|
|
|
|
|
|
|
|
|
|
Lun 18 a viz Here, niv.304 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Al leveoù e Frañs: |
|
|
|
|
|
|
|
|
|
Manifestadegoù hag
harzoù-labour a bep seurt a vo adarre dimeurzh er C'hwec'hkorn. Disadorn e oa
bet un devezh stourm adarre gant manifestadegoù, diwar galv ar sindikadoù bras.
E-tro 250000 den zo bet o tibunañ e Breizh, gant ouzhpenn 65000 den e Naoned
(etre sifroù ar polis hag ar sindikadoù). Stourmoù zo bet kaset war-raok meur
a zevezh diouzh renk ivez, er mirvaoù eoul-maen, e Donez da skouer, ha
nebeutoc'h-nebeutañ a esañs a gaver da brenañ er vro en deizioù. Ar
vlenierien kirri-samm o deus aozet stankadennoù e lec'hioù zo da eurioù resis
e-kerzh an deizioù tremenet ivez. Trouz zo bet er mediaoù bras er sizhun
dremenet gant perzh al liseidi er manifestadegoù. Degouezhioù feuls zo bet
eus perzh ar bolised gwechoù zo (ul lisead gloazet gant un tenn flashball e
Montreuil).
|
|
|
|
|
|
Disoc'hoù
kuzh an taolioù-arnod nukleel |
|
|
|
An diell nemeti a oa bet
skignet war an danvez a oa ur studiadenn bet graet e miz Gouere 1966 e
Polinezia. Spontus e oa ar feurioù skinoberiantiz a veze kavet enni, ha
skrivet e oa: "Marteze e vo ret koazhañ ar sifroù gwirion a-benn chom
hep koll fiziañs ar boblañs, a c'hellfe merzout e mod all e oa bet kuzhet un
dra bennak dezhi abaoe an tennadenn gentañ." M.M. |
|
|
|
|
|
Abaoe 2007 emañ div
gevredigezh, Kevredigezh Soudarded kozh an Taolioù-Arnod Nukleel (AVEN), ha
Kevredigezh Labourerien Polinezia war an Takadoù Nukleel (Mururoae e Tatou),
o stourm a-enep da Vinistrerezh an Difenn dirak lez-varn Melestradurel Pariz.
Ar pal a oa rediañ an arme da ziskoachañ an danevelloù savet gant an
enklaskerien war ar surentez nukleel, goude an taolioù-arnod nukleel er
Sahara hag e Polinezia (skeudenn), etre 1960 ha 1996. Ar varnadenn a zo bet roet d'an 22
a viz Gwengolo: ret e vo d'ar Vinistrerezh goulenn gant Bodadeg Sekred an
Difenn ma vije embannet an dielloù d'ar c'hevredigezhioù. Keloù mat evit ar
frankiz da vezañ kelaouet.
|
|
|
|
|
|
Kejadennoù tro-dro d'an Arzoù ha
d'al Levrioù e Poull-Fetan |
|
|
|
Sul 24 a
viz Here: brunch-lenn da 11e30 vintin aozet gant an embannadurioù Mangeclous
war tem ar romant-polis Meurzh
26: digoret e vo an diskouezadeg engraverezh, lizher digor da Loïc Tréhin
gant skolidi skol an Arzoù-kaer an Oriant hag arzourien all evel Claude
Huart, Jean-Yves Boislève ha Gilbert Normand. Da 8e30
e vo ur sonadeg gant Melaine Favennec hag a ginnig un abadenn nevez tro-dro
da Vax Jacob Merc'her
27: stalieroù arzoù neuziañ evit ar vugale Yaou 28:
stalieroù kaerskriverezh gant ar strollad
Bella Travée Gwener 29: devezh tro-dro
d'ar varzhoniezh gant Céline Bénabès hag Alexis Gloaguen, da 7e e vo un
abadenn dañs gant Yukiko Nakamura ha diouzh an noz e kendalc'ho ar veaj gant
Gaston Couté Sadorn 30: devezh ar glad
gant Bernard Rio ha skignet e vo teulfilm Patrick Prado anvet "Un secret
bien gardé" Sul 31: devezh
bannoù-treset, brunch-lenn gant Mangeclous, skrivagnerien, tresourien... Lun 1añ a viz Du : marc'had
al levrioù Meurzh 2: devezh diwezhañ
evit an diskouezadeg engraverezh. Evit gouzout hiroc'h: http://tavarnpoulfetan.canalblog.com |
|
|
|
|
|
Etre ar 24 a viz Here hag an
2 a viz Du e vo aozet evit ar pevare gwech Kejadennoù tro-dro d'an Arzoù ha
d'al Levrioù er gêriadenn Poull-Fetan war parrez Kistinid e-kreiz ar
Mor-Bihan. Degemeret e vez e-pad nav devezh skrivagnerien, arzourien,
kanerien, dañsourien hag an holl dud dedennet gant an arzoù. Un doare plijus
da dremen vakañsoù an Hollsent pa grog an amzer da yenaat er-maez.
