|
|
|
|
|
|
|
|
|
|
Lun 17 a viz Eost, niv.248 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Beajiñ en-dro etre an "div" Korea |
|
|
|
|
|
|
|
|
|
Hervez un ajañs kelaouiñ eus Korea an Norzh, KCNA,
en deus divizet gouarnamant Pyongyang aotren ar beajoù touristel hag ar
beajoù evit ar familhoù dispartiet etre an div Stad. An diviz-mañ zo bet
kemeret gant Stad Kim Jong-il goude emgavioù gant renerez ar strollad
greantel Hyundai, Hyon Jeong-eun, a c'houlenne e vefe lezet da vont un
implijad bet harzet, ha gant prezidant kozh ar Stadoù-Unanet, Bill Clinton, a
oa deuet eñ da c'houlenn e vefe dieubet daou gelaouenner amerikan. Meret e
vez gant Hyundai obererezhioù touristel e Korea an Norzh, koulz hag un takad
greantel, Kaesong, lec'h ma’z eus aet meur a embregerezh eus Korea ar
Su da zigeriñ adstalioù. Tu vo da Goreaned ar Su distreiñ da Menez Kumgang, a
oa berzet d'an douristed abaoe bloaz goude ma vefe bet lazhet ur Goreanez ar
Su gant eus soudard eus an Norzh, ha Menez Paektu, lec'h ma vefe bet ganet
Kim Jong-il, hervez istor ofisiel renad Korea an Norzh.
|
|
|
|
|
|
Kongo : o c'hortoz ar cheñchamantoù |
|
|
|
M.M. |
|
|
|
|
|
Klevet hor boa komz, e miz C'hwevrer,
eus ar raktresoù a oa e Kongo evit adlakaat sklaer an aotreoù da zigoadañ.
Betek-henn e oa amresis-tre an titouroù evit gouzout piv a oa aotreet da
zigoadañ peseurt tamm tachenn. D'ar mare-se e oa bet embannet gant ar Stad e
vefe lakaet e pleustr ur steuñv a rofe ar galloud en-dro d'ar Stad war ar
c'hoadeier, evit ma c'hellfe herzel ouzh an digoadañ e-maez lezenn. Nullet e
oa bet neuze un 60% bennak eus ar c'hontradoù digoadañ; Met hiziv koulskoude,
n'eo ket aet war-raok buan-tre an traoù. Raktreset e oa bet gant ar
gouarnamant aotren en-dro an digoadañ en un nebeud tiriadoù a oa bet lakaet
da vezañ gwarezet. Diwar kement-se e oa savet klemm bras gant ar
geodedourien. Ar gudenn bennañ eo dreist-holl ne oar netra ar re a zo o vevañ
er c'hoadeier pe e-kichen diwar-benn ar raktresoù, an aotreoù, hag all.
Gwelet a reont un nebeud tud o tont da zigoadañ, hep gouzout goude daoust
hag-eñ eo diouzh al lezenn pe n'eo ket. N'eus kartenn ebet ganto eus al
lec'hioù aotreet hag ar re diaotre. Dalc'homp soñj e vev kalz tud c'hoazh
diwar ar c'hoadeier, hag eo reoù Kongo an eil tiriad brasañ gant gwez,
war-lerc'h koadeier Amazonia.
|
|
|
|
|
|
Qui a peur des artistes? Diskouezadeg e Palez an Arzoù,
Dinarzh |
|
|
|
Un
diskouezadeg ouzhpenn emezit-hu? Tamm ebet, rak ral eo gwelout e Breizh oberennoù
savet gant arzourien ken brudet evit ar pezh o deus degaset da istor an arzoù
en 20vet kantved. En holl e
vo tu deoc'h da sellout ouzh ouzhpenn 30 oberenn savet gant 60 arzour
disheñvel. Diazezet eo an dibab oberennoù war an temoù da-heul: an arz bihanañ
(pouezusoc'h eo ar mennozh evit an oberenn), istor an arzoù adwelet gant
arzourien a-vremañ, ikonennoù ar sevenadur pop degemeret en arzoù ha petra eo
an arzoù er gevredigezh beveziñ. Trawalc'h
reiñ un nebeud anvioù deoc'h da welout pegen dedennus e tlefe an diskouezadeg
bezañ: Josef Albers, Dan Flavin, Takashi Murakami, Paul McCarthy, Martial
Raysse, Mike Kelley, Cindy Sherman, Barbara Kruger, Damien Hirst.... koulz
lavarout arzourien bouezusañ dibenn an 20vet kantved - penn-kentañ ar 21añ
kantved. R.M. Diskouezadeg
digor bemdez (11e-7e, betek 9e da Wener) betek an 13 a viz Gwengolo. Mont
e-barzh: 4,50 euro / 2,50 euro. Katalog:
144 fajenn, 29 euro. Ne
zere ket an holl oberennoù d'ar vugale
e
Plourin-Montroulez Un
