|
|
|
|
|
|
|
|
|
|
Lun 11 a viz Here, niv.303 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Prizioù Nobel 2010 |
|
|
|
Priz Nobel ar Peoc’h: Liu Xiaobo a zo un disrannad
politikel sinaat, en toull-bac'h bepred hiziv an deiz. Stourmet en deus en un
doare difeuls evit difenn gwirioù Mab-den en e vro, Sina. Gantañ eo bet
skrivet Karta 08, war patrom Karta 77 Tchekoslovakia. Sinet eo bet ar
garta-mañ gant ouzhpenn 300 gouizieg sinaat ha difenner gwirioù Mab-den o
c’houlenn un adreizh politikel hag ul luskad demokratel sinaat. Priz Nobel al
Lennegezh: Mario Vargas Llosa Jorge Mario Pedro Vargas
Llosa, e anv gwirion, a zo ganet e Perou met deuet eo da vezañ Spagnol ha
skrivañ a ra spagnoleg. Bet en deus bet ar priz "evit e zoare da
zielfennañ frammoù ar galloud hag evit e skeudenniñ lemm eus
dalc’husted an dud, o dispac’hoù hag o c’hwitadennoù".
Skrivet eo bet gantañ, e-mesk reoù all: La ville et les chiens e 1963, La
Maison verte e 1966 ha La Guerre de la fin du monde e 1982. Vargas Llosa a zo
doktor Honoris Causa Skol-veur Roazhon 2. Priz Nobel ar Medisinerezh: Robert
Geoffrey Edwards Robert Geoffrey Edwards a
zo ur fiziologour breizhveuriat ganet e 1924. Bet en deus bet ar priz Nobel "evit
diorren ar speriadur in vitro". E gwrionez eo tad ar speriadur in vitro.
P’eo ganet Louise Brown d’ar 25 a viz Gouere 1978 en Oldham
General Hospital eo bet cheñchet ar veziegezh. A-drugarez d’ar
speriadur in vitro e c’hell koubladoù gaonac'h genel bugale! Priz Nobel ar Gimiezh: Richard
Heck, Ei-ichi Negishi hag Akira Suzuki Richard Fred Heck a zo ur
c'himiour amerikan, brudet evit bezañ dizoloet ha diorreet "reaktadur
Heck". Bet en deus ar priz, asambles gant daou gimiour japanat, Ei-ichi
Negishi hag Akira Suzuki, brudet evit "reaktadur Suzuki", evit o
labour diwar-benn ar reaktadurioù koublet war ar palladiom katalizet. Priz Nobel ar Fizik: Andre Geim ha Konstantin
Novoselov Andre Konstantinovich Geim
a zo ur fizikour izelvroat, ganet e Rusia, brudet evit e labour war ar
grafen. Ar priz en deus bet, asambles gant Konstantin Sergeevich Novoselov,
ur fizikour rusian-breizhveuriat, "evit arnodennoù dispar a denn d’ar
grafen, an danvez divventek." Priz Nobel an Ekonomiezh: Peter
Diamond, Dale Mortensen ha Christopher Pissarides Pledet o deus an daou
Stadunanad Peter Diamond ha Dale Mortensen ha gant ar Breizhveuriad-ha-kiprian
Christopher Pissarides war an doareoù da studiañ ar marc'hadoù, en ur sellet
a-dost eus an diaesterioù evit lakaat da glontañ an ezhommoù gant ar
c'hinnigoù (war dachenn ar c'hlask labour da gentañ). Gant o zeorienn e
klaskont gouzout perak ez eus kement-all a dud dilabour pa chom kalz postoù
da bourveziñ, eme aozerien ar Priz Nobel, ha penaos e c'hell politikerezh an
ekonomiezh kaout un efed war an niver a dud dilabour. |
|
|
|
|
|
Diskoachet eo bet anvioù loreidi ar Prizioù Nobel
nevez.
|
|
|
|
|
|
An
energiezh hag ar boblañs |
|
|
|
Koulskoude, pa vez
dielfennet ha sellet a-dost ouzh ar raktresoù bet arc'hantet e-pad an daou
vloaz tremenet, e verzer ez eus bet dispignet sammadoù ramzel, ha saotret
kalz, pa ne oa, a-benn ar fin, raktres ebet evit sikour ar boblañs da gaout
tro d'ober gant an energiezh. Teir gwech muioc'h a arc'hant ouzhpenn a zo bet
prestet evit an energiezhioù fosil eget evit ar re c'hlas, hag an arc'hantañ
evit ar glaou a zo bet lieskementet dre 2,5 en ur bloaz, etre 2007 ha 2008.
