|
|
|
|
|
|
|
|
|
|
Lun 26 a viz Mae,
niv.193 Pellgargit ar pennadoù e
stumm Word Evit resev kemennadenn
nevez Bremaik bep Lun, Petra oa keleier Bremaik bloaz zo? Klikit amañ! Evit distreiñ d'ar bajenn degemer |
|
|
|
|
|
|
|
|
|
|
|
|
|
|
Ar sonterez Phoenix "meurzhaet" mat |
|
|
|
679 milion a gilometradoù zo bet graet gant ar
sonterez Phoenix, bet kaset e miz Eost 2007 (276 milion a gilometradoù zo
etre ar blanedenn c'hlas hag an hini ruz). Da 11e30 noz (eur Greenwich) he
deus treuzet aergelc'h Meurzh, d'un tizh a 21 0000 km/eur ! Da
11e52 e reseve skipailhoù an Nasa titouroù o lavaret e oa bet stoket leur
Meurzh gant Phoenix. 15 munutenn a ranker gortoz evit resev war an Douar ur
c'hemenn kaset eus Meurzh. "Permafrost" ar blanedenn a furcho
Phoenix, a-benn kavout roudoù karbon pe hidrogen, danvezioù ret evit ma vefe
buhez. 420 milion a zollarioù e koust ar veaj-se. Hervez an Nasa ne vefe bet
evit poent, nemet 45% eus ar sonterezioù kaset da Veurzh a vefe deuet a-benn
da erruout dibistig war reier ruz ar blanedenn. |
|
|
|
|
|
Erruet e oa dec'h ar sonterez amerikan Phoenix war
douar ar blanedenn Veurzh. E penn-ahel norzh ar blanedenn ruz eo aet, a-benn
klask war-lerc'h roudoù dour skornet. Tu a vefe da welet neuze hag-eñ e vefe
bet tu da Veurzh degemer danvezioù bev. Hervez tud an Nasa eo erruet ar
sonterez tost eus al lec'h a oa sañset da dizhout.
|
|
|
|
|
|
Anken dirak liesseurted ar boudoù bev
o tiskenn |
|
|
|
M.M. |
|
|
|
|
|
Emañ Aozadur ar Broadoù Unanet evit ar boued hag
al labour-douar (FAO) o paouez embann un danevell enni ur galv evit mirout
ouzh liesseurted plant ar parkeier da vont da get. Graet e oa bet kement-mañ
gantañ evit ar pezh a selle ouzh loened an atantoù e miz Even 2007. Hervez an
danevell eo aet da get an tri c'hard eus liesseurted genetikel ha hini ar
spesadoù plant-parkeier e-kerzh an 20vet kantved. Bremañ, ne vefe mui
diazezet hon boued nemet war 12 spesad plant ha 14 spesad loened!
|
|
|
|
|
|
Diviz war
an identelezh hag an arzoù |
|
|
|
Hoel
Louarn E Ti ar Vro e Kawan da 8e30. Digoust ha
digor d'an holl. Evit gouzout hiroc'h : http://Poellgor_an_Tarv pe 02
56 35 51 20 |
|
|
|
|
|
D’ar
Gwener 6 a viz Even ho po tro da vont da selaou "Arz Breizh hag hon
identelezh", ur gaozeadenn e brezhoneg kinniget gant al livourez
eztaolerez Armel Sec'h. Houmañ a zo bet prezidantez kentañ "Poellgor an
Tarv", ur strollad arzourien eus Breizh bet krouet e 1997 gant ar pal
brudañ ha broudañ un arz lec'hel hag a-vremañ. Taolennoù an arzourez zo
brudet e Breizh met prizioù he deus bet ivez evit he skridoù evel barzhonegoù
e brezhoneg hag haïku e galleg. 
|
|
|
|
|
|
La Tour d’Auvergne Roazhon : ar
bloavezh mat ! |
|
|
|
Abaoe an trec’h war ar Stad Pempoull FK-7-1
d’an 11 a viz Mae –e oar an TA Roazhon ez ay kuit eus Rummad Enor
Breizh evit pignat e Kampionad Frañs Amatour 2, evit gwech kentañ e istor.