|
|
|
|
|
|
Tennis: Master
1000 e Shanghai |
|
|
|
Andy Murray 6-3 6-2
Roger Federer Tennis Open Roazhon Ar Breizhad Marc Gicquel en
deus gounezet disul an tournamant Challenger e Roazhon a-enep ar Suis
Stéphane Bohli. Marc Gicquel 7-6 4-6
6-1 Stéphane Bohli Rugby: Kib
H N’eo ket bet re fall evit skipailhoù
Okitania, Euskadi ha Katalonia. Disul, d'ar 17 a viz Here, en deus gounezet Biarritz
en un doare aes a-enep skipailh iwerzhonat an Ulster (35-11). Ouzhpenn da se
o do Euskariz ur poent bonus dre m’eo bet lakaet pevar esae ganto.
N’eus bet lakaet nemet tri esae gant skipailh ar re ruz ha du,
kampioned Europa e 2009. Met trec’h int bet war douaroù Newport memes
tra. Newport 19-40 Tolosa Perpignan
35–14 Treviso (Italia) Munster 45-18
Toulon Castres 27-20
Cardiff Blues Mell-droad
Lens 0-0 Roazhon Brest 0-0
Arles-Avignon An Oriant 2-1
Valenciennes |
|
|
|
|
|
Aet eo ar maout gant ar Skosad
Andy Murray a-enep Roger Federer. Hemañ diwezhañ a adkavo eil plas ar renk
ATP diwar goust Novak Djokovic, bet trec’h gantañ e hanter gourfenn an
tournamant.
|
|
|
|
|
|
You Will
Meet a Tall Dark Stranger (Vous allez
rencontrer un bel et sombre inconnu) |
|
||
|
|
Stadoù-Unanet,
Breizh-Veur – 2010 Senario
ha seveniñ : Woody Allen
N’eus ket gwall dra
da lavaret war abadenn nevez Woody Allen. Chom a ra gant e lavar boas evel en
e film diwezhañ (Whatever Works, 2009). Ar re a gar ton Allen a vo
plijet, ar re all a c’hallo gortoz e film kentañ (Minuit à Paris)
gant ar spi e vefe ennañ muioc’h a nevezenti e-giz ma oa e Vicky
Cristina Barcelona (2008) pe Match Point (2005). Treiñ a ra Woody
evel un horolaj... Meriadeg Vallerie Court
Métrange: Roazhon
(TNB) 21-27 a viz Here 2010
Ur juri (a dri den) a vo adarre er wech-mañ evit reiñ
a bep seurt prizioù. Ur priz a vo roet ivez d'ar bravañ koublad zombied
e-touez an arvesterien! Arabat kaout diegi da vont treuzwisket da vare ar
prizioù neuze! Div abadenn 1 eur 20 a vo bep noz. Filmoù bevaat,
filmoù aziat, filmoù spont... A bep seurt! Ar skolajidi ha liseidi a zo pedet da votiñ ivez
e-pad abadennoù aozet a-ratozh evito. Evel warlene e krog "Court Métrange nomade"
adalek an 12 a viz Here: e Felger, Bruz, Kistreberzh ha Saozon e vo tu da
welet filmoù-berr zo. Abadennoù aozet gant kevredigezhioù skolioù-meur
Roazhon a vo ivez (an drive-in hag all) hag ur blind-test er c’hafedi
"Café Laverie", e kreiz-kêr. Festival skrijus deoc’h! G.L. Evit
gouzout hiroc’h, al lec’hienn klok-tre gant ar programm resis
h.a: www.courtmetrange.eu Ma