Ma n'eo ket bet talvoudus an arc'hant-mañ d'an dud paour, e talvez neuze eo
d'ar re binvidik o deus servijet. Soñj hon eus eus raktres kreizenn dre
c'hlaou Medupi, e Suafrika, a zo bet arc'hantet gant ar Bank Bedel, daoust
d'ar stourm a save enep dezhi e-touez poblañs ar vro, hag a eztaolo 25 milion
a donennadoù CO2 bep bloaz, da lâret eo 5% eus eztaoladennoù Frañs. M.M. |
|
|
|
|
|
Emañ an aozadur Oil Change
International o paouez embann un danevell, he zitl "Energy for the
poor?". En danevell-mañ e vez dielfennet ar raktresoù arc'hantet
gant ar Bank Bedel evit tennañ energiezh diwar danvez fosil. Pa vez kinniget
ar raktresoù-mañ gant an embregerezhioù pe gant aozadurioù an armerzh hag ar
Stadoù, e vez lâret atav e servijfont d'ar bobl ha d'an dud paour da
c'hallout ober aesoc'h gant an energiezh.
|
|
|
|
|
|
Blog Bou |
|
|
|
Awenet eo bet gant arzourien
a vremañ kavet dre ar Genrouedad. Surfiñ a ra war blogoù disheñvel. Da skouer:
arzoù er straedoù, grafitioù, skeudennaouerien… Hag ingal e ra dave
d'hec’h arzour muiañ-karet: Gustav Klimt hag e livadurioù mentoniel. O chom tramor eo bet e-kerzh
he bugaleaj gant he familh. Ur chañs e oa eviti kejañ gant an dud, ober
anaoudegezh gant sevenadurioù all hag aergelc’hioù estren evit he doare
tresañ. An eñvorennoù-se zo sanket don en he spered, hag eviti ez eo ur moaien
da achap kuit eus he buhez pemdeziek. Graet he deus un diskouezadeg
warlene en ur stal-labour e Pariz, anvet "5 peintres-5
photographes". Emañ bremañ o chom e Naoned gant he mignon hag emaint
o prientiñ un diskouezadeg asambles er bloaz-mañ eno. Ar raktres a zo meskañ
o oberennoù hag o bed dezho war livadennoù! S.B. Evit gouzout hiroc’h: http://nabou17.canalblog.com Gouel Bro Douarnenez
2010
Roet e vo lañs d'ar Gouel a-benn fin ar sizhun gant
ur week-end leun-mat, d'ar 16 ha d'ar 17 a viz Here. Evit ar re o deus
c'hoant da zeskiñ, kregiñ 'barzh pe mont war-raok, e vo kinniget stajoù kan
ha diskan, gavotenn ha brezhoneg... war vor! Ar re vihan a c'hello ober anaoudegezh gant
sonerezh blues ha jazz, gant Repris de Justesse ha Junior Swing Parade. Ur
sonadeg divyezhek a lako anezhe da zañsal ha da ganañ, da 5e goude-kreisteiz
disadorn. Ar re a blij dañsal dezho o devo plijadur vras
gant ur fest-noz bras disadorn da noz, adalek 7eur noz betek 2eur vintin! Gant
Startijenn, Termajik, Erik Marchand, Gaby Kerdoncuff ha Jean Floc'h,
Jean-Pierre Quéré ha Christophe Me Lenn, Ghyslaine Sergent ha Koulmig
Hascoët, Pierre Stéphan ha Mick Boennec, Bagad Douarnenez hag ar fanfar A
bout de souffle... Peadra da zebriñ ha da evañ a vo war al lec'h. Laz-kanañ Breizh a vo tu da
glevet disul da 4e goude-kreisteiz: 100 kaner ha kanerez ha 10 soner, o tont
eus Kernev ha Leon, ha renet gant Kristian Desbordes. Kas a reont hor yezh
war-raok en ur ganañ sonennoù eus ar vro, hengounel pe a vremañ. |
|
|
|
|
|
"Bou" zo lesanv
Nathalie Richard. Abaoe he bugaleaj e tres Bou, evel tout ar vugale, met
adalek al lise he deus kavet he doare da dresañ hag he bed dezhi. E Skol
Arzoù ar Skeudenniñ (école d’arts appliqués en illustration) Poitiers
he doa heuliet ur stummadur war ar skeudenniñ hag ar c'hehentiñ gwelet. Teknikoù
livañ, dibab al livioù, pajennaozañ, kempouez an dresadenn, anaoudegezh an
danvezioù ha skoroù. Ar skol-mañ he doa permetet dezhi da gaout ur sell nevez
war he labour, he zresadennoù. Goude 3 bloaz studi avat, e oa re reut ar
framm eviti.
