|
|
|
|
|
|
|
|
|
|
Lun 5 a viz Gouere, niv.293 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Bloc'hoù-oberata en arvar e Breizh |
|
|
|
|
|
|
|
|
|
Studiañ
a ra ar gouarnamant penaos serriñ ar bloc'hoù-oberata a ra nebeutoc'h eget
1500 oberatadenn bep bloaz a-benn ''gwellaat surentez ar glañvourien''. Lod
eus an ospitalioù e Breizh a zo en arvar ma vez lakaet ar raktres e pleustr.
Prientiñ a ra Ministrerezh ar Yec'hed dekredoù a vo embannet a-benn fin miz
Gouere pe penn-kentañ miz Eost evit serriñ ar servijoù surjianerezh o deus
graet nebeutoc'h eget 1500 oberatadenn etre 2007 ha 2009. Ur goursez a vefe
evit an ospitalioù o deus oberataet etre 1050 ha 1500 den e-pad ur bloaz. Tri
bloaz o defe evit kaout muioc'h a oberatadennoù pe kaout un emglev gant un
ospital all. En holl 54 servij a zo en arvar. Daoust ma n'eo ket bet roet al
listenn c'hoazh e vez soñjet e Breizh e vefe serret servij surjianerezh
ospitalioù bihan evel Pempoull, Dinan ha Douarnenez hag ur goursez a vefe
evit ospitalioù Karaez ha Landerne. Lod o deus kemeret lañs dija evel Karaez
hag en deus un emglev gant ospital Brest pe c'hoazh Douarnenez staget ouzh
Kemper ha Pont-'n-Abad. War a seblant e vefe skrivet en dekredoù disdalc'hioù
evit ar servijoù evit stourm a-enep ar c’hrign-bev hag ar servijoù
ginekologiezh a ra 100 oberatadenn d'an nebeutañ bep bloaz.
|
|
|
|
|
|
Naoned:
kêr-benn c'hlas Europa e 2012? |
|
|
|
|
|
|
|
|
|
War-lerc'h Stockholm ar
bloaz-mañ ha Hambourg ar bloaz a zeu ez eus c'hwec'h kêr gant ouzhpenn 200
000 annezad war ar renk evit bezañ Kêr-benn C'hlas Europa e 2012. Naoned a zo
en o zouez. Roet e vo ar respont gant Kengor Europa e miz Here. Pal ar
priz-se a zo skorañ intrudu ar c'hêrioù da wellaat kalite ar vuhez e kêr.
Pouez an endro a zo a bouez ivez hag ar c'hoant a zo da gaout diskoulmoù ha
da ziskouez penaos diluziañ kudennoù an endro. Ar c'herioù dibabet o deus ar
pal kaout diskoulmoù bras evit ma vefe un endro gwelloc'h en dazont en
Europa. Ur seurt skouer int ivez evit ar re all. Dilennidi Naoned o deus bet
c'hoant da vezañ war ar renk evit gounit al label-se rak abaoe ugent vloaz ez
eo an diorren padus un dra bouezus evito. Da skouer ez eo e Naoned eo bet
savet ar c'hentañ tramgarr modern. Traoù all a zo da lakaat e pleustr
e-keñver an treuzdougen evel ar rouedadoù bus disaotr anvet "Busway"
ha
|
|
|
|
|
|
Diskouezadeg evit lidañ 40 vloaz ar
FIL |
|
|
|
Digor da Veurzh ha da Sul etre 10e ha 12e30 ha
goude merenn etre 2e ha 6e hag e-pad Gouelioù Etrekeltiek an Oriant (dalc'het
e vo etre ar 6 hag ar 15 a viz Eost) bemdez etre 10e hag 8e noz. Digoust eo. Evit
gouzout hiroc'h: http://expo-festival-interceltique.eklablog.com |
|
|
|
|
|
Digoret eo adalek hiziv,
Lun 5 a viz Gouere, an diskouezadeg anvet 40 ans au coeur du monde celte
evit lidañ 40 vloaz ar FIL, Gouelioù Etrekeltiek an Oriant. Displeget eo en
diskouezadeg-mañ istor ar gouel adalek kentañ konkour ar bagadoù, ar
pennoù-bras o deus sikouret evit brudañ ar FIL e-pad 40 vloaz hag an
darempredoù en deus savet ar gouel gant ar broioù hag ar sevenadur keltiek.
