennoù
surentez re gozh. Gant ar Stad an hini eo e vez asuret seurt raktresoù, setu
perak eo asuret ar bankoù ne gollfont ket o arc'hant war an nukleel, ha pa
vije freuzet ar raktresoù. Diwar-se e c'hellont reiñ sammadoù bras en
dachenn-se hep kaout aon, met alies ne oar ket an dud, pa lakont o arc'hant
en ti-bank, e servijo da seurt implijoù.
|
|
|
|
|
|
Diskouezadeg Pierre Soulages e Berlin
|
|
|
|
70 oberenn a vo kinniget
d’an Alamaned, 70 oberenn evit diskouez e grouidigezh livouriezh a-bezh:
e labourioù gant plusk kraoñ (1947–1949) betek e livadennoù du (3
metrad uhelder) diskouezet evit ar wech kentañ en Alamagn. E "Dreist-du" ("outrenoir"),
un anv krouet gantañ evit displegañ e implij eus al liv du en e labour, an du-se
a lonk ar gouloù hag a ro un efed don ispisial d'e livadennoù. An "Dreist-du", "en
tu-all d'an du" pe "er bed-all", ne laka ket ar gweladenner a-gostez.
Sachañ a ra, ha lonkañ a ra anezhañ e donder al livadur, evit heñchañ ha reiñ
dezhañ ur sell resis war labourioù Pierre Soulages a-benn ar fin. Ar gouloù hag ar sklêrijenn
zo traoù dedennus ha boemus evit an arzour. Klask a ra un hentenn evit
laoskel labour ar gouloù en e liv du. E grouidigezh dezhañ zo pouezus-kenañ gant
al linennoù hag an tresoù tost d'un dornlizherenn. Ur plas ispisial en deus
bremañ Pierre Soulages gant e oberennoù e bed an arzoù gant "an du"
hag ar gouloù eztaolet gant ha dre e livadurioù. E Rodez (ganet eo bet Pierre Soulages eno) emañ o sevel ur mirdi dediet dezhañ. Digeriñ a raio e zorioù a-benn 2012.
S.B. |
|
|
|
|
|
Pierre Soulages zo unan al
livourien difetis brasañ abaoe un dek vloaz bennak. Bez' e oa bet un
diskouezadeg e Centre Pompidou warlene, aozet evel ur c'hilsell evit e 90 vloaz
dezhañ. Etre an
|
|
|
|
|
|
Mell-droad:
Bourdel 0-2 Brest |
|
|
|
|
|
|
|
|
|
Un taol-kaer zo bet graet
adarre gant paotred Stad Brest e 10vet devezh kampionad ar R1, e Bourdel.
Seiz match zo n'int ket bet trec'het, ha peder abadenn en diavaez zo bet
gounezet ganto diouzh renk! Setu int pignet e-touez 4 skipailh kentañ ar
c'hampionad, asambles gant Roazhoniz. Romain Poyet ha Benoit Lesoimier (e bal
kentañ e R1!) o deus tapet daou boent Brestiz d'ar 6vet ha 80vet munut. Perzhiad
bammusañ skipailh Brest a oa ar gward-pal Steeve Elana (skeudenn) avat. Seizh krogad zo
n'eus bet paket mell ebet en e gaoued. Daoust d'o 13 digarez merkañ ha gant
ur vell bet alies etre o zreid, n'o deus ket gellet ar Jirondined disparlañ
difenn Stad Brest. Startoc'h e seblant bezañ ar jeu evit paotred Bourdel pa
n'emañ ket o c'habiten Alou Diarra war an dachenn ganto. Fellout a ra d'ar c’h/coach
Alex Dupont, erruet bloaz hanter zo, prouiñ d'an holl eo dellezek skipailh
Brest da gaout e blas e R1, hervez e gomzoù er gelaouenn Le Télégramme.
Gwir eo e oa deuet a-benn ar gourdoner da saveteiñ skipailh Stad Brest e R2,
ha kas anezhañ betek ar R1, ar pezh na oa ket c'hoarvezet abaoe 19 vloaz.
|
|
|
|
|
|
Biutiful |
|
||
|
|
Spagn,
Mec’hiko – 2010 Senario
ha seveniñ: Alejandro González
Inárritu Ur
rakkemenn zo war ar film: bommoù zo a c’hall lakaat diaes an
arvestourien gizidik
Ur sevenour dedennet gant
buhez gwir an dud gwir eo Alejandro González Inárritu. Berzh en doa graet
dija gant e filmoù diwezhañ (Babel, 2006 ha 21 Grams, 2004),
anezho filmoù a-feson. Temoù boutin d’e oberenn a adkaver c’hoazh
e Biutiful: ar gwirvoud sokial, breskded mab-den, arvar ar marv, h.a.
