|
|
|
|
|
|
|
|
|
|
Meurzh 9 a viz Mae,
niv.99 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Yannig
Baron : 21 devezh yun hag emgav arc'hoazh |
|
|
|
Arc'hoazh
e vo sañset roet ur respont da z Dihun gant renerien an
deskadurezh kristen e Breizh. Skoazellañ Yannig Baron a
c’heller dre gas posteloù d’an aotrou
Jean-Yves Savidan (ddec22@scolanet.org),
gant un eilskrid dezhañ (dihun-breizh@freesbee.fr).
Ur sinadeg a c'heller kavout ivez evit reiñ e skoazell da
brezidant Dihun. Evit
gouzout hiroc'h : http://www.dihun.com/actualites/soutiengrevefaim06.htm |
|
|
|
|
|
Kenderc'hel a ra stourm Yannig Baron (a-zehou war
ar skeudenn graet gant Jean-Luc Le Floc'h) evit ma vefe reizh ar
c'helenn brezhoneg er skolioù katolik. E-kerzh
Breujoù Sevenadurel Breizh eo bet meneget meur a wech
harz-debriñ Yannig Baron gant an aozerien (Kuzul Sevenadurel
Breizh ha Skol-Uhel ar Vro). Deuet e oa prezidant Dihun da Skol-veur
Yaouankiz Breizh, aozet er sizhun dremenet gant KSB e Karaez, evit
saludiñ mignoned euskarat. Meur a wech o deus ar berzhidi
yaouank stlapet o daouarn evit reiñ kalon dezhañ.
Diskouezet en deus bezañ mennet da vat da zifenn ar pezh zo
evitañ gwir diazez an holl re a vev e Breizh : gellout
deskiñ yezh ar vro. E ti ar gevredigezh Dihun e Gwened eo
staliet, noz ha deiz, Yannig Baron evit kas war-raok e stourm.
|
|
|
|
|
|
Logod-dall
o c’houlenn lojeiz |
|
|
|
Morwena
Audic http://www.bretagne-vivante.asso.fr/
(klikañ war “études et suivis,
chiroptères”) La
nature sous son toit, Hommes et bêtes : comment
cohabiter ? gant Jean-François Noblet,
embannet gant Delachaux et Niestlé. |
|
|
|
|
|
Da lod ac’hanomp e plij kaout un ti
kempenn ha bezañ sur omp an annezidi nemeto. Padal ez eus
kalzig a loened a glask bevañ tost ouzh an dud hag o zier,
e-giz logod dall zo. Alies-kaer avat e vez nec’het an dud :
aon zo dirak loened n’int ket gwall anavezet, dirak o
c’hac’hadennoù a c’hell
louzañ an traoù pe o cholori (ouzhpenn
ultrasoniadoù a vez graet gant al logod-dall). Met ma vez
adkempennet un nebeud traoù en ti e c’heller
profitañ eus ur c’henvenvañ spletus :
debret e vez kalz a amprevaned gant al logod-dall (1 milion hanter a
voustiked debret gant ur bagad 100 pipistrell bep miz !), tu zo da
zastum ar gwano a demzo douar ho jardin, plijadur a vez o sellet outo.
Ret eo lezel un tamm plas dezho evit se : lezel faoutoù er
murioù, stalafioù hep fiñval anezho,
pe c’hoazh un loch er grignol miret evito hepken. Dav eo
gouzout int loened gwarezet gant al lezenn forzh penaos.
|
|
|
|
|
|
Kejadenn
c'hoariva Roazhon |
|
|
|
Muntr er Vro-Vigoudenn a loc'ho an traoù e Ti Tachenn Veurzh dimerc'her. Savet diwar-benn un danevell gant Erwan Kervella, aozet ha leurennet eo bet gant ar strollad Barzhanoff. D'ar
Merc'her 19 e vo tro Strollad ar Vro Bagan da ginnig
Fest ar Pimoc'h skrivet gan
Tilly, e Ti Tachenn Veurzh.
Gant Strollad Pik Achu e vo klozet Kejadenn c'hoariva
Roazhon d'ar Merc'her 24 a viz Mae gant Brezhoneg
o c'hoarzhin ! e Ti Karter Keryann. Evit gouzout hiroc'h : 02 99 30 06 87. skeudenn@wanadoo.fr. http://skeudenn.ouestfrance.fr. |
|
|
|
|
|
|
|
|
|
|
|
Camille
Abily, gwellañ c'hoarierez vell-droad Frañs |
|
|
|
E
Montpelhièr emañ bremañ o
heuliañ studioù war ar Sport koulz hag o c'hoari
e skipailh ar gêr. E sizhun-mañ e krog ar
c'hrogadoù evit gellout mont da Sina evit Kib ar Bed, e
2007. E miz Gwengolo he do tro Camille Abily da welet en-dro ar vro
lec'h m'he doa kroget da skeiñ er vell. E Roazhon e c'hoario
he skipailh a-enep ar Saozezed. |
|
|
|
|
|
Disul da noz e oa bet prizioù
Unvaniezh vroadel ar velldroaderien a-vicher (UNFP) en Olympia, e
Pariz. E-touez al loreidi ur plac'h yaouank 21 bloaz, Camille Abily.
