|
|
|
|
|
|
|
|
|
|
Lun 11 a viz Mae, niv.238 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Sri Lanka: miliadoù a dud lazhet |
|
|
|
|
|
|
|
|
|
E-kerzh an dibenn-sizhun-mañ e vefe bet lazhet
ouzhpenn ur miliad a Damouled disoudard. "Ul lazhadeg gwadek" eme
ur vouezh eus Aozadur ar Broadoù Unanet zoken, a embann e vefe bet lazhet
d'an nebeutañ 100 bugel gant bombezadegoù e-kerzh an daou zevezh tremenet. Embann
a ra ar Stad eo kablus ar rebeled a glaskfe ober brud fall d'ar renad, ha
diouzh an tu all e embann an disujidi Tamoul eo bet bombezennet an dachenn
dizehan gant arme Sri Lanka. Skeudennoù zo bet skignet gant an disujidi
Tamoul dre Internet (s.o. ar skeudenn). Start-kenañ eo kaout keleier resis
eus an darvoudoù: ne aotre Stad Sri Lanka war dachenn an emgannoù ken nemet
un nebeud implijidi eus ar Groaz Ruz. Harzet e oa bet tri c'helaouenner saoz
eus Channel Four disadorn evit bezañ filmet stad ar repuidi e kampoù norzh ar
vro, war zigarez e rafe brud fall d'ar Stad o c'heleier. Adstaget he doa arme
Stad Sri Lanka gant ar stourm a-enep da rebeled armet "Tigred Tamoul an
Dieubidigezh" abaoe miz Genver, goude 37 vloaz a vrezel. Hervez arme ar
Stad e vefe bet enket war an dachennad 4 km2 war aodoù e biz Sri Lanka. Abaoe
miz Genver e vefe bet lazhet 6500 den disoudard ha gloazet 14000 gant an
emgannoù. 200000 den o deus ranket skampañ kuit.
|
|
|
|
|
|
Brevedoù war ar boudoù bev, tabutoù nevez |
|
|
|
Ur paz pelloc'h ez a bremañ an traoù, gant an
tabut tro-dro da vrevedoù a vije lakaet war spesadoù ha n'eo ket bet kemmet o
genoù, met savet o kroaziañ spesadoù all hepken. Goulennoù a vez muioc'h-mui
gant an embregerezhioù bras diwar-benn ar sujed-mañ. A-benn nebeut e ranko
reiñ Ofis Europat ar Brevedoù e ali war ur spesad brokoli. Ma vije asantet
reiñ ur breved d'ar spesadoù-se e talvezje e vije ledanaet kudenn ar brevedoù
war ar boudoù bev: n'eo ket ar plant OGK a vije tizhet hepken. N'eus forzh
peseurt plantenn a c'hellfe bezañ perc'hennet gant un embregerezh. M.M. |
|
|
|
|
|
Anaout a reer mat peseurt kudennoù a sav evit
brevediñ ar boudoù bev gant OGK: dre ma vez savet ur "spesad nevez"
gant an embregerezhioù o deus ar gwir da lakaat ur breved warnañ, ar pezh a
lak anezho da vezañ perc'henn war ar boudoù eus ar spesad-se. Ha pa vez kavet
plant OGK e lec'h all estreget er parkeier e-lec'h ma'z eus bet prenet un
aotre gant al labourer-douar e c'hell an embregerezh digeriñ ur prosez.
|
|
|
|
|
|
Gweledigezh ar Sarmon, e brezhoneg |
|
|
|
Ma n'ho peus ket bet tro da vont da welout an
diskouezadeg betek-henn, e vo aozet ur weladenn vrezhonek a-benn ar Sadorn 30
a viz Mae etre 10e30 hag 11e30. 6,10 euro ar mont e-barzh ha 3 euro (tud dilabour
hag ar re dindan 26 vloaz). Gant ho tiked e c'hallit tremen an devezh a-bezh
er mirdi, un digarez neuze da zizoleiñ oberennoù all. Evit gouzout hiroc'h: |
|
|
|
|
|
Tro hon eus bet da lakaat ar gaoz war an
diskouezadeg aozet tro-dro da Weledigezh ar Sarmon (Gauguin) kinniget betek
ar 1añ a viz Even e Mirdi arzoù-kaer Kemper. Ur pennad diwar he fenn a zo
ivez e-barzh Bremañ ar miz-mañ (niv.331).
|
|
|
|
|
|
"Kib
Breizh" aet gant Gwengamp! |
|
|
|
Ha na zisoñjit ket match
pouezusañ ar sizhun-mañ: derby Breizh etre Roazhon ha Naoned a vo
c’hoariet disul e stad ar Beaujoire, etre ur skipailh melen-ha-gwer
bountet gant ar c’hoant chom e R1 ha c’hoarierien Roazhon mennet
evit kaout ur plas mat er c’hampionad hag a gasfe anezho da gib Europa
ar bloaz a zeu. F.O. |
|
|
|
|
|
Ma oa dic’hortoz
perzhidi gourfenn kib Frañs disadorn ez eo bet ken dic’hortoz an
diskoulm. Aet ar maout gant skipailh Gwengamp, hag evit chom neptu n’eo
ket bet laeret ganto. Roazhon, dre an difennour Bocanegra, en deus plantet
e-barzh da gentañ ugent munutenn a-raok fin ar bartienn ; Eduardo a lakae ur
pal teir munutenn war-lerc’h evit an EAG hag hini an trec’h dek
munutenn goude. Dre vras n’o doa james c’hoariet paotred Roazhon
a-gevret e-giz ma vez graet ganto abaoe penn-kentañ ar bloavezh;
c’hoarierien Gwengamp o deus diskouezet adalek penn-kentañ ar bartienn
e oant en o bleud ha prest da blantañ reuz e statistikoù ar gourfenn-se
(maout ebet tapet gant ur skipailh R2 abaoe 1951!). Kriz eo an taol evit
suporterien Roazhon a oa o c’hortoz ur gib abaoe 1971...