diskouezadeg oberennoù savet gant arzourien ar bodad "Poellgor an
Tarv" a vo kinniget e Plourin-Montroulez. Etre an 11 a viz Gouere hag an
22 a viz Eost e vo tu da welet livadurioù ha kizelladurioù Joanna Mac Kenzie
Farmer, Fabrice Lentz, Armel ar Sec’h (skeudenn), Vincent Cortin,
Jeannette Leuers, Yoann Lanoé, Théo, Frank Renaudineau ha Nolwenn Guillou, e
mediaoueg an Ti-kêr. Ul lid digeriñ a vo aozet d'ar Gwener 10 a viz Gouere,
adalek 6e30 noz, gant an arzourien, dilennidi ha skipailh Ti-kêr
Plourin-Montroulez. Digor
etre ar Meurzh hag ar Sadorn. Titouroù : 02 98 72 51 55 |
|
|
|
|
|
"Hentoù ar C'hrouiñ"
|
|
|
|
|
|
Ur
rekord nevez evit ar reder Usain Bolt |
|
|
|
|
|
|
|
|
|
Dec'h e oa bet tizhet ur rekord
nevez gant ar reder jamaikan Usain Bolt. E Gourfenn ar 100 metrad e rede ar
Jamaikan 22 vloaz. Sebezet en deus an engroez p'en deus graet gwelloc'h eget
ar rekord diwezhañ tapet e C'hoarioù Olimpek Beijing gantañ warlene, da
9"69. Deuet eo a-benn da wellaat e rekord eus 11 kantvedenn, en ur redek
100 metrad e 9"58. O tostaat emañ Usain Bolt tamm-ha-tamm eus ar
"vevenn" skiantel (teorikel) a 9"50 evit un den. En e gichen
war ar podiom e oa an Amerikan Tyson Gay, gantañ an amzer a 9"71, ar
rekord stadunanat nevez. Da drede e oa erruet ur c'henbroad da Usain Bolt,
Asafa Powell, gant 9"84. E Berlin e oa Kampionadoù ar Bed Atleterezh, er
Stadiom Olimpek, dres lec'h ma oa bet dastumet, 73 vloaz zo, teir medalenn
aour gant an amerikan du Jesse Owens, e 1936.
|
|
|
|
|
|
|
Pobloù ar C’haokaz hag ar c’hleweled e brezhoneg 32e Gouel ar Filmoù e Douarnenez Etre an 22 hag an 29 a viz Eost 2009 |
|
|
|
Abadennoù e brezhoneg a vez ivez e Gouel ar
Filmoù, evel-just, dreist-holl er bloaz-mañ pa vo kinniget d’an dud ur
“Prenestr digor war ar c’hleweded e brezhoneg” etre ar 27
hag an 29. E-touez traoù all e vo aozet un daol-grenn da 3 eur d’ar 27
e Ti ar re yaouank hag ar sevenadur ha filmoù faltazi brezhonek (hep
istitloù) a vo skignet da-heul adalek 5 eur. Traoù zo d’ober war
dachenn ar c’hleweled e brezhoneg ha, dres, ur strollad nevez, TV
Tasmant e anv, zo en em grouet gant ar c’hoant ober ha n’eo ket
grozmolat war ar pezh ne vez ket graet. War al lec’h e vo an tasmantoù
e Douarnenez d’an deiz-se gant ar c’hoant kas ar Schmilblick
war-raok. Hag evel er bloavezhioù all e vo skipailh Gwagenn
o sevel danevell bemdeziek ar Festival. Meriadeg Vallerie Kement ha gouzout
hiroc’h: |
|
|
|
|
|
|
|
E kreizig-kreiz ar c’heleier e oa brezel
Jorjia warlene pa oa bet dilennet ar C’haokaz da dem evit dalc’h
2009 Gouel ar Filmoù e Douarnenez. Hag e-kreiz ar c’heleier emañ bepred
pa oa bet drouklazhet difennerien eus gwirioù mab-den e Tchetchenia ar sizhun
tremenet c’hoazh. Evel bep bloaz, dre filmoù, divizoù, levrioù ha
kement zo, e vo ar festival ul lec’h eus an dibab da c’houzout ar
perag hag ar penaoz eus ar pezh a c’hoarvez e lec’h all.
|
|
|
|
|
|
Astropolis ha La Route du Rock |
|
|
|
Dibar e oa ar programm bet
savet gant aozerien Astropolis er bloaz-mañ. D'ar Yaou 6 e oa niverus-tre an
dud war porzh Brest oc'h arvestiñ ouzh sonadeg fentus hag efedus alamaned
Puppetmastaz, ur strollad hag a oar echuiñ e sonadegoù (ar re a oa eno a
gompreno). War o lerc'h e sonas Naive New Beaters... Lakaomp e oa dereat un
hanter eus an tonioù. Da-heul ez ejomp war-du ar Garenn, ma sone Troy Pierce
ha Richie Hawtin. Ganto ez eus bet kinniget sonadegoù elektro bihanañ eus ar
re wellañ: tonioù eeun ha direbech, sonioù boud evel gwagennoù a luske an
holl dud bodet er sal.
