|
|
|
|
|
|
|
|
|
|
Lun 20 a viz Gwengolo, niv.300 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Div vanifestadeg a-enep ar glazid |
|
|
|
|
|
|
|
|
|
Div vanifestadeg a oa bet
aozet dec'h war aod Santez-Anna-ar-Palud, war dachenn kumun Plonevez-Porzhe
evit ar memes abeg, ar glazid a vez oc’h aloubiñ aodoù Breizh. Gant
Jean Hascouët, prezidant ar gevredigezh "Baie de Douarnenez Environnement"
e oa bet galvet da vanifestiñ, evit goulenn groñs digant ar Stad c'hall
lakaat e pleustr ur politikerezh youlekoc'h a-enep d'ar glazid. E penn all an
draezhenn e oa tud deuet diwar galv an FDSEA (sindikad labourerien-douar) ha
kenwerzhourien hag artizaned eus ar c'horn bro. O lugan a oa "bevañ
amañ", rak aon o deus e vefe diskaret ekonomiezh al labour-douar hag an
douristelezh e Breizh gant brud fall ar glazid. Kement a dud a oa a bep tu :
tro-dro da vil. Sioul eo bet an degouezh, familhoù a oa dreist-holl, debret
ganto e ti mari glazioù. N'o deus ket klasket an eil re hag ar re all kaozeal
asambles en un doare ofisiel. 
|
|
|
|
|
|
Hadoù
"profet": ur prof da biv ? |
|
|
|
M.M. Sinadeg: http://www.avaaz.org |
|
|
|
|
|
An holl ac'hanomp o deus
klevet komz eus aozadur Bill & Melinda Gates, a ginnig reiñ arc'hant d'ar
broioù paour. Met pa studier a-dost mont en-dro an aozadur-mañ e weler e
servij a-benn ar fin... d'an embregerezhioù a sav hadoù O Genoù Kemmet, er
raktres anvet AGRA. 70% eus an dud o doa bet arc'hant digant AGRA a zo tud o
labourat gant Monsanto; e Kenya e vije bet profet ouzhpenn a 100 milion a
zollarioù da aozadurioù stag ouzh Monsanto.Ul lodenn eus an arc'hant a servij
ivez da arc'hantañ enklaskoù er Skolioù-Meur evit sevel spesadoù OGK nevez. Daoust
hag-eñ eo ur skoazell vras, pa teu an embregerezhioù da vezañ perc'henn war
an hadoù kavet er parkeier, pa vez savet an hadoù evit ma vije dibosupl ober
ganto ouzhpenn ur bloaz, da lâret eo e rank al labourerien-douar prenañ hadoù
nevez bep bloaz, pa redi an hadoù-se d'ober gant louzeier an embregerezh (da
skouer ar RoundUp evit Monsanto, pe louzeier evit lakaat ar plant da greskiñ,
skarzhañ al loened...), a vez gwerzhet neuze ker-ruz, ha pa ya da goll ar
spesadoù azasaet ouzh ar metoù evit bezañ eskemmet gant spesadoù breskoc'h? War
zigarez ober profoù d'an dud paour, e redier anezho da brenañ produoù en
embregerezhioù bras a-benn ar fin... N'ankouaomp ket e kendalc'h ar sinadeg
evit ma vefe un enklask sirius diwar-benn an hadoù OGK en Europa: ouzhpenn
800000 den o deus sinet anezhi. Pa vo bet sinet gant 1 milion a dud e teuio
da vezañ ul lezenn europat a redio da gaout studioù sirius a-raok reiñ
aotreoù da zesevel hadoù OGK.
|
|
|
|
|
|
Diskouezadeg Robert Doisneau e Dinan
|
|
|
|
Evit gouzout hiroc'h : Centre de rencontres
économiques et culturelles, straed Victor Basch e Dinan. Digor e vez bemdez etre 10e
betek 6e30 noz ha betek 10e noz d'ar Merc'her. Pgz: 02 96 87 58 72. Lec'hiennoù Internet: www.exposition-doisneau.com |
|
|
|
|
|
Betek ar Yaou 30 a viz
Gwengolo e vo kinniget e Dinan un diskouezadeg anvet Robert Doisneau, Le
temps retrouvé diwar-benn oberenn al luc'hskeudenner. Bet ganet d'ar 14 a viz
Ebrel 1912 ha marvet d'ar 1añ a viz Ebrel 1994, emañ Robert Doisneau e-touez al
luc'hskeudennerien vrudetañ bet embannet goude an eil brezel bed. Bez' e oa
gant Willy Ronis hag Edouard Boudat unan e-touez ar re o deus ijinet ar
skeudenn denel gall. E skeudenn vrudetañ zo hini "Baiser de l'Hôtel
de Ville" evel-just, tennet e 1950. Lod eus e luc'hskeudennoù
gwenn-ha-du a zo bet graet e Pariz hag en he bannlevioù goude 1945.
