|
|
|
|
|
|
|
|
|
|
Lun 13 a viz Gwengolo, niv.299 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Start an traoù bepred e Gres |
|
|
|
|
|
|
|
|
|
Ouzhpenn 20000 den zo bet o
vanifestiñ disadorn e straedoù Thessaloniki, eil kêr brasañ Gres. E fin ar
bloavezh 2009 e oa tarzhet un enkadenn ekonomikel veur e Gres, diwar dleoù
divent ar Stad, e-touez abegoù all. Ranket en deus ar c'hentañ ministr George
Papandreou (kostezenn kleiz-kreizour) lakaat e pleustr divizoù strizh evit
krennañ war dleoù ar vro. Manifestiñ a rae disadorn tud ar gostezenn gleiz
dreist-holl, a rebech d'ar gouarnamant lakaat ar bec'h war ar bobl hepken.
Koazhet eo bet ar goproù hag al leveoù, kresket an tailhoù. Start-tre eo evit
an dud izel o goproù pe an dud war o leve. Lod a c'houlenn neuze e vefe
broadelet ar bankoù hag e vefe goulennet strivoù digant an embregerezhioù
bras. Adwelet e vo ivez aozadur an ospitalioù, an hentoù-houarn, ha lod eus
al labourerezhioù, evel an treuzdougen dre girri-samm, hervez Papandreou en
doa distaget ur brezegenn disadorn e Thessaloniki. Dilaouen eo neuze ul
lodenn vras eus ar C’hresianed, met gwelet mat eo politikerezh
Papandreou gant ar Font Moneizel Etrebroadel (FMI) hag Unaniezh Europa, o
deus aotreet un amprest 110 miliard a euroioù da Stad C'hres, war tri bloaz.
Spi en deus ar c'hentañ ministr krennañ dleoù Gres eus un 40% bennak a-benn
fin ar bloaz. 
|
|
|
|
|
|
Kresk
implij ar c'hirri e Sina |
|
|
|
M.M. |
|
|
|
|
|
E 2009 ez eus bet gwerzhet
13,6 milion a girri-tan e Sina. Gant kement-se eo deuet ar vro da vezañ
bevezer kentañ ar c'hirri-tan, o kemer plas ar Stadoù-Unanet. E-pad eizh
mizvezh kentañ ar bloavezh 2010 eo kresket ar werzh kirri eus 31,53%, pa'z eo
kresket ar produiñ eus 35%. Emañ ar gouarnamant o raktresañ ma vefe kresket a
13-15% bep bloaz betek 2020. Se a dalvez e vije lieskementet dre dri a-benn
ar mare-se. Gwelet hon eus er sizhun paseet e veze stanket-mat dija an hentoù
gant ar c'hirri e Beijing, ar gêr-benn (e-tro 5 eurvezh tremenet bemdez gant
an dud er stankadegoù). Kenderc'hel e ra an implij da greskiñ koulskoude:
345000 karr-tan ouzhpenn er bloaz-mañ. Ha n'eo ket prest da chom a-sav, dre
ma n'eus evit c'hoazh nemet 40 karr-tan evit 1000 annezad, pa’z eus 819
er Stadoù-Unanet, ha 586 en Europa. Peadra da brederiañ...
|
|
|
|
|
|
Bed Madame Mo |
|
|
|
Piv a zo
kuzhet a-dreñv da Madame Mo? Ur c’hraferez eus Tolosa, Pascale
Motéki ("Mo" a dalvez evit Motéki). Ganet eo bet he harozed en he
fenn e 2003. Awenet eo bet gant Alis e bro ar marzhoù, danevelloù Yoko
Ogawa, sonerezh Bach... Levezonet-tre eo gant Japan, dre ar graferezh ha
kontadennoù hengounel ar vro. Daou DVD a zo e gwerzh, gant un ugent istor
bennak enno, anvet "Les intermèdes de Madame Mo". Istorioù
berr ha tener, evit ar re vihan hag ar re grenn evel-just. Traoù all a gaver
ivez da brenañ, savet diwar penndudenn Madame Mo: poupinelloù, deiziataerioù,
karnedoù, seier, koinobori, noren hag all… S.B. Evit gouzout hiroc'h: |
|
|
|
|
|
Harozez
ur stirad filmoù bevaat zo eus Madame Mo. Honnezh a zo ur plac'hig koant, o
vousc'hoarzin bepred. Kludet eo war he seulioù uhel, he blev troc'het berr
evel re ur paotr. Treuziñ a ra ar bed klouar gant mignonezed dezhi, Plüg,
Rose ha Yoko. He bed dezhi: lec’hioù grafek, liesliv ha leun a
varzhoniezh. Ha fromus-tre. Ar stirad-se a vez skignet war skrammoù Japan,
Italia, Bosnia, Arc'hantina ha Mec'hiko. E Frañs e c'heller sellet ouzh Madame
Mo dre ar Genroudad.
