|
|
|
|
|
|
|
|
|
|
Lun 24 a viz Eost, niv.249 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Gres o stourm a-enep d'an tan |
|
|
|
|
|
|
|
|
|
Abaoe digwener da noz e vez debret ul lodenn eus
Bro-C'hres gant an tan. E biz Aten, d'un 40 km bennak eus ar gêr-benn, e oa
kroget an tan-gwall, er maezioù. Gant sikour an avel greñv, en deus an tan
kendalc'het e hentad distruj war 30 km war-du ar Reter. 12000 hektar zo bet
devet etre digwener ha dec'h. Tachennoù gant tiez Menez Penteli zo bet tizhet,
e Norzh Aten. 20000 annezad Aghios Stefanos zo bet goulennet diganto tec'hout
kuit. Goulonderet ez eus bet ivez ospitalioù ha tiez retred da skouer. Daoust
da bep tra e chom lod eus annezidi ar c'humunioù taget (Aghios Stefanos,
Anthoussa, Pallini, Pikermi ha Dionyssos) a zibab chom evit klask gwareziñ o
zachenn kousto-pe-gousto. Un distruj meur eo, koulz evit ar savadurioù hag an
tachennoù labouret evit an natur hervez prefed rannvro Aten. 650 pomper zo
war ar plas o stourm, gant sikour 340 soudard, 136 kamion, daouzek karr-nij
ha seizh biñsaskell. Skoazell zo bet kaset da bomperien Gres gant Frañs hag Italia.
|
|
|
|
|
|
Kongo: o c'hortoz ar cheñchamantoù |
|
|
|
M.M. |
|
|
|
|
|
Klevet hor boa komz, e miz C'hwevrer, eus ar
raktresoù a oa e Kongo evit adlakaat sklaer an aotreoù da zigoadañ.
Betek-henn e oa amresis-tre an titouroù evit gouzout piv a oa aotreet da
zigoadañ peseurt tamm tachenn. D'ar mare-se e oa bet embannet gant ar Stad e
vefe lakaet e pleustr ur steuñv a rofe ar galloud en-dro d'ar Stad war ar
c'hoadeier, evit ma c'hellfe herzel ouzh an digoadañ e-maez lezenn. Nullet e
oa bet neuze un 60% bennak eus ar c'hontradoù digoadañ; Met hiziv koulskoude,
n'eo ket aet war-raok buan-tre an traoù. Raktreset e oa bet gant ar
gouarnamant aotren en-dro an digoadañ en un nebeud tiriadoù a oa bet lakaet
da vezañ gwarezet. Diwar kement-se e oa savet klemm bras gant ar geodedourien.
Ar gudenn bennañ eo dreist-holl ne oar netra ar re a zo o vevañ er c'hoadeier
pe e-kichen diwar-benn ar raktresoù, an aotreoù, hag all. Gwelet a reont un
nebeud tud o tont da zigoadañ, hep gouzout goude daoust hag-eñ eo diouzh al
lezenn pe n'eo ket. N'eus kartenn ebet ganto eus al lec'hioù aotreet hag ar
re diaotre. Dalc'homp soñj e vev kalz tud c'hoazh diwar ar c'hoadeier, hag eo
reoù Kongo an eil tiriad brasañ gant gwez, war-lerc'h koadeier Amazonia.
