|
|
|
|
|
|
|
|
|
|
Lun 6 a viz Gouere, niv.246 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Kantadoù a dud gloazet ha lazhet e Urumqi |
|
|
|
|
|
|
|
|
|
Kêr-benn rannvro emren Winjiang eo Urumqi. Er c'hornad-se
e vev pobl ar Ouigoured, lakaet da vihanniver tamm-ha-tamm gant politikerezh
Sina da vroudañ Haned (pobl brasañniver "Republik ar Bobl") d'en em
staliañ du-se. Du-se ez eo tarzhet ar feulster dec'h, etre Ouigoured ha
Haned. Nerzhioù polis bras zo bet kaset. Daoust dezho ensellañ an titouroù
kaset dre ar Genrouedad, o deus skeudennoù zo kavet o hent war-du an
estrenvro dre Youtube, Twitter hag all. 140 den a vefe bet lazhet en emgannoù
hag ouzhpenn 800 den gloazet. Evit poent e chom dispis abegoù ar reuz. Stad
Sina a damall Kendalc'h Ouigoured ar Bed. Ouzhpenn 8 milion a Ouigoured zo er
Xinjiang, turkegerien ha muzulmaned int, hag evel Tibetiz, e rebechont da
Stad Sina gwaskañ anezho ha nac'hañ dezho o gwirioù diazez.
|
|
|
|
|
|
Bevliesseurtegezh: un diskar
fonnusoc'h-fonnusañ |
|
|
|
Evit gouzout hiroc'h: www.iucn.org |
|
|
|
|
|
Bep pevar bloaz e sav Unaniezh ar Bed evit Gwarez
an Natur (UICN) ur bilañs meur eus stad liesseurted ar boudoù bev war hor
planedenn. Studiadenn 2009, bet embannet d'an 2 a viz Gouere a lak splann
emañ war ziskar an niver a spesadoù, d'ul lusk fonnus-kenañ. Sellet a ra
a-dost an aozadur ouzh ur roll 45000 spesad (loened ha plant). Ul lodennig
hepken eo eus bevliesseurtegezh an Douar, a c'hellfe degemer e-tro 15 milion
a spesadoù, 1.8 milion bet anavezet ha deskrivet gant mab-den. Diwar ar 45000
spesad studiet-se, 16928 zo war-nes mont da get, da lavaret ur spesad evn
diwar eizh, ur spesad bronneg diwar bevar hag ur spesad divelfenneg diwar
dri. Souezhusat tra, ar spesadoù implijet gant mab-den evit debriñ pe fardañ
louzoù zo en arvar ivez. 36% eus ar bronneged debret gant an mab-den zo en
arvar. An abegoù lakaet en a-raok gant UICN evit kement-mañ zo tachennoù ar
c'hêrioù o ledañ, distruj endro naturel al loened, kresk an tachennoù douar
labouret gant doareoù-gounit drastus, ha spesadoù zo o aloubiñ takadoù nevez
lec'h ma tistrujont ha ma treuzfurmont an endro.