Evit ar 14vet gwech emañ Emglev Bro Douarnenez o
vont da ginnig abadennoù liesseurt (sonadegoù, c'hoariva, sinema,
lennadennoù...) etre ar 16 a viz Here hag an 21 a viz Du. E-pad ouzhpenn ur
mizvezh e vo lakaet war wel sevenadur ha yezh ar vro, war pep tachenn, gant
plijadur ha startijenn.
|
|
|
|
|
|
Volley-Ball: Kampionad
ar bed en Italia |
|
|
|
Er gourfenn eo bet adkavet
ar Gubaned, 20 vloaz war-lerc’h o gourfenn diwezhañ, a-enep Brazil
(skeudenn), bet kampion ar bed div wezh diouzh renk. Setu aet ar maout gant
Braziliz 3-0 (25-22, 25-14, 25-22) . Mell-droad: tro
skarzhañ Euro 2016 Aet eo ar maout gant
skipailh Frañs a-enep hini Roumania e Saint-Denis. Na pegen diaes eo bet
koulskoude. Ret e oa bet gortoz dibenn ar c’hrogad kazi (83’)
evit gwelet Loic Remy, argader an O.M., o lakaat ur pal. An eil a zo bet
lakaet gant ar Breizhad Yoann Gourcuff d’ar 30+3’. Meritet eo bet
an disoc’h gant ar c’hoarierien c’hall met tu a vije bet da
Roumaniz bezañ trec’h ma ne vije ket aet tenn Cristian Sapunaru war
peul dehoù Hugo Lloris! Da heul ar c’hrogad-mañ emañ skipailh Frañs e penn
ar strollad D gant 6 poent. |
|
|
|
|
|
Daoust ma oa deuet a-benn
skipailh Frañs, beskampion Europa, da dizhout an trede tro eo aet da get c’hoant
ar c’hoarierien da sevel Kib ar bed. Er bloaz-mañ ez eus bet teir zro
e-lec’h ma ne chome nemet 12 skipailh. E rummad Frañs (poull O) e oa ar
Stadoù-Unanet hag Italia, tu a vije bet da dizhout an hantergourfenn sañset!
Flastret int bet 3 set da 0 a-enep an Amerikaned, ha gant se o deus kollet o
nerzh, hag Antonin Rouzier dreist-holl, unan eus ar gwellañ c’hoarierien
c’hall. Kollet o deus adarre a-enep Republik Tchekia 3 set da 0, met
deuet a-benn da c’hounit evit o c’hrogad diwezhañ a-enep Spagn,
3-1. Tapet eo bet an 11vet plas gant Frañs.
