|
|
|
|
|
|
|
|
|
|
Lun 28 a viz Gwengolo, niv.254 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Bezhin glas : tud eus Breizh a-bezh en Hilion |
|
|
|
Prezidanted kevredigezhioù,
ar medisin Claude Laisné, André Pochon, ha labourerien-douar pe vor o deus
displeget pep hini en e vod an dañjerioù krouet gant ar bezhin glas pa aloubont
an aodoù. E-kreiz ar prezegennoù en deus degaset ar furlukin Jean Kergrist un
tamm fent en abadenn, hag henchet an holl berzhidi war e lerc’h war-zu
an draezhenn evit tennañ fotoioù eus al lanvad stourmerien. Silvi Donnart |
|
|
|
|
|
Tri mil den d’an
nebeutañ zo en em vodet disul, en endervezh, war aod Hilion, e foñs bae
Sant-Brieg. Hag int galvet gant kevredigezhioù difenn an dour pe an endro,
hag ivez gant strolladoù politikel, e oant deut eus Brest, Lannuon, Redon, pe
Bro-Wened… da ziskouez o youl evit ma vo pledet gant kudenn ar bezhin
glas, en ur selaou prezegennoù taer pe fromus. Hini maer Lokmikael-an-Traezh,
da skouer, en deus skoet an dud. "E 1971 en doa sachet kuzul-kêr ma
c’humun evezh ar pennoù bras war gudenn ar bezhin glas war hon traezhennoù dija"
en deus kontet.
|
|
|
|
|
|
Rakweladoù iskis an FAO evit 2050 |
|
|
|
Hervez an FAO e vije tizhet
ar pal-mañ o vrasaat efeduster al labour-douar, hag oc'h astenn e dachennoù
eus 240 milion a zevezhioù-arat (tro 3000 milion a vez labouret hiziv).
A-benn neuze ne vije mui "nemet" 370 milion a dud taget gant an
naon, hervezañ. Evit an ekologourien eo direizh
penn-da-benn ar sifroù-mañ: ne gemeront ket e-kont an diaesterioù a zo o
lakaat an efeduster da greskiñ, an 12 milion bennak a zevezhioù-arat a ya da
hesk bep bloaz, ar gwask a vez lakaet war ar produiñ legumaj hag edeier gant
produadurioù all (kig, 70% eus tiriadoù al labour-douar, treloskoù glas evit
ar c'hirri), hag ar cheñchamantoù da gaout gant kemmoù an hin. Ma talc'hfed
gant hor boazioù beveziñ e vije kentoc'h 1500 milion a zevezhioù-arat
ouzhpenn a vije ezhomm. Dalc'homp soñj ouzhpenn e
vez produet dija trawalc'h a voued evit magañ an holl, met boued forzh
pegement a vez foeltret en hor broioù pinvidik: lezel tud da vervel gant an
naon pa vije peadra da vagañ anezho a c'hell bezañ gwelet evel ul lazhadeg. M.M. |
|
|
|
|
|
Ur bodad eus Aozadur ar
Broadoù Unanet eo an FAO, e-karg eus ar boued. Nebeut zo en deus labouret war
an ezhommoù a vo a-benn 2050, pa vo kresket ar boblañs eus 6,8 betek 9,1
miliard a dud (2,3 miliard a dud ouzhpenn). O c'houzout ez eus ur miliard a
vez tizhet gant an naon er mare-mañ eo eus 70% e rankfe ar produiñ bedel
kreskiñ evit magañ an holl.
|
|
|
|
|
|
Fidèle infidèle c'hoariet e Naoned |
|
|
|
Gant un digoradur
dic'hortoz e tizolo ar sellerien istor ha tabutoù ur c'houblad, goude ma vefe
bet tromplet ar vaouez gant ar gwaz. Hag an dizemglev a sav en doare da welet
an traoù: evitañ eo ur fazi a c'hell c'hoarvezout met eviti eo bet trubardet
da vat. Fidèle infidèle zo un doare da ziskouez penaos e c'hell ur
c'houblad padout en ur gevredigezh leun a dud a vev en un doare hiniennel ha
troet penn-da-benn war-zu ar bevezadurioù. Divoutin eo an doare m'eo
leurennet peogwir e vez lakaet ar sellerien e-barzh ar jeu gant kalz a fent:
disheñvel e vez bep noz hervez doareoù ha respontoù an arvesterien, staliet
en ur salig hengounel, war 75 kador voulouz ruz, tostik-tost d'al leurenn. Ar c'hoariva-mañ en deus
bet tro da zegemer komedianed deuet da vezañ brudet evel Gustave Parking 20
vloaz zo. Ha meret eo gant 4 implijad hag ur skipailhad 50 den a youl-vat. Hoel Louarn Betek an 3 a viz Here, etre ar Meurzh hag ar
Sadorn, da 8e30 noz. En Théâtre de Poche, e Naoned. Etre 12€ ha
18€. |
|
|
|
|
|
Betek an 3 a viz Here e
kinnigo "Théâtre de Poche Graslin", e Naoned, ar pezh-c'hoari Fidèle
infidèle. C'hoariet eo gant Jessica Mompiou ha Sébastien Boissavit,
leurennet gant Annie Zottino ha skrivet gant Carlos Goncalves, brudet evit e
bezh-c'hoari Les monologues du pénis.
