|
|
|
|
|
|
|
|
|
|
Lun 5 a viz Here, niv.255 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Daou stourmer barnet e Naoned |
|
|
|
Ur vanifestadeg a vo eta
disadorn da 3e enderv plasenn Breizh hag unan all d'al Lun 19 a viz Here,
deiz ar prosez, da 12e dirak al lez-varn, evit difenn an daou stourmer hag
embann "Echu gant ar gwaskerezh! Adunvanidigezh!" D'ar Gwener 16 e vo ur
meeting gant politikourien ha personelezhioù etrebroadel evit difenn Alan ha
Jonathan, e Ti ar Geodediz, plasenn al Lore e Naoned, adalek 7e noz. An dro e
vo ivez, 5 miz a-raok an dilennadegoù rannvro d'ober ar poent war kudenn an
adunvanidigezh. Hoel Louarn |
|
|
|
|
|
Div vanifestadeg a vo aozet
e Naoned en devezhioù da zont evit difenn Alan ha Jonathan, daou stourmer eus
ar c'henstrollad 44=BZH, an eil o vezañ e vouezh aotreet. Ar re-mañ a vo
barnet e lez-varn Naoned dilun a zeu evit "emsavadeg gant feulster"
: goude un dibunadeg a-enep ar gwaskerezh, kenaozet gant strolladoù politikel
ha kevredigezhioù a bep seurt, e oant bet harzet gant ar bolised hep abeg
ebet. O pakañ ur banne e oant gant o c’henseurted, bugale en o zouez,
war savenn ur c'hafedi pa oant bet kelc'hiet gant polised, niverus bras, o
doa skoet ganto ha distrujet kadorioù ha taolioù an davarn e-pad o harzadeg
feuls-kenañ (skeudenn). Riskl bras zo da vezañ toullbac'het evit Jonathan. 
|
|
|
|
|
|
Boued bet kontammet gant lin OGK |
|
|
|
Abaoe 1996, pa'z eus bet
kroget da zesevel produoù OGK, ez eus bet enrollet ouzhpenn 200 kontammadur
e-barzh 57 bro. Se a ziskouez evit an ekologourien eo dibosupl d'an hentadoù
OGK ha boutin kenvevañ asambles, dre ma teu ar re zo boutin da vezañ OGK d'o
zro. Evit ar memes abegoù emañ Greenpeace o stourm evit ma ne vije ket
aotreet ur raktres riz OGK en Azia gant an embregerezh Bayer. Ur sinadeg o
deus lakaet: www.greenpeace.fr/ogmjenveuxpas/riz.php M.M. |
|
|
|
|
|
Lin OGK e-maez lezenn a zo
bet kavet e kalzik produoù boued abaoe an 8 a viz Gwengolo, e-barzh un
tregont vro bennak. Lin kemmet evit gallout derc'hel dirak produoù a-enep
d'an astuz eo, ennañ e vez kavet tri c'hen kat da derc'hel penn ouzh an
antibiotikoù. Ha just a-walc'h eo bet difennet desevel plant a ra gant genoù
a zalc'h penn ouzh an antibiotikoù. Emañ o tont eus Kanada, hag eno ivez e
vez difennet desevel seurt spesadoù evit gwerzhañ. Un taol fall eo evit
produerien Kanada, a oa o stourm c'hoazh evit diwall na vefe kontammet o
froduoù gant ar re OGK.
|
|
|
|
|
|
Ur mizvezh gouel gant Gouel Digor |
|
|
|
Evit gouzout hiroc'h: DIGOR, Kreizenn Sevenadurel Vrezhon, plasenn de
Verdun, 22200 Gwengamp. Pgz: 02 96 44 27 88. Postel :
kreizenn.gwengamp@free.fr |
|
|
|
|
|
Etre ar 16 a viz Here hag
an 8 a viz Du, e vo lidet sevenadur Breizh e Bro-Wengamp gant Gouel Digor,
aozet ingal bep bloaz gant ar gevredigezh Digor. Liesseurt ha pinvidik e vo
roll an abadennoù kinniget. Krouidigezh Kelc'h keltiek Kroaz-Hent Gwengamp,
"Ar Manu", d'ar Gwener 16, ur sonadeg gant Erik Marchand ha
Rodolphe Burger d'ar Sadorn 17, ur pred kig-ha-fars evit Skol Diwan Gwengamp
d'ar Sul 18, un devezhiad hip-hop (graf, slam ha rap) e brezhoneg evit
skolidi Bro Wengamp, ur veaj e Myanmar kinniget gant René Monfort d'ar Gwener
23, fest-noz e Pabu d'an 24... D'ar Merc'her 28 a viz Here e vo kinniget e
sinema Kallag un nozvezh "sinema brezhonek", gant an traoù nevez
war tachenn ar filmoù faltazi savet en hor yezh. Kinniget e vo ar film Davet
Loula (skeudenn), savet gant ur skipailhig tud a-vicher, hag a-youl vat, da
vare Gouel Filmoù Douarnenez. Beilhadegoù, pezhioù-c'hoari, stajoù dañs,
prezegennoù a vo evit klokaat ar gouel betek kreiz miz Du !