|
|
|
|
|
|
Court
Métrange: Roazhon
(TNB) 21-27 a viz Here 2010 |
|
||
|
|
Ur juri (a dri den) a vo adarre er wech-mañ evit
reiñ a bep seurt prizioù. Ur priz a vo roet ivez d'ar bravañ koublad zombied e-touez
an arvesterien! Arabat kaout diegi da vont treuzwisket da vare ar prizioù
neuze! Div abadenn 1 eur 20 a vo bep noz. Filmoù bevaat,
filmoù aziat, filmoù spont... A bep seurt! Ar skolajidi ha liseidi a zo pedet da votiñ ivez
e-pad abadennoù aozet a-ratozh evito. Evel warlene e krog "Court Métrange
nomade" adalek an 12 a viz Here: e Felger, Bruz, Kistreberzh ha Saozon e
vo tu da welet filmoù-berr zo. Abadennoù aozet gant kevredigezhioù
skolioù-meur Roazhon a vo ivez (an drive-in hag all) hag ur blind-test er
c’hafedi "Café Laverie", e kreiz-kêr. Festival skrijus deoc’h! G.L. Evit gouzout hiroc’h, al lec’hienn
klok-tre gant ar programm resis h.a: www.courtmetrange.eu Ma fell deoc'h lenn pennadoù all savet gant hor
c'henskriverez diwar-benn filmoù, c'hoarioù-video, levrioù ha me oar-me, kit
mont da dañva Soubenn ar Geek. 9vet "Festival Intergalactique
de l'image alternative" e Brest
Evit gouzout hiroc'h: www.festival-galactique.infini.fr |
|
||
|
|
|
|
|
|
A-raok Halloween ha Gouel an Hollsent, setu erru
ur wech c'hoazh mare festival Court Métrange Roazhon. 7vet embannadur ar
festival eo dija! Evel boaz e vo kinniget e-kerzh an emgav-mañ filmoù-berr,
european dreist-holl, troet war-du ar faltazi en un doare ledan.
Etre an 11 hag ar 16 a viz
Here e vo aozet gant Canal Ti Zef, e Brest, an 9vet Festival
Intergalactique de l'image alternative. En taol-mañ e vo Euskadi danvez
pennañ ar festival. Filmoù, teulfilmoù, kendivizoù, sonadegoù a vo a-hed ar
sizhunvezh, gant livioù Euskal Herria, gant ar film Bidaia Intimoak gouestlet
d'an euskareg da skouer. Sevenerien a vo e Brest evit kinnig o filmoù hag
eskemm. Ur plas a vo roet d'ar brezhoneg ivez, gant un abadenn d'ar Gwener
15, "Brezhoneg yezh vev!" evit kinnig krouidigezhioù liesseurt war
ar c'hleweled. En o zouez e vo Yaouankiz foll, ar filmig bet savet e-kerzh
Gouel ar Filmoù e Douarnenez. Emgavioù all zo bet roet e Bro-Leon, un tamm
a-raok na grogfe ar festival da vat, gant ur c'hendiviz e Landerne da skouer,
d'ar 6 a viz Here er Family, diwar-benn ar yezhoù e Breizh hag en
Euskadi.
|
|
|
|
|
|
Orphaned Land: Brezelourien ar
Sklêrijenn |
|
|
|
Ganet eo ar strollad e 1991
e Petah Tikva. Enrollet un demo kentañ gant ar vandennad sonerien e 1993 ha
da-heul, o album kentañ, bloaz war lerc'h: Sahara. Kaoz e vez
dioute buan: ar wech kentañ eo klevet mesket sonerezh ar reter (oriental)
gant un diazez death ha doom metal. 2 vloaz war-lerc'h, e 1996,
ez eo embannet El Norra Alila. Orphaned Land a savo e albom
nevez Mabool... eizh vloaz war-lerc'h, e 2004. Evit ur bern tud
e vo hemañ o albom gwellañ. C'hwec'h vloaz war-lerc'h
koulskoude, e Mae 2010, eo bet embannet o fladenn nevez, The Never
Ending Way Of OrwarriOR. Ar sujed: ar peoc'h etre an teir relijion
undoueek* (aroueziet gant foto ar strollad o veskañ anezho holl), emgann ur
soudard eus ar "sklêrijenn" a-enep ar gasoni er bed hag an
deñvalijenn (ar ger "Or" a dalvez "Gouloù" e hebraeg).
Cheñchamantoù zo: echu levezon an doom metal evit leuskel plas d'ur
sonerezh progresivel ha hesonoc’h, hep koll o gwrizioù oriental pe death
metal avat! The Never Endin Way Of OrwarriOR zo ur bladenn
binvidik (levezonet gant doareoù disheñvel), hir (tost 80 munutenn!), met
brav dreist-holl. Hag evit kaout plijadur en ur selaou anezhi, n'eo ket ret
bezañ sot gant ar metal, ken digor ha plijus d'ar skouarn eo an
disoc'h. Morvan Richard Undoueek: e-keñver relijion, pa greder en un doue
hepken. The Never Ending Way Of OrwarriOR gant Orphaned
Land, Century Media 2010. Evit gouzout hiroc'h: |
|
|
|
|
|
"An Douar emzivad":
setu ar pezh a ziverr mat a-walc'h e peseurt stad emañ ar strollad. Yuzevien
eus Israel eo izili Orphaned Land, ur vro enni kudennoù anavezet mat
hiziv-an-deiz.
|
|
|
|
|
|
Sizhun ar blazioù mat |
|
|||
|
|
Evit gouzout hiroc'h: www.restaurateurs-pointe-bretagne.com
Kalzik a dud a oa o
c’hortoz ur bug a-benn ar Sul 10 a viz Here, da lavaret eo an 10-10-10!
M'oc'h gouest da lenn ar c’heloù-mañ e talvez n'eo c'hoarvezet netra,
ha ma n'oc'h ket gouest d’en ober, feiz, sur-mat
e vo ret d’an holl ac’hanomp cheñch urzhiataer. Eus pelec’h e teu
seurt brudoù avat? Hackerien zo a blij dezho an deiziadoù skouerius-se evit
kas viruzoù da urzhiataerioù ar bed a-bezh. Seul skoueriusoc’h seul vui
a vrud a vo tapet ganto sur-mat, ken skoet e vefe ar speredoù. Hervez an
arbennigourien avat, ez eus e-tro 60000 viruz nevez bep bloaz, neuze eo
bemdez e ranker diwall outo!
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez Bremaik,
n'eus mann ebet aesoc'h: kasit ur gerig deomp d'ar chomlec'h postel-mañ: bremaik@free.fr! Lennit Bremañ Here 2010!
An teuliad zo gouestlet er miz-mañ d'an distro-skol.
An Ofis publik nevez a gemero ar garg eus ul lodenn eus diorren ar c'hlasoù
divyezhek, diwar-benn se e komz rener an Ofis, Fulup Jakez. Er mare-mañ emañ
Fañch Broudig o kas war-raok ur studi diwar-ben diaesterioù ar c'helenn
brezhoneg, evit ar Rektoriezh ha Rannvro Breizh, kinnig a ra an enklasker al
labour graet gantañ betek-henn e Bremañ. Pemp bloaz eo ar
gevredigezh Divskouarn a labour evit kreskiñ plas ar brezhoneg er magourioù
hag el lec'hioù ma reer war-dro bugaligoù. Ur c'hendiviz a vo aozet e Plijidi
d'ar Kenderc'hel a ra Bremañ da ginnig div bajennad "Lennomp!".
Savet e vezont a-ratozh evit ar re zo o teskiñ brezhoneg gant skipailh Skol
An Emsav. M’ho pez plijadurig o lenn Bremaik, plijadur ho
po o lenn Bremañ, sur! Bep miz, abaoe 1980, e kinnig kelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
Etre an 11 hag ar 17 a viz
Here 2010 eo sizhun ar blazioù mat. Ganet eo ar mennozh-se, ugent vloaz 'zo,
e 1990 gant Jean-Luc Petitrenaud. E-penn kentañ tout 350 penn-keginer o deus
roet ur gentel-geginañ da skolidi skolioù Pariz ha bremañ e vez aozet ar
sizhun-se un tammig e pep lec'h e Frañs. Pal sizhun ar blazioù mat a zo boazañ
an dud hag ar vugale dreist-holl d'ar blazioù disheñvel a zo, diskouez dezho
pegen pinvidik e c'hell bezañ ar gegin, kelaouiñ, treuzkas ha reiñ c'hoant
d'an dud ober ar micherioù liammet gant ar gegin ha treuzkas dezho ar
blijadur a zo da zebriñ produioù ha blazioù mat. E Breizh ivez e vez lidet
sizhun ar blazioù mat. Da skouer e Penn-ar-Bed ez eus 59 freti hag a gemer
perzh en darvoud ''Nos restaurateurs ont du talent''. Da lavaret eo e vez
kinniget e-pad ur sizhun gant ar geginerien produioù ar vro evel an toun
Arok, ar c'hig bevin limouzin, ognon Rosko hag an avaloù-douar Princesse
Amandine, ur seurt aval-douar ijinet e Kastell-Nevez-ar-Faou e kreiz
Breizh.
Diwallomp ouzh ar bug… mar bez unan
