|
|
|
|
|
|
|
|
|
|
Lun 25 a viz Even, niv.151 Pellgargit ar pennadoù e stumm Word Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
|
Emgav etre Israeliz ha Palestiniz |
|
|
|
Egipt ha Jordania zo an div Stad
arab nemeto o vezañ sinet un emglev a beoc'h gant Israel.
Fellout a ra d'an div Stad-se e vefe raktreset un deiziadur evit un
emglev etre Palestina hag Israel. Goulenn a ra Mahmoud Abbas e vefe
echuet sez an Israeliz (500 harzlec'h ganto war hentoù
Sisjordania) ha kaset war-raok da vat an argerzh a beoc'h. Gwelloc'h eo
da Ehud Olmert e vefe gortozet e vefe stabilaet an traoù
gant galloud Palestina a-raok divizout tra-pe-dra. Disklêriet
en doa koulskoude dec'h e oa a-du gant ar mennozh resteurel
milionoù a zollaroù da Balestiniz bet dastumet
gant taosoù maltouterezh war ar produoù kaset da
Balestina hag o tremen dre Israel. |
|
|
|
|
|
|
|
|
|
Prezidant Egipt, Hosni Moubarak, en doa pedet ar
c'hentañ ministr israelat Ehud Olmert, ar prezidant
palestinat Mahmoud Abbas, ha roue Jordania, Abdallah II, d'en em gavout
holl asambles evit klask mont war-raok gant ar peoc'h etre Israeliz ha
Palestiniz. Un doare eo ivez evit reiñ pouez en-dro da
vMahmoud Abbas, penn ar Fatah, bet lakaet diaes er sizhunioù
tremenet gant stourmerien Hamas, bet kemeret ar galloud ganto e tachenn
Gaza.
|
|
|
|
|
|
Produoù
OGK er re bio ? |
|
|
|
M.M. Gallout a rit tabutal diwar-benn ar
sujed-mañ o vont amañ : |
|
|
|
|
|
D'an 12
a viz Even ez eus bet divizet gant ur bodad europat kemm ar pezh a vez
goulennet digant ur produ evit bezañ lakaet da "vio".
Traoù ouzhpenn a vo goulennet digantañ (da
skouer, e vo dav ma vefe 95% eus mas ar produ desavet hervez
lezennoù ar bio evit ma vefe lakaet ar produ da "vio"), met
traoù all a zo kalz laoskoc'h ivez. En o zouez, e vo aotreet
ar produoù OGK er re "bio".
|
|
|
|
|
|
"In
Situ"
evit cheñch neuz salioù diskouezadegoù |
|
|
|
Marie-Josée Laframboise,
eus Kebeg, zo boas da ober gant an
doare-mañ: perc'hennañ a ra al
lec'hioù a zegemer anezhi gant krouidigezhioù
savet diwar danvezioù boutin (paper, kordennoù,
danvez, rouedoù, kanetennoù...)
en ur reiñ ur perzh disheñvel dezho.
Cheñch a ra penn-da-benn an endro gant doareoù
dic'hortoz a c'hello arnodiñ ar weladennerien.
Evit
Eric Hattan, deus Bro-Suis, "An
arz n'eo nag ur produ nag un diskoulm,
ul labour treuzfurmiñ eo".
Hemañ a implij e zelwennoù evit
cheñch, en un doare simpl, skeudenn ul lec'h anavezet gant
an dud. Pezh a zegas trubuilh peogwir ne vezer ket gouest ken da lakaat
da glotañ pezh a weler gant pezh a ouezer. Ar c'hizeller euskarat Sergio Prego
a ijin degouezhioù evit krouiñ
santadurioù iskis e pep hini dre ar sell hag ar c'hleved. Ar
moged, an dourennoù pe ar goulou a c'hell bezañ
implijet gantañ. Evit-se eo ret dezhañ sevel ur
mekanikerezh a vo lakaet war wel gantañ evit ma vo komprenet
gwelloc'h penaos e ya en-dro un touellwel. Hoel Louarn Etre an 30 a viz Even hag ar 14 a
viz Here 2007 Kinnig an diskouezadeg e brezhoneg
d'an 21 a viz Gouere da 4e. Evit gouzout hiroc'h: www.le-quartier.net |
|
|
|
|
|
Adalek
disadorn e vo un diskouezadeg doare ur souezhadenn e kreizenn
arzoù Le Quartier e Kemper peogwir ez eus bet pedet pevar
arzour da zont da welet al lec'h en a-raok ha da grouiñ
oberennoù awenet gant doare ha stumm ar sal kinniget da bep
hini. 
