|
|
|
|
|
|
|
|
|
|
Lun 22 a viz Even, niv.244 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Iran: kenderc'hel a ra an emgannoù |
|
|
|
|
|
|
|
|
|
Abaoe embannidigezh disoc'h dilennadeg ar
prezidant en Iran d'an 12 a viz Even, a lak adarre Mahmoud Ahmadinejad e penn
ar vro, emañ bepred ar gostezenn a-enep o stourm. An "heñcher meur"
Ali Khamenei en deus diskouezet en-dro e harp da Ahmadinejad, o c'houlenn
groñs e vefe paouezet gant ar manifestadegoù. Daoust d'ar Stad ha d'ar
gouarnamant bezañ berzet ar manifestadegoù, o deus miliadoù a dud diskouezet
adarre en dibenn-sizhun-mañ e felle dezho e vefe nullet ar votadeg. E Teheran
o deus ar bolised (skeudenn) respontet d'ar vanifesterien gant ar feulster:
gant taolioù-bazh, kanolioù-dour hag aezhennoù-daeraouiñ. Tennoù a vefe bet
ivez, gant tud lazhet (un dek bennak) ha gloazet, hervez testenioù zo. Ouzhpenn
400 den a vefe bet harzet. Start eo d'ar mediaoù kaout titouroù war munudoù
an emgannoù rak berzet eo bet d'ar gelaouennerien mont war ar plas gant ar
renad. Disklêriet en doa dec'h danvez-prezidant ar gostezenn enep, Mir
Hossein Moussavi, e oa "prest evit ar verzherinti". Evitañ emañ an
dud e penn Iran o klask diskar ar republik islamat zo bremañ evit lakaat ur
reizhiad all e plas.
|
|
|
|
|
|
Stourmoù Greenpeace evit an hin |
|
|
|
M.M. Titouroù diwar-benn ar glaou e Cherbourg : |
|
|
|
|
|
Anavezet eo Greenpeace evit stourm a-hed an amzer
evit gwarez an endro. Er mare-mañ emaint, war sujed an hin, war daou dalbenn.
Da gentañ, emaint o stourm a-enep d'ur raktres evit staliañ un "hent ar
glaou" war porzh Cherbourg. Ar pal a vije lakaat glaou da dremen eus
Kolombia betek ar Rouantelezh-Unanet. Evit difenn ar raktres e vez graet anv
eus 50 post labour a vije krouet, met diskouez a ra Greenpeace emañ ar
raktres a-enep krenn d’ar palioù evit digreskiñ ar c'hementadoù CO2 a
vez eztaolet.
|
|
|
|
|
|
Pourmenadenn sonet war ribl al Leger
disadorn |
|
|
|
Digoust. Evit
gouzout hiroc'h: François an Tieg, pgz: 02 96 47 21 38. |
|
|
|
|
|
Disadorn e vo aozet evel
bep bloaz, ur bourmenadenn vras, gant sonerezh, gant ar c'hevredigezhioù Bord
an Aod Lannuon ha Dastum Bro-Dreger. War tachenn Gwazh Lagorn, e Beg-Leger
(e-kichen Lannuon) e vo graet. Ur gouel evit dibenn ar bloavezh obererezh
gant Dastum Bro-Dreger eo en ur mod. Adkavet e vo kanerien, sonerien ha
konterien o deus lusket ar bloavezh beilhadegoù er c'horn-bro. E traonienn
Gwazh Lagorn, a-hed al Leger, o tremen dre Chapel Sant-Turian, emañ an hentad
5 km. Loc'hañ a raio ar bourmenerien da 7e noz e skol gozh Beg-Leger. Ur
fest-noz a vo e fin ar gerzhadeg er memes lec'h, gant stalioù evit kavout
peadra da zebriñ ha da evañ. E-touez an arzourien a vo da glevet emañ Alan
Tudoret, ar Vreudeur Cornic, Da Bep Tu, l'Olympique Treujenn Gaol.
|
|
|
|
|
|
Rekord
Frañs nevez al lamm gant ar berchenn |
|
|
|
|
|
|
|
|
|
Dec'h ez echue Kampionad
Europa atleterezh dre skipailh e Leiria, e Portugal. E penn ar jeu emañ
erruet skipailhoù Alamagn, Rusia ha Breizh-Veur. Nevezenti zo bet evit al
lamm gant ar berchenn en diavaez: dek vloaz a oa e oa dalc'het ar rekord gant
Jean Galfione, o vevañ er Vro-Vigoudenn, abaoe an 23 a viz Gouere 1999, graet
en Amiens. 5,98m a oa bet tizhet gantañ. E Portugal eo 6,01m zo bet tremenet
dec'h gant lamm Renaud Lavillenie (skeudenn). Ar Charentad a 22 vloaz en doa
graet un taol-kaer c'hoazh e Clermont-Ferrand ur sizhun zo, gant ul lamm 5,96m,
ar gwellañ lamm er bed er bloaz-mañ. Disklêriet en doa e soñje dezhañ bezañ
gouest da lammat 6m en amzer da zont. Gant Galfione emañ bepred rekord al
lamm gant ar berchenn en diabarzh, da 6m, graet e Maebashi, e Japan, d'ar 6 a
viz Meurzh 1999. Aet e oa gantañ ar vedalenn aour evit Kampionad ar bed an atleterezh.