Skeudennoù anavezetañ Robert Doisneau a c'heller gwelet betek fin ar miz e
mediaoueg Dinan. 120 a zo en holl. En o zouez, ez eus 30 diskouezet en ur
stumm bras-tre (etre 1m² ha 4m²) ha bez' ez eus ur skeudenn kinniget e 3D
ivez zoken. Ouzhpenn d'un diskouezadeg eo, ur veaj hag a zo kinniget d'ar
sellerien. Ur veaj e Pariz gant tud ar bobl hag a blije kalz da zDoisneau.
Prantadoù o buhez pemdez, gant fent ha teneridigezh: tud e karantez, bugale o
c'hoari er straedoù, artizaned, klaskerien bara... Gwelet e vez Alain Bordet
memes, ur paotr eus Dinan hag a zo bet luc'hskeudennet gant Doisneau, hag a
zo deuet evit digoradur an diskouezadeg.
|
|
|
|
|
|
Mell-droad: skipailhoù
Breizh R1 hag R2 |
|
|
|
E R2 e oa bet drailhet
skipailh Gwened (12vet) gant hini Ajaccio (3-0). Naoned (10vet), gwellañ
difenn ar c’hampionad, a glasko fenoz e Champagne bezañ trec’h
war Reims a-benn adkavout ur renk dereat. F.O. |
|
|
|
|
|
Tro en doa skipailh Roazhon
da dizhout ar plas kentañ ma'z ae ar maout gantañ a-enep d’ar PSG
disul. C’hwitet eo: daoust d’ur match sirius ha ne oa ket entanus
koulskoude eo bet rampo an daou skilpailh. Chom a ra paotred Fred Antonetti
trede an R1. Aet e oa ar maout gant Brest (11vet) war dachenn Nancy 2-0, met
tro wenn o doa graet paotred an Oriant a-enep Caen (0-1). 16vet int. Ret eo
lavaret ivez eo re wer Saint-Etienne skipailh kentañ an R1, ar pezh ne oa ket
c’hoarvezet abaoe… 29 bloaz!
|
|
|
|
|
|
The Town |
|
||
|
|
Stadoù-Unanet Amerika - 2010 Seveniñ : Ben Affleck
Eil film Ben Affleck eo The Town, Gone
Baby Gone, ur sapre souezhadenn vrav, en doa savet e 2007. E Boston en
deus filmet adarre met n’eo ket dres memes doare istor. Heuliet e vez
aze ur strollad torfedourien war-var da vezañ kavet gant an FBI abalamour da
fazi unan anezho. Un istor karantez gant an den-gouestl ouzhpenn ha setu
peadra evit ma yafe fall pep tra. Lusket mat gant prantadoù nerzhus-kenañ,
lodennoù laeroñsi dispar... Anat eo eo donezonet Ben Affleck evit seveniñ.
N’eo ket ken splann a-fed c’hoari avat! Si nemetañ ha brasañ ar
film eo, a denn kuit ar from a c’hallfe hag a rankfe ar film kaout. G.L. Den-gouestl (pe gouestlad): den a harzer hag a
zalc'her evit kaout ar pezh a venner kaout. Ma fell deoc'h lenn pennadoù all savet gant hor
c'henskriverez diwar-benn filmoù, c'hoarioù-video, levrioù ha me oar me, kit
mont da dañva Soubenn ar Geek. |
|
||
|
|
|
|
|
|
Doug MacRay a zo e penn ur strollad laeron. Gouest
da laerezh un ti-bank pe ar c’hirri a zegas arc’hant dezho hep
bezañ merzet. E Boston e labour ar bagad-se, eus karter Charlestown emaint
holl a-orin.Siwazh evito, kemer un den-gouestl e-kerzh o labour diwezhañ a
lakaio pep tra da vont a-dreuz.
|
|
|
|
|
|
Jimi Hendrix (1943-1970) |
|
|
|
F.O. The Brief and Wondrous Life of
Oscar Wao
E levr The Brief and
Wondrous Life of Oscar Wao zo aozet gant eizh lodenn, eizh mouezh
disheñvel an eil diouzh an eben. Drezo e reomp anaoudegezh gant Oscar Wao, ur
paotr yaouank a zo re dev ha dic'houest da vont e darempred gant tud all.