Start e oa bet ar gevezadeg a-hed ar c’houlzad, peurgetket abalamour
d’an US Sant-Maloù, renket da eil gant pemp poent dale: 1-1 e Marville
ha 0-0 e Roger Salengro. Tost-kenañ e oa an daou strollad an eil ouzh egile
’ta. Un taol-kaer evit an TA peogwir ne vo bet chomet nemet daou
goulzad er Rummad Enor! Disadorn e oa bet degemeret an OK Saozon-Sevigneg
Football gant an TA da-geñver kentañ hanter-c’hourfenn Kib Breizh. Un derby
evit an daou skipailh amezek-se zo kustum da genstrivañ e kampionad ar Rummad
Enor ivez (daou drec’h 3-1 ha 0-1 hevlene evit ar Roazhoniz). Hag evit
an drede gwech eo aet ar maout gant an TA Roazhon a-drugarez d’un
tenn-kastiz merket gant M. Levacher en diskrogoù-c’hoari. Keuz a c’hall
kaout ar Saozoniz, kalz re nervus, peogwir o doa bet ar gwellañ digarezioù
palañ, pemp anezho o vezañ harzet gant un diwaller roazhonat (G.Montagne)
DREISTORDINAL! O terc‘hel da dalvoudegezhioù laouenekaat, plijadur ha
stummadur re yaouank an TA en doa savet e c‘hourdoner -J.Le Normand- ur
skipailh kemmesket a-benn loreañ e holl c’hoarierien. Aze e oa kevrin
ar berzh marteze; peadra da brederiañ evit ar gourdoner saozonat,
techetoc’h d’en em gemer ouzh an tri zredeog goude ar
c’hrogad eget da frealziñ e c’hoarierien... Difenn a ray an Tour d’Auvergne Roazhon e goun-trec’h,
bet gounezet e 2007, a-enep Pleneventer Sportoù (trec’her war ar FK
Lannuon en hanter-c’hourfenn all). Yannig Boulard |
|
|
|
|
|
Chom a ray ar c’houlzad 2007/08 e-pad pell en
eñvorioù c’hoarierien, renerien, tud a volontez vat ha suporterien kleub
roazhonat ar prezidant J. Aubry : tri eus ar pevar skipailh ‘Henaded’
a c’hoario el live a-us da vloaz hag ar skipailh ‘Henaded A’
en deus gounezet an droed da vont e gourfenn Kib Breizh a vo dalc’het e
Kemper a-benn nebeut.
|
|
|
|
|
|
|
Indiana Jones and the Kingdom of the
Crystal Skull |
|
|
|
Stadoù-Unanet – 2008 Seveniñ : Steven Spielberg
Hirc’hortozet e oa pevare lodenn troioù-kaer Indy, e gwirionez. Abaoe pemzek vloaz zo e kleved anv eus ar raktres-se gwech ha gwech all. Ur sarpant-mor e oa deuet da vezañ zoken met gortoz pell gortoz gwell. Pemzek vloaz evit en em lakaat a-du war ar senario… Abeg a oa da soñjal e vije bet ur steuñvenn eus ar re wellañ gant ar film-se. Ma, sklaer eo ez eus dipit da gaout er c’heñver-se p’en em gaver kentoc’h gant steuñvenn ur c’hoari video. Re fonnus eo en ur mod ha poaniañ a reer dre forzh klask krediñ en un istor hag a vez re "betek re" alies. Dudius-tre eo an abadenn atav ha da vareoù zo e anavezer mat spered ar filmoù all. C’hoari a ra strobinellerezh Indy bepred. Evel en em gavout en-dro gant ur mignon tost aet diwar wel abaoe pell ez eo: cheñchet eo ha n’eo ket rik an den ho poa dalc’het soñj anezhañ ken, met laouen e vezer memes tra. Meriadeg Vallerie Kement ha gouzout muioc’h: http://www.indianajones.com |
|
|
|
|
|
|
|
E 1957 e adkavomp Indiana Jones
|
|
|
|
|
|
30 vloaz Run ar Puñs Kastellin, etre an 30 a viz Mae hag
ar 15 a viz Even |
|
|
|
A-hed ar bloaz e vo lidet deiz-ha-bloaz ar sal,
hag ouzhpenn sonerezh a vo kinniget. D’an 30 a viz Mae e krogo an traoù
adalek 8e30 noz, ha digoust e vo an abadenn, enni diskouezadegoù ha Djed.