|
|
|
|
|
|
Qui a peur des artistes? Diskouezadeg e Palez an Arzoù,
Dinarzh |
|
|
|
Un
diskouezadeg ouzhpenn emezit-hu? Tamm ebet, rak ral eo gwelout e Breizh oberennoù
savet gant arzourien ken brudet evit ar pezh o deus degaset da istor an arzoù
en 20vet kantved. En holl e
vo tu deoc'h da sellout ouzh ouzhpenn 30 oberenn savet gant 60 arzour
disheñvel. Diazezet eo an dibab oberennoù war an temoù da-heul: an arz bihanañ
(pouezusoc'h eo ar mennozh evit an oberenn), istor an arzoù adwelet gant
arzourien a-vremañ, ikonennoù ar sevenadur pop degemeret en arzoù ha petra eo
an arzoù er gevredigezh beveziñ. Trawalc'h
reiñ un nebeud anvioù deoc'h da welout pegen dedennus e tlefe an diskouezadeg
bezañ: Josef Albers, Dan Flavin, Takashi Murakami, Paul McCarthy, Martial
Raysse, Mike Kelley, Cindy Sherman, Barbara Kruger, Damien Hirst.... koulz
lavarout arzourien bouezusañ dibenn an 20vet kantved - penn-kentañ ar 21añ
kantved. R.M. Diskouezadeg
digor bemdez (11e-7e, betek 9e da Wener) betek an 13 a viz Gwengolo. Mont
e-barzh: 4,50 euro / 2,50 euro. Katalog:
144 fajenn, 29 euro. Ne
zere ket an holl oberennoù d'ar vugale |
|
|
|
|
|
|
|
|
|
|
|
Mell-droad:
dalc'h Roazhoniz e-tal Marsilhiz (1-1) |
|
|
|
|
|
|
|
|
|
Disadorn e oa bet emgav
meur kentañ bloavezh nevez ar Rummad 1añ evit Roazhoniz. E-tal an OM e oant
evit an devezhiad 3. Un taol-arnod sirius e oa neuze, a-benn muzuliañ
perzhioù kreñv pe wan skipailh nevesaet Stad Roazhon. Hanterenn gentañ ar
c'hrogad he deus diskouezet pegen buhezek ha youlek e oa skipailh ar re
ruz-ha-du. Prim evit cheñch plas, bec'h o deus lakaet war choug Marsilhiz,
gant taolioù-adtapout an daouad Fabien Lemoine-Yohan M'Vila. Daoust d'e 35 bloaz
ne oa ket chomet Jérôme Leroy da ruzañ war ar bank: argadet en deus dibaouez,
ha deuet eo a-benn da blantañ ar pal kentañ bet tapet gant an OM er bloaz-mañ,
d'ar 36vet munutenn. E fin an hanterenn gentañ eo echu souezhadenn ar re
glaz-ha-gwenn (daou c'hoarier a zo cheñchet gant Didier Deschamps). Ar pal
a lakaio an daou skipailh rampo a vo lakaet gant Mamadou Niang (52vet) neuze.
Eil hanterenn ar c'hrogad zo bet tenn gant Roazhoniz tagus ha Marsilhiz aozet
kalz gwelloc'h. Daoust d'ar gourdoner Frédéric Antonetti bezañ bet dipitet
gant an niver a balioù (daou zo bet lezet da vont evitañ), o deus Roazhoniz
diskouezet e c'hellent lakaat diaes ur skipailh eus penn uhelañ ar Rummad 1.
Dav e vo dezho bezañ ken tagnous all er c'hrogadoù da zont, gant Lens ha
Saint-Etienne.
|
|
|
|
|
|
|
9 (Numéro 9) |
|
|
|
Stadoù-Unanet Amerika - 2008 Seveniñ : Shane Acker
N’eo ket dibar istor
9, dre m’eo klasel an tem-se (Terminator, Matrix). Stumm
an tudennoù hag ar mekanikoù al lak ivez da soñjal e filmoù all evel Star
Wars da skouer. Met n’eo ket grevus. Plijus eo an daveoù-se a-benn
ar fin ha ganto e sav un aergelc’h ispisial hag a zo dispar er film. Ur
bern mennozhioù mat a zo, ar skeudennoù a zo brav ha dreist-holl e seblant ar
film bevaat-mañ bezañ savet evit krennarded ha tud deuet kentoc’h eget
evit bugale (un tamm e doare Titan AE). Moarvat ne raio ket berzh, met
un drugar eo da welet koulskoude. G.L. Avatar Stadoù-Unanet Amerika – 2008
Evel-just e seblant Avatar bezañ ur film
troioù-kaer ha faltazi klasel e framm, met ret eo anzav ez eo brav eston ar
skeudennoù ha brav-tre an disoc’h e 3D. Ur film a gloto mat-tre gant
mare vakañsoù Nedeleg moarvat! G.L. |
|
|
|
|
|
|
|
Dihuniñ a ra 9, ur boulomig
iskis, en ur bed distrujet penn-da-benn. Ur brezel bras a zo bet etre mab-den
hag ar mekanikoù krouet gantañ ha n’eus boud bev ebet ken. Dizoloiñ a
ra 9 ez eus "tud" all eveltañ, o klask treuzvevañ. Ha pa vez tapet
2 gant "al loen" e klask broudañ ar strollad da vont da stourm ouzh
ar mekanikoù a chom.