|
|
|
|
|
|
Basket-ball: Kampionad
ar bed en Istanbul, Turkia |
|
|
|
Turkia – Stadoù-Unanet: 64-81
Evit ar merc’hed eo
aet ar maout gant ar Velgiadez Kim Clijsters (skeudenn). Gwir eo n’eo ket bet
kollet ganti e New-York abaoe 2005! Goude bezañ ganet ur plac’hig eo
distroet d’he gwellañ live ha Vera Zvonareva, ar Rusianez, n’he
deus gellet ober netra. Kim Clijsters – Vera Zvonareva : 6-2
6-1 dindan 59’ (unan eus ar gourfennoù berrañ en istor an Us Open). Evit
ar baotred e vo ret gortoz al Lun 13 evit gouzout piv a vo roue
Amerika: Rafael Nadal pe Novak Djokovic. Ar glav a zo deuet d’ober
un dro war an tachennoù c’hoari, padal e oa bet brav-eston an amzer
betek-henn. Gourfenn a-benn dilun da 10e noz. |
|
|
|
|
|
Aet ar maout gant an
Amerikaned evit ar 4e gwezh, met diaes eo bet e penn kentañ ar c’hrogad
gant star skipailh Turkia, Hidayet Turkoglu. Goude 6” c’hoari eo
bet gloazet hag echu e oa evit Turkiz daoust d’an arvesterien o souten,
par ma c’hellent, o skipailh. Kevin Durant (skeudenn), askeller Oklahoma City
Thunder, a zo bet anvet MVP ar gourfenn, "most valuable player"
(ar gwellañ c’hoarier), hag a-drugarez dezhañ eo bet trec’h
skipailh ar Stadoù-Unanet war hini Turkia.
Tennis: Us
open
|
|
|
|
|
|
Des
hommes et des dieux |
|
||
|
|
Frañs
– 2010 Senario
ha seveniñ : Xavier Beauvois Priz
Meur e Festival Cannes 2010
Anavezet ho peus steuñvenn istor gwir
menec’h Tibhirine en doa mantret ar bed a-bezh er bloavezhioù 90. Ur
film eus ar re zenelañ eo Des hommes et des dieux. Hep pathos na
manikeouriezh ebet e lak Beauvois ar gaoz war an nerzh-kalon hag ar garantez
evit an nesañ kentoc’h eget war ar relijion pe ar sponterezh.
N’eus nemet ur rebechig a c’hallfed ober d’ar film eo
bezañs un tamm re bounner Lambert Wilson ha Michael Lonsdale a c’hoari
o zudennoù betek re; diglinkoc’h a vefe bet gwelloc’h. |
|
||
|
|
|
|
|
|
En Atlas e oa ur manati ennañ menec’h
kristen gall a genveve e liammoù strizh gant tud ar gêriadenn nes. Hogen, er
bloavezhioù 90 e oa stegn an amdro politikel en Aljeria, paket etre ur
Gouarnamant breinet ha sponterien islamour a lazhe estrenien. Daoust
d’an dañjer zo n’emañ ket a-du Tad Christian
|
|
|
|
|
|
Tro Heol Rianteg |
|
|
|
Evit gouzout hiroc'h: www.troheol.org |
|
|
|
|
|
Evit an eil gwech e vo
aozet ar festival Tro Heol e Rianteg d'ar 24, 25 ha 26 a viz Gwengolo.
War-lerc'h Nolwenn Korbell, Maion & Wenn, Bernez Tangi, Arvest, Gweltaz
Adeux... warlene, anvioù bras leurenn Vreizh a vo klevet en Tro Heol ar
bloaz-mañ c'hoazh: Red Cardell, Gilles Servat pe Rotor Jambreks. Aozet eo e
park Kastell Kerdurand evit sikour ar skol Diwan nevez-flamm e Rianteg
(digoret eo bet evit an distro-skol e miz Gwengolo 2009). D'ar Gwener 24 a
viz Gwengolo e vo klevet Rotor Jambrek. E-unan war al leurenn Rotor a lak
startijenn forzh pegement ha barrek-tre eo gant an teknik. Kanañ a ra ha
seniñ a ra gitar ha taboulin gant e gravatenn wenn hag e daol-mouezh eus
Tennessee. Ha goude-se, atav ar Gwener e vo klevet ar peder c’heniterv eus
Raggalendo hag ar strollad Kemperiz Red Cardell. D’ar Sadorn e teuio
war al leurenn, ar c'haner ampart Lors Landat gant
daou soner ken ampart all Thomas Moisson ha Roland Conq, ar strollad merc'hed
Loeroù Ruz, Alambig Electrik ha Koskerien gant Yves Le Guennec,
|
|
|
|
|
|
Rekipe: Ramskoaz oan |
|
|||
|
|
1.Lakaat ar c’hig da soubañ en ur plad e-pad
un devezh gant an holl draoù meneget. 2.Pakañ beg an eskern gant paper alu. 3.Tommañ ar forn/grilh en a-raok e-pad 10 mn. 4.Lakaat ar c’hig en ur plad ha lezet da
c’hrilhañ e-pad 5 mn pep tu (10-12 mn en holl). Riwanon
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez Bremaik,
n'eus mann ebet aesoc'h: kasit ur gerig deomp d'ar chomlec'h postel-mañ: bremaik@free.fr! Lennit Bremañ
Gwengolo 2010 !
An teuliad zo gouestlet er miz-mañ d'an abadennoù
brezhonek en tele. Tud nevez o kinnig Mouchig-dall ha Te ha Me
hag ur rummad abadennoù gouestlet d'an Istor evit Frañs 3. Ur statud nevez
evit Brezhoweb, chadenn skinwel ar web renet gant Lionel Buannic. Sevel ar
poent a reer ivez gant lusker ar produiñ evit an teir chadenn lec'hel TV
Roazhon 35, Tébéo ha Ty Télé. Keleier ar gevredigezh Dizale a vo tu da lenn
ivez en teuliad peder fajennad. Kenderc'hel a ra Bremañ da ginnig div
bajennad "Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
