|
|
|
|
|
|
|
|
|
|
Lun 18 a viz Mae, niv.239 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Sri
Lanka: Diskaret da vat an Tigred Tamoul |
|
|
|
|
|
|
|
|
|
Embannet he deus arme Stad Sri Lanka er beure-mañ
e oa bet trec'het ganto Tigred dieubidigezh an Eelam tamoul (LTTE). Abaoe an
20 a viz Ebrel e oa bet lañset gant arme Sri Lanka un argad e norzh ar vro,
lec'h ma oa renet un dachenn gant an disujidi Tamoul. War-dro 115000 den o
deus ranket kuitaat o lec'h bevañ en un nebeud devezhioù. War grisaat e oa
aet an emgannoù en deizioù tremenet: kelc'hiet e oa an Tigred tamoul war un
dachennig 4km2 e-tal d'ar mor. Ne chome ken un dachenn 300m2 ganto dec'h.
Hervez jeneraled arme Sri Lanka e vefe bet lazhet 250 ezel eus LTTE gant
soudarded ar Stad er beure-mañ, hag e vefe en o zouez penn bras an Tigred,
Velupeillai Prabhakaran (sk.). Disklêriet o deus an disujidi damoul dre ul
lec'hienn Internet tost outo, e tilezent ar stourm armet dre heg, hag e
c'houlennont e vefe doujet o fobl. Ne oa bet aotreet test ofisiel ebet eus an
estrenvro da welet penaos e tremene an emgannoù hag an doare d'ober war-dro
an dec'hidi. Goulennet eo bet gant 27 Stad Unaniezh Europa hiziv e vefe boulc'het
un enklask dizalc'h a-benn gouzout hiroc’h war marv tud disoudard.
|
|
|
|
|
|
Labour a chom evit kompren hentad ar
CO2 ! |
|
|
|
M.M. |
|
|
|
|
|
E miz Ebrel ez eus bet embannet ur pennad gant ar
gelaouenn vrudet
|
|
|
|
|
|
Gweledigezh ar Sarmon, e brezhoneg |
|
|
|
Ma n'ho
peus ket bet tro da vont da welout an diskouezadeg betek-henn, e vo aozet ur
weladenn vrezhonek a-benn ar Sadorn 30 a viz Mae etre 10e30 hag 11e30. 6,10 euro
ar mont e-barzh ha 3 euro (tud dilabour hag ar re dindan 26 vloaz). Gant ho
tiked e c'hallit tremen an devezh a-bezh er mirdi, un digarez neuze da
zizoleiñ oberennoù all. Evit gouzout hiroc'h: www.musee-beauxarts.quimper.fr
Meurzh 19 a viz Mae
Gant Skeudenn Bro Roazhon e
vo kinnig evit Gouel Erwan, pezhioù-c'hoari brezhoneg d'ar Meurzh 19 a viz
Mae, e Ti Tachenn Veurzh. Kregiñ a raio an nozvezh gant Roue an harzoù,
ur pezh-c'hoari kinniget gant ar strollad Rebeldia, diwar Erase un avez un
rey skrivet gant Oscar Castro (Chile). An istor: divroidi stanket en
harz, o c’hortoz treuziñ ha mont gant hent o huñvreoù. Ur
pezh-c’hoari fentus hag efedus an hini eo, met ur varnadenn griz diwar
ar sistemoù politikel a wask ar pobloù eo ivez. Kenderc'hel a raio an
abadenn c'hoariva gant strollad Ar Vro Bagan. Tri fezh-c'hoari a vo kinniget
ganto: Ar mevel laer, Ar c’hlasker-bara en armel, hag O vont da welet ur
pezh-c’hoari. 8e30 noz, Ti Tachenn
Veurzh, 6 bali ar Gevredidi, Roazhon. 10€/7€
(studierien, tud dilabour). Digoust evit ar re dindan 14 vloaz. |