Labouret o deus studierien ar Master Politiques patrimoniales et
Développement culturel eus skol-veur an Oriant abaoe miz Gwengolo 2008 war
danvez an diskouezadeg-mañ. Posupl e vo gwelet anezhi betek an 22 a viz Eost
e sal nevez an dribunell su e Stad ar Voustoer en Oriant. War-lerc'h ez aio
un tamm e pep lec'h e Breizh hag en holl vroioù keltiek o kregiñ gant Pariz ha
Glasgow e-pad ar goañv. Da-heul al labour-se e vo aozet prezegennoù d'an 11
ha 12 a viz Here hag ul levr anvet Le Festival Interceltique de Lorient
skrivet gant Alain Cabon ha skeudennaouet gant Nono a zo deuet er-maez.
Siwazh ez eo gwall-zister plas ar brezhoneg en diskouezadeg-se pa n’eus
bet troet nemet an titloù hag an “togoù”. Pa ouzer ez eo bloavezh
Breizh er bloaz-mañ ouzhpenn-se ne c’haller nemet bezañ dipitet-bras.
|
|
|
|
|
|
Kib ar
Bed e Suafrika |
|
|
|
Disoc’hoù ar
c’hardgourfennoù : Uruguay –
Ghana : 1-1 (4 tep* 2) Izelvroioù –
Brazil : 2-1 Arc’hantina – Alamagn : 0-4 Paraguay – Spagn : 0-1 * Tenn er pal Wimbledon
Tro Frañs
2010 war varc'h-houarn
|
|
|
|
|
|
E-touez ar pevar skipailh
diwezhañ e chom unan eus Suamerika met n’eo ket an hini a soñjed ennañ,
an Uruguay an hini eo (skeudenn). Arsa ya! Trec’het eo bet skipailh Brazil
hag hini Arc’hantina, biskoazh kement-all, hag int a oa sañset ar
gwellañ deuet evit gounit. Neuze emañ an danvez-kampion e-mesk ar pevar
skipailh-mañ: Alamagn, Spagn, an Izelvroioù hag Uruguay.
Adtapet gantañ ar
c’hentañ plas, hervez renkadur an ATP, emañ Rafael Nadal e barr e
sport. Gounezet en deus evit an eil gwezh tournamant Wimbledon, ar wezh-mañ
a-enep ar c’hoarier tchekat Tomas Berdych 6-3 7-5 6-4. Roger Federer en
doa kollet a-enep hemañ diwezhañ er c’hardgourfennoù, hag Andy Murray,
ar Skosad, n’en deus gellet ober netra a-enep “Rafa” en
hanter-c’hourfenn daoust dezhañ bezañ soutenet gant holl arvesterien
Wimbledon.
|
|
|
|
|
|
L’illusionniste |
|
||
|
|
Frañs
– 2006 Senario
ha seveniñ : Sylvain Chomet Diwar
ur senario orin gant Jacques Tati
Tostoc’h eus Mon oncle (1958) eget
eus Play Time (1967) eo liv L’illusionniste. Un tamm
teñvaloc’h eo ton an istor avat. Reiñ a ra da welet pegen start eo
buhez an arzourien hag an doan a vez skoachet a-dreñv d’al leurenn. Ur
brav a labour en deus graet Sylvain Chomet evit reiñ buhez en-dro da dTati.
