|
|
|
|
|
|
|
|
|
|
Lun 12 a viz Mae,
niv.191 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Tro wenn er Vodadenn |
|
|
|
Meur a bennad ha liamm zo
war Agence Bretagne Presse, evit gouzout hiroc'h : |
|
|
|
|
|
D'ar 7 a viz Mae e oa bet
aozet er Vodadenn Vroadel, lec'h m'en em vod kannaded ar C'hwec'hkorn, ur
c'hendiviz diwar-benn ar yezhoù "rannvro". Ar wech kentañ e oa en
istor Republik Frañs. Meur a wech, abaoe un toullad bloavezhioù, o deus
klasket kannaded zo kemm mellad 2 ar Vonreizh a-benn anavezout ha gwareziñ en
un doare ofisiel, ar yezhoù zo war tachenn ar Republik, estreget ar galleg. Ar
Vretoned, Marc Le Fur pe Marylise Lebranchu o deus graet kinnigoù da skouer.
E miz Genver tremenet, en doa prometet ar gouarnamant e vefe un abadenn
a-ratozh er Vodadenn Vroadel evit an danvez-se goude dilennadegoù miz Meurzh.
Graet eo bet dimerc'her tremenet neuze. An deiz a-raok gouel an 8 viz Mae.
Nebeud a dud a oa er sal vras. Klevet ez eus bet katalaneg, hag un tamm
brezhoneg, met rebechet eo bet kerkent gant prezidant ar Vodadenn. Klozet eo
bet an abadenn gant Christine Albanel, ministrez ar c'hultur, oc’h
embann ne vefe kemmet seurt ebet e lezenn-vamm ar Republik. Meur a hini zo
bet o lavaret, e-touez skoazellerien ul lezenn pe ur mellad o venegiñ yezhoù
Frañs, e kase an diouer a zoujañs d'ar feulster.
|
|
|
|
|
|
Manifestadeg dirak labouradeg Cargill
Brest |
|
|
|
M.M. Kement ha gouzout hiroc'h: |
|
|
|
|
|
Digwener tremenet eo bet stanket al labouradeg
Cargill, war porzh Brest, gant stourmerien a-enep ar produoù O Genoù Kemmet.
Ur c'hant bennak a dud a oa eno, hag harzet o deus diskargadur ar soja evit an
embregerezh Cargill. E porzh Brest an hini eo e vez emporzhet ar muiañ a soja
RoundupReady, savet gant Monsanto. 85% ouzh ar soja a dremen eno a vez kemmet
e c’henoù. Implijet e vez ar soja-se evit magañ al loened, ha goude-se
ne vez ket meneget war an tikedennoù int bet maget gant boued OGK.
|
|
|
|
|
|
Teatr brezhonek:
gouel ar c'hoariva e Kemper |
|
|
|
E sal C'hoariva Max Jacob,
e Ti ar Vro Kemper hag er Jardin Max Jacob e vo kinniget an abadennoù. Ha
leun a vo. Gant strolladoù zo eus ar vro evel-just, Ar Roue Ubu gant Ar Vro
Bagan, Strollad Kallag, un abadenn c'hoariva war ar prim "Sketch
Noz"... Kizelladennoù ramzel Marc Morvan a vo tu da welet ivez, kenkoulz
hag ar grouidigezh graet a-ratozh gant Pirat-Puppet Company. Ur sal zo bet
kempennet gant ar grouerien margodennoù, war tem an diougan hag ar
planedennoù! Ur Breizh Pride diroll, un apero slam-hengoun... Evit gouzout
