|
|
|
|
|
|
|
|
|
|
Lun 18 a viz Eost,
niv.201 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
An Dalai-Lama e Naoned digwener |
|
|
|
|
|
|
|
|
|
Ur brezegenn diwar-benn relijion Bouddha a oa bet
distaget digwener tremenet goude merenn gant an Dalai-Lama. Ouzhpenn 7000 den
a oa bodet e sal Zenith Naoned, ha tud all a oa en diavaez evit selaou komzoù
penn ar voudaegezh tibetan war skrammoù bras. Ar pal a oa kinnig filozofiezh
ar voudaegezh d'an dud dre vras. Degemer e bersonelezh evit kaout peoc'h
gantañ e-unan, gouzout merañ e santadoù, lakaat e spered da blegañ d'an druez
ouzh ar re all, d'ar genskoazell. Deskadurezh ar galon en deus broudet: dont
a-benn da gavout diskoulmoù d'an enkadennoù dre an eskemmoù frank ha n'eo ket
en ur vezañ feuls. Disklêriet en deus eo dic'hizet ar feulster, hag en doa
spi e vefe deneloc'h an 21vet kantved, a rankfe bezañ kantved an eskemmoù.
E-maez ar Zenith e oa ivez ur 500 boudaad a oa o vanifestiñ a-enep d'an
Dalai-Lama. Hervezo e vefe berzet gantañ ober gant un hentad relijiel all,
evit azeuliñ un doue lec'hel, Dordje Shougden. 
|
|
|
|
|
|
Ar produoù OGK o tiorren en Azia |
|
|
|
E Viet-Nâm ez eus bet
divizet lakaat al labourerien-douar d'ober gant produoù OGK evit paouez da rankout
lakaat an danvezioù diazez da zont eus an diavaez. Betek 70% a broduoù OGK en
deus c'hoant ar gouarnamant ma vefe implijet gant al labourerien-douar e 2020
! Koulskoude ne vez ket produet produoù OGK evit ar poent e Viet-Nâm, hag
emskiant eo ar gouarnamant eus ar riskloù zo e-keñver liesseurted ar plant
gant ur c'hementad ken bras a broduoù OGK. M.M. |
|
|
|
|
|
Emañ
Sina o paouez disklêriañ e oa o vont da c'houestlañ kalz arc'hant ouzhpenn
(400 milion a euroioù) d'an enklask war ar produoù OGK. Perak ‘ta
? Peogwir eo gant embregerezhioù eus ar Stadoù Unanet pe eus Europa e vez
savet an darn vrasañ eus ar produoù-se evit ar poent, ha dre ma vez perc'henn
an embregerezhioù war ar genoù savet ganto e talvez e kemeront muioc'h-mui a
c'halloud evit ar pezh a sell ouzh perc'henniezh an hadoù. Evit gallout bezañ
dizalc'h diouzh broioù ar C'hornog e-keñver ar gwirioù-ijin, hag evit abegoù
arc'hant ha surentez ar boued emañ Sina o vont da sevel enklaskoù evit kaout
he Genoù Kemmet dezhi hec'h-unan, evit an ed hag evit ar riz dreist-holl.
|
|
|
|
|
|
Sonic Youth
etc. : Sensational Fix diskouezadeg betek ar 7 a viz
Gwengolo – Life – Sant Nazer |
|
|
|
Ur wech tremenet ar sal
gentañ (bale a reer war 5000 pladenn vinil) e splujer e bed ar strollad. Hag
ouzhpenn sonerezh a zo, rak engouestlet eo ar strollad e metoù an arz
amerikan a vremañ: video, taolennoù, staliadurioù, taolioù-arnod liesseurt:
sed aze ar pezh a ginniger deomp. Da bep hini da bourmen er sal evel ma kar,
n’eus urzh ebet. A-hed an oberennoù kinniget e kejer ouzh Willima
Burroughs, Raymond Pettibon pe c’hoazh Richard Kern. Kinniget e vez
ivez oberennoù savet gant izili ar strollad, Lee Ranaldo ha Kim Gordon. E foñs
ar sal e c’haller azezañ, lenn ur bern levrioù ha selaou pladennoù ar
strollad en ur sellout ouzh skritelloù o abadennoù. R.M. Diskouezadeg digoust digor da Verc’her, Yaou
ha Gwener : |
|
|
|
|
|
D’ar Sadorn
|
|
|
|
|
|
Rallye Alamagn: Sébastien Loeb trec'h
adarre |
|
|
|
|
|
|
|
|
|
A-dreñv rod-stur ar Citroën C4 en doa tremenet Sébastien
Loeb pennlinenn Rallye Alamagn dec'h, goude 3e24min19s war an hent. Un taol
kaer eo bet evit ar stal Citroën redadeg dec'h, gant Dani Sorbo o pignat war
eil plas ar podiom. Hemañ ivez a oa o vleniañ ur C4 (erruet eo 47min goude
Loeb). Abaoe m'emañ ar Rallye-mañ war deiziataer rallye-où ar bed, e 2002, eo
bet gounezet bet taol gant Sébatsien Loeb hag e heñcher Daniel Elena! Seizh
gwech eo aet ar maout ganto ivez er bloaz-mañ, war dek rallye graet ganto. Er
rann Junior e oa ur Sébastien all o vleniañ ur Citroën, Sébastien Ogier gant
ur C2. Aet eo ar maout gantañ ivez (an trede gwech er bloaz-mañ), ha resevet
en deus gourc'hemennoù digant Loeb evit e redadeg.