Ur wech ouzhpenn e oa
brav-eston ar c'hinklañ bet aozet gant Aquabassimo ha mat-tre ar sonadegoù:
punk da vat gant Naonediz Sexy
Sushi ha Conne Action (merc'hed eus Brest) war al leurenn
Mekanik, jungle gant Roni Size, elektro eus ar c'hentañ gant Erol Alkan, Surkin
ha Sven Väth en Astrofloor.... Betek 8e30
d'ar Sul vintin. 15 vloaz goude e grouidigezh ez eo anat ez eo deuet
Astropolis da vezañ unan eus festivalioù sonerezh elektronek gwellañ ar
C'hwec'hkorn. Unan eus ar re a vent dereat ivez: 10000 den a zegemerer d'ar
muiañ e porzh ar maner, sed un dibab a laka an aergelc'h da vezañ plijus.
Trugarez ivez d'an aozerien evit o degemer c'hwek.
R.M. |
|
|
|
|
|
Un tamm ehan a rejomp d'ar
Gwener, ha bec'h dei en-dro d'ar Sadorn evit an nozvezh diwezhañ e porzh
maner Keroual (skeudenn 1 @ Gildas Raffenel). 
Talvoudus e oa kaout ur
sizhunvezh diskuizh a-raok mont betek Sant-Maloù. Daoust ma oa peadra d'ar
Sadorn (Peaches, The Kills) ha d'ar Sul (Autokratz, Dominique A) ez eo ar
Gwener a zibabjomp. Dav anzav e voe dipitus sonadeg Deerhunter. N'eo ket
trawalc'h bezañ ur strollad amerikan diouzh ar c'hiz, dav eo kaout un dra
bennak da ginnig war al leurenn. Hini Tortoise ne oa ket fall, daoust ma
ranker lavarout ez eo diaes lakaat arvesterien ur festival da vezañ desachet
gant sonerezh post-rock. Ma. E gwirionez e oamp deuet evit ar strollad a sone
war o lerc'h ha ne voemp ket dipitet. P'en em gavas My Bloody Valentine
(skeudenn 2) war al leurenn e oa un tammig evel ma vijemp bet e-kichen ur
menez-tan pe war un aerborzh o selaou kirri-nij o tibradañ, ur bed a-bezh o
kouezhañ en e boull. Stouvoù divskouarn ret evit bezañ gouest da c'houzañv
abadenn wellañ an nozvezh: tost un eurvezh hanter a larsen hag a drouz
didroc'h. Ul lodenn vat eus an albom Loveless a voe sonet gant ar strollad,
hag echuiñ a rejont gant You Made Me Realise, gant 10 munutenn trouz
dibaouez e-kreiz an ton. Sonadeg an hañv e voe.
|
|
|
|
|
|
Un enklask war ar bezhin glas
goulennet |
|
|
|
Goude ur bloavezh sabatek en deus Pol Brezhoneg Skol
an Emsav embannet un deiziataer hollvrezhonek adarre evit 2010. Adkavet e vo ar stumm klasel a blije d’an dud.
17cm uhelder ha 9cm ledander, gant ar skrid a-led. En ur golo plastik du
ha gwenn e vo kavet an deiziataer, pevar liv penn-da-benn, hag en e
gichen ur c’harnedig all hag a c’hallo bezañ miret a vloaz
da vloaz, ennañ roll kumunioù Breizh hag ar chomlec'hioù merket gant an dud. Ur benveg talvoudus evit ober gant ar brezhoneg
bemdez! Kasit ur chekenn 12€ da: Skol an Emsav, 25 straed Pierre Martin, 35000 Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ Gouere hag Eost 2009
An teuliad peder fajennad zo gouestlet en hañv-mañ da
vevañ e arz. Krouiñ dilhad (Christelle Kerbaul, Stered), ijinañ dizagnoù
dic'hortoz (Qlonee), pe fardañ bravigoù personelaet (Mevena), kavet e vo aze
pennadoù-kaoz gant krouerien o deus divizet obet gant o arz war ar pemdez
evel micher da vat pe evel dudi. Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Pemzektez zo e oa c'hoarvezet ur gwallzarvoud war
traezhenn Lokmikael-an-Traezh, e Treger, gant ur marc'heger hag e loen.
Marvet eo ar marc'h buan-tre goude bezañ bet kouezhet en ul lec'hidenn,
e-kreiz ar bezhin glas manet war an draezhenn. Ar marc'heger zo bet sikouret
gant ur bezhiner a oa nepell. Ranket en deus mont d'an opistal. Kaset eo bet
gwad ar marc'h da vezañ dielfennet a-benn gouzout hag-eñ ez eus ul liamm da
vat etre ar gaz
