|
|
|
|
|
|
|
|
|
|
Lun 29 a viz Even, niv.245 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Skarzhet ar prezidant Zelaya eus Honduras |
|
|
|
|
|
|
|
|
|
War-nes aozañ ur vouezhiadeg e oa prezidant
Honduras, Manuel Zelaya (skeudenn), p'eo bet harzet gant milourien zo.
Divizet en doa ar prezidant aozañ ur vouezhiadeg evit gellout mont war ar
renk evit bezañ prezidant adarre, pa oa bet anvet evit ur maread pevar bloaz hepken
e 2006. Evit Lez-varn Veur Honduras e oa e-maez lezenn seurt mouezhiadeg, hag
a-enep-krenn e oa pennoù an arme koulz hag ar Parlamant. Disadorn en doa
Manuel Zelaya tennet e garg a benn an arme d'ar jeneral Romeo Vasquez, na felle
ket dezhañ ingaliñ an dafar votiñ dre ar vro. Pevar bagad 200 soudard o dije
kelc'hiet ti ar prezidant dec'h beure, abred. Kaset eo bet ar prezidant e
Costa Rica. Pa oa erruet e penn Stad Honduras e 2006 e oa mirour da vat
Zelaya, ha tamm-ha-tamm en doa troet e bolitikerezh diouzh tu enepfrankizourien
Suamerika, evel Evo Morales e Bolivia pe Hugo Chavez e Venezuela. Aozadur ar
Stadoù Amerikan a aozo un emvod dreistordinal: embannet en deus Barack Obama
e nec'hamant evit stabilded politikel ar c'hornad.
|
|
|
|
|
|
Glaou: kenderc'hel a ra ar beveziñ
da greskiñ |
|
|
|
M.M. |
|
|
|
|
|
Daoust ma'z eus bet tizhet lodennoù zo eus an
armerzh gant an enkadenn veur kroget e 2008 (ar c'hresk rannet dre zaou,
kresk ar c'henwerzh bedel rannet dre zaou ivez, un digresk a 0,6% eus an
eoul-maen implijet), n'eus kudenn ebet gant ar glaou: kenderc'hel a ra da
vezañ bevezet. E-pad ar bloaz 2008 eo kresket e implij eus 3,1%, etre 2002 ha
2008 eo 37% a gresk hollek a zo bet gwelet. Bremañ eo ouzhpenn un drederenn eus
an energiezhioù fosil a zo o tont diouzh ar glaou.
|
|
|
|
|
|
Pezh-c'hoari "Mirdi" e Tredraezh-Lokemo |
|
|
|
An abadenn a grogo
da 9e noz. "Mirdi"
gant C'hoari Las, d'ar Gwener 3 a viz Gouere, da 9e noz. Titouroù : 06 99 04 88 40 |
|
|
|
|
|
A-benn ar Gwener 3 a
viz Gouere e kinnigo ar strollad c'hoariva tregeriat "C'hoari las"
ur pezh-c'hoari fentus, e brezhoneg mar plij. Buhez diroll implijidi ha
gweladennerien ur mirdi a vo kinniget neuze war leurenn ar c'hafedi Teodor e
Tredraezh-Lokemo. Stumm brezhoneg ar pezh-c'hoari brudet mat Musée haut,
musée bas gant Jean-Michel Ribes eo Mirdi. War al leurenn e vo tu
da welet Lus Chauveau, Gildas Moal, Hubert Morvan, Cartsen Greeve, Mari
Guenegou, Gwenola Coic, Anna-Soaz Bervet, Silvi Toupin, Virginie Le Boulbin,
Gwen Lavenan ha Natali Raoul. Un delwenn savet gant Jañ-Mai Priol a gemero
perzh en istor ivez! Leurennet eo bet Mirdi gant Yann-Edern Jourdan.
|
|
|
|
|
|
Kib
Frañs ar marc'hoù-houarn aet gant skipailh Breizh-Schuller |
|
|
|
|
|
|
|
|
|
E Sant-Brieg ez echue Kib
Frañs ar marc'hoù-houarn 2009 dec'h. Un devezh dreist eo bet evit ar
Vretoned. Gouzout a ouzit ar berzh a ra ar sport-mañ er vro... Yaouank-flamm
eo ar skipailh Breizh-Schuller, skoazellet gant Kuzul-rannvro Breizh, hag
evit poent emañ war live 3 ar rederien a-vicher. Kalz brasoc'h ha pinvidkoc'h
zo! A-drugarez da Zimitri Champion (skeudenn) eo bet ken brav disoc'h an
devezh, beuzet gant an heol. Dedennus eo bet rak lezet en deus an traoù da
vont e-pad div drederenn ar redadeg: er penn e oa skipailhoù Bbox ha La
Française des Jeux oc'h en em gannañ. Pa oa erru ar re-mañ skuizh eo pignet
Dimitri Champion, evit e brantad kentañ e penn ar redadeg. Goude ur mare o
deus rederien La Française des Jeux argadet en-dro, en o zouez Christophe
Riblon ha Guillaume Levarlet, o deus bet betek 43" lañs war o foursuerien.
