|
|
|
|
|
|
|
|
|
|
Lun 21 a viz Gwengolo, niv.253 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Stourm al laezh: "Gwener gwenn" |
|
|
|
|
|
|
|
|
|
En dibenn-sizhun tremenet e oa bet aozet ur stourm
bras gant ar broduerien laezh a gemer perzh e "harz-al-laezh",
aozet gant an aozadur European Milk Board (EMB) ha reoù all e pep Stad (Apli hag
OPL e Frañs da skouer). Milionoù a litradoù laezh zo bet skarzhet war ar maez,
nepell diouzh Menez-Mikael (skeudenn) e oa bet bodet kantadoù a broduerien
dilaouen. E meur a lec'h e Breizh e oa bet aozet degouezhioù a seurt se.
Fellout a rae d'ar stourmerien diskouez ez int mennet ha niverus, p'emañ ar
sindikadoù bras (FNSEA) a-enep ar stourm kaset war-raok. Pal ar broduerien a
ra harz-al-laezh zo lakaat Europa da virout ur priz dereat d'al litrad laezh
(350€ da vihanañ evit 1000 litrad) en ur goazhañ ar c’hotaioù
laezh aotreet. N'eo ket deuet en-dro Komision Europa war afer ar
feurbarzhioù: dilezet e vint a-benn 2015, met 600 milion a euroioù a vefe
lakaet ouzhpenn evit harpañ ar marc'had. Kinniget eo bet neuze gant ar Stad
c'hall e vefe aozet "emglevioù" etre ar broduerien hag ar c’hreanterien,
dindan evezh ar servijoù publik, gant ma vo doujet ouzh reolennoù Europa. E
miz Here e vefe aozet kendivizoù a-benn aozañ ar raktres.
|
|
|
|
|
|
Bezañ kelaouet diwar-benn stad an
dour |
|
|
|
Evit meur a abeg e c'hell
seurt benveg bezañ talvoudus: da gentañ, peogwir e vo lakaet a wel d'an holl
an diforc'hioù etre al lec'hioù, ar pezh a zlefe broudañ al lec'hioù saotret
kalzik da gemer divizoù evit chom hep kaout brud fall. Da eil, ma welit eo
mat dour ar c'hog da evañ, eo posupl neuze paouez da implijout dour e
boutailhoù platik, saotrus-kenañ ma'z int, kement evit ar c'hementadoù
plastik implijet hag evit an treuzdougen (ha ret eo anzav eo gwall droch
gwelet kirri-samm bras spontus o lakaat dour d'ober 1000km evit dont eus ar
menezioù betek amañ!). M.M. Gwelet stad an dour en ho
parrez : www.sante-sports.gouv.fr/ |
|
|
|
|
|
Betek-henn e oa diaes
gouzout peseurt doare dour az ae er-maez eus ar c'hog er gêr. Posupl e oa
lenn un nebeud titouroù war ar fakturenn, met ne oant ket klok, ha dibaseet
abaoe pell 'zo, pe neuze mont da welet skritelloù an ti-kêr war stad an dour.
Bremañ avat ez eus bet savet gant ar Stad ul lec'hienn e-lec'h ma c'hell pep
hini mont da welet dielfennadennoù an dour a zo o tont er-maez eus ar c'hog
en e barrez.
|
|
|
|
|
|
Maina Kernalegenn e Ti ar Vro Kemper
e miz Here |
|
|
|
Ti ar Vro Kemper 3 leurenn Familh Gabaï, 29000 Kemper Pgz: 02 98 90 70 43 Postel : tiarvro-kemper@wanadoo.fr Lec'hienn: www.tiarvro.org |
|
|
|
|
|
Kinniget
e vo e-kerzh miz Here gant Ti ar Vro Kemper un diskouezadeg gant an arzourez
Maina Kernalegenn. Sed amañ penaos eo displeget he labour gant aozerien an
diskouezadeg: "Luskellet eo bet en ur sevenadur gwriziennet don,
sevenadur Breizh hag ar broioù kelt. Dizoleiñ war un dro arzoù Afrika, zo bet
eviti un diskuliadenn wirion, ha moarvat un nor war-zu an arz... delwennoù ha
maskloù ken leun a vuhez, a vezañs, a eztaol. Pe c’hoazh arzourien eus
ar c’hornôg troet war-zu an arzoù pobl e-giz Gauguin pe Ensor. Ne oa
ket hepken al labour arzel a gonte, met ivez an ene, un nerzh en eztaol,
brasaet dre ur garg speredel. He hentadur bremañ, bouetaet gant skiant-prenet
ha kejadennoù, skeudennoù, sinoù ha lavarioù disheñvel... a vez heñchet gant he
frimveiz hag he c’hizidigezh da vont da ergerzhout ar pezh a zoug (un
istor, faltazi, from). Hi evel maouez, Breizhadez, evel boud denel, o vevañ
d’ur c’houlzad, en un endro bennak. Klask, ergerzh pinvidik hag
entanus."