|
|
|
|
|
|
Festibigoud ha Festival Sant-Nolf |
|
|
|
Evit an eil gwech e vo
kinniget festibigoud gant ur gevredigezh enni yaouankiz ar Vro Vigoudenn. War
dachenn Kervazegan (Pont-'n-Abad) e vo, a-benn ar Sadorn 29. Unan eus
dibarderioù ar festival-se eo ar fed e kinniger selaou sonerien nebeut
anavezet, hag an holl anezho eus Breizh. Yann Selaouer a gavo peadra, rak a
bep seurt sonerezh a vo: rock fuzion gant Kenarize Crew, rock garage, r'n'b
ha swing gant The Foves, metal gant Euterpe, ska punk gant Taxi Brousse,
reggae hip hop gant Maracu 'Jah ha rock pop gant Hot Tramp. 3 euro ar mont
e-barzh. A-benn ar Sadorn 12 a viz
Gwengolo e vo aozet festival Sant-Nolf, gant arzourien brudetoc'h, hag a bep
seurt a vo i R.M. Muioc'h a ditouroù : |
|
|
|
|
|
|
|
|
|
|
|
Prederiañ ha kaozeal e brezhoneg, e Brest |
|
|
|
D'an 8 a viz Gwengolo : "Tu zo kelenn forzh
petra dre ar brezhoneg, jedoniezh, prederouriezh, h.a.?" (gant Jakez
ar Borgn, kelenner war ar jedoniezh) D'an 6 a viz Here : "Bez’ ez eus un dra
bennak evel ur mousfent breizhek pe vrezhonek?" (gant Herve Lossec,
konter istorioù fentus) D'an 2 a viz Du: "Kristianelezh Breizh a
zo ganti ul liv roman pe geltiek?" (gant Job an Irien, beleg) D'ar 1añ a viz Kerzu: "Bretoned veur dre ar
Bed, a-hed ar c'hantvedoù" (gant Bernez an Nail, embanner)
Goude ur bloavezh sabatek en deus Pol Brezhoneg Skol
an Emsav embannet un deiziataer hollvrezhonek adarre evit 2010. Adkavet e vo ar stumm klasel a blije d’an dud.
17cm uhelder ha 9cm ledander, gant ar skrid a-led. En ur golo plastik du
ha gwenn e vo kavet an deiziataer, pevar liv penn-da-benn, hag en e
gichen ur c’harnedig all hag a c’hallo bezañ miret a vloaz
da vloaz, ennañ roll kumunioù Breizh hag ar chomlec'hioù merket gant an dud. Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000 Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ Gouere hag Eost 2009
An teuliad peder fajennad zo gouestlet en hañv-mañ da
vevañ e arz. Krouiñ dilhad (Christelle Kerbaul, Stered), ijinañ dizagnoù
dic'hortoz (Qlonee), pe fardañ bravigoù personelaet (Mevena), kavet e vo aze
pennadoù-kaoz gant krouerien o deus divizet obet gant o arz war ar pemdez
evel micher da vat pe evel dudi. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
D'an 8 a viz Gwengolo da zont e vo boulc'het gant
ur rummad emgavioù kinniget bep miz (bep Meurzh kentañ ar miz, war bouez evit
Gwengolo) er stal levrioù Dialogues, straed Siam, e Brest. Un abadenn
vrezhonek e vo, "A gav dit ?" hec'h anv, aozet gant Mikeal
Treger, da 6 eur noz. Dibabet vo un danvez ha pedet un den evit digeriñ
ar gaozeadenn. Roet ar gaoz d'ar re o devo c'hoant d'he zapout, e brezhoneg
penn-da-benn. Laouen e vo an aozerien da zegemer ar muiañ ar gwellañ a dud eus
Bro-Vrest hag eus ar bed a-bezh evel-just! Sed amañ roll an temoù a vo
kinniget:
