|
|
|
|
|
|
|
|
|
|
Lun 25 a viz Mae, niv.240 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Enkadenn al laezh |
|
|
|
|
|
|
|
|
|
Abaoe tost ur sizhun emañ ar broduerien laezh en
Europa, ha niverus int e Breizh, o tispakañ o fulor. Abaoe ur bloaz eo
koazhet eus 30% priz al litrad laezh prenet digant ar broduerien gant al
laezherezhioù bras. Abaoe an 19 a viz Mae e aoz ar broduerien er vro oberoù
strakus evit diskouez ar c'holl degaset gant prizioù ken izel. Hiziv e nac'ho
ar broduerien reiñ o laezh d'an dastumerien c‘hreantel, da lavaret eo e
vo un "devezh-gwenn". E Brussel e vo bodet hiziv holl vinistred
Labour-douar an Unaniezh, ha galvet ez eus bet gant sindikadoù europat da
vanifestiñ du-se evit lakaat ar gaoz war priz al laezh. Divizet e oa bet
warlene gant Europa kreskiñ kotaioù ar produiñ laezh aotreet, gant ar soñj
nullañ ar c‘hotaioù da vat a-benn 2014-2015. Alamagn ha Frañs zo
nec'het gant an diviz-se ha spi o deus ar broduerien laezh e lako o stourm ar
vinistred da vont war o giz.
|
|
|
|
|
|
En em zifenn rak ar riz LL62 |
|
|
|
M.M. Evit gouzout hiroc'h : |
|
|
|
|
|
Evit poent ne vez ket gounezet riz Kemmet o Genoù
evit bezañ gwerzhet, met evit an amprouadennoù hepken. Met emañ Bodad Europa
o tielfennañ ur c'hinnig aotren evit ar riz LL62, savet gant an embregerezh
Bayer. Graet eo an LL62 evit bezañ gouest da chom bev gant kementadoù bras a
c'hlufozinat skuilhet warnañ. Dre ma'z eo bet kavet dañjerus gant ar
skiantourien e vo difennet ar produ-se en Europa a-benn nebeut. Setu e kav da
Greenpeace, da skouer, eo droch da vat aotren Europa da brenañ ur produ savet
gant ul louzoù diaotre war he ziriad. Ouzhpenn da se ez eus bet kavet
restachoù glufozinat er riz LL62, ha diforc'hioù all e-keñver ar riz boutin a
c'hellfe bezañ chalus evit ar yec'hed. Ouzhpenn da se e vije brasaet ar riskl
ma vefe tizhet seurtoù riz all gant genoù an LL62. Ur wech e oa bet ur
c'hontammadur er Stadoù-Unanet, gant riz gounezet evit an arnodiñ, ha dav e
oa bet distruj kementadoù riz bras-tre. 1,2 miliard a zollarioù a oa bet
foranet evit se. Ur sinadeg a zo gant Greenpeace evit nac'hañ ar riz-mañ.
|
|
|
|
|
|
Erer kozh 2009 #3 Arzoù ar straedoù er Waremm |
|
|
|
"Riez sans
modération" zo un abadenn bannikat strakus. Met da gentañ en deus
dibabet ar strollad Réverbère (sk. a-gleiz) lakaat
war wel ur pennden dudius, c'hoariet gant Thomas, a gomz, a huch hag a brofit
eus an disterañ digarez evit c'hoari war ar prim ha reiñ tro d'ar sellerien
da gemer perzh. A-drugarez d'an arzour-mañ, barrek da c'hoari gant al lusk,
al leurenn hag ar sellerien e vo c'hoarzhet un eurvezh pad. Tango Sumo zo ur
gompagnunezh eus Breizh ha Spagn war un dro. He c'horollouriezh estonus zo
deuet eus bedoù ar c'hoariva, ar sirk hag ar sonerezh. Les Vendaval a zo
maouezed eus Grenada a zañs er straedoù. Kroget int dre c'hoarzhin asambles,
ha tamm-ha-tamm, dre forzh kejañ asambles e gouelioù a-bep seurt, o deus
krouet asambles an abadenn "Les Noces de Trottoir"! Un doare
da ober tro perzhioù disheñvel ar
garantez dre an dañs, un arz eus ar re wellañ evit kaozeal hep gerioù.
