|
|
|
|
|
|
|
|
|
|
Lun 1 a viz Gwengolo,
niv.203 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Glaveier hag avelioù drastus |
|
|
|
Miliadoù a gilometradoù pelloc'h, en Indez, eo
drastet ar vro ivez, gant glaveier spontus. 75 den a vefe bet lazhet evit ar
poent dre faot glaveier feuls ar moñson. E-tro 1,2 milion a dud zo tec'het
eus Reter ar vro. Live ar stêrioù zo pignet kalz ha beuzet ez eus bet hentoù
zo. Er Bangladesh e vefe 72000 den tapet gant an dourioù-beuz. |
|
|
|
|
|
Emañ ar gorventenn Gustav oc’h
erruout war aodoù pleg-mor Mec'hiko. Ouzhpenn 80 den zo marvet gant feulster
an avelioù en Haiti, Jamaika hag er Republik Dominikan. Un gorventenn a live
3 (war ar 5 a zo) eo Gustav evit poent. Treiñ a ra an avelioù war un dachenn
350 km a hed dezhi en-dro da galon ar gorventenn, gant un nerzh a 185 km/eur.
War-du Orleañs-Nevez (skeudenn) emañ o vont, tri bloaz goude Katrina.
|
|
|
|
|
|
Nevezinti e bedig an heoldredan |
|
|
|
Gant ar c'hlasker Marc Baldo (skeudenn) ez eus bet savet ur
gwiskad da begañ war ur blakenn wer: hounnezh a bak skinoù an heol, hag a gas
anezho en-dro gant un hirder-gwagenn brasoc'h, o sturiañ o hent betek ar
binviji da zastum anezho. Evel-mañ eo 10 gwech efedusoc'h ar blakenn eget
n'eo ur benveg da zastum mod-kozh e-unan. Hervez an Marc Baldo, ne goust ket ker ar gwiskad
da sevel, ha gallout a ra bezañ lakaet en ul lec'h ha n'eo ket kompez. N'eus
nemet moullañ liv war ur blakenn wer d'ober. Gallout a rafe bezañ gwerzhet
a-benn tri bloaz. Ar gudenn nemeti a chom da ziskoulmañ a zo lakaat an
hentenn da vont en-dro war gorreadoù bras. M.M. Titouroù ouzhpenn amañ : |
|
|
|
|
|
Muioc'h-mui bremañ e vez gwelet kelligoù war an
toennoù evit sevel tredan diwar gouloù an heol. Met peurliesañ e goust kerik,
ne ro ket kement-se a dredan, ha neuze e lakaer kalzik amzer evit ma talvezfe
ar boan e-keñver an arc'hant, hep kontañ e vez lonket forzhik energiezh ha
saotret evit o sevel. Met cheñchamantoù a vo moarvat a-benn nebeut war an
dachenn-mañ, dre ma'z eus bet kavet un hentenn nevez evit sevel kelligoù all,
efedusoc'h.
|
|
|
|
|
|
Sonic Youth
etc. : Sensational Fix diskouezadeg betek ar 7 a viz
Gwengolo – Life – Sant Nazer |
|
|
|
Ur wech tremenet ar sal gentañ (bale a reer war 5000
pladenn vinil) e splujer e bed ar strollad. Hag ouzhpenn sonerezh a zo, rak
engouestlet eo ar strollad e metoù an arz amerikan a vremañ: video,
taolennoù, staliadurioù, taolioù-arnod liesseurt: sed aze ar pezh a ginniger
deomp. Da bep hini da bourmen er sal evel ma kar, n’eus urzh ebet.
A-hed an oberennoù kinniget e kejer ouzh Willima Burroughs, Raymond Pettibon
pe c’hoazh Richard Kern. Kinniget e vez ivez oberennoù savet gant izili
ar strollad, Lee Ranaldo ha Kim Gordon. E foñs ar sal e c’haller
azezañ, lenn ur bern levrioù ha selaou pladennoù ar strollad en ur sellout
ouzh skritelloù o abadennoù. R.M. Diskouezadeg
digoust digor da Verc’her, Yaou ha Gwener : |
|
|
|
|
|
|
|
|
|
|
|
US Open: Roger Federer mestr ar jeu |
|
|
|
|
|
|
|
|
|
Trec'het en deus Federer (skeudenn) war an tchek Radek Stepanek
(6-3, 6-3, 6-2) a-benn mont d'an eizhvedenn-gourfenn. Aes eo bet evitañ, met
ret eo lavaret ivez eo ar Suis mestr tachennoù tennis New-York evit ar mare, aet
ar maout gantañ peder gwech diouzh renk, etre 2004 ha 2007. An eizhvet gwech
eo evitañ tizhout an eizhvedenn-gourfenn en US Open. Seblantout a ra kaout
c'hoant diskouez e fell dezhañ adkavout e blas a c'hoarier tennis niv.1 er
bed. Kemeret e oa bet penn uhelañ ar renkad digantañ gant Rafael Nadal. Ha
gwir eo, abaoe penn-kentañ ar bloavezh nevez tennis, eo bet trec'het Federer
gant e enebour meur peder gwech en ur Gourfenn (Monte-Carlo, Hamburg,
Roland-Garros ha Wimbledon). Aet eo ar maout gant Federer e tournamantoù
Estoril ha Halle hepken. N'en deus ket gellet Radek Stepanek ober kalz a dra
(30vet c'hoarier ar bed) a-enep da baotr Basel, bet sec'h ha nerzhus e zoare
c'hoari, gant ur servij galloudus-tre.
|
|
|
|
|
|
|
Star Wars – The Clone Wars |
|
|
|
Stadoù-Unanet – 2008 Seveniñ : Dave Filoni
Da vezañ renket e heuliad filmoù Star Wars etre ar
Rann 2 (Attack of the Clones, 2002) hag ar Rann 3 (Revenge of the
Sith, 2005) emañ ar film-bevaat-mañ. Un doare Rann 2,5 e vefe en ur mod.