Anvet eo bet "Gwellañ c'hoarierez vell-droad ar bloaz". E
skipailh Montpellier-Hérault emañ
bremañ o c'hoari, met kroget he deus gant he sport
muiañ-karet e Breizh. Da c'hwec'h vloaz he doa graet
anaoudegezh gant ar vell-droad e Bruz, e-kichen Roazhon. Chom a raio e
skipailh Bruz betek he fevarzek vloaz ha mont a raio da Reuz (e-kichen
Roazhon ivez) ha Sant-Brieg, en ur glask, war ar memes tro, mont war-zu
ar vell-droad a-vicher.
|
|
|
|
|
|
V
for Vendetta (V pour Vendetta) |
|
|
|
Stadoù-Unanet
- 2005 Seveniñ
: James McTeigue
Goude
dipit bras Matrix E-touez
an azasadennoù comics a vez bannet ingal
war ar skrammoù eo V for Vendetta unan
eus ar re zedennusañ eta. N’eo ket fall e vefe an
heñvelreviadezh unan eus elfennoù
kreñv istor ur seurt film dudi stadunanat. Un elfenn
greñv met n’eo ket un elfenn greiz, chom a ra an
abeg-se disrannet eus ar peurrest eus an istor (dre youl an aozerien
?). Ar pezh a zegas tost un dislavar e diskoulm ar film... met ne
lavarimp ket muioc’h, deoc’h da welet.
G.L.
& M.V. Kement
ha gouzout muioc’h : http://vforvendetta.warnerbros.com/ |
|
|
|
|
|
21vet kantved e Londrez.
Emañ ar c’hañseller-meur Sutler e penn
ar vro. Ur vro wasket, suj, hep gwirioù, e-lec’h
ma vez toullbac’het, lazhet ha jahinet a-vil-vern. Evey a zo
ur Saozez voutin a glask disoñjal tonkad skrijus he familh.
Ur wech “savetaet” gant V, un den masklet kevrinus,
e kompren e rank stourm hag e c’hall ur bobl unanet
bezañ kreñvoc’h eget ur gouarnamant
sponter.
|
|
|
|
|
|
Gouel
an Erer Kozh 20- |
|
|
|
Evit
pezh a sell ouz ar sonerezh rock ez eus peadra da vezañ
laouen : Pixies (skeudenn), Dionysos,
Placebo, !!!, Madness, Hush
Puppies, Editors
pe c’hoazh The
Lords of Altamont. Evit
ar sonerezh elektro ez eo ar Sul da noz a dalvez ar boan : Soulwax
ha 2 Many DJ’s a ranker mont da welout. Arabat
disoñjal ivez The
Infadels, bet dizoloet er
bloaz-mañ gant o albom kentañ, bet bututellet
amañ un nebeud sizhunvezhioù’ zo.
Chañsoù zo e tegasfent un aergelc’h
plijus-tre gant o sonerezh elektro-punk. Evit pezh a sell ouzh
arzourien ar vro ho po tro da welout Orange
Blossom pe
c’hoazh Yann
Tiersen, e-touez ur bern re
all. 26
euro an nozvezh, 66 euro ar pass Gwener-Sul. R.M. Muioc’h a
ditouroù : http://www.vieillescharrues.asso.fr/festival/index.php |
|
|
|
|
|
Ma ! Setu, deuet eo er-maez programm an
Erer Kozh. An holl a oar dija piv a zeuy da Gerampuilh d’ar
Yaou 20, setu kenkoulz eo lakaat ar gaoz war ar peurrest eus ar gouel.
Evel boaz e vo leurennoù disheñvel gouestlet da
seurtoù sonerezh disheñvel.
|
|
|
|
|
|
An
tarv ( |
|
|
|
Gallout
a rafe ar bloavezh-mañ sikour ac’hanoc’h
da welet sklaeroc’h ennoc’h hoc’h-unan.
Pinvidikaet e vo ho kouiziegezhioù war meur a
dachenn : lennit, kit da welet
pezhioù-c’hoari, prezegennoù !
Kreñvaet e vo ho personelezh dre an deskiñ. An
hanterenn gentañ eus ar bloavezh a vo diaes evit ar
c’houbladoù. Poan ho po d’en em glevet
gant an hini a vev ganeoc’h. Bezit pasianted ! Na
stlapit ket an nor re vuan, pe keuz ho pefe goude. Diouzh o zu, ar re
zieub o do poan oc’h ezteurel o santimantoù.
Dizemglev a c’hellfe bezañ, ha kevezerezh ivez.
Evit ar c’houbladoù, en eil lodenn eus ar
bloavezh, e tremeno ar garantez goude kudennoù all. Diwallit
da lakaat ho puhez kalon da dremen goude pep tra memestra. Ar re all a
c’hellfe kejañ gant un den a-bouez. Met arabat e
vo mont re vuan ganti ! War tachenn al labour e vo mat-kenañ lodenn gentañ 2006. Sirius ha kempenn, gounit a reoc’h fiziañs ar re all. An eil lodenn eus ar bloavezh a vo diaesoc’h, rak dizampart e c’hellfec’h bezañ a-frapadoù. Klaskit chom poellek ha tremen a raio ar prantad diaes-mañ hep re a dregasoù. |
|
|
|
|
|
M’ho
pez c’hoant da gemer perzh en ur stourm sokial pe bolitikel,
e vo ar bloavezh mat evit kregiñ e-barzh. Ne vo ket anv da
zont da vezañ prezidant un emsav ekologel eus an eil devezh
d’egile ! Met dont a reoc’h a-benn da
sikour ho kumuniezh ha degas a raio plijadur vras deoc’h.