|
|
|
|
|
|
Mell-droad: laouen Oriantiz
ha Roazhoniz |
|
|
|
Tud skipailh Roazhon a oa
int aet betek Grenoble. Aze, er c'hontrol, e voe lakaet sklaer an traoù
adalek an digoradur: un 20 eilenn a-boan goude an taol-kregiñ e oa ar vell e
kaoued-pal Grenoble, gant Gyan. Profitañ a reas mat paotred Frederic
Antonetti eus aozadur laosk skipailh Grenoble. D'ar 7vet munutenn e roas
Marveaux un eil poent da Roazhon. D'an 20vet e oa tro Mangane da blantañ ar
vell e palioù Grenobliz. Un tamm reuz a vo zoken er stad gant suporterien
fuloret, hag ehanet ar c'hrogad ur pennadig amzer. D'an 62vet, ur pal gant
Gyan adarre, diwar un tenn-kastiz. Mont a ra Grenobliz e fulor adarre ha
paouezet an abadenn, amzer dezho sioulaat. N'o deus gellet paotred Grenoble
ober netra evit klask adtapout an dale ziwazh evito, plaset e penn izelañ
renk ar Rummad 1. |
|
|
|
|
|
Un devezh plijus eo bet
evit Stad Roazhon hag FC an Oriant (skeudenn) disadorn, a-dra-sur. Ar
Pennoù-Merluz a zegemere skipailh Nancy war tachenn ar Voustoer. Un tamm
amzer en deus lakaet ar c'hrogad evit tapout lañs da vat: e-pad 40 munutenn e
voe an Oriantiz o klask pilat difenn paotred Nancy. A-benn ar fin, d'an 42vet
e lakas Sigamary Diarra pal kentañ ar re orañjez (pal kentañ ar c'hoarier er Rummad
1). Un eil a voe lakaet gant Gameiro d'ar 60vet munutenn. Ne oa ket
digalonekaet da vat tud Nancy, ha plantet e vo o foent gant Alo'o Efoulou
d'an 90vet. Feuket un tamm paotred an Oriant, e klozas Monterrubio ar c'hrogad
gant un trede poent evito. Suraat a ra ar Pennoù-Merluz o flas er renkad,
goude ur miz Eost dipitus.
|
|
|
|
|
|
|
District 9 |
|
|
|
Zeland-Nevez,
Stadoù-Unanet – 2009 Senario
ha seveniñ : Neill Blomkamp
Produet gant Peter Jackson eo an iskis a film-mañ
a grog evel un teulfilm a-raok treiñ d’ur film spont feuls-kenañ.
Evel-just, dreist da duioù gwan ar senario (par d’ar pezh a gaver atav
e filmoù skiant-faltazi), e talvez District 9 dre an issteuñvennoù a
ya d’e ober. Direnkus eo kaout d’en em soñjal war an
emzalc’h hor befe a-dal da repuidi estren a seurt-se. Direnkus eo ivez
an dudenn bennañ, Wikus, gant al lu ma vez en deroù, gant he emzalc’h
a-hed an abadenn ha gant an doare ma vez gwallgaset en eil lodenn an istor.