An diforc’h bras eo ne ra ket an abadenn-mañ gant steuñvoù lies, pep
tra a c’hoarvez en-dro d’un dudenn greñv, Uxbal. Ha Javier Bardem
eo an den a zere evit dougen kement-se. Sineyaouank 2010 e Roazhon
D'ar Meurzh 2 a viz Du e vo
braswelet stad an traoù er c'hleweled brezhonek gant ar gevredigezh Daoulagad
Breizh, er 4Bis. D'ar Yaou 4 a viz Du e Ty Anna Tavarn, e vo tu da sellet
ouzh ar film-berr Yaouankiz foll, bet sevenet e-kerzh Gouel Filmoù
Douarnenez er blaoz-mañ, gant ur skipailh brezhonegerien. Ar filmig Redadeg,
diwar-benn Redadeg 2010 a vo kinniget ivez gant Gwagenn TV. D'ar Gwener 5 a
viz Du e vo kinniget e tavarn Le Papier timbré, daou deulfilm: Evel pesked
er mor gant Jean-Pierre Le Lyvinec ha Silieg gant Muriel Morvan. Digoust
e vo an holl abadennoù, war-bouez hini ar Merc'her 3 a viz Du e Ti Tachenn
Veurzh, lec'h ma vo bannet ar film Ar Wagenn (gant Dennis Gansel, 2008), bet advouezhiet gant Dizale evit ar
chadenn Brezhoweb (3€). Istitlet e vo an holl abadennoù e galleg,
war-bouez hini Ar Wagenn. Evit gouzout hiroc'h: http://gwagenn.tv.over-blog.com |
|
||
|
|
|
|
|
|
Paotr e itrikoù bihan eo Uxbal 
Etre an 2 hag ar 5 a viz Du
e vo kinniget meur a abadenn filmoù brezhonek e Roazhon, gant Sineyaouank. Ur
"minifestival" e-kerzh festival Yaouank eo, gouestlet d'ar
c'hleweled brezhonek, hag aozet gant ar gevredigezh Gwagenn TV, gant skoazell
Skeudenn Bro Roazhon, Skol an Emsav, Dizale ha Daoulagad Breizh.
|
|
|
|
|
|
Gouel Levrioù Karaez 2010 |
|
|
|
Evel bep bloaz e vo tost
300 skrivagner o tediañ o levrioù, hag e-tro 80 embanner gant o standoù. Un
emgav a bouez eo ivez evit ar vrezhonegerien rak an holl embannerien
vrezhonek, pe dost, a zalc'h standoù aze. Ar brezidantez a-enor a vo Angèle
Jacq er bloaz-mañ. A-raok mont da skrivagnerez da vat he deus bet meur a
vicher, labourerez-douar en o zouez, e Landudal. Meur a levr gallek he deus
savet, hag ouzhpenn-se e kemer perzh e
difenn ar brezhoneg, he yezh-vamm. Mouezh "Galv Karaez" eo ivez,
Bodad Breizh evit an demokratelezh ha gwirioù mab-den. Tem gouel ar bloaz-mañ zo
"ar skrid en arvar?". Hervez ur studiadenn graet nevez zo gant ur
c'helenner e Skol-veur Pariz 8, ne lennfe 53% eus poblañs Frañs levr ebet ken
pe dost e-kerzh ur bloavezh. Fellout a ra neuze da aozerien Gouel al Levrioù,
lec'h emgav evit an embannerien, skrivagnerien, levraouegerien, levrdierien
ha lennerien, lakaat ar gaoz war ar pezh a seblant bezañ diskar al lenn hag
ar skrid moullet. Aozet e vo ivez ur c'hendiviz gant brezhonegerien a-benn ar
Sul beure da 10e30, diwar-benn al liammoù etre brezhoneg hag Internet. Evit gouzout hiroc'h: Mario
und der Zauberer gant Thomas Mann
E-pad o vakañsoù war an
aod, e miz Eost, e kemer perzh ur c’houblad estrañjourien gant o bugale
en ur arvest a deogerezh. Ar re gozh koulz hag ar re yaouank a goll o frankiz
dirak youl mestr an abadenn, Cipolla. Livet-brav eo an
dudenn-mañ: kamm-digamm, dismegañsus, aotrounius... Evel ur verc’hodenn
etre daouarn ur bugel drouk. Anat eo e fell d’ar
skrivagner keñveriañ galloudoù ar strobinellour gant re an diktatour, a oar
mestroniañ mennozhioù an engroezioù. Gallout a reomp ivez lenn
an danevell evel ur farsadenn hudur. A-benn ar fin ez eo mat an daou zoare da
welet ar skrid, pa’z eo arguzennoù ar faskourien ur farsadenn hudur. Tangi Legavre Mario und der Zauberer gant Thomas Mann (Mario
et le Magicien e galleg, embannet gant Cahiers rouges, Grasset). |
|
|
|
|
|
A-benn disadorn 30 ha disul
31 a viz Here e vo aozet 21vet Gouel al Levrioù e Karaez, gant Kreizenn
Sevenadurel Egin. Angèle Jacq a vo prezidantez a-enor festival 2010.