A-benn an 31 e vo un nozvezh anvet "Sur ton 31", hag ur souezhadenn
e vo war un dro, rak ne ouezer ket piv eo an arzourien a zo bet pedet. E penn-kentañ miz Even (d’an 3 ha d’ar
4) e vo aozet daou zevezh eskemmoù ha preder war ar salioù sonerezh amplaet
staliet war ar maez. D’ar 5 a viz Even e vo kinniget un teulfilm
diwar-benn Palestina, ur c’henaozadur Run ar Puñs-Festival filmoù
Douarnenez eo. D’ar 7 a viz Even e vo un nozvezh rock’n’roll
da vat gant The Good Old Boys (rock-garage), Fancy ha Dj
Moule, un den a blij dezhañ meskañ sonerezh en doare "bastard
pop" evel ma vez lavaret. Menegomp ivez un abadenn evit ar vugale (Wild
Billy Boy Mosai) a-benn an 11 a viz Even (3 eur goude kreisteiz). Traoù all a zo, dibosupl
eo menegiñ pep tra amañ. Muioc’h a Run ar Puñs en ur heuliañ an daou
liamm amañ a-is. Ha da c’hortoz... deiz-ha-bloaz laouen ! R.M. Muioc’h a Run ar Puñs : |
|
|
|
|
|
Meur a ensavadur breizhat a lid o 30 vloaz e 2008.
Hag en o zouez emañ Run ar Puñs, ur sal-sonerezh eus Kastellin. Brudet-mat eo
ar sal e-touez ar re a blij dezho ar sonerezh amplaet, ha sur-mat ez eo unan
eus re zedennusañ Penn ar Bed, gant ar Vauban (Brest) hag an Hesperides
(Plouneour-Traezh).
|
|
|
|
|
|
Kig-yar en hili meur |
|
|
|
Danvez evit 4 den : 8 skalopenn kig-yar
– 1 “crepine” kig-moc’h – 150 g dienn tev
– 10 g amann - 80 g pistachez diblusket disall – 20 g kraoñ-pin
– 4 loaiad vras gwinêgr balzam – pebr hag holen
Mari Lubrano Lennit Bremañ miz Mae!
An
teuliad peder fajennad zo gouestlet en niverenn-mañ d'an dud nammet. Stourm
"Na paour, na suj", degemer ur skolajiad nammet e skolaj Diwan
Kemper, buhez pemdez div blac'h e kreiz- kêr Roazhon, ur rummad levrioù
touristañ savet a-ratozh evit an dud war gador-ruilh... Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Drailhit ar pistachez ha diskargit anezho en ur
plad-saladenn. Ouzhpennit an dienn hag ar c’hraoñ-pin, pebrit hag
holenit. Aozit un tamm farz war pep skalopenn. Rollit ha goloit pep skalopenn
gant ar “crepine”. Lakait an amann da velenañ en ur gokellenn ha
diskargit e-barzh an tammoù kig-yar farzet. Lezit da boazhañ 15mn war dan
bihan. Troit anezho bep an amzer. Tennit anezho diwar dan ha lakit a-gostez.
Dilindrit ar gokellenn gant gwinêgr balzam, ha fetisait ar soubilh. Servijit
ouzh taol gant ar soubilh.