Setu gwir douell L’illusionniste: reiñ da welet ur film gant
Tati pa n’eus ket anezhañ e gwirionez. Evit gouzout hiroc’h : |
|
||
|
|
|
|
|
|
O cheñch emañ bedig-bed ar Music-hall e dibenn ar
bloavezhioù 50 gant diflukadenn ar rock-’n-roll diroll. Rediet ez eus
un toueller da zivroañ gant e gonikl evit kenderc’hel da ginnig e
c’hoarioù-sigotañ. E toull didroañ Bro-Skos e ra anaoudegezh gant ur plac’h
yaouank hag a chom ken bamet dirak an hudour-se ma’z a d’e heul
er gêr vras.
|
|
|
|
|
|
20vet festival "Au pont du
rock" e Malastred d'an 30, 31 a viz Gouere ha d'ar 1añ
a viz Eost |
|
|
|
En deiz
war-lerc'h e vo kinniget c'hoazh sonerezh a bep seurt: rock gall gant Gaetan
Rouxel (a vo gwelet e holl festivalioù an hañv pe dost) hag Izia,
rock bepred gant Plastiscines, funk-elektro eus ar c'hentañ gant Ebony
Bones, elektro mat-tre ivez gant Yuksek, jazz elektronika gant Lyre
le Temps, ha jazz gant Carmen Maria Vega. Sonerezh-arnodiñ (ha
trouzus) a vo ivez gant Archive. Hir-mat e vo nozvezh ar Sadorn: da 6
eur noz e krogo an traoù ha gant Yuksek ec'h echuo adalek 2e50. Disheñvel
penn-da-benn (ha berroc'h ivez) e vo nozvezh ar Sul, hag a zo kenaozet gant
breserezh Lancelot. Sonadegoù sonerezh keltiek eo a vo kinniget gant bagad
Lokoal-Mendon, Merzhin, Red Cardell, Celtas Cortos
ha Plantec da echuiñ. R.M. 46€ an teir nozvezh,
24€ hini ar Gwener, 26€ hini ar Sadorn ha 12€ hini ar Sul. Muioc'h a Bont du rock: www.aupontdurock.com |
|
|
|
|
|
En
hañv-mañ e lider 20vet deiz-ha-bloaz festival Malastred. Tri
devezh e pado en holl, ha liesseurt eo ar programm. Ur meskaj funk-rock-hip
hop a vo d'an 30 a viz Gouere gant The Brownson Jacks, rock-blues-funk
mesket ivez gant The Inspector Cluzo, rock garage nerzhus gant Civet
hag elektro-rock gant Shaka Ponk. Seniñ a raio ivez Naonediz Pony
Pony Run Run (elektrorock) ha Bad Religion, ar strollad punk
hardcore amerikan hollvrudet.
|
|
|
|
|
|
Sekred-kegin: Kig yar gant sitroñs |
|
|||
|
|
1.Lakaat ar
c’hig en ur plad forn. Troc’hañ ar c’hignon ha lakaat
war-c’horre gant chug ar sitroñs. Holen ha pebr. Lakaat ivez an delienn
lore hag ar roumarin hag al loaiad vras eoul olivez. 2.Goloiñ ar plad
ha lakaat 1 eur er yenerez. 3.Lakaat ar
peurrest eus an eoul da dommañ en ur gastelodenn. Rouzañ an tammoù kig
dizouret. Troc’hañ ar sitroñs glas e rondelennoù bihan ha lakaat da
boazhañ e-pad 10 mn. 4.Servijout tomm. Riwanon Lennit Bremañ
Mezheven 2010 !
An teuliad zo gouestlet er miz-mañ da vier Breizh.
Lidañ a ra breserezh Coreff he 25 bloaz e 2010. Abaoe 30 vloaz e tispak
en-dro breserezhioù artizanel e Breizh, a brud mat zo gant kalz anezho. Rener
Coreff, Mathieu Breton, a ginnig e sell war istor bier Montroulez, ha Karaez
goude-se, hag e blas e kevredigezh Breizh hiziv. Kendalc'het e vo er miz-mañ gant div bajennad
"Lennomp!", bet soñjet a-ratozh evit ar re zo o teskiñ brezhoneg.
M’ho pez plijadurig o lenn Bremaik, plijadur ho po o lenn Bremañ,
sur! Bep miz, abaoe 1980, e kinnig ar gelaouenn Bremañ
pennadoù brezhonek a bep seurt, diwar-benn Breizh hag ar bed, kinniget brav,
e doare ur magazin. Embannet
gant Skol an Emsav (4,5€ an tamm) Koumanant:
50€ evit ur bloaz, 60€ evit an estrenvro, 4€ bep miz dre
lamadenn E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h : www.breman.org |
|
|||
|
|
|
|
|
||