petra eo, e vo kenkoulz mont war ar plas ! Un diskouezadeg, kontadennoù
a vo ivez, un emgav etre skolajoù Diwan... Evit gouzout hiroc'h : Ti ar Vro Kemper,
pgz : 02 98 90 70 93. www.teatr-brezhonek.org |
|
|
|
|
|
Etre ar 22 hag ar
|
|
|
|
|
|
Krogad mell-droad Breizh-Kongo e Sant-Brieg |
|
|
|
Ar c'hevredigezhioù Evel Just hag Amzer Vrav a ginnig
ur veaj a-stroll gant ur c'harr-boutin o loc'hañ eus Kemper: ar Gwenn ha du, bannieloù
Kongo, gitonioù ha binviji sonerezh a-bep seurt a vo degemeret mat! Hoel Louarn Krogad
Breizh-Kongo e sportva Fred Aubert e Sant-Brieg da
9e noz d'an 20 a viz Mae (5/10euro) Karr-boutin
da 6e e Kemper (gant
ar mont-tre, tud gour : 26 euro, bugale : 19 euro) Evit
gouzout hiroc'h: www.bretagne-football.org |
|
|
|
|
|
Goude Kameroun e 2001 e vo skipailh mell-droad Breizh
o c'hoari a-enep da hini vroadel A Kongo d'an 20 a viz Mae e sportva Fred
Aubert, gouest da zegemer betek 11000 arvester, e Sant-Brieg. Ar c'hrogad-mañ
a vo aozet gant skipailh Sant-Brieg, asambles gant ar BFA, skipailh Gwengamp
ha ti-kêr Sant-Brieg. Rannvro Breizh a vo ivez ba'r jeu evit an darvoud. Skignet
e vo war-eeun gant ar chadenn Direct 8 (strollad Bolloré) war an TNT ha
Canalsat.
|
|
|
|
|
|
|
Iron Man |
|
|
|
Stadoù-Unanet Amerika - 2008 Seveniñ : Jon Favreau
Ur film super-harozed klasel kenañ eo Iron Man.
Hirik an prantadoù krouiñ an houarnwisk, sonerezh rock e-leizh (betek re
zoken), un haroz keuz gantañ eus e vuhez disoursi... Traouigoù un tammig ispisial a zo koulskoude:
tudennoù ar merc’hed a seblant kentoc’h fin evit ur wech, ur fent
plijus. Start eo krediñ koulskoude ez eo Tony, paotr dichek ha fent-du
gantañ, souezhet mik pa tizolo e vez gwerzhet armoù d’an enebour gant e
embregerezh... Ur film dudius eo neuze, met hep a-walc’h a
bersonelezh evit ma vefe dispar. Dreist-holl e-keñver an dibab a-feson a
gaver hiziv er rummad filmoù super harozed. G.L. Kement ha gouzout hiroc’h: http://ironmanmovie.marvel.com/ |
|
|
|
|
|
|
|
Tony Stark a zo e-penn an embregerezh armoù Stark
Industries. Speredek kenañ eo hag ijinañ a ra ur bern armoù nevez efedus-tre;
pinvidik mor eo evel-just hag ur merc’hetaer daonet ouzhpenn-se.
E-kerzh ur veaj en Afghanistan evit diskouez un arm nevez da soudarded lu ar
Stadoù-Unanet e vez skrapet gant ur bagad sponterien. Goulenn a reont
digantañ sevel un arm evito. Gloazet ha spontet gant ar fed e vez implijet e
ijinadennoù gant an “enebour“ e krou un doare houarnwisk
ispisial. Distro d’ar gêr e klask gwellaat e ijinadenn nevez a-benn
cheñch penn d’ar vazh.