Nicolas
Floc'h, a orin deus Roazhon, a labour en ur sevel ur preder, gant fent,
war ekonomiezh an arzoù en ur vont da heul
reizhiadoù armerzhel, deus ar produiñ betek ar
skignañ, gant ar greanterezh, ar peskerezh pe c'hoazh al
labour-douar.
|
|
|
|
|
|
Laouen
bras atleterien Frañs e Munich |
|
|
|
Daou drec'h o deus sikouret ar
C'hallaoued da dremen dirak an Alamaned: hini Ladji Doucouré
war 110 metrad dreist d'ar c'haeoù e 13"35, hag hini Bob
Tahri war 3000 metrad. Pevar foent lañs a oa gant skipailh
Frañs war Alamagn hepken. A-drugarez da atleterien Polonia
(trede war ar podiom), trec'h war Alamagn en abadenn
ziwezhañ (4x400m), eo deuet a-benn atleterien ar
C'hwec'hkorn da bignat war bazenn gentañ ar podiom: daoust
d'an niver a boentoù bezañ memes re etre an daou
skipailh (116), e oa muioc'h a vedalennoù arc'hant gant ar
C'hallaoued evit gant an Alamaned. Diouzh tu ar merc'hed e oa bet
lakaet sklaer an traoù gant ar Rusianezed adalek ar
penn-kentañ. A-boan echuet an devezh kentañ e oa
20 poent a lañs ganto war an eil skipailh. Kib Europa ar
merc'hed zo aet neuze gant Rusia, dont a rae Frañs da eil
hag Alamagn da drede. |
|
|
|
|
|
Skipailh atleterien Frañs a oa laouen
bras e Munich dec'h: aet eo ar maout ganto evit Kib Europa,
evit an eil gwech diouzh renk, dirak skipailh Alamagn. Deuet brav ivez
gant skipailh Frañs ar merc'hed, erruet eil war ar podiom,
goude ar Rusianezed.
|
|
|
|
|
|
|
THX
1138 - Director’s Cut |
|
|
|
Stadoù-Unanet –
1971 - 2004 Senario ha seveniñ :
George Lucas
Setu un istor kriz a
c’hoarvez en ur bed kriz, noazh ha gwenn. E-giz ma
c’hoarvez a-wechoù, ar Warner en doa lakaet kemm
war aozadenn Lucas evit e film kentañ. Hemañ,
deuet un den veur bremañ, en deus divizet adkempenn ar film
diouzh e vennozh dezhañ. Ken talvoudus e chom THX
met merzet a reer muioc’h an efedoù arbennik zo
bet ouzhpennet eget an aozadenn nevez. N’eo ket sur int deuet
mat kement-se rak o fuilhentez n’emañ ket tre en
he flas e krizded an istor-se. War an danvez e tenn muioc’h THX
da 2001: A Space Odyssey (Kubrick, 1968), setu eo
drol un tamm en em gavout a daol trumm gant arvestigoù zo,
kreñv liv Star Wars warno.
D’an nebeutañ, pa oa yaouank e oa gouest Lucas da
dreiñ brav un istor karantez. Pa soñjer pegen lu
e oa hini Attack of the Clones (2000)... Meriadeg Vallerie Kement ha gouzout muioc’h: |
|
|
|
|
|
|
|
Un teknisian eus ar re voutinañ eo THX
1138
|
|
|
|
|
|
Roc’han
Feu 29/30 a viz Even (Roc’han) Au
Pont du Rock 27/28 a viz Gouere (Malastred) |
|
|
|
Evit a sell ouzh an arzourien bedet
e vo rock–pop nozvezh kentañ Roc’han
Feu: aARON, Miossec, Luke
ha Naast a zeuio da seniñ. Evit ar re a
vourr gant an dub e vo ivez Improvisators Dub. An deiz
war-lerc’h e vo daou strollad reggae: Morgan
Heritage, Beta Simon and Jah-B-Jah,
sonerezh elektro-trash ar strollad belgiat Vive La
Fête, elektro an daouad saoz hollvrudet anvet Coldcut
hag un dra ispisial da zizoloiñ:
Tsypkin vs Voegelin, sonerezh
a-vremañ eus Belarus. Ul leurenn kaset en-dro gant Djed
a vo ivez bemnoz. Koustañ a
raio deoc’h 20 euro an nozvezh, pe 32 evit
ur pass daou zevezh. Ur miz war-lerc’h e vo tro
Au Pont du Rock neuze. War daou zevezh e vez aozet ar gouel-se ivez. Er
programm er bloaz-mañ: Horace Andy
(reggae) d’ar 27 hag ivez Eiffel
(pop-rock), Mademoiselle K hag ivez daou strollad
eus Breizh: Bikini Machine ha Calibistrixe
(gounezet taol-lañs ar gouel ganto). Ska-punk (Les
Caméléons) ha rock nerzhus an deiz
war-lerc’h gant Burning Heads ha Mass
Hysteria, e-touez ur bern strolladoù all. 20 euro
an nozvezh, 34 ar pass. R.M. Muioc’h a
ditouroù : |
|
|
|
|
|
Ouzhpenn
ar gouelioù sonerezh bras e kaver ivez re all
bihanoc’h e Breizh, gant programmoù ken dedennus
all peurliesañ. Daou ouel evel-se a vo aozet er Mor-Bihan
dindan ur miz, en o zouez ar gouel rock koshañ e Breizh (Au
Pont du Rock).
|
|
|
|
|
|
Tanavennoù
garlized safronet |
|
|
|
12 tanavenn c’harlized
– 30 cl kourbouilhoñs – 30 cl gwin gwenn
– 6 melen-vi – 1 dozennad safron (poultr pe
daredoù)– pebr hag holen
Mari Lubrano |
|
|
|
|
|