Hoel
Louarn Evit gouzout muioc'h: Bep lun,
e-pad 2 viz, ho po tro da zizoleiñ abadennoù an Erer Kozh 2009 en ho kazetenn |
|
|
|
|
|
Teir c’hompagnunezh
veur war o zachenn eo a zo bet dibabet gant izili ar Fourneau, e-karg eus
arzoù ar straedoù e Gouel an Erer Kozh, evit c'hoari war leurenn ar Waremm,
e-kreiz unan eus parkoù Kerampuilh. Pep arvest a vo kinniget meur a wech, eus
ar Gwener d'ar Sul.
La Patriotico Interesante (sk. a-zehou)
zo ganet hag a vev war ar straedoù, evit lakaat da c'hoarzhin met ivez ezteurel
ar gounnar. "Kadogo, enfant soldat" zo un abadenn c'hoariva ha
sonerezh, leun a energiezh, diwar-benn kudenn diaes ar vugale lakaet da
soudarded, e Chile hag er bed a-bezh: war al leurenn ront zo tri muzisian,
"Aotrounez ar brezel", o stourm ouzh ar "boubelenn vras"
e-lec'h ma vev ar soudardedigoù-mañ. A-bep eil e kemer perzh ivez
politikourien, mediaoù, aozadurioù e-maez-gouarnamant ha keodedourien.
|
|
|
|
|
|
Yoann
Gourcuff enoret |
|
|
|
|
|
|
|
|
|
Dec'h e oa bet dilennet ar
Breton Yoann Gourcuff
|
|
|
|
|
|
|
Män
som hatar kvinnor (Millenium, le film) |
|
|
|
Sveden, Danmark - 2008 Seveniñ : Niels Arden Oplev
Diwar levrioù brudet Stieg Larsson eo savet ar
film-mañ evel-just. Sañset ne oa nemet hemañ da vezañ bannet er sinema rak
diwar an daou levr all e oa pevar filmskinwel da vezañ savet. Kement a verzh
a zo bet gant ar film kentañ-mañ ken eo evit ar sinema e vint aozet. Tost-tre ouzh red al levr emañ film Niels Arden
Oplev. Un toulladig elfennoù eus an istorioù a zeu a vez diskuilhet, ha traoù
a zo lezet a-gostez evel-just. An aergelc’h an hini eo a zo plijus-tre
ha ken efedus atav eo red an istor. Dipitus un tamm eo tudenn Mikael
Blomkvist met dispar eo hini Lisbeth! Ur film a-feson eo neuze ar film-mañ
met aliañ a ran deoc’h lenn al levrioù memes tra... G.L. A-benn gouzout hiroc’h : |
|
|
|
|
|
|
|
Ur c’helaouenner
svedat brudet eo Mikael Blomkvist. Labourat a ra evit ar gelaouenn Millenium,
met dres pa vez barnet evit bezañ savet pennadoù-enklask diwar benn un
embregerezh bras eo galvet gant Henrik Vanger (pennrener un embregerezh
all ) evit kas un enklask da benn. Nizez Henrik, Harriet a zo aet diwar
wel da 16 vloaz, muntret moarvat, den na oar penaos, rak n’eus bet
kavet roud ebet eus he c’horf. Setu eñ war roudoù istor teñval ar
familh-se, gant skoazell Lisbeth Salander, ur plac’h yaouank
ispisial…
|
|
|
|
|
|
La Route du Rock # 19 |
|
|
|
Dont a raio ivez Tortoise,
unan eus ar strolladoù amerikan a ziazezas an doare sonerezh anvet post-rock.