N’eo ket echu gant oberenn George Lucas war ar skrammoù bras neuze met
sklaer eo n’emeur ket amañ en he c’halonenn. Un tañva d’un
heuliad bevaat a vo skignet er skinwel eo kentoc’h; un dra un tammig
talvoudusoc’h eget ar produioù deveret boutin, da vezañ renket a-us
d’an albomoù bannoù-treset, e-kichen ar c’hoarioù video.
Steuñvenn an abadenn-mañ n’eo na dedennusoc’h na toulloc’h
eget hini ar filmoù diwezhañ ha, dre m’en doa Lucas leuniet e filmoù
diwezhañ gant skeudennoù niverel, n’eur ket gwall ziroudet amañ. Un
abadenn a zedenno kentoc’h Star Wars garourien memes tra. Meriadeg Vallerie |
|
|
|
|
|
|
|
Gwastet eo ar c’halaksienn gant brezel ar
c‘hlonoù a zo en e varr etre ar Republik hag an Disrannerien.
Kevezerezh zo etre an div gostezenn evit gounit harp penn bras ar floderien,
Jabba an Huth. O paouez bezañ skrapet digantañ emañ mab hemañ, dres.
Kefridiet eo ar gwareger Jedi Anakin Skywalker da glask war e lerc’h
gant sikour e badawanez Ahsoka Tano. Met ar c’hont Dooku zo war ar renk
ivez...
|
|
|
|
|
|
6vet festival Scopitone –17-21
a viz Gwengolo – Naoned |
|
|
|
Ur bern traoù d’ar Gwener 19, met diaes e vo
tremen hep mont da selaou daou arzour gall brudet-tre: Laurent Garnier
hag Etienne de Crécy. Er memes nozvezh e vo ivez Sascha Funke
(elektro alaman eus ar c’hentañ) ha Radio Slave (elektro saoz). Programm a-feson ivez d’ar Sadorn gant Princess
Superstar, DJ Pone (unan eus izili Birdy Nam Nam) ha daou zen
yaouank a glever muioc’h-mui kaoz anezho: Yuksek ha Surkin.
Stalioù krouidigezhioù liesvedia a vo kinniget
d’ar re yaouank, hag ivez director’s cut ar film THX 1138,
bet savet gant George Lucas. R.M. Muioc’h a Scopitone : |
|
|
|
|
|
Sonerezh, skeudennoù, arzoù niverel hag abadennoù
liesseurt, sed aze ar pezh a ginnig skipailh aozañ Scopitone. Aloubet e vo kêr
Naoned a-bezh koulz lavaret: e salioù sinema (Katorza, Le Cinématographe), e
kastell Duged Breizh pe c’hoazh en Olympic e c’hoarvezo traoù.
E-touez an holl draoù kinniget e-pad ar 4 devezh ma pado ar festival menegomp
abadenn digoust (film+sonerezh) Robin Guthrie (bet er strollad Cocteau
Twins) d’ar 17. En deiz war-lerc’h e vo talvoudus mont da selaou
an daouad anvet Zombie Zombie, sonerezh elektro-post-punk-death-disco
a vez graet ganto. Da heul e vo Principles of Geometry, ur strollad
eus Lille, sonerezh heñvel ouzh hini Boards of Canada pe Autechre.
|
|
|
|
|
|
Yodenn prun mirabel gant temzoù |
|
|
|
1,7 kg prun mirabel – 1 suraval glas –
300 g sukr – ¼ bazhig kannell – 1 c‘hreunenn jenevra
– 4 c‘hreunenn pebr du – 1 steredenn anis (badiane)
Aozit ar siros : diskargit en ur gastelodenn 150 g
sukr, 15 cl dour, chug ar suraval, greun ar pebr du, ar jenevra hag ar
steredenn anis. Degasit d'ar berv, lezit da skrijal 1 mn, tennit diwar dan ha
lezit da c‘hlec’hiañ. Diskargit ar prun mirabel war ar siros silet.
Meskit, digasit d’ar berv ha lezit da boazhañ 20 mn war dan gorrek. Servijit yen gant dienn skornet pe yaourt plaen. Mari Lubrano Lennit Bremañ an hañv!
Doare dilenn ar prezidant er Stadoù-Unanet, beaj daou falc'her
OGK en Chiapas, stourm tud Kreiz Breizh evit ospital Karaez, Skolaj Diwan al
Liger-Atlantel... Anv zo eus an holl draoù-se ha traoù all
c'hoazh e-barzh niverenn Bremañ Gouere-Eost 2008. An teuliad peder fajennad zo gouestlet en
niverenn-mañ d'an danvez-lezenn a denn d’an arzourien amatour. Rankout
a raio marteze an amatourien bezañ paeet evel tud a vicher evit kemer perzh
en abadennoù da baeañ. Festivalioù
bras ha bihan ar vro a c'hellfe bezañ lakaet en arvar bras neuze... Peder
fajennad ispisial a gaver ivez, gouestlet da zarvoudoù Mae 1968, savet gant
Lukian Kergoat. Heuliad al lodenn bet embannet e-barzh niv.
Miz Even Bremañ eo. Bep miz e kinnig ar gelaouenn Bremañ, abaoe
1980, pennadoù brezhonek a bep seurt, diwar-benn Breizh hag ar bed, kinniget
brav, e doare ur magazin. Embannet
gant Skol an Emsav (7 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Gwalc’hit ha diaskornit ar prun mirabel. En
ur girin, meskit anezho gant 150 g sukr ha lakait e glec’h un eurvezh.