|
|
|
|
|
|
|
|
|
|
Lun 25 a viz Eost,
niv.202 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
25 bloaz eo Radio Bro Gwened! |
|
|
|
Evit gouzout hiroc'h: http://radio.bro.gwened.free.fr/ |
|
|
|
|
|
D'ar Sadorn 30 a viz Eost e
lido Radio Bro Gwened e 25 bloaz. Unan eus ar c'hoshañ radioioù kevredigezhel
o kinnig abadennoù brezhonek eo, asambles gant Radio Kreiz Breizh. Ur chadenn
skingomz divyezhek eo Radio Bro Gwened, hag a eskemm hec’h abadennoù
brezhonek gant RKB, Radio Kerne hag Arvorig FM. War kae Plessis Pondi, e
krogo ul lid a bado etre 10e beure disadorn ha 2e beure disul. Staliet e vo
ul leurenn hag ur studio er-maez evit kinnig abadennoù war-eeun en div yezh
gant leun a dud pedet. Ur c'hendiviz a vo aozet diwar-benn stad ar radio kevredigezhel
hiziv an deiz. Ha leun a sonerezh ivez, gant ur pezh fest-noz d'ar Sadorn da
noz. Ouzhpenn 40 arzour ha strollad a vo tro da glevet! Gant Radio Bro Gwened
e vo aozet ivez "radiothon RBG": 42 eurvezh abadennoù. Digoust e vo
evit mont e-barzh.
|
|
|
|
|
|
EPR Finland: kudennoù bras all zo bet
dizoloet! |
|
|
|
E-pad ouzhpenn ur bloaz e
vefe bet aotreet gant Areva ha Bouygues e vefe graet labourioù-soudañ na oant
bet na gwiriet nag asantet en a-raok, ha kement-mañ o vezañ kuzhet da bennoù
bras ar vro! N'eo ket bet arnodet tamm ebet ar framm houarnaj, ha n'eo ket
posupl ken bremañ peogwir emañ soubet e-barzh ar betoñs, ha n'eo ket bet
gwiriet ha barrek pe get e oa al labourerien o soudañ. Marteze ne vefe ket ken
grevus-se kement-mañ ma vefe ar gudenn nemeti. Met war chanter an EPR finlandat
ez eus bet kavet e-tro 1000 darvoud nec'hus evit c'hoazh, daou vloaz dale a
zo gantañ, hag evit ar poent ez eus bet dispignet 2 miliard a euroioù ouzhpenn
ar pezh a oa raktreset (3,3 miliard a oa raktreset). Ha loc'het eo ar chanter
gall evit bezañ ken spontus all... M.M. Evit gouzout hiroc'h: pennad Greenpeace http://www.greenpeace.org/ an danevell resis war ar gudenn (PDF 4 bajenn) http://www.greenpeace.org/ |
|
|
|
|
|
Gant GreenPeace ez eus bet
graet ur brezegenn dirak ar gazetennerien d'an 13 a viz Eost e Finland,
e-lec'h ma lavare e oa bet dizoloet titouroù nevez o tamall an embregerezhioù
Areva ha Bouygues, e-barzh afer savidigezh ar greizenn EPR finlandat. Gant ar
gevredigezh ez eus bet kavet teulioù o devoa da chom kuzh, hag er re-se e
veze graet anv eus kudennoù surentez grevus a zo degouezhet gant labourioù
soudañ war unan eus pezhioù pennañ ar reaktor.
|
|
|
|
|
|
Sonic Youth
etc. : Sensational Fix diskouezadeg betek ar 7 a viz
Gwengolo – Life – Sant Nazer |
|
|
|
Ur wech tremenet ar sal gentañ (bale a reer war 5000
pladenn vinil) e splujer e bed ar strollad. Hag ouzhpenn sonerezh a zo, rak
engouestlet eo ar strollad e metoù an arz amerikan a vremañ: video,
taolennoù, staliadurioù, taolioù-arnod liesseurt: sed aze ar pezh a ginniger
deomp. Da bep hini da bourmen er sal evel ma kar, n’eus urzh ebet.