|
|
|
|
|
|
Marc'h-houarn:
Cadel Evans kampion ar bed |
|
|
|
|
|
|
|
|
|
Aet eo ar maout gant an
Aostralian Cadel Evans dec'h, e rann ar redadeg war-renk, e kampionadoù
marc'h-houarn ar bed, e Mendrisio (Suis). En eil plas e oa erruet Cadel Evans
e Tour de France 2007 ha 2008, hag ivez e Dauphiné 2007 ha 2009. Un tennad
262,2 kilometrad a oa d'ober memes tra! Un hent start eo ouzhpenn,
digompez-tre: n'o devez ket ar rederien tro kement-se da adtapout nerzh. E 6
eurvezh, 56 munut ha 26" e vefe bet klozet an 19 troiad gant Cadel Evans.
Heuliet eo bet gant ar Rusian Alexandre Kolobnev hag ar Spagnol Joaquin
Rodriguez. Daoust d'e strivoù n'eo ket deuet a-benn ar Suis Fabian
Cancellara, kampion ar bed evit ar redadeg a-benn d'an eur, da dapout ivez ar
vedalenn aour e rann ar redadeg a-renk. Erruet eo er pempvet plas, tremenet
d'ar poent diwezhañ gant ar Spagnol Samuel Sanchez. Cadel Evans, 32 vloaz, zo
ar marc'hhouarner aostralian kentañ o resev rochedig kampionad ar bed.
|
|
|
|
|
|
|
Brendan et le secret de Kells (DVD) |
|
|
|
Frañs - 2008 Seveniñ : Tomm Moore
E miz C’hwevrer 2009
e oa deuet er-maez ar film bevaat-mañ. Hag abaoe fin miz Eost e vez kavet e
DVD, embannet gant France Télévisions. Ur film brav-spontus eo gant
skeudennoù kaer-eston. Santet e vez levezon an arz keltiek, an dornskridoù
kozh met ivez c’hoarioù video e "cell-shading", evel Zelda
pe Okami. An istor a zo dedennus ivez ha n’eo ket manikean tamm
ebet. War an DVD-se ez eus tu da sellet ouzh ar film e brezhoneg, evel ma oa
bet kinniget e gouel ar filmoù e Douarnenez. Ur blijadur penn-da-benn. G.L. Bannet e vo ar film en e stumm brezhonek e salioù
ar vro, en droiad aozet gant Daoulagad Breizh ha Dizale etre Genver ha Mae 2010. |
|
|
|
|
|
|
|
En 9vet kantved, en abati
Kells en Iwerzhon, e tremen troioù-kaer Brendan, manac’h a zaouzek
vloaz. Ar breur Aidan, tec’het kuit goude tagadenn ar Vikinged, a erru
e Kells hag a ziskouez da Vrendan, an dornskrid bravañ a zo. Deskiñ a ra
dezhañ kinklañ pajennoù al levr. A-benn echuiñ al levr e ranko Brendan
mestroniañ ar pezh a ra doan dezhañ gant sikour Aisling plac’hig ar
c’hoadoù.
|
|
|
|
|
|
Newgaze |
|
|
|
Ma oa shoegaze anv ar
sonerezh savet e Breizh-Veur 15 vloaz zo ez eo anvet newgaze al luskad nevez.