|
|
|
|
|
|
|
|
|
|
|
Naoned o
ruzañ war-du ar rummad 2 |
|
|
|
Disadorn en em gavo
Naonediz war tachenn paotred Sochaux, daou boent ouzhpenn ganto, hag e-touez
ar skipailhoù war var da ziskenn er Rummad 2 ivez. A-dra sur emañ en disoc'h
da zont spi Naonediz koulz hag hini tud Sochaux. |
|
|
|
|
|
Dec'h e oa bet un eil derby
breton, goude Gourfenn Kib Frañs, etre Naoned ha Roazhon, e stad ar
Beaujoire. Diouzh un tu e felle da Roazhoniz dastum poentoù evit mont en
"Europa League", digor da bemp kleub kentañ ar Rummad 1 (Tolosa a
zo er 5vet plas). Diouzh an tu all, emañ ar Ganaried o klask chom hep ruzañ
(adarre) er Rummad 2. Tri foent nebeutoc'h eget Saint-Etienne zo ganto, ar
c'hentañ skipailh a c'hell diskenn en eil rummad. Partiet mat e oa evit
Naonediz war o zachenn dec'h koulskoude, goude m'en defe Mamadou Bagayoko
lakaet ur pal d'an 40vet munutenn, daoust da Beter Hansson bezañ war evezh.
Daoust da bep tra e seblante Roazhoniz mestroniañ ar c'hoari, ne groge
Naonediz e-barzh ar jeu nemet dre an tennoù-harz. D'ar 84vet munutenn e oa
mesket ar Ganaried pa brofitas Moussa Sow evit lakaat ar pal a lakas an daou
skipailh rampo.
|
|
|
|
|
|
|
X-Men
Origins: Wolverine |
|
|
|
Stadoù-Unanet
– 2009 Seveniñ
: Gavin Hood
E rummad ar ramz-filmoù emeur aze. Ma, ar
film-brudañ a oa lusket, nervennek hag efedus a-walc’h; ar film klok zo
memes mod e-pad 1 eurvezh 45. Dudi a zo, sur, met kerse eo e vefe ken gwan
steuñvenn an istor: n’eo ket gwall solut ar pezh a vez kontet etre ar
barradoù stourm. Danvez a vije bet koulskoude panevet gant loenelezh an
dudenn bennañ. Meriadeg Vallerie Kement ha gouzout
hiroc’h : Marc'h al Lorc'h e Ploneour-Lanwern
Melkonius eo Pêr-Jakez. O huñvreal emañ en e
vugaleaj e Breizh, gant e dad bet kaset d'ar brezel, gant e vamm he doa
desavet anezhañ, gant e dad-kozh bet divadoù e vuhez-pad. Dont a ra da soñj
dezhañ ivez ne veve ar re baour nemet diwar o orgouilh d'ar c'houlz-se. 4e
g.k., sal liesimplij Ploneour-Lanwern. 2€ ar plas. Evit
gouzout hiroc'h: |
|
|
|
|
|
|
|
Galloudoù divoutin zo da Logan ha Victor, daou
vreur bet ganet en 19vet kantved: evel tud-vleiz int. Skoaz-ouzh-skoaz o deus
redet an holl vrezelioù ha merzet eo bet o barregezhioù gant tud o doa
mennozhioù resis d’o lakaat da dalvezout. Deuet eo an heug da Logan
gant ar pezh a vezent lakaet d’ober ha dilezet en deus ar metoù-se
koulz hag e vreur. Met ne bado ket pell peoc’h e repu.
D'ar Sul 24 a viz Mae, e vo bannet e sal
liesimplij Ploneour-Lanwern, e-kichen Kemper, Marc'h al Lorc'h, film
Claude Chabrol bet awenet gant oberenn Pêr-Jakez Hélias. Da 4e goude-merenn e
vo an abadenn, kinniget gant Ti ar Vro Kemper ha Startijenn ar Vro-Vigoudenn.