N’eo ket erru
Mussolini e penn-uhelañ ar galloud a-daol-trumm. Pell a-raok ar bloavezhioù
tregont e veze santet kemmoù chalus o silañ e meteier disheñvel ar
gevredigezh. Diskouez splann talvoudegezh ar cheñchamantoù-se eo pal danevell
Thomas Mann Mario und der Zauberer (Mario hag ar strobinellour).
|
|
|
|
|
|
Klaskerien ha Treizherien Soñjoù
2011: emvodoù kelaouiñ |
|
|||
|
|
Abaoe warlene eo digor d'an
holl Klaskerien ha Treizherien Soñjoù. Tu a vo da aozadurioù evel
tiez-retred, kluboù tud war o leve, levraouegoù, kevredigezhioù a bep seurt,
kemer perzh ha kinnig raktresoù. Evit kinnig an doare da vont e-barzh ar jeu
e aoz Kuzul-departamant Penn-ar-Bed emvodoù kelaouiñ, e meur a lec'h. E fin
miz Here e oa bet aozet reoù e Brest ha Kemper. D'al Lun 8 a viz Du e vo unan
e Karaez, d'ar Meurzh 9 a viz Du e vo e Montroulez, ha d'ar Merc'her 10 e
Kemperle. Gellout a reer gouzout hiroc'h el lec'hienn Internet savet
a-ratozh. Tu a zo ivez deoc'h da vont e darempred war-eeun gant ar
genurzhierez, Pauline Kerskavenn. Evit gouzout hiroc'h: http://queteurs.cg29.fr pe pauline.kerscaven@cg29.fr
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez Bremaik,
n'eus mann ebet aesoc'h: kasit ur gerig deomp d'ar chomlec'h postel-mañ: bremaik@free.fr! Lennit Bremañ Here 2010!
An teuliad zo gouestlet er miz-mañ d'an distro-skol.
An Ofis publik nevez a gemero ar garg eus ul lodenn eus diorren ar c'hlasoù
divyezhek, diwar-benn se e komz rener an Ofis, Fulup Jakez. Er mare-mañ emañ
Fañch Broudig o kas war-raok ur studi diwar-ben diaesterioù ar c'helenn
brezhoneg, evit ar Rektoriezh ha Rannvro Breizh, kinnig a ra an enklasker al
labour graet gantañ betek-henn e Bremañ. Pemp bloaz eo ar
gevredigezh Divskouarn a labour evit kreskiñ plas ar brezhoneg er magourioù
hag el lec'hioù ma reer war-dro bugaligoù. Ur c'hendiviz a vo aozet e Plijidi
d'ar Kenderc'hel a ra Bremañ da ginnig div bajennad "Lennomp!".
Savet e vezont a-ratozh evit ar re zo o teskiñ brezhoneg gant skipailh Skol
An Emsav. M’ho pez plijadurig o lenn Bremaik, plijadur ho
po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Palioù Klaskerien ha
Treizherien Soñjoù, kinniget gant Kuzul-departamant Penn-ar-Bed, zo simpl.
Lakaat tud zo o teskiñ brezhoneg (skolidi, skolajidi, liseidi pe tud deuet)
gant tud a gaoze ar yezh a-vihanik. Kement-se a-benn gwareziñ ha talvoudekaat
glad ar yezh komzet, en ur aesaat an eskemmoù etre deskidi ha tud o deus
bepred bevet gant ar brezhoneg. Ul liamm sokial etre rummadoù oad a vez
krouet neuze gant ar yezh, deuet da vezañ ur benveg evit
"diskoachañ" perzhioù an dud, kozh pe yaouank, dianav pe ankouaet
ganto a-wechoù.