fell deoc'h lenn pennadoù all savet gant hor c'henskriverez diwar-benn filmoù,
c'hoarioù-video, levrioù ha me oar-me, kit mont da dañva Soubenn ar Geek. |
|
||
|
|
|
|
|
|
Gant ar spi lakaat un tamm urzh en he buhez ez a
Helena 
A-raok Halloween ha Gouel an Hollsent, setu erru ur
wech c'hoazh mare festival Court Métrange Roazhon. 7vet embannadur ar
festival eo dija! Evel boaz e vo kinniget e-kerzh an emgav-mañ filmoù-berr,
european dreist-holl, troet war-du ar faltazi en un doare ledan.
|
|
|
|
|
|
"Naoned Calling 2" d'an 23
a viz Here |
|
|
|
War al leurenn e sono:
Skalpel + E.One + Akye (rap "Red & Black", Bro-Pariz), Gimol
Dru Band (Brest, "dru" brezhonek, punk'n'roll mod funky'hop), Unité
Maü Maü (Roazhon, hip hop fuloret), Trouz an Noz (Sant-Brieg, punk ennañ
riffoù hard-core, brezhoneg, gallaoueg, galleg), DJ No Vice (Naoned, DJ
arnoder rap souezhus). Boued hag evaj war ar plas. Ti-karter Doulon. Adalek 7e noz. Mont-tre : 8 €. Evit gouzout hiroc'h: http://naonedcalling.com Let the great world spin gant Column McCann
Lakaat e vuhez en arvar
evit netra, panevet ar gened, a oa ur jestr dispac’hel. Skeud an
den-mañ a skoulm ul liamm boemus etre tudennoù levr diwezhañ Column McCann, Let the great world spin (Et
que le vaste monde poursuivre sa course folle). Dre bep hini e
c’hellomp tañva aergerlc’h deroù ar bloavezhioù 70 e New-York: ur
beleg a glask ar peoc’h e-touez ar re baour hag ar gisti er Bronx,
emvodoù sizhuniek ar mammoù o deus kollet o mibien er Viet-Nam, eñvorennoù an
emgann evit gwirioù keodedel ar re zu... Cheñchet e vo buhez an
arvesterien rak un den, gwevn evel ur gwiñver, en deus divizet kerzhout
e-krec’h ar World Trade Center. Disoc’h flouradenn
eskell ur valafenn a c’hell bezañ ur gorventenn. Tangi Legavre Let the great world spin (Et que le vaste monde poursuivre sa course folle, tilt gallek)
gant Column McCann, embannet e galleg gant Belfond (2009) |
|
|
|
|
|
44=Breizh zo bet krouet e 2008.
Ur strollad gant ar pal bodañ yaouankizoù Breizh evit adunaniñ ar vro war
dachenn ar velestradurezh eo. Nac'hañ a ra an diforc'hiñ ha kas a ra e oberoù
war-raok diwar skouer an disentiñ sivil hag ar stourm difeuls. Eil abadenn
"Naoned Calling" a roio tro, a-benn disadorn, da harpañ obererezh
44=Breizh kement hag izili ar strollad nec'het gant ar justis goude bezañ
kemeret perzh e oberoù disentiñ. "Gouel zo mat met stourm zo tad"
emezo: aozadurioù liesseurt a zalc'ho standoù e-kerzh an nozvezh. Kelaouennerien
eus skipailh an abadenn Tracks (a c'heller gwelet war Arte) a vo war
ar plas ouzhpenn-se.