|
|
|
|
|
|
"An Diaoul a gan"
er Yeuc'h |
|
|
|
H.L. Etre digoust ha 7 euro. Evit gouzout hiroc'h : www.myspace.com/andiaoulagan Astropolis
Etre an 13 hag ar 16 a viz
Eost e Brest
Kregiñ a ray an traoù
adalek ar Merc’her 13 e skwar Kennedy e Brest, skignet e vo ur film (Rize)
hag ur pik-nik mix a vo ivez. An deiz war-lerc’h,
evel m’eo boas an aozerien d’ober abaoe un nebeud bloavezhioù, e
vo un abadenn kenaozet etre Astropolis ha Les jeudis du Port: Señor
Coconut, Naab hag Users. Er memes nozvezh e vo un abadenn e
sal ar Garenn, deuet da vezañ Bunker Palace evit Astropolis: e-touez re all e
vo tu da selaou Dave Clark ha Brestiz Sonic Crew. Er memes nozvezh ivez, e vo aozet ar BZH System e
Astroclub-La Suite. Un digarez da zizoloiñ arzourien eus ar vro. Muioc’h-mui a draoù
d’ar Gwener, er memes salioù: M83, Carl Craig, Sébastien
Tellier, Midnight Juggernauts, Ed Banger Crew hag ur bern
re all a lakao ar BPM da vont. E ken kaz ho pefe nerzh
a-walc’h e vo tu da echuiñ e maner Keroual d’ar Sadorn,
trawalc’h menegiñ un nebeud anvioù evit gwelet e kinniger deomp ur
programm a-feson: Master Mike (DJ Beastie Boys), DJ Muggs (hini
Cypress Hill), Birdy Nam Nam, Boys Noize, The Micronauts
hag ur bern re all. Peadra da dremen 4 devezh leun chouk e Brest. Lakaomp ur
5vet hini zoken ma fell deoc’h kemer perzh en "after" a vez
aozet d’ar Sul… R.M. Muioc’h a BPM : |
|
|
|
|
|
Disadorn ha disul e vo kinniget 
Setu deuet eo er-maez
programm Astropolis 2008. 1988-2008? E ya, 20 vloaz zo e voe kroget ar rave
parties kentañ. Lidet e vo an darvoud gant Astropolis neuze, ha Rave Up! eo
an dodenn bet dibabet er bloaz-mañ.
|
|
|
|
|
|
Risotto an nevezamzer gant keuz
dañvadez |
|
|
|
Dibluskit ha rasklit ar penn-chalotez. Dibluskit
ha troc’hit an asperjezennoù a-droc'had. Gwalc’hit ha
troc’hit ar gourjetezenn a-vizhierigoù. Dizourit ha troc’hit an 2
galonenn artichaod e pevar. Lakait ar gourjetezenn hag an asperjennoù da
boazhañ er vurezh 20 mn. Ouzhpennit ar favennoù goude 10 mn. Tommit ar
bouilhoñs. Lakait an amann da deuziñ e-barzh ur frinkell, lakait ar
penn-chalotez da rouzañ 1 mn. Lakait goude-se ar riz ha meskit betek ma vo
treuzluc'hus. Diskargit ar bouilhoñs banne a banne, ha meskit betek ma vo
lonket al liñvaj. Ouzhpennit goude-se an holl legumaj, pebrit hag holennit. Meskit. Rannit ar risotto en asiedoù. Dasstrewiñ gant keuz
dañvadez ha parmesan. Mari Lubrano
Niverenn Bremañ
miz Mae 2008 (niv.319) zo deuet er-maez! Tibet ha
Sina, enkadenn ar feulster en Euskadi, milinoù-tredan e strad an Oded, stourm
tud Kreiz Breizh evit mirout holl servijoù ospital Karaez, skipailh
mell-droad Kerc'hfaou... Anv zo eus an holl draoù-se ha traoù all c'hoazh
e-barzh niverenn Bremañ miz Mae 2008. An
teuliad peder fajennad zo gouestlet en niverenn-mañ d'an dud nammet. Stourm
"Na paour, na suj", degemer ur skolajiad nammet e skolaj Diwan
Kemper, buhez pemdez div blac'h e kreiz- kêr Roazhon, ur rummad levrioù touristañ
savet a-ratozh evit an dud war gador-ruilh... Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
Danvez evit 6 den: 150 g riz ront – 125 g 