A-hed an oberennoù kinniget e kejer ouzh Willima Burroughs, Raymond Pettibon
pe c’hoazh Richard Kern. Kinniget e vez ivez oberennoù savet gant izili
ar strollad, Lee Ranaldo ha Kim Gordon. E foñs ar sal e c’haller
azezañ, lenn ur bern levrioù ha selaou pladennoù ar strollad en ur sellout
ouzh skritelloù o abadennoù. R.M. Diskouezadeg
digoust digor da Verc’her, Yaou ha Gwener : |
|
|
|
|
|
|
|
|
|
|
|
Marc'h-houarn: Priz Meur Ploue |
|
|
|
|
|
|
|
|
|
Dec'h beure e oa bet redet Elite Open Ploue. Un
taol kaer eo bet evit tud skipailh "Côtes d'Armor-Maître Jacques". An
trede hag ar c'hentañ plas war ar podiom zo aet gante! Labouret o doa kalz
asambles rederien ar skipailh war an hent. Deuet e oa a-benn pevar marc'hhouarner,
Yann Guyot ha Mathieu Halléguen en o zouez, da chom er strollad penn, ha,
tro-ha-tro, da grignat tamm-ha-tamm war lañs ar re a oa dirazo. Deuet int
a-benn da virout plas ar reder kentañ evit Yann Guyot er fin tout, goude ma
vefe bet Mathieu Halléguen o virout ar plas dezhañ e-kerzh al lodennoù eeun
diwezhañ. N'en deus ket Yann Guyot klasket kuzhat e oa laouen eus e drec'h:
500 metrad a-raok al linenn e oa o huchal gant al levenez! Ar reder a 22
vloaz zo e soñj dont da vezañ marc'hhouarner a-vicher, ha gounit redadeg
Ploue a zo un dra vat: niverus eo ar re zo aet ar maout ganto er redadeg-mañ
hag o deus kendalc'het da redek e-touez ar re a-vicher.
|
|
|
|
|
|
|
The Dark Knight (Batman – Le Chevalier Noir) |
|
|
|
Stadoù-Unanet Amerika - 2008 Seveniñ: Christopher Nolan
Goude daou film super-harozed dudius met un tammig
dipitus (Iron Man ha The Incredible Hulk) savet a-ziwar bannoù-treset
Marvel er bloaz-mañ, setu bremañ haroz DC comics war ar skrammoù en-dro. Gant
memes skipailh hag hini Batman Begins (souezhadenn blijus-tre) e oa
peadra da gaout c’hoant gwelet troioù-kaer nevez Batman. Ma ouzhpennomp
berzh ar film e miz Gouere er Stadoù-Unanet (1 miz pad e penn ar box office
hag eil dastumer arc’hant brasañ goude Titanic) hag ar "bruderezh"
a zo bet pa oa aet an aktor yaouank Heath Ledger (perzh ar Joker amañ hag
aktor e-barzh Brockeback Moutain, The Patriot, h.a) da anaon e
miz Genver 2008 hon eus bet tro da glevet kalz traoù diwar-benn ar film.
Penaos eo eta? Ur film teñval-tre a ziskouez mat perak n’eo ket Batman
evel an harozed all, gant eil-tudennoù dispar (Gordon, Harvey Dent), unan
drouk hoalus ha trelatus. Hir eo a lâr tud zo, met koulskoude n’eus
tamm abeg ebet e vefe berroc’h, pep lodenn a zo leun a nerzh. Un
oberenn beurvat pe dost. G.L. Kement ha gouzout
hiroc’h : http://thedarkknight.warnerbros.com/ ha http://www.whysoserious.com/ |
|
|
|
|
|
|
|
Sioulaet eo an traoù e Gotham City abaoe
m’eo krog Batman d’ober war-dro an dorfedourien a bep seurt gant
sikour ar poliser Gordon. Ouzhpenn-se, ar prokulor Harvey Dent a implij ar
justis hag ar sistem "boutin" evit lakaat anezho en
toull-bac’h. Bruce Wayne/Batman a c’hallfe tapout vakañsoù
marteze? Kentoc’h mat an traoù ma na vefe ket deuet ar Joker da blantañ
reuz. Gant e fent ispisial hag e spered kamm e krog da spontañ an holl. Betek
silañ douetañs e spered pep hini...
|
|
|
|
|
|
The Beatles – White Album |
|
|
|
D’ar mare-se n’int ket mui ur
strollad, pevar den o labourat pep hini diouzh e du ne lavaran ket. Gwell a
se a c’hallfemp lavaret zoken, pa glever an 30 kanaouenn kinniget amañ.