|
|
|
|
|
|
|
OSS
117 : Rio ne répond plus |
|
|
|
Frañs
– 2007 Senario
ha seveniñ : Michel Hazanavicius
Gant gwir abeg he doa graet berzh abadenn gentañ OSS
117 en he stumm adveret gant Hazanavicius. Seul c’hortozetoc’h
e oa an heuliadenn. Ne vezer ket dipitet e gwirionez: atav ken droch ha leun
a raksoñjoù gros eo OSS. Drochoc’h c’hoazh eo eget na oa er film
kent zoken, ar pezh a c’hell reiñ kerse un tamm ken mat e oa kempouezet
hemañ gant sotoni an dudenn eus un tu hag e hoal eus un tu all. Diot da vat
eo e Rio ha seul diotoc’h m’emañ kevredigezh 1967 oc’h
emdreiñ buan. Dre chañs ne vir ket e vefe atav barnadennoù kriz war
plegoù-fall Frañs. Meriadeg Vallerie Kement ha gouzout
hiroc’h : |
|
|
|
|
|
|
|
Ur mikrofilm warnañ anvioù pennoù-bras gall o deus
kenlabouret gant an trede Reich zo e-kerz ur c’hozh ofiser nazi. Prest
eo da eskemmañ ar mikrofilm-se ouzh ur berniad arc’hant gant ma vefe
roet dezhañ gant poliser kuzh gwellañ Frañs, OSS 117
|
|
|
|
|
|
15vet Astropolis (kosmek) etre ar 5 hag an 9 a viz Eost e Brest |
|
|
|
Ouzhpenn sonerezh
elektronek a vo kinniget deomp: anti-folk dic'hortoz gant Cocorosie d'ar Merc'her 5, hag ivez
elektro-rock gant Late of the Pier (ur pennad zo bet amañ
diwar-benn o fladenn) d'ar Gwener 7 e sal ar Garenn, gant Au
Revoir Simone. Evit a sell ouzh ar
sonerezh elektronek ez eo dav lavarout o deus an aozerien dibabet arzourien
dibar: ar re a vourr gant ar sonerezh elektronek bihanañ a vo laouen o vont
da selaou Richie Hawtin (Plastikman)
(skeudenn) ha Troy Pierce er
Garenn d'ar Yaou 6. D'ar Gwener 7 ec'h echuo an nozvezh er Garenn gant Laurent Garnier, unan eus DJed vrudetañ ar
bed. Evel bep bloaz ec'h echuo
an traoù e porzh maner Keroual e Gwiler d'ar Sadorn 8 betek ar Sul 9 da
vintin. Meur a leurenn evel bep bloaz: Manu
Le Malin a ray war-dro al leurenn hard-core, mod-all e vo
sonerezh jungle gant Roni Size,
elektro-punk gant Sexy Sushi, ha meur a arzour brudet-tre
evel Sven
Väth hag Erol Alkan, hag un
arzour gall yaouank ha brudet-mat dija, Surkin
e anv. Hag evel bep bloaz:
Astroboum evit ar vugale, kenstrivadeg c'hoari bouloù war blasenn Guérin, hag
all. R.M. Programm klok, prizioù...
muioc'h a Astropolis : Erer kozh 2009 #1 Ar Vreudeur Morvan gant Taboulinoù
ar Bronx
Kaset zo bet tonioù ar
Vreudeur Morvan d'ar strollad tamboulinoù, evel, da skouer, un enrolladenn gozh
bet kavet e dielloù ar C'hoop Breizh peogwir e vez klevet mat lusk ar
c'han-ha-diskan gant treid an daou labourer-douar o skeiñ war ar plañchod. An daou strollad en em gavo
e Leurenn Glenmor, un nebeud devezhioù a-raok ar gouel, evit pleustriñ
asambles. Emgav a vo neuze gant kan-ha-diskan hengounel da vat ha 17
tambouliner, ul lusk nerzhus ganto ha levezonet gant afrobeat, rock, tekno ha
world a gas ar selaouerien e bed ar sonerezh mod ijinerezhel hag arnodel. Hoel Louarn Gouel an Erer Kozh, Karaez, War leurenn Glenmor
d'ar Sadorn 18 a viz Gouere. Bep lun,
e-pad 2 viz, ho po tro da zizoleiñ abadennoù an Erer Kozh 2009 en ho kazetenn. |
|
|
|
|
|
E
"Aon teus da vont da
ganañ war al leurenn vras, me ‘m eus ket"
|
|
|
|
|
|
Kib Frañs e brezhoneg |
|
|
|
Lennit Bremañ miz Mae
Kaoz zo eus an holl draoù-se hag eus traoù all
c'hoazh e-barzh niverenn Bremañ Mae 2009. An
teuliad peder fajennad zo gouestlet er miz-mañ d'an aozadurioù kevredigezhel
a bled gant sevenadur ha yezh Breizh war hent an ofisielaat. Ur C'huzul
Sevenadurel nevez a vo krouet gant Rannvro breizh, ha cheñch a raio statud
Ofis ar Brezhoneg: un Diazezadur foran a genlabour sevenadurel e vo bremañ.
Ur pennad-kaoz hir a vo kavet gant prezidant Kuzul Sevenadurel Breizh hiziv. Bep miz,
abaoe 1980, e kinnig ar gelaouenn Bremañ pennadoù brezhonek a bep
seurt, diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Gourfenn Kib Frañs 2009 ar vell-droad