Evit a re a blij dezho ar sonerezh elektronek e vo dedennus mont da selaou Simian
Mobile Disco ha Peaches, hag ar re a blij dezho ar sonerezh pop
peurlipet a vo laouen o c'houzout e teuio ar strollad Camera Obscura
da seniñ er vro. Evit a sell ouzh ar gwir
rock'n'roll , eeun hag efedus, e vo tu da selaou The Kills, ha ma'z eo
gwelloc'h deoc'h ar sonerezh pop bihanañ e c'halloc’h selaou Dominique
A. N'eo ket peurglok programm La Route du Rock evit poent, ha diwar trouzioù zo ez eo posupl e teufe ivez Gossip, Deerhunter, hag Au Revoir Simone. Da heuliañ a-dost neuze. R.M. Muioc'h a Route du Rock : http://www.laroutedurock.com/
(lec'hienn ofisiel war sevel) http://routedurock.free.fr/ (lec'hienn
nann-ofisiel leun a ditouroù) Taol-Lañs
2009 d'an 29 a viz Mae
Warlene e oa aet ar maout
gant ar strollad Gimol Dru Band, a voulc'ho an nozvezh d'ar Gwener 29 a viz
Mae, ha Bernez Tangi a gano ivez. Tu a zo da glevet anezho war an dastumad
"Rock e Breizh" lakaet e gwerzh nevez zo gant Mass Prod ha gant
Bernez Tangi ez eus bet savet ur bladenn nevez-flamm, Lapous an tan. Koc'hu Karaez (kreiz-kêr),
adalek 8e30 noz. Priz mont-tre diouzh ho
kiz. Evit gouzout hiroc'h: |
|
|
|
|
|
Da betra gortoz lidañ 20 vloaz ur
gouel sonerezh a-raok kinnig ur programm dibar? Pa weler hini La Route du
Rock 19 ez eus peadra da soñjal e vo stank an dud e Sant-Maloù e-kreiz miz
Eost, hag e vo kalz anezho o wiskañ stouvoù divskouarn pa bigno My Bloody
Valentine (skeudenn), skouer beurvat ar sonerezh shoegaze trouzus-kenañ a
Vro-Saoz. Gwir eo n'o deus embannet pladenn ebet abaoe Loveless e 1991, met
tost 20 vloaz goude e chom unan eus pladennoù pouezusañ, kevrinusañ ha
dedennusañ istor ar sonerezh amplaet.
E Karaez e vo aozet er
bloaz-mañ adarre an "Taol-Lañs". Ur genstrivadeg eo, lec'h ma ya
strolladoù war al leurenn tro-ha-tro da seniñ dirak arvesterien evel-just...
hag ur juri ! E fin an abadenn ez aio Trofe Lanig Kervareg gant unan eus ar
strollad a oa war ar renk. N'eus nemet ur redi evit lakaat e anv: ober gant
ar brezhoneg! Ar strollad a vo aet ar maout gantañ a c'hello mont da c'houde
war leurennoù gouelioù all e Breizh ha kejañ gant tud a-vicher metoù ar
sonerezh. Evit an arvesterien ez eo un digarez a-feson evit ober anaoudegezh
gant strolladoù nevez a ra gant ar brezhoneg, liesseurt o doareoù da seniñ ha
da ganañ.
|
|
|
|
|
|
116 000: un niverenn evit ar vugale
aet diwar wel |
|
|
|
Un darn eus ur raktres europat ledan eo staliadur
ar 116 000 evit gwareziñ ar vugale. Obererezh servij al linenn
bellgomz-se a c'hello degas titouroù ouzhpenn diwar-benn ar skrapadennoù pe
tec'hadennoù bugale ha gwellaat labour ar pennadurezhioù publik war an dachenn-se. Lennit Bremañ miz Mae
Kaoz zo eus an holl draoù-se hag eus traoù all
c'hoazh e-barzh niverenn Bremañ Mae 2009. An
teuliad peder fajennad zo gouestlet er miz-mañ d'an aozadurioù kevredigezhel
a bled gant sevenadur ha yezh Breizh war hent an ofisielaat. Ur C'huzul
Sevenadurel nevez a vo krouet gant Rannvro breizh, ha cheñch a raio statud
Ofis ar Brezhoneg: un Diazezadur foran a genlabour sevenadurel e vo bremañ.
Ur pennad-kaoz hir a vo kavet gant prezidant Kuzul Sevenadurel Breizh hiziv. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Lakaet eo bet an niverenn bellgomz-mañ e pleustr
adalek hiziv, e nav Stad eus Unaniezh Europa. E-kerzh ar mizioù da zont e vo
muioc'h-mui a stadoù oc'h ober gant an niverenn-mañ, 116 000. Digoust ha
digor noz-ha-deiz, eo bet savet evit reiñ titouroù ha skoazell da familhoù ar
vugale aet diwar wel. Degemeret e vez ar galvadennoù e Frañs gant Inavem (Ensavadur
broadel skoazell d'ar c’houzañvidi ha hanterouriezh), un aozadur
disheñvel eo e pep Stad. Hervez ar goulenn e c'hello goude-se Fondation pour
l'Enfance kas galverien Frañs war-du melestradurezhioù pe kevredigezhioù
arbennik. Heuliañ ar ra ar Fondation ivez an teuliadoù a-hed an divizoù ha
harpañ a ra ar familhoù en darempredoù gant ar servijoù enklask ha justis.