30 kanaouenn evit ijinañ ha diazezañ lod brasañ ar sonerezh bet sonet
war-lerc’h: indie pop (While My Guitar Gently Weeps, pe Harrison
o tiskouez e c’hall bezañ ken awenet ha Lennon pe McCartney a-fet sevel
tonioù, Sexy Sadie, Happiness Is a Warm Gun), lo-fi, anti-folk
(Don’t Pass Me By, savet gant Ringo Starr), sonerezh psikedelik
hag art rock (Revolution 9), punk (Helter Skelter, savet gant
McCartney) ha rock (Back in the USSR): peseurt strollad a zo deuet
a-benn, abaoe, da sevel un oberenn ken klok? Marteze The Clash gant London
Calling (fentus, pa soñjer e kanont "Phoney Beatlemania has beaten
the dust" war ar bladenn-se). R.M. Embannet gant Apple Ken pouezus all: The Beatles – Revolver
(1966) Er bloaz-mañ e vo kinniget ur wech ar miz ur
bladenn a-bouez en istor ar sonerezh amplaet. |
|
|
|
|
|
E 1968 emaomp, The Rolling Stones a
gendalc’h da glask nevesaat ar sonerezh blues (e 2008 e
kendalc’hont c’hoazh, nemet e vefe marv Keith Richards en
noz-mañ), padal e kav gwelloc’h The Beatles lakaat ar sonerezh pop
d’ober ur c’hammed war-raok.
|
|
|
|
|
|
Debriñ e ti Mari Glazioù (Piknikañ) Fardañ ar piknik evit 6 den |
|
|
|
Basit 6 vi gant 1 loaiad vras a eoul, 2 biñsad holen, ½ boked stragon, 1 boked serfilh diskolpet. Fardit 3 alumenn-vioù vihan an eil goude eben en ur billig eouliet. Diskargit war pep hini ur skejenn morzhed-hoc'h, roullit ha goloit anezho e-barzh ur film plastik kegin. Servijit yen, troc’het a dammoù. Taboule
glas Meskit 200g kouskous gant chug ur suraval, 20 cl a zour ha 4 loaid vras a eoul. Lakait un eurvezh er yenerez hag ouzhpennit un ½ kokombrezenn, 1 gourjetezenn ha kalon un achenn skourr, pep tra troc’het e karrezennoù bihan.
Digerit 6 baraenn vihan. Strimpit ar minvig gant ur banne eoul olivez. Gwarnisit gant "mesclun", 3 vi poazh-kalet, 3 zomatezenn troc’het a-skejennoù, 1 penn-ognon hag ur penn fanouilh–mor skejennet, 12 genougamm hiliennet, 1 voestad toun naturel hag 12 olivezenn zu. Dip
gant ricotta Meskit Muffin
gant flamboez Basit 1 vi gant ur fourchetez en ur bezel
hag ouzhpennit tamm-ha-tamm Mari Lubrano Lennit Bremañ an hañv!
Doare dilenn ar prezidant er Stadoù-Unanet, beaj daou
falc'her OGK en Chiapas, stourm tud Kreiz Breizh evit ospital Karaez, Skolaj
Diwan al Liger-Atlantel... Anv zo eus an holl draoù-se ha
traoù all c'hoazh e-barzh niverenn Bremañ Gouere-Eost 2008. An teuliad peder fajennad zo gouestlet en niverenn-mañ
d'an danvez-lezenn a denn d’an arzourien amatour. Rankout a raio
marteze an amatourien bezañ paeet evel tud a vicher evit kemer perzh en
abadennoù da baeañ. Festivalioù
bras ha bihan ar vro a c'hellfe bezañ lakaet en arvar bras neuze... Peder fajennad
ispisial a gaver ivez, gouestlet da zarvoudoù Mae 1968, savet gant Lukian
Kergoat. Heuliad al lodenn bet embannet e-barzh niv. Miz Even
Bremañ eo. Bep miz e kinnig ar gelaouenn Bremañ, abaoe
1980, pennadoù brezhonek a bep seurt, diwar-benn Breizh hag ar bed, kinniget
brav, e doare ur magazin. Embannet
gant Skol an Emsav (7 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