Munudouigoù e vuhez a ro ul liv boemus da gudennoù krisoc’h ar bobl o
c’houzañv. Diskouezet eo an
diktatouriezh evel ur vallozh kozh-noë (ar Fuku). Pep tudenn a glask en em
zieubiñ dre an emgann pe an tec’h. Dreist d'an dic'hoanag hag ar
feulster, e chom ar gened, a zo, hervez ar skrivagner, promesa ar
beurbadelezh... Gant Priz Pulitzer 2008 e oa bet enoret levr Junot
Diaz. Tangi Legavre The Brief and Wondrous Life
of Oscar Wao (La brève et merveilleuse vie d’Oscar Wao) gant
Junot Diaz. Embannet e Frañs gant 10/18 en dastumad "Domaine
Etranger" (2009). |
|
|
|
|
|
E-kerzh 5 bloaz, etre 1965
ha 1970, en doa bet amzer ar gitarour Jimi Hendrix da leuskel en eñvorennoù
an dud skeudennoù peget mat ouzh follentez ha krouidigezh arzel diroll ar
bloavezhioù-se: ur gitar devet e Festival ar Pop e Monterey, kanaouenn ar
Stadoù-Unanet adsavet gantañ war leurenn Woodstock a-enep da vrezel ar Viêt
Nam, golo ur bladenn-du –Electric Ladyland–
luc’hskeudennet warnañ korfoù merc’hed en noazh-ran (souezhusat
tra er mare-se)
Hiziv eo brudet Stad Santo
Domingo evel ur berlezenn e-touez inizi Karib, a blij ken-ken d'an douristed.
Etre 1930 ha 1961 o deus bevet hec’h annezidi dindan veli didruez
diktatouriezh Trujillo. Pediñ a ra Junot Diaz ac’hanomp da sevel ul
liamm etre an daou vare.
|
|
|
|
|
|
Rekipe: Yod avaloù ruz |
|
|||
|
|
1.Ober 4 zamm gant pep aval (arabat peilhat).
Tennañ ar splus hag ar c’hreiz. Lakaat en ur plad gant chug ar sitroñs. 2.Lakaat an avaloù, an dour hag ar sukr da boazhañ
e-pad 30mn 3.Silañ 4.Bez' e c’heller mirout ar yod-se ur miz
bennak er yenerez. Riwanon
Plijet oc'h o lenn ar pennadoù embannet a-hed ar
bloaz war Bremaik? Sot oc'h gant ar sonerezh, ar sportoù, an arzoù, ar
sinema, pe me ’oar-me? Gallout a rit degas ho sell war an danvezioù-se
ingal, dre ar brezhoneg, gant Bremaik! Ur skipailh tud a youl vat a
sav ar pennadoù bep sizhun abaoe ouzhpenn 6 vloaz, ha bepred emaomp o klask
"pluennoù" nevez, evit reiñ un ton liesseurt d'ar gelaouennig
(digoust!) war internet, hag e brezhoneg-tout, embannet bep Lun. Evit
gouzout hiroch war an doare da vont en-dro, ha penaos kemer perzh e buhez Bremaik,
n'eus mann ebet aesoc'h: kasit ur gerig deomp d'ar chomlec'h postel-mañ: bremaik@free.fr! Lennit Bremañ
Gwengolo 2010 !
An teuliad zo gouestlet er miz-mañ d'an abadennoù
brezhonek en tele. Tud nevez o kinnig Mouchig-dall ha Te ha Me
hag ur rummad abadennoù gouestlet d'an Istor evit Frañs 3. Ur statud nevez
evit Brezhoweb, chadenn skinwel ar web renet gant Lionel Buannic. Sevel ar
poent a reer ivez gant lusker ar produiñ evit an teir chadenn lec'hel TV Roazhon
35, Tébéo ha Ty Télé. Keleier ar gevredigezh Dizale a vo tu da lenn ivez en
teuliad peder fajennad. Kenderc'hel a ra Bremañ da ginnig div
bajennad "Lennomp!". Savet e vezont a-ratozh evit ar re zo o teskiñ
brezhoneg gant skipailh Skol An Emsav. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,50€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|||
|
|
|
|
|
||