|
|
|
|
|
|
"Hentoù ar C'hrouiñ" e Plourin-Montroulez |
|
|
|
Digor etre ar Meurzh
hag ar Sadorn. Titouroù : 02 98 72 51 55 |
|
|
|
|
|
Un diskouezadeg
oberennoù savet gant arzourien ar bodad "Poellgor an Tarv" a vo
kinniget e Plourin-Montroulez. Etre an 11 a viz Gouere hag an 22 a viz Eost e
vo tu da welet livadurioù ha kizelladurioù
|
|
|
|
|
|
Sakradur
Roger Federer e Wimbledon |
|
|
|
|
|
|
|
|
|
Deuet eo a-benn ar Suis
Roger Federer da vont dreist rekord Pete Sampras dec'h. N'eo ket bet didorr
avat. E-pad 4 eurvezh ha kard eo en em gannet ouzh ar Stadunanad Andy
Roddick. 95 munutenn eo padet ar set diwezhañ! An hirañ pempvet troiad
c'hoariet en un tournamant a live uhel eo. Graet an taol gant Federer: 5-7,
7-6 (/6), 7-6 (7/5), 3-6, 16-14. Echu gant rekord Sampras! Ur pemzekvet titl
er Grand Chelem zo aet gant ar Suis 28 vloaz, e Bro-Saoz. Kemeret en deus
neuze digant e "enebour meur" Rafael Nadal ar plas a c'hoarier
tennis niv.1 er bed. Ur prantad diskar a oa bet gant Federer koulskoude etre
Genver 2008 ha Mae 2009, gant meur a c'hwitadenn, e Wimbledon, e C'hoarioù
olimpek Beijing hag en Aostralia. Abaoe berzh Roland Garros e seblant bezañ
dibosupl herzel outañ. Gloazet eo penn-glin Nadal, ha start eo soñjal e teuio
eñ a-benn da adtapout live ar Suis buan.
|
|
|
|
|
|
|
Whatever
works |
|
|
|
Stadoù-Unanet – 2009 Seveniñ: Woody Allen
Setu Woody Allen deuet en-dro da New York. Iskis e
krog ar film gant ur santad un tamm displijus. Skeud Woody Allen a zo un
tammig re bounner war an dudenn bennañ. Fent a zo memes tra hag ur gemennadenn
un tammig aes hag a ro c'hoant da vezañ evurus. Evan Rachel Wood eo an hini a
zo dispar er film, bammus e perzh an diodez yaouank diwar ar maez (ha n'eo
ket an hini zrochañ marteze a-benn ar fin!). Peadra da dremen ur prantad
plijus hep na vefe dreistordinal. Goude-se memestra e vezer troet da soñjal "Whatever
works!"... G.L. Filmoù-berr Breizh kinniget e
Roazhon
Setu roll ar filmoù: Sid gant Nolwenn Lemesle
(Paris-Brest productions, Gloria films, TV Rennes 35) Nous gant Olivier Hems (Mille
et Une Films, Paris-Brest productions, TV Rennes 35) Le Petit Dragon
(skeudenn) gant Bruno Collet (Vivement Lundi!, Nadasdy Film) Erémia, Erèmia
gant Olivier Broudeur hag Anthony Quéré (Aber Images, TV Rennes 35) Clôture gant Mickaël Ragot
(Les films sauvages, TV Rennes 35) Les Escargots de Joseph
gant Sophie Roze (JPL Films) La dernière journée gant Olivier Bourbeillon Paris-Brest (Gwarez Filmoù)
G.L. |
|
|
|
|
|
|
|
Boris Yellnikoff a zo bet ganet e New York ha
bevet en deus e New York e vuhez-pad, kazi. Ur fizisian speredek-kenañ eo,
met dispartiet eo eus e wreg ha c'hwitet e emlazh da c'houde. Setu e kas e
amzer o klemm hag o vurutellañ pep hini ha pep tra. Un deiz e kav war e hent
Melody, ur paourkaezh plac'h yaouank eus Mississipi. N'eo ket gwall fin, met
un emglev a sav etrezo. A-benn ar fin, goude un toullad darvoudoù dic'hortoz,
e kavo pep hini e hent hag an doare da vezañ evurus.