Advouezhiet e brezhoneg e oa bet ar film nevez zo gant ar gevredigezh Dizale
diwar atiz Lionel Buannic Krouiñ, evit e lec'hienn, Brezhoweb, gant skoazell
Kuzul-rannvro Breizh. Bannet e vo en e stumm brezhonek hag istitlet e galleg.
Da 4e goude-merenn e vo an abadenn.
|
|
|
|
|
|
R.E.M. – Automatic For The People |
|
|
|
Koshaat (Drive, Nightswimming),
mervel hag an emlazh (Sweetness Follows, Everybody Hurts) ha
koll (Ignoreland) eo an temoù pennañ anezhi, koulz lavaret pladenn
dristañ ha gwellañ (hervez ur bern tud) ar strollad. An aozañ a zo a-bouez:
azalek an daou don kentañ (Drive, Try Not To Breathe) e splujer
en un aergelc'h dibar: ouzhpenn ar gitaroù tredan levezonet gant doare seniñ
The Byrds ez eo pianoioù ha binvioù-kerdin a vez klevet. Peg e chom ar
c'haner ouzh temoù e ganaouennoù, ha gwall hoalus eo e zoare da ganañ tonioù
ken trist. Div ganaouenn memes tra, a zo laouenoc'h evit peurrest an albom: Man
on the Moon ha The Sidewinder Sleeps Tonight. Ma'z eo a-bouez gouzout
kregiñ ur bladenn ez eo ken pouezus all bezañ gouest da echuiñ anezhi: diaes
chom diseblant pa glever ton diwezhañ ar bladenn, Find the River e
ditl. Peurliesañ ne selaouomp ket
sarmonioù randonus Bono. Met a-zivout Automatic For The People
e lavaras ez eo ar bladenn country-folk gwellañ bet embannet, hag ar gwir a
zo gantañ. R.M. Embannet gant Warner Bros. Muioc'h a R.E.M. : Ken bras eo deuet levezon R.E.M.
da vezañ war meur a strollad ken eo bet sonet tonioù Automatic For The People
gant strolladoù liesseurt evel The Meat Puppets, Bodies of Water pe c'hoazh
You Say Party! We Say Die! An holl donioù-se a zo
profet, da bellgargañ amañ: http://stereogum.com/drivexv/track/ Er bloaz-mañ
e kinniger ur wech ar miz ur bladenn a-bouez en istor ar sonerezh amplaet Erer kozh 2009 #2 Ar C'habared: etre Jazz, Tekno hag hengoun !
An devezh kentañ 'vo troet
war-zu hengoun Breizh gant Ebrel-Le Buhé-Vassalo a ginnigo ur veaj etre kanoù
ar Grennamzer ha tonioù a-vremañ, eus Bro-Wened da Vro-Dreger. Telenn geltiek
Gwenaël Kerléo a heulio lusk ar sonerezh Jazz, ha gant Ifig Flatres, kaner ar
strollad "Oktopus Kafé", e vo dizoloet kanoù hengounel gant ur sell
nevez.
Hoel
Louarn Evit gouzout muioc'h: Bep lun, e-pad
2 viz, ho po tro da zizoleiñ abadennoù an Erer Kozh 2009 en ho kazetenn. |
|
|
|
|
|
E 1991 e voe dizoloet REM gant
lod brasañ an dud pa voe skignet diehan tonioù evel Losing my Religion
pe Shiny Happy People war MTV. Ur bladenn skañv e oa, ha kemmoù bras a
voe degaset gant ar strollad pa'z embannas, bloaz goude, Automatic For
The People.
E gouel Karaez e vez ul
leurenn, goudoret brav gant un deltenn vras, e-lec'h ma vez tost-tre ar
selaouerien ouzh ar sonerien. Ar C'habared a zegemer "Breizh en he fezh:
an holl arzourien o deus ul liamm gant ar vro pe a vez awenet gant he
sevenadur", eme Jean-Daniel Bourdonnay.