|
|
|
|
|
|
|
L’Empreinte de l’Ange |
|
|
|
Frañs – 2008 Senario
ha seveniñ : Safy Nebbou
Mougus a-walc’h eo tamm kentañ ar film ma ne
ouzer ket c’hoazh petra zo o c’hoari. Un aergelc’h stegn a
stal Safy Nebbou dre emzalc’h iskis tudenn Catherine Frot. E-keit-se e
tenn L’Empreinte de l’Ange d’un abadenn skinwel war
ur sujed psikologel, ur film troet brav a-walc’h met didalvez un tamm,
e-giz ma c’hoarvez alies er sinema gall. En eil tamm e tro an istor
d’un dra kalz soutiloc’h, ur seurt polar benel ma oar Nebbou
c’hoari gant e arvester evel ma rae Hitchcock. Meriadeg Vallerie |
|
|
|
|
|
|
|
Diaesterioù boutin
a c’houzañv Elsa
|
|
|
|
|
|
Astropolis 2008 e park maner Keroual |
|
|
|
En ur mod ne oa ket dav
mont betek al leurenn Mekanik (elektro hard-core): war al leurennoù all ivez
e oa startijenn forzh pegement. Adalek 11 eur eo pignet an aergelc’h
war al leurenn Hip to drum gant abadenn DJ Pone, ha hini Mix Master Mike (DJ
ar strollad Beastie Boys), hag int o veskañ luskoù elektro gant tonioù rock,
grunge pe punk. Berzh o deus graet. Dreist ivez, abadenn Yuksek
(elektro eeun hag efedus-tre) war al leurenn Astrofloor, ha dreist-holl hini
Birdy Nam Nam (kalz gwelloc’h evit ar pezh o doa kinniget e Roazhon un
nebeud bloavezhioù zo), hag o deus lakaet an holl da sevel an divrec’h
ha da zañsal. Goude-se eo deuet Boys Noize, un abadenn vat, memes ma oa diaes
tremen goude Birdy Nam Nam. Dibosupl eo chom hep menegiñ marathon Derrick May
er Porzh: kroget e abadenn da 1 eur 30, echuet war-dro 8 eur vintin. Un
abadenn sonerezh tekno bihanañ eus ar re wellañ, en ul lec’h kinklet
a-feson gant 48 skramm staliet gant Aquabassimo (skeudenn). R.M. |
|
|
|
|
|
Echu eo Astropolis evit ar bloaz-mañ. Evel boaz ez
eo deuet al lod vrasañ eus an dud evit an nozvezh diwezhañ aozet e park maner
Keroual. En holl peder leurenn eno, peadra evit an 10000 den a oa war al
lec’h. Hep disoñjal Miss Pop, hag a ginnige 3000 dilhad disheñvel evit
ma c’hallfe an dud en em dreuzwiskañ evit an nozvezh.
|
|
|
|
|
|
Debriñ e ti Mari Glazioù (Piknikañ) Fardañ ar piknik evit 6 den |
|
|
|
Basit 6 vi gant 1 loaiad vras a eoul, 2 biñsad holen, ½ boked stragon, 1 boked serfilh diskolpet. Fardit 3 alumenn-vioù vihan an eil goude eben en ur billig eouliet. Diskargit war pep hini ur skejenn morzhed-hoc'h, roullit ha goloit anezho e-barzh ur film plastik kegin. Servijit yen, troc’het a dammoù. Taboule
glas Meskit 200g kouskous gant chug ur suraval, 20 cl a zour ha 4 loaid vras a eoul. Lakait un eurvezh er yenerez hag ouzhpennit un ½ kokombrezenn, 1 gourjetezenn ha kalon un achenn skourr, pep tra troc’het e karrezennoù bihan.
Digerit 6 baraenn vihan. Strimpit ar minvig gant ur banne eoul olivez. Gwarnisit gant "mesclun", 3 vi poazh-kalet, 3 zomatezenn troc’het a-skejennoù, 1 penn-ognon hag ur penn fanouilh–mor skejennet, 12 genougamm hiliennet, 1 voestad toun naturel hag 12 olivezenn zu. Dip
gant ricotta Meskit Muffin
gant flamboez Basit 1 vi gant ur fourchetez en ur bezel
hag ouzhpennit tamm-ha-tamm Mari Lubrano Lennit Bremañ an hañv!
Doare dilenn ar prezidant er Stadoù-Unanet, beaj daou falc'her
OGK en Chiapas, stourm tud Kreiz Breizh evit ospital Karaez, Skolaj Diwan al
Liger-Atlantel... Anv zo eus an holl draoù-se ha traoù all
c'hoazh e-barzh niverenn Bremañ Gouere-Eost 2008. An teuliad peder fajennad zo gouestlet en
niverenn-mañ d'an danvez-lezenn a denn d’an arzourien amatour. Rankout
a raio marteze an amatourien bezañ paeet evel tud a vicher evit kemer perzh
en abadennoù da baeañ. Festivalioù
bras ha bihan ar vro a c'hellfe bezañ lakaet en arvar bras neuze... Peder
fajennad ispisial a gaver ivez, gouestlet da zarvoudoù Mae 1968, savet gant
Lukian Kergoat. Heuliad al lodenn bet embannet e-barzh niv.
Miz Even Bremañ eo. Bep miz e kinnig ar gelaouenn Bremañ, abaoe
1980, pennadoù brezhonek a bep seurt, diwar-benn Breizh hag ar bed, kinniget
brav, e doare ur magazin. Embannet
gant Skol an Emsav (7 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