Ha n’eo ket fall bezañ direnket a-wechoù. Meriadeg Vallerie Kement ha gouzout hiroc’h : |
|
|
|
|
|
|
|
Un deiz bennak ez eus chomet a-sav un egorlestr
a-us da Johannesburg e Suafrika. Un doare “Boat people” deuet eus
ur blanedenn all eo, ennañ ur milion a voudoù en argoll. Parket int bet en ur
c’hamp anvet “District 9” ha kroget eo Stadoù ar bed
d’en em chikanañ war petra ober ganto. Ugent vloaz war-lerc’h n’eo
ket diskoulmet c’hoazh. Ur c’hevredad prevez, an MNU
|
|
|
|
|
|
The Beatles – an oberenn glok adembannet e stereo |
|
|
|
Er miz-mañ neuze ez eo deuet er-maez ar c'houfrig
ma kaver an holl draoù-se. Pa weler ar pezh a soñj an dud e vije bet tu da ober
hep an oberenn-se. Ne gaver en DVD (e stumm Quicktime, aes da lenn en un
urzhiataer, dibosupl en ur mekanik all...) netra nevez evit an dud a anavez ar
strollad, ha niverus eo an dud-se. Hag aze emeur e-kreizig-kreiz emdroadur bed ar
sonerezh er mare-mañ : ne zeu ket mui a-benn an tiez-embann da werzhañ
pladennoù nevez, ne gemeront ket riskloù. Pet arzour nevez ha dedennus a zo bet
dizoloet gant an tiez-embann pladennoù bras er bloavezhioù tremenet? Hini ebet
koulz lavarout: war Myspace, Last.fm pe forzh pelec'h all war ar rouedad e
kaver gwelloc'h... ha marc'had-matoc'h. Neuze eo rediet pennoù-bras an
tiez-embann da furchal en o c'hatalogoù, da ginnig evit an an nouspetvet gwech
adembannadurioù pladennoù bet embannet hag adembannet hag embannet en-dro
zoken. R.M. |
|
|
|
|
|
Prest oc'h da zispign ouzhpenn 200 euro evit kaout
13 pladenn advesket (en o zouez peder fladenn gentañ The Beatles e stereo evit
ar wech kentañ) hag un nebeud traoù all: un DVD, goloioù ar pladennoù, levrigoù
enno displegadennoù liesseurt?
|
|
|
|
|
|
"Plus Breizh la vie" war
AlterNantes FM |
|
|
|
D'ar Merc'her 7 a viz Here e vo kinniget "Plus
Breizh la vie : le mag" da 8e45 noz. En abadenn 1e15 e vo tro da
glevet pennadoù-kaoz gant politikerien, keleier ar brezhoneg hag ar gallaoueg,
pennadoù-kaoz er yezhoù-se, keleier an embann (gant pennadoù-kaoz ivez), hag
ivez keleier ar sportoù e Breizh. "Plus Breizh la vie: l'hebdo", bep Lun
da 8e noz war Alternantes FM 98.1 FM e Naoned ha 91.0 FM e Kambon. Selaou an abadenn e streaming pe podcast:
Goude ur bloavezh ehan en deus Pol Brezhoneg Skol an
Emsav embannet un deiziataer hollvrezhonek adarre evit 2010. Adkavet e vo ar stumm klasel a blije d’an dud.
17cm uhelder ha 9cm ledander, gant ar skrid a-led. En ur golo plastik du
ha gwenn e vo kavet an deiziataer, pevar liv penn-da-benn, hag en e
gichen ur c’harnedig all hag a c’hallo bezañ miret a vloaz
da vloaz, ennañ roll kumunioù Breizh . Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000
Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ
Gwengolo 2009!
An teuliad zo gouestlet er miz-mañ da ouelioù an
hañv. Ur sell dre vras war an niver a dud bet o oueliañ e Breizh en hañv-mañ,
met ivez ur taol lagad spisoc'h war an Erer Kozh, Astropolis, Hent ar Rock,
Gouel ar Filmoù e Douarnenez... Kavet e vo ivez ur pennad-kaoz gant Lou
Millour, kenurzhierez evit Radio Kerne, zo bet o troiata er festivalioù a-hed
an hañvezh. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Kinniget e vo fenoz da 8e
war gwagennoù AlterNantes FM kentañ abadenn "Plus Breizh la vie:
l'hebdo", produet gant skoazell ar gevredigezh Breizh Unvan. Bep Lun
e vo kinniget (e galleg) an abadenn-mañ da c'houde. En abadenn a vo fenoz e
vo tu da glevet ur sell war keleier Breizh, kinnig pladenn nevez Gwennyn, Mammenn,
ur sell war keleier adframmadur ar strollegezhioù lec'hel (a vo adkavet ur
wech ar miz da c'houde), ur sell en a-dreñv war istor ar stourm evit an
adunvanidigezh. Bep pemzektez e kinnigo an abadenn ur c'hendiviz, gant enrolladennoù
soñjoù tud dastumet er straedoù, hag an tu d'ar selaouerien kemer perzh
war-eeun dre al lec'hienn internet. Ur wech ar miz e vo lakaet ivez war wel
ur prantad eus istor Breizh.