Embannet en deus Renaud Lavillenie ne oa ket peurvat e lamm e-keñver teknik,
hag e chom peadra da wellat e zisoc'h ma labour mat.
|
|
|
|
|
|
|
Lascars |
|
|
|
Frañs
– 2007 Seveniñ
: Albert Pereira Lazaro & Emmanuel Klotz
N’eo ket alies e produer e Frañs ur
film-bevaat sinema evit arvestourien deuet d’o oad. Hemañ a ya gant
kalz a fent war dachenn ar “c’harterioù diaes”. Arabat
gortoz ur preder don war abegoù sokiosevenadurel hag armerzhel dienez
rummadoù yaouank ar bannlevioù met kavout a ra Lascars boued fonnus
enno da sevel tudennoù divoutin hag o zroioù-kaer. Setu un abadenn dudius da
vat ha talvoudus a-walc’h a-fed arz. Meriadeg Vallerie Kement ha gouzout hiroc’h: |
|
|
|
|
|
|
|
Evel un hunvre eo mont da vakañsiñ da Santo Rico
pa vever e bannlev vougus ur gêr vras. Ne oa ket pell an hunvre-se da zont da
wir evit José Frelate
|
|
|
|
|
|
Erer Kozh 2009 #7 Sonerezh elektronek |
|
|
|
D'ar Gwener 17 ivez e vo
kinniget The Bird is Yellow (elektro-punk), Ka Jazz ha Dub
Orchestra (ur strollad eus Naoned) da seniñ. Muioc'h a lusk da vat en
deiz war-lerc'h: tekno efedus gant Surkin, ha tekno hard-core a vo
kinniget gant The Driver (anavezetoc'h dindan an anv Manu Le Malin)
hag elektro-pop da vat gant Metronomy. Bez’ e vo ivez Naive
New Beaters (bet "dizoloet" gant Les Inrocks, da ziwall
zo neuze), ha sañset ez eo ar strollad elektro nevez gwellañ o tont eus
Frañs. Diouzh an tonioù hon eus klevet e renkfemp a-walc'h anezho e rann ar
re washañ koulskoude. D'ar Sul 19 ez eo kentoc'h
hip-hop a vo kinniget, gant MAP ha Yo!Majesty
hag ur meskaj rap ha rock gant L'angle mort, ma kaver ennañ ur c'haner
rap hag ur gitarour rock (hini Noir Désir, n'eo ket bet toullbac'het
evit poent). Goude bezañ sonet asambles gant ar Vreudeur Morvan e vo
kinniget ivez ur sonadeg gant Les Tambours du Bronx. Seniñ a raio NTM ma
teu a-benn Joey Starr da vont kuit eus an toull-bac'h. R.M. Muioc'h a ditouroù,
programm klok ha liammoù war-du lec'hiennoù an arzourien: http://www.vieillescharrues.asso.fr/ Bep lun,
e-pad 2 viz, ho po tro da zizoleiñ abadennoù an Erer Kozh 2009 en ho kazetenn |
|
|
|
|
|
Daoust m'eo gouestlet
leurenn Xavier Grall d'ar sonerezh elektronek e vo tu d'ar re vrudetañ seniñ
war leurenn Glenmor. Chañsoù zo e hejfe an holl o revr neuze d'ar Gwener 17 a
viz Gouere, pa sono Birdy Nam Nam (skeudenn), ur strollad ennañ pevar
den a vesk a bep seurt sonerezhioù a-benn kinnig sonadegoù eus ar re
efedusañ, evel ar pezh a ginnigjont er bloaz tremenet en Astropolis.
"Manual for Successful Rioting" eo titl o fladenn ziwezhañ:
kelaouet oc'h. En deiz war-lerc'h, hag er memes lec'h e sono Moby. No
komment.
|
|
|
|
|
|
60 vloaz an tammig sukr |
|
|
|
Plas a chom evit kampoù krennarded
an Oaled
"Deomp
de'i ! Skipailh buhezourienn DABU 2009 a zo o c'hortoz ac'hanoc'h !" Lennit Bremañ
miz Even
An teuliad peder fajennad zo gouestlet er miz-mañ da
Gib 2009 Frañs ar vell-droad, zo bet ur gouel e-keñver sport kenkoulz hag
e-keñver Breizh: ar wech kentañ e oa evit daou skipailh eus ar vro bezañ
tal-ouzh-tal er Gourfenn, Roazhon ha Gwengamp. Aet ar maout gant Gwengampiz
ouzhpenn-se, p'emaint e Rummad 2. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Er bloaz-mañ e lider 60 vloaz an tammig sukr. Ya,
an diñs bihan gwenn a lakit bep beure en ho panne kafe pe te. Ur c’hiz
c’hall eo, e Frañs e vevezer ar muiañ a dammoù sukr karrezennek, er
broioù all e reer kentoc'h gant sukr poultr. E 1949 e ijinas Louis Chambon un
doare nevez da waskañ ar sukr evit e rannañ hag e dreuzdougen aesoc'h. Gant
torzhioù-sukr da droc'hañ e veze graet a-raok. Gant "mekanik
Chambon" e c'heller moullañ sukr dre wask. Soudet e vez meinigoù ar sukr
gleboret a-domm gant ar sistem-se, ha gellout a reer reiñ stummoù resis d'an
tammoù sukr neuze. Ar stummoù implijet ar muiañ zo an diñsoù a vent 3 (7,9
grammad) pe 4 (5,9 grammad). Ar mentoù a glot gant an niver a renkadoù a zo
war ledander ur voest 1 c'hilo. Brasoc'h a se sifr ar vent, bihanoc'h a se an
tammoù sukr ! Un tamm sukr-domino ment 4 zo ennañ 24 kilokalorienn (d.l.e 1%
eus an ezhommoù pemdeziek). E Frañs e kaver zoken dastumerien sukr-paket: 800
ezel zo gant Club des Glycophiles, krouet e 1984!