D'ar Sadorn e vo pedet
broioù ar Reter gant kenstroll "Latcho Bashavav", awenet ivez gant
sevenadurioù mesket ar C'hornôg, ha "Bayati" a gano barzhonegoù
persan, arab ha breizhat. Gweltaz Adeux, n'eus ket ezhomm da ginnig ken, ac'h
aloubo al leurenn evit un abadenn rock-pop nerzhus e brezhoneg. E fin an
nozvezh e vo elektro-punk ar fest-noz, gant Hiks. Met darvoud an deiz a vo
eil kampionad ar bed Air biniou bombard, war mod an Air gitar! Digor eo an
enskrivadurioù d'an holl ac'hanoc'h: muzisianed mat pe fall peogwir eo dre ar
sell e vezoc'h barnet! 
D'ar Sul e vo ret mont da
welet "Al-Wasan", gant Gaby Kerdoncuff hag ar soner oud Elia
Khoury, evit dizoleiñ ur meskaj a-vremañ etre hengounioù Jordania ha Breizh.
Elektro, Tekno hag Hip Hop a vo klevet gant "Bros Before Hoes", 2
Dj eus Roazhon (sk.2). Ha gant "Mesk!" e vo un abadenn war-un-dro Elektro
hag Hip Hop gant Sheer K (sk.3), ha Jazzy, keltiek ha klasel gant piano Didier
Squiban. Evit gouzout piv 'vo ar strollad all e vo ret gortoz e vefe aet ar
maout gantañ en Taol Lañs 2009 d'an 29 a viz Mae.
|
|
|
|
|
|
Un troer emgefre brezhoneg-galleg
war Internet |
|
|
|
N'eo ket echu al labour,
pell alese: pinvidikaat ar c‘heriaoueg anavezet gant ar benveg, koulz
hag ar reolennoù yezhadur, na genglotont ket alies eus ur yezh d'eben,
dreist-holl p'int disheñvel-mat evel ar brezhoneg hag ar galleg. Gant al
labour-mañ bet boulc'het, e c'heller ijinañ en amzer da zont e vefe meziantoù
treién e yezhoù all (brezhoneg-saozneg, brezhoneg-spagnoleg,
brezhoneg-kembraeg...). Evit ober gant an troer : Lennit Bremañ miz Mae
Kaoz zo eus an holl draoù-se hag eus traoù all
c'hoazh e-barzh niverenn Bremañ Mae 2009. An
teuliad peder fajennad zo gouestlet er miz-mañ d'an aozadurioù kevredigezhel
a bled gant sevenadur ha yezh Breizh war hent an ofisielaat. Ur C'huzul
Sevenadurel nevez a vo krouet gant Rannvro breizh, ha cheñch a raio statud
Ofis ar Brezhoneg: un Diazezadur foran a genlabour sevenadurel e vo bremañ.
Ur pennad-kaoz hir a vo kavet gant prezidant Kuzul Sevenadurel Breizh hiziv. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Er beure-mañ e oa bet
kinniget gant Ofis ar Brezhoneg disoc'h ur c'henlabour bet boulc'het etre an
aozadur breizhat ha Skol-veur Alacant, er broioù katalan (Valencia).
Kenlabouret o deus ar Vretoned gant an ijinour Francis Tyers (skeudenn), a
labour evit an embregerezh Prompsit war Apertium, ur raktres meziant frank ha
digor, evit sevel standardoù war an treiñ. Tro en deus bet Francis Tyers da
labourat war troerien emgefre kembraeg-soazneg, galizeg-spagnoleg,
euskareg-spagnoleg... Diwar-se eo bet ganet stumm 0.1 un troer
brezhoneg-galleg, a c'hell an neb a gar ober gantañ. Simpl-tre eo an etrefas
evit ar poent, hag aes-kenañ d'ober gant an troer. A-benn an hañv e vo lakaet
e-barzh framm lec'hienn an Ofis.