|
|
|
|
|
|
Mell-droad:
krogad a vignoniezh ouzh Korea an Norzh |
|
|
|
N'eus darempred ebet etre
Stad Frañs hag hini Korea an Norzh abaoe fin brezel Korea, hanter kant vloaz
zo. Un degouezh dreistordinal eo neuze e teufe skipailh mell-droad Korea an
Norzh da heuliañ ur staj er greizenn teknikel rannvroel e
Sant-Sebastian-an-Enk, etre hiziv hag ar 14 a viz Here. |
|
|
|
|
|
A-benn disadorn, 9 a viz
Here, e c'hoario izili skipailh FC Naoned gant re skipailh broadel Korea an
Norzh. Da 8e noz, war tachenn stad Henri-Desgrande, e La Roche-sur-Yon
(Vendée) e vo kaset an taol-kregiñ. 90vet e renkad ar FIFA emañ skipailh
Korea an Norzh. Gourdonet gant Han Hyong-Il, deuet eo a-benn da dapout e blas
e Kib ar Bed da zont, en Afrika ar Su. An eil gwech eo da skipailh mell-droad
renad Pyongyang kemer perzh e Kib ar Bed, war-lerc'h hini 1966, lec'h ma oa
deuet a-benn da dizhout ar c'hard-gourfenn goude bezañ trec'het an Italianed.
Chomet e oa bout skipailh Korea an Norzh dirak hini Portugal.
|
|
|
|
|
|
|
Mary and Max |
|
|
|
Aostralia - 2008. Seveniñ : Adam Eliott
Ur film bevaat eo hemañ.
Savet gant teknikoù klasel an toaz-merañ, un tammig evel filmoù Wallace
& Gromit da skouer. N’eo ket ur film evit ar re vihan avat, rak
an temoù ha red an istor a zo kalet a-walc’h. Brav eo ar skeudennoù,
dedennus implij al livioù (kentoc’h rouz en Aostralia ha gris e New
York), kreñv an darempred etre an tudennoù. Ur film fromus eo hag a lak da
brederiañ diwar-benn ar vignoniezh, ha pa vefe dre lizher hepken. Lakaat a ra
da soñjal a-wechoù en aergelc’h filmoù (kozh) Tim Burton, gant
barzhoniezh, fent ha tristidigezh war un dro. G.L. |
|
|
|
|
|
|
|
Mary a zo un Aostralianez
vihan, enoet bras. Ne vez ket graet kalz war he zro gant he zud ha n’he
deus mignon ebet er skol. Un deiz bennak e tiviz skrivañ d’un Amerikan
kement ha kaout ur mignon en tu all eus ar bed. Degouezhout a ra he lizher
gant Max, un den 40 vloaz o chom e New York, un den tev ha taget gant kleñved
bred Asperger. Un darempred iskis ha kreñv a sav etrezo hag a zalc’h
bloavezhioù-pad.
|
|
|
|
|
|
Transmusicales 31 e Roazhon etre an 2 hag ar 5 a viz Kerzu |
|
|
|
Neuze war a lenner e vo
sonerezh post-punk gant The Bird is Yellow, pop-rock nerzhus (Misty Socks)
d'ar Merc'her 2. Hip hop klezmer d'ar Yaou 3 gant Abraham Inc., pop-rock saoz
gant Detroit Social Club, ha d'ar Gwener 4 sonerezh pop da vat gant The
Whitest Boy Alive. Sonerezh elektro eus ar c'hentañ er memes nozvezh gant The
Field ha Fever ray, hag int arzourien eus Skandinavia. Elektro da vat ivez an
nozvezh diwezhañ gant Mr Oizo, Popof ha The Twelves. Evel-just e vo an Trans ur
festival ma vo doujet d'an endro ha just a-walc'h e c'haller gwelout er
mare-mañ ur video ma kan arzourien zo ''Beds Are Burning''.
Siwazh pa weler piv int e soñjer n'o doa tra ebet all d'ober, dre ma'z int
holl has-been. Hag evel bep bloaz: Troiad
an Trans, etre an 13 hag an 28 a viz Du. Holl sonadegoù digoust, nemet hini
Montroulez (d'an 21 a viz Du, 3 euro) ha hini Kemper (d'ar 27 a viz Du, 5
euro). Sonadegoù digoust e kreiz-kêr Roazhon, re all etre
15 ha 28 euro an nozvezh. Pass holek 60 euro, pass Palez an diskouezadegoù 45
euro. R.M. Muioc'h a dTrans: Naoned Calling: ur sonadeg dibar e brezhoneg
penn-da-benn
Gant Gimol Dru Band e vo
"Rock'n'roll fusion funkyRap" e brezhoneg! Ar strollad-mañ 'oa aet
ar maout gantañ evit priz Lanig Kervareg en eil Taol-Lañs. Gant tri c'haner
"ur strollad direnket" e klevoc'h ur gitar boud, binviji-stekiñ, ur
gitar, un trombon, hag un harmonika. Ha Daonet, strollad Rock ar
vro a vo ba'r jeu ivez gant un nebeud tonioù hengounel ha startijenn forzh
pegement! Pal Gilles ouzh ar gitar boud, Herve gant ar binviji-stekiñ ha
Gwendal ouzh ar c'hlavier, a zo lakaat ar selaouerien da fiñval ken-ha-ken
war komzoù stourmer e brezhoneg met ivez tonioù dous. H.L. Digwener e Ti Karter
Doulon, e Naoned. Mont-tre: 8 euro. Digor e vo ar sal adalek 6e30. |
|
|
|
|
|
N'ouzon ket petra zo kaoz.