Met pevar c’hilometrad a-raok al linenn bal e oa deuet en-dro Dimitri
Champion, Anthony Geslin (La Française des Jeux) en e gichen. Ha tamm-ha-tamm
en deus krignet e 14" lañs e-unan e penn ar redadeg. Goude Kib ar
vell-droad e oa aet Kib ar marc'hoù-houarn gant Breizh, ha gounezet war
douaroù ar vro en taol-mañ!
|
|
|
|
|
|
|
Who’s
that knocking at my door |
|
|
|
Stadoù-Unanet
– 1967 Senario
ha seveniñ : Martin Scorsese
Film hir kentañ Martin Scorsese (koulz ha hini
Harvey Keitel) eo Who’s that knocking at my door hag a zo o paouez
bezañ adembannet. Fraezh e klever levezon ar Nouvelle Vague en abadenn-se a
denn kalzik d’ur film arnodiñ. Hogen, daoust d’e sioù furmel, e
anavezer dija e red ar film barregezhioù skeudenniñ ha temoù muiañ karet unan
eus sevenerien wellañ (e go) e remziad. Meriadeg Vallerie Kement ha gouzout hiroc’h : |
|
|
|
|
|
|
|
Un itriker dister eo JR
|
|
|
|
|
|
Michael Jackson (1958-2009) |
|
|
|
Pep tra, hag ar peurrest a
zo bet lavaret pe skrivet diwar e benn en devezhioù diwezhañ. D'e 11 vloaz e
stagas gant ar vicher, asambles gant e vreudeur, er strollad The Jackson
Five. Azalek 1971 e kanas e-unan (chom a reas ezel eus ar strollad memes tra)
hag er bloavezhioù 1980 eo e teuas da vezañ brudet er bed a-bezh. Meur a abeg
a zo: e zoare da zañsal, anvet moonwalk, ar pladennoù a savas, enno ur meskaj
funk-soul-rock-a bep seurt ha zoken r'n'b e 2001 (war e albom Invincible),
hag a voe gwerzhet mat-tre (etre 55 ha 104 milion eus Thriller
e 1982, ha 32 vilion eus Bad, ur bladenn deuet er-maez e 1987)
hag ivez dre ma komprenas buan pegen pouezus e oa ar videoklipoù (hini Thriller
eo an hini brudetañ). Bez' e voe neuze eus ar jacksonmania evel ma oa bet ar beatlesmania
er bloavezhioù 1960. Goude ar berzh a reas er
bloavezhioù 1980 ez eas an traoù da fall avat: ouzhpenn degas kemmoù niverus
d'e gorf ha d'e zremm betek dont da vezañ gris, e voe kaset d'al lez-varn
abalamour da grennarded a lavare o doa bet darempredoù korf gantañ.
Didamallet e voe Jackson e 2005. E 2008 e teuas er-maez Thriller
25, da lidañ 25vet deiz-ha-bloaz ar bladenn. Forzh pe soñj hor befe
diwar-benn roue ar sonerezh pop e ranker anzav e tegasas kalzik traoù d'ar
sevenadur pop, evel ma reas Madonna. R.M. http://www.michaeljackson.com/ E 1996 e kane Earth Song
e-pad Brit Awards, hag en em gemere evit Jezuz, ar pezh a zisplijas da Jarvis
Cocker : Erer Kozh 2009 #8 Servijoù nevez e 2009
Evit kaout ur sell war ar
parkeier leun a dud e vo tu da vont d'ober un dro war ur rod vras e-kichen
Kastell Kerampuilh! Hag ur genstrivadeg treuzwiskamantoù ofisiel zo kinniget
ar bloaz-mañ: pedet oc'h da zont gant neuz ezdouaridi! Hag ar blijadur hon eus da
gelaouiñ ac'hanoch e vo ivez ur sonadeg er C'habared gant ar strollad Egin,
ennañ liseidi Diwan aet ar maout ganto e kenstrivadeg an Taol-Lañs 2009. Ar mont-tre a zo digoust
evit ar vugale dindan 9 bloaz hag hanter briz etre 9 ha 14 vloaz. Hoel
Louarn Evit gouzout hiroc'h: http://www.vieillescharrues.asso.fr Bep Lun,
e-pad 2 viz, ho peus bet tro da zizoleiñ abadennoù an Erer Kozh 2009 en ho kazetenn |
|
|
|
|
|
Daoust ma ne voen biskoazh
sachet gant sonerezh Michael Jackson ez eo diaes tremen hep menegiñ anezhañ pa
reer war-dro ar rubrikenn sonerezh, neketa?
