|
|
|
|
|
|
|
|
|
|
Lun 28 a viz Mezheven, niv.292 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Ginea: kentañ dilennadegoù frank abaoe 1958 |
|
|
|
|
|
|
|
|
|
Dec'h e
vouezhie ar C'hineaned en un doare frank ha peoc'hus evit ar wech kentañ
abaoe ma oa dizalc'h ar vro, e 1958. Abaoe 50 vloaz e oa ber renet Stad Ginea
gant diktatourien: ar prezidant Ahmed Sékou Touré, etre 1958 ha 1984, ar
jeneral Lansana Conté, etre 1984 ha 2008, hag ar c'habiten Moussa Dadis
Camara, abaoe. 4,2 milion a dud a oa bet galvet da votiñ, evit dilenn unan
eus ar 24 danvez-prezidant. E penn ar jeu emañ Alpha Condé, bet enebour an
holl remziadoù zo bet evit poent, ha daou gentañ ministr kozh, Sidya Touré ha
Cellou Delein Diallo. An disoc'hoù a vo roet a-benn ur sizhun. Hervez ar
Bodad ginean a aoze ar votadeg, ha sellerien Kumuniezh ekonomikel Stadoù
Afrika ar C'hornôg, Unaniezh Europa, hag Unaniezh Afrika, e vefe tremenet mat
ha plaen an devezh votiñ. Diwar ar pezh a c'heller lenn er mediaoù dre vras,
e fellfe d'ar C'hineaned skarzhañ an arme zo e penn ar vro abaoe 26 vloaz.
Nav miz zo e oa bet lazhet enebourien ar gouarnamant gant an arme e Conakry,
kêr-benn Ginea.
|
|
|
|
|
|
OGK: daou
ziviz nevez |
|
|
|
M.M. |
|
|
|
|
|
En nevezinti a zo
diwar-benn ar produoù O Genoù Kemmet (OGK) ez eus daou zarvoud nevez. Da
gentañ, diviz lez veur ar Stadoù-Unanet, diwar-benn ur prosez a oa dalc'het
etre Monsanto (produer hadoù OGK) ha Geerston Seed Farms (labourerien-douar
bio). Kalz trouz a zo bet graet gant Monsanto diwar an diviz-mañ, oc'h embann
er bed a-bezh e oa bet trec'h er prosez, hag ar mediaoù pennañ o deus heuliet
ar c'heloù hep klask pelloc'h. Padal, pa lenner divizoù ar prosez, eo un dra
all a gaver: n'hallo ket Monsanto gwerzhañ melchon OGK Roundup Ready (da
lâret eo, graet evit talañ ouzh ar RoundUp), keit ha ma ne vo ket bet graet
enklaskoù ouzhpenn. Ouzhpenn-se, ma vez chalet ul labourer douar, o kavout ar
gen Roundup Ready en e blant pa ne zlefe ket enno, e vo aesaet an traoù evit
ma c'hellfe sevel klemm. An eil diviz da heuliañ a zo tont eus an embregerezh
Bayer, en deus divizet e paouezfe evit poent da glask gwerzhañ e riz OGK e Brazil.
Ur spesad riz LL62 eo, a oa graet evit gallout talañ ouzh ul louzoù a lazhfe
ar plant all: ar glufosinat.
|
|
|
|
|
|
Kanol Naoned-Brest: gouel e
Sant-Nikolaz-an-Hent |
|
|
|
Evit gouzout hiroc'h: |
|
|
|
|
|
A-benn ar Sadorn 3 a viz Gouere
e vo lidet addigoridigezh ul lodenn eus ar Ganol etre Naoned ha Brest. 6 kilometrad,
etre Fegerieg ha Sant-Nikolaz-an-Hent a vo digoret en-dro d'ar bageal, evit
kobiri dreist-holl. 30 vloaz zo e oa bet berzet al lodenn-mañ eus ar Ganol
d'al listri dour dous. Boulc'het en deus ar C'huzul-departamant ul labour
adkempenn an 73 km a Ganol etre Naoned ha Brest perc'hennet gantañ (diwar ar
95 km zo e Bro-Naoned). Ur gouel a vo aozet a-hed ar sadornvezh, adalek 11e30.
Ur pompad war ar Gwilen a vo, gant ar gobar La Marne hag un dek bag
all, sonerezh a bep seurt (gant strollad brudet La Godinette, ar sonerien
Baron & Anneix, ur bagad), ur piknik, ur filmig diwar-benn micherioù ar
c'hanolioù a vo bannet ivez... Ul lid a vo neuze evit digeriñ en-dro Skluz ar
Chaoser (Ecluse de la Digue) e Sant-Nikolaz-an-Hent, e Bro-Redon. Ur
brezegenn a vo distaget gant prezidant ar C'huzul-departamant, Patrick
Mareschal, da 12e30. Ar fest-mañ zo un darn eus ur festival gouestlet d'ar
Ganol etre Naoned ha Brest, Les Estivales, ha kinniget gant Kuzul-departamant
al Liger-Atlantel, abaoe an 19 a viz Even ha betek an 19 a viz Gwengolo. 12
kumun e Bro-Naoned a gemer perzh en degouezh.