Marteze emaon o chom re bell diouzh ar c'hêrioù bras, un dra bennak evel-se.
Ma, dav lavarout an traoù: ne anavezer hini ebet, pe dost, eus an arzourien a
zeuio da Roazhon da-geñver an Transmusicales a-benn penn-kentañ miz Kerzu. Er
bloaz-mañ e teu en-dro ar festival da greiz-kêr Roazhon (sal ar Frankiz hag
en Ubu) daoust ma vo c'hoazh sonadegoù e Park an diskouezadegoù.
Da heul strollad ar
Ramoneurs de Menhirs e vo Francis Jackson: 8 muzisian eus Bro-Dreger bodet
tro-dro da Francis Jackson, un dudenn iskis en anv showmen ar bloavezhioù 60
da 80 evel James Brown pe Earth Wind and Fire. Ganto e vo funk ha disco e
brezhoneg evit plijadur an divskouarn hag an daoulagad.
|
|
|
|
|
|
"Teñzor an duged" da welet
e Naoned |
|
|
|
A la découverte d'un
trésor, la mémoire des ducs de Bretagne, betek an 13 a viz Kerzu. Dielloù-departamant
al Liger-Atlantel, 6 straed Bouillé, Naoned. Digoust ha digor d'an holl,
etre 9e ha 5e d'al Lun, Merc'her, Yaou ha Gwener. Etre 1e30 g.k. ha 7e noz
d'ar Meurzh. Etre 2e ha 5e30 g.k. d'ar Sul. Evit gouzout hiroc'h:
Goude ur bloavezh ehan en deus Pol
Brezhoneg Skol an Emsav embannet un deiziataer hollvrezhonek adarre evit
2010. Adkavet e vo ar stumm klasel a
blije d’an dud. 17cm uhelder ha 9cm ledander, gant ar skrid a-led.
En ur golo plastik du ha gwenn e vo kavet an deiziataer, pevar liv
penn-da-benn, hag en e gichen ur c’harnedig all hag a
c’hallo bezañ miret a vloaz da vloaz, ennañ roll kumunioù Breizh . Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ
Here 2009!
An teuliad zo gouestlet er
miz-mañ d'an distro-skol. Un emgav eo bep bloaz evit gwelet penaos e ya an
traoù er c'helenn brezhonek. P'eo seder a-walc'h renerezh Diwan gant daou
lec'hiad nevez krouet er bloaz-mañ, eo splann evit tud Div Yezh ez eus
lec'hioù zo e Breizh lec'h ma n'eus youl ebet evit kas war-raok an hentad.
Nec'het-kenañ eo ivez renerien Dihun, a gav dezho ne vez ket prientet tamm
ebet an dazont gant an Deskadurezh Katolik.
Bep miz, abaoe 1980, e
kinnig ar gelaouenn Bremañ pennadoù brezhonek a bep seurt, diwar-benn
Breizh hag ar bed, kinniget brav, e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Evit ar wech kentañ e
kinnig Diellaoueg-departamant al Liger-Atlantel skridoù ofisiel Stad Vreizh,
da vare an dugelezh. Diwar an diaz 4000 skrid ha 2000 siell, ez eus bet graet
un dibab 27 diell, arouezius eus buhez ar Stad, pa oa o klask bezañ an
emrenañ ar gwellañ. An hini koshañ zo bet savet e 1153 gant an dug Hoel, hag
hini "nevesañ" a oa bet savet e 1514 da-geñver obidoù ar rouanez
Anna Vreizh. Rannet eo bet an dielloù hervez o danvez: darempredoù diavaez
(roue Frañs, rouantelezhioù all, ar Pab...), darempredoù diabarzh (aotrounez
ha kêrioù ar vro) ha darempredoù e diabarzh familh an Dug. Ur gwir veaj dre
ar skridoù a-hed istor ur Stad eo, Stad ar Vretoned.
Stad an traoù en
Afghanistan da heul an dilennadegoù, cheñchamant liv gouarnamant Japan goude
50 vloaz, stourm al laezh, lid 2009 Kolier an Erminig, ar strollad Gimol Dru
Band... Kaoz zo eus an holl draoù-se hag eus traoù all c'hoazh e-barzh
niverenn Bremañ Here 2009.