"Nevez e vo lodenn
degemer ar gouel: evit mont-tre e tremeno ar selaouerien dre ar c'hoad hag
ambrouget e vint war an hent gant abadennoùigoù sonerezh. Ha standoù ar
c'hevredigezhioù a vo lakaet
|
|
|
|
|
|
Daktu, keleier divyezhek war
ar genrouedad |
|
|
|
Evit gouzout hiroc'h : http://www.daktu.info Sant-Fieg-ar-Mewan displeget e brezhoneg
N'eo ket bet dibabet al
lec'h, nag an deiziad, dre zegouezh. En deiz-se e vo aozet e kumun Sant-Fieg
ur genstrivadeg livañ a vez aozet bep bloaz, "Couleurs de Bretagne" (Livioù
Breizh). Emgav zo bet roet gant
Kentelioù an Noz d'ar vrezhonegerien, forzh peseurt live a vefe ganto, da
greisteiz, war parklec’h Cantrie. Boulc'het e vo an abadenn
war al lec'h gant un digor-kalon hag ur piknik. Goude-se, pa vo al livourien
o pleustriñ war o zaolennoù, e vo tu d'ober anaoudegezh gant al lec'h
naturel-mañ hag istor Cantrie ha Sant-Fieg, dre ar brezhoneg (un diverrañ e
galleg a vo kinniget ivez). Tu vo deoc'h da gas
ganeoc'h peadra da c'hoari bouloù pe badminton, a-benn profitañ eus ar
c'hornig plijus-mañ war ribl ar stêr Sevr. Klozet e vo ar bourmenadenn war
memes tro hag ar genstrivadeg livañ e fin an endervezh. Digoust ha digor d'an holl. Evit gouzout hiroc'h: 02 40 80 97 64 pe kann@netcourrier.com Lennit Bremañ
miz Even
An teuliad peder fajennad zo gouestlet er miz-mañ da
Gib 2009 Frañs ar vell-droad, zo bet ur gouel e-keñver sport kenkoulz hag
e-keñver Breizh: ar wech kentañ e oa evit daou skipailh eus ar vro bezañ
tal-ouzh-tal er Gourfenn, Roazhon ha Gwengamp. Aet ar maout gant Gwengampiz
ouzhpenn-se, p'emaint e Rummad 2. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Nevezenti zo er mediaoù brezhonek! D'ar c'hentañ a
viz Gouere e vo roet lañs d'ul lec'hienn gelaouiñ nevez, Daktu hec’h
anv, a vo divyezhek brezhoneg-galleg. Ur gwir glaoustre eo hini skipailh an
aozerien. Fellout a ra dezho kinnig ul lec'h a vodo gallegerien ha
brezhonegerien (deraouidi da gentañ) war memes lec'hienn, evit dont a-benn da
arc'hantouiñ ar muiañ ar gwellañ ar mont-en-dro gant ar goumananterien. Pa
c'hello ar vrezhonegerien ober gant un etrefas brezhoneg-tout, e vo kinniget
un etrefas divyezhek d'ar c’hallegerien, da voazañ anezho da welet
brezhoneg. Daou "du" a vo da Daktu e gwirionez. Un
dastumerez keleier eo Daktu, hag ar servij-mañ a vo kinniget adalek ar
1añ a viz Gouere. Ober a ra an dastumerez gant ouzhpenn 1000 mammenn, ha
daveoù 4000 pennad nevez a vez degemeret bemdez! Ouzhpenn 700000 pennad zo
bet enrollet c'hoazh evit digoradur Daktu. Renket int bet hervez al
lec'h, an darvoud, an anvioù meneget, ar yezhoù implijet... evit aesaat ar
furchal. Un drederenn eus an dielloù-se zo diwar-benn Breizh, un eil trederenn
diwar-benn Frañs hag an trede diwar-benn peurrest ar bed. Eil tu Daktu
a vo boulc'het a-benn miz Gwengolo. Ur gwir gelaouenn nevez a vo, gant
keleier divyezhek embannet bemdez, dre skrid, dre son pe dre video. Hervez
devezh ar sizhun e vo lakaet danvezioù en a-raok: endro d'ar Meurzh,
sevenadur d'ar Yaou, keginañ d'ar Sadorn, hag all...
Gant ar gevredigezh Kentelioù an noz –
Gwinieg