|
|
|
|
|
|
Mell-droad
e brezhoneg e Plouzane |
|
|
|
Gant Kuzul-merañ AC
Plouzane ez eus bet divizet kas 8 ober da benn evit diorren ar
brezhoneg : sevel kartennoù-hetoù, kartennoù-bizit, un deiziadur
bloaziek ha paper-lizher, staliañ kit panellerezh an Ofis, krouiñ ul logo
divyezhek, treiñ al lec’hienn genrouedad, aozañ oberoù brudañ. Evit gouzout hiroc'h: |
|
|
|
|
|
Ar c'hlub mell-droad kentañ
e Breizh o tivizout ez ofisiel labourat evit ar yezh eo ar Plouzane AC, eme
Ofis ar Brezhoneg. D'ar Sadorn
|
|
|
|
|
|
Dog Pound |
|
||
|
|
Stadoù-Unanet Amerika - 2010 Seveniñ : Kim Chapiron
Kim Chapiron a zo ur sevener gall eus strollad
Kourtrajme. E eil film eo Dog Pound, goude Sheitan. Ur sapre
diforc’h a live hag a galite a zo etre an daou. Dog Pound a zo
ur film start-tre war an toull-bac’h evit krennarded, a lak da soñjal
el liseoù amerikan (gwallgaserien gwelet mat, hag ar re wallgaset) met kant
gwech feulsoc’h! Gouennelouriezh, kasoni, kalz santadoù drastus a zo er
film. Personelezhioù disheñvel a zo taolennet gant an tri haroz, hag an
disoc’h a seblant gwir kenañ a-drugarez d’an aktored, krennarded
anezho. G.L. Ma fell deoc'h lenn pennadoù all savet gant hor
c'henskriverez diwar-benn filmoù, c'hoarioù-video, levrioù ha me oar me, kit
mont da dañva Soubenn ar Geek. |
|
||
|
|
|
|
|
|
Enola Vale a zo un toull-bac’h evit
krennarded e Stadoù-Unanet Amerika. Heuliet e vo tri faotr oc’h erruout
eno. Prantadoù mignoniezh met ivez prantadoù start kenañ, kenetrezo pe gant
gwarded ar greizenn. A bep seurt a dremen bemdez en Enola Vale…
|
|
|
|
|
|
The New Pornographers –
Together |
|
|
|
Ma
c'hall Yann Selaouer bezañ un tammig dipitet gant an div ganaouenn gentañ
(daoust m'eo plijus klevout ar strollad o c'hwitellat) e vourro gant an trede
hini, Your Hands (Together) he zitl, a lakfe forzh piv da sevel ha da
stlakañ an daouarn just a-walc'h. D'he heul e teu teñzorioù power pop all:
dic'hortoz eo Sweet Talk, Sweet Talk ha Walyrie in the Roller Disco
(ha gourc'hemennoù evit an titl), un ton alt-country a ginnigont deomp gant My
Shepard, nerzh a zo gant Up in the Dark hag A Bite out of my
Bed. Daoust
m'eo tremenet gouel Yann e vo digarezioù all da aozañ tantadoù e-pad an hañv,
ha da ganañ holl asambles We End Up Together evel ma reont e dibenn o fladenn.
Ha sed aze un elfenn a bouez: ma'z eo pouezus bezañ gouest da gregiñ ur
bladenn ez eo ken pouezus all aozañ anezhi betek ar fin, ha deuet eo The New
Pornographers a-benn. R.M. Embannet gant Matador Muioc'h a New Pornographers
: |
|
|
|
|
|
En ur
mod ez eo diamzeriet penn-da-benn The New Pornographers e 2010. Soñjit
'ta: tamm trouzig elektronek ebet, ar pouez lakaet war ar c'han rannet etre
paotred ha merc'hed (diazezet eo ar strollad war bevar den, met e gwirionez
ez int eizh en holl), hag evel war o fladennoù kent, o c'hlask war-lerc'h ar
ganaouenn bop beurvat. Ar wech-mañ o deus pedet ivez un nebeud tud da zont da
seniñ ganto: Zach Condon (Beirut) a zo deuet gant e drompilh, Annie
Clark (St. Vincent) a son gitar, ha Will Sheff (Okkervil River)
a gan. Sed neuze ur skipailh a-feson evit kinnig deomp ur bladenn kinniget
evel un digarez da zistreiñ da ziazezoù ar strollad goude Challengers
(2008).
|
|
|
|
|
|
Sekred-kegin: Saladenn evit an hañv |
|
|||
|
|
Evit ober ar chaous: 1
vi – 25 gr parmezan drailhet - 2 loaiad kapr - 1 loaiad vihan sezv -
takadennoù tabasco - chug un hanter sitroñs - 1 glorenn kignon – 15 cl
eoul - holen ha pebr 1.Ober tammoù
karrezek gant ar bara. Tommañ an eoul en ur billig ha rouzañ anezho. 2.Naetaat ha
troc’hañ an delioù saladen. Meskañ gant ar bara. 3.Ober ar
chaous: poazhañ ar vi en dour berv e-pad 2 vunutenn. Lakaat en un drailherezh
ha frukañ pep tra asambles. Meskañ gant ar saladen ha lakaat parmezan war
c’horre. Riwanon Lennit Bremañ
Mezheven 2010 !
An teuliad zo gouestlet er miz-mañ da vier Breizh.
Lidañ a ra breserezh Coreff he 25 bloaz e 2010. Abaoe 30 vloaz e tispak
en-dro breserezhioù artizanel e Breizh, a brud mat zo gant kalz anezho. Rener
Coreff, Mathieu Breton, a ginnig e sell war istor bier Montroulez, ha Karaez
goude-se, hag e blas e kevredigezh Breizh hiziv. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h : www.breman.org |
|
|||
|
|
|
|
|
||