D'ar Yaou 9 a viz Gouere e vo kinniget, en TNB e
Roazhon, 7 film-berr breizhat. Ar filmoù-se a zo bet priziet holl e
festivalioù pe degouezhioù etrebroadel. Ar gevredigezh "Films en
Bretagne" a aoz an abadenn digoust-mañ gant skoazell ar C'huzul-rannvro
ha "Cap l'Orient". Digor eo d'an holl ha tu a vo neuze da bep hini
sevel goulennoù d'ar sevenerien, produerien, mouezhierien ha teknikourien a
zeuio a-ratozh. Kregiñ a raio an abadenn da 9e noz, en TNB, straed Sant-Heler.
|
|
|
|
|
|
Pulp – Different Class |
|
|
|
Disco 2000 ha
dreist-holl Common People (deuet da vezañ un ton hollvrudet) eo an div
ganaouenn vrudetañ: komzoù fentus ha fin war-un-dro war ar vuhez pemdez hag
an istorioù karantez, evel ma oueze skrivañ Jarvis Cocker, sonerezh dibar
(savet eo Common People war tri c'hendon, sed ur gentel sonerezh evit
an holl re a vourr pa glevont soloioù gitar tredan hir-spontus). Dindan 12
kanaouenn e kinnig ar strollad ur sell klok ouzh kevredigezh yaouankiz
Breizh-Veur ar bloavezhioù 1990. Britpop, summer of love (an
ton Sorted for E's & Wizz), fish'n'chips druz, un dro er pub:
pep tra zo e-barzh. Ar re o doe ar chañs da
welout Pulp war al leurenn (meur a wech e teujont da Naoned) a c'hallas kaout
un tañva ouzhpenn eus ar bladenn, rak dibar e oa ar strollad war al leurenn.
Histeriezh a oa koulz lavaret er Rouantelezh-Unanet, evel ma weler war an DVD
Pulp Ultimate Live. Adembannet e voe Different
Class e 2006 gant ur bladenn ouzhpenn, met n'eo ket gwall dalvoudus e
gwirionez. Koulz eo deoc'h tapout ar bladenn orin ha dañsal a-hed an hañv. R.M. Embannet gant Polydor Muioc'h a bPulp : Da selaou ivez ma fell
deoc'h kaout ur sell hollekoc'h ouzh al luskad Britpop : Coming Up gant Suede Parklife gant Blur Er bloaz-mañ e
kinniger ur wech ar miz ur bladenn a-bouez en istor ar sonerezh amplaet |
|
|
|
|
|
N'eus ket kalz pladennoù
evel-se: eus ar ganaouenn gentañ (Mis-Shapes) betek an hini ziwezhañ (Bar
Italia) n'eus tra ebet da skarzhañ, peurvat int. O roeñviñ e oa Pulp
abaoe penn-kentañ ar bloavezhioù 1980 pa lakaas embann Different Class
e 1995, ur bennoberenn bop hag un taol kaer e voe.
|
|
|
|
|
|
Deiziataer 2010, brezhoneg-tout! |
|
|
|
Adkavet e vo ar stumm
klasel a blije d’an dud. 17cm uhelder ha 9cm ledander, gant ar
skrid a-led. En ur golo plastik du ha gwenn e vo kavet an
deiziataer, pevar liv penn-da-benn, hag en e gichen ur c’harnedig
all hag a c’hallo bezañ miret a vloaz da vloaz, ennañ roll kumunioù
Breizh hag ar chomlec'hioù merket gant an dud. Ur benveg talvoudus evit
ober gant ar brezhoneg bemdez! Kasit ur chekenn 12€
da: Skol an Emsav, 25 straed
Pierre Martin, 35000 Roazhon. Evit gouzout hiroc'h: 02 99 38 75 83 pe
sae.bzh@wanadoo.fr Lennit Bremañ
miz Even
An teuliad peder fajennad zo gouestlet er miz-mañ da
Gib 2009 Frañs ar vell-droad, zo bet ur gouel e-keñver sport kenkoulz hag
e-keñver Breizh: ar wech kentañ e oa evit daou skipailh eus ar vro bezañ
tal-ouzh-tal er Gourfenn, Roazhon ha Gwengamp. Aet ar maout gant Gwengampiz
ouzhpenn-se, p'emaint e Rummad 2. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Goude ur bloavezh sabatek
en deus Pol Brezhoneg Skol an Emsav embannet un deiziataer hollvrezhonek
adarre evit 2010.