Miliadoù a dud sabatuet o
sellout ouzh tourioù an World Trade Center: soñjal a ra deoc’h ez omp deuet
en-dro d’an 11 a viz Gwengolo 2001? N'omp ket. D’ar 7 a viz Eost
1974 kentoc'h. Un den a oa o tañsal war ul landon houarnek astennet etre an
daou dour.
|
|
|
|
|
|
"C'hoari ar 1000€" e
Breizh |
|
|||
|
|
Ma fell deoc'h selaou
an abadennoù C'hoari ar 1000€ e Goueled-Goulen hag e Levieg e
c'helloc'h mont war al lec'hienn: http://sites.radiofrance.fr/
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez Bremaik,
n'eus mann ebet aesoc'h: kasit ur gerig deomp d'ar chomlec'h postel-mañ: bremaik@free.fr! Lennit Bremañ Here 2010!
An teuliad zo gouestlet er miz-mañ d'an distro-skol.
An Ofis publik nevez a gemero ar garg eus ul lodenn eus diorren ar c'hlasoù
divyezhek, diwar-benn se e komz rener an Ofis, Fulup Jakez. Er mare-mañ emañ
Fañch Broudig o kas war-raok ur studi diwar-ben diaesterioù ar c'helenn
brezhoneg, evit ar Rektoriezh ha Rannvro Breizh, kinnig a ra an enklasker al
labour graet gantañ betek-henn e Bremañ. Pemp bloaz eo ar
gevredigezh Divskouarn a labour evit kreskiñ plas ar brezhoneg er magourioù
hag el lec'hioù ma reer war-dro bugaligoù. Ur c'hendiviz a vo aozet e Plijidi
d'ar Kenderc'hel a ra Bremañ da ginnig div bajennad "Lennomp!".
Savet e vezont a-ratozh evit ar re zo o teskiñ brezhoneg gant skipailh Skol
An Emsav. M’ho pez plijadurig o lenn Bremaik, plijadur ho
po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
D'ar Yaou 14, d'ar Gwener 15
ha d'al Lun 18 a viz Here eo bet klevet da 1eur nemet kard war France-Inter
C'hoari ar 1000€ e Breizh. E miz Gwengolo e oa bet enrollet teir
abadenn e Goueled-Goulen, e su Naoned ha teir all e Levieg, e Liger Atlantel
atav. Kinniget abaoe 2008 gant Nicolas Stoufflet, war-lerc'h Lucien Jeunesse
ha Louis Bozon, "C'hoari ar 1000€" a zo ar c'hoari koshañ a
zo skignet c'hoazh war gwagennoù ar radioioù. Ijinet eo bet ar c'hoari-mañ
gant Henri Kubnick d'an 19 a viz Ebrel 1958 war plasenn ur marc'had e
departamant Indre. "100000 francs par jour" e oa anvet d'ar
mare-se. Ar pal a zo chomet ar memes hini: ret eo d'an daou c'hoarier respont
mat da c’houlennoù zo war temoù a bep seurt, istor, lennegezh,
skiantoù, douaroniezh... Evit gounit 1000 lur hag abaoe 2001, 1000 euro. Ar
pezh en deus lakaet an dud da vezañ feal d'ar c'hoari-mañ eo an doare m'eo
graet. Nicolas Stoufflet hag e skipailh a vez bep sizhun en ur barrez
disheñvel er Frañs ha kaset e vez goulennoù gant ar selaouerien. Ma fell
deoc'h e teufe un deiz bennak skipailh "C'hoari ar 1000 €" en
ho kumun, n'ho peus nemet goulenn digant ho maer kas ul lizher da
France-Inter evit gounit 1000€ marteze, pe tremen ur prantad-amzer
plijus da vihanañ!