Miret eo bet an diazezoù: gwagennoù (mogerioù zoken) gitaroù tredan ha
trouzioù liesseurt, mouezhioù kuzhet a-dreñv ar sonerezh. Liesseurt avat al
levezonioù ha ledan da vat an dachenn: sioul ha post-rock (M83), pop da vat
(The Layaways), rock'n'roll ha nerzhus (The Raveonettes, The Vandelles) pe
zoken nerzhus-kenañ (A Place to Bury Strangers). Hag un dra bennak all: en
issevenadur ne grouer netra. Adperc'hennañ eo a vez graet. Goude al luskad
shoegaze e tiwanas an hini grunge er Stadoù-Unanet.... Ken buan all e teuio
ar rochedoù koadourien hag ar blev hir ha lous da vezañ diouzh ar c'hiz
en-dro a-benn daou vloaz... R.M. Da selaou : Airiel – The Battle of Sealand The Vandelles – Del Black Aloha Muioc'h a newgaze : |
|
|
|
|
|
Eus pep lec'h er bed e
tiflukont: Stadoù-Unanet (Airiel, HEALTH, The Pains of Being Pure at Heart ha
na pet strollad all), Norvegia (Serena Maneesh, The Radio Dept.), Danmark
(The Raveonettes), Lituania (Pia Fraus), Alamagn (Malory), Breizh-Veur
(Amusement Parks on Fire, Air Formation), Japan (Asobi Sexu) ha Frañs zoken
(M83). Pe liamm etrezo? Dastum a reont ar sonerezh e-lec'h ma voe laosket
e-tro 1992 gant strolladoù breizhveuriat (My Bloody Valentine, Ride, Lush...)
hag ec'h implijont anezhañ. E gas pelloc'h a reont ivez, peogwir e profitont
eus ar cheñchamantoù a zo bet er sonerezh abaoe penn-kentañ ar bloavezhioù
1990: aet war-raok ar produiñ (splannoc'h son ar gitaroù), ledanaet implij ar
binvioù elektronek (M83 eo ar skouer wellañ).
|
|
|
|
|
|
"En hent war-du an adunvanidigezh"
a-benn disadorn |
|
|
|
Emgav e Roazhon war blasenn ar Parlamant da 9e30. E Kastell-Briant war blasenn Jeneral De Gaulle da
1e g.k. (piknik ha gweladenn diskouezadeg Marzoù Breizh e kastell ar gêr). E Naoned, e-kichen Kastell Duged Breizh, da 5e
g.k. evit un nozvezh gouel. http://www.bretagne-reunie.org
Goude ur bloavezh ehan en deus Pol Brezhoneg Skol an
Emsav embannet un deiziataer hollvrezhonek adarre evit 2010. Adkavet e vo ar stumm klasel a blije d’an dud.
17cm uhelder ha 9cm ledander, gant ar skrid a-led. En ur golo plastik du
ha gwenn e vo kavet an deiziataer, pevar liv penn-da-benn, hag en e
gichen ur c’harnedig all hag a c’hallo bezañ miret a vloaz
da vloaz, ennañ roll kumunioù Breizh . Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ
Gwengolo 2009!
An teuliad zo gouestlet er miz-mañ da ouelioù an
hañv. Ur sell dre vras war an niver a dud bet o oueliañ e Breizh en hañv-mañ,
met ivez ur taol lagad spisoc'h war an Erer Kozh, Astropolis, Hent ar Rock,
Gouel ar Filmoù e Douarnenez... Kavet e vo ivez ur pennad-kaoz gant Lou
Millour, kenurzhierez evit Radio Kerne, zo bet o troiata er festivalioù a-hed
an hañvezh. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Gant ar gevredigezh Breizh
Unvan e vo kinngiet un ober divoutin d'ar Sadorn 3 a viz Here. Fellout a ra
d'ar gevredigezh degas da soñj en-dro eus kudenn adunvanidigezh velestradurel
Breizh, un toullad sizhunvezhioù a-raok ar c'hendiviz er Parlamant diwar-benn
adframmañ tiriad Frañs. Pediñ a ra Breizh Unvan an holl da gemer perzh en un
"dibunadeg dre garr-tan", etre Roazhon ha Naoned. Pal an devezh zo
bodañ ar muiañ ar gwellañ a dud evit broudañ 1491 kuzul-kêr Breizh da
vouezhiañ un het a-du gant an adunvanidigezh. Diskouez d'ar gouarnamant ha
d'ar gannaded emañ ar Vretoned bepred o stourm evit ma vefe unvan
melestradurezh Breizh. Broudañ prezidanted Kuzul-rannvro Breizh ha
Kuzul-departamant al Liger-Atlantel da c'houlenn gant ar gouarnamant, adarre
hag en un doare ofisiel, e vefe adunvanet Breizh. Diskouez eo noazhus an
disrann melestradurel evit an eskemmoù etre kêrioù bras ar vro, Roazhon-Naoned
ha Brest-Naoned da gentañ, gant kudenn skouerius an hentoù-houarn dister etre
ar c'